SUFFISAMMENT

adverbe

[T-L : sofiresofisanment ; GD : soufisalment, soufisement ; GDC : soufisantment ; FEW (XII, 404a) : sufficere ; TLF (XV, 1061a) : suffisamment]

A. -De manière suffisante.

Après ces mos s'est Pais levée Et dist, comme bien avisée : 'Guillaume, assez souffissanment, Selonc le vostre entendement, Avez vostre propos baillié ; Mais vous l'avez trop court taillié Pour avoir droit pour vous si tost ; Car uns autres poins le vous tost...' (Mach., J. R. Nav., 1349, 208)

Car, aprés la foy catholique, en quoy il est souffisanment instruit, et de laquelle il est soubz Dieu, aprés le pape, principal deffenseur, il ne pourroit meilleurs choses savoir ne plus profitables pour lui et pour son royaume, et aveques ce pour le salu de l'ame. (Oresme, E.A., c.1370, 98)

Mais les amis qui sont l'un indigent et plus povre que son ami et l'autre moins bon que le sien, il argüent au contraire et dient que il appartient a ami qui est bon et excellent que il pourvoie souffisanment a ses petis amis qui en ont mestier. (Oresme, E.A., c.1370, 450)

LE MARQUIS. Griseldis, suis je mal meüz ? Que te semble de ma nouvelle Espousee ? Est elle pas belle Et honneste souffisanment ? (Gris., 1395, 93)

Fabius Maximus, doubtant que ses gens ne se combatissent pas bien souffissamment, pour la fiance des logis fors que ilz avoient, les fist ardoir ainchoiz qu'ilz se combattissent. (La Sale, Salade, c.1442-1444, 55)

Et finablement, veu par la court de Parlement lesdictes charges et informacions sur ce faictes et sa confession prinse, par arrest et jugement diffinitif d'icelle fut dit et prononcé que lesdictes charges, par ledit Colombel imposées à sadicte femme, estoient souffisamment prouvées ; pour quoy fut declairé par ledit arrest privée de toute communaulté de biens et douaire avec sondit mary. (Roye, Chron. scand., I, 1460-1483, 157)

ABBÉ. Frere Martin, vostre commandement Soit sur cecy de tous poincts acomply ; Savoir pouez s'il est suffisamment Pour la porter de grans vertus remply. SAINCT MARTIN. Il me semble qu'il a ja pris ung ply, A le voir la, qui jamais ne fauldra. (La Vigne, S.M., 1496, 371)

...et ausdittes parties fut assigné journée à comparoir pardevant le roy, en la ville de Paris, en la place de Greve, armées et garnies suffisanment pour faire leursdittes armes, au XXVIe jour du moys de decembre oudit an mil IIIIcLXXV. (Le Clerc, Interp. Roye, c.1502, 354)

Comme il convient, bien à propos, en bonne et due forme.

Et pour ce, en une policie ceste chose est plus legierement dicte et non souffisanment (Oresme, Pol. Arist. M., c.1372-1374, 171)

Si les festia li dus assés souffissamment, car bien le savoit faire (Froiss., Chron. L., I, c.1375-1400, 124)

Cil procet et ces parolles estoient consilliet secretement et examiné souffissamment en le cambre dou duch de Normendie (Froiss., Chron. L., VI, c.1375-1400, 3)

C'estoit moult belle cose à veoir et à considerer, car on y veoit banières, pennons, parés et armoiiés de tous costés moult richement. Et par especial li François estoient si souffissament et si faiticement que c'estoit un grans deduis dou regarder (Froiss., Chron. L., VI, c.1375-1400, 157)

Le duc ne refroida pas de sa parolle, mais mist clers en oeuvre et envoya devers ceulx desquelx il pensoit estre servis et aydiez. Les ungs pryoit et les aultres mandoit, et envoya souffisaument deffier le duc [de] Jullers et tous ceulx qui de sa aléance estoient. (Froiss., Chron. M., XIV, c.1375-1400, 162)

...le duc de Braibant estoit son frere, et ... l'empereur l'avoit institué souffissaulment à estre son vicaire et regart souverain et gardien de la Langue-Fride. (Froiss., Chron. M., XIV, c.1375-1400, 166)

...quar il convient que ceulz qui enquierent la verité jugent souffisanment et non pas comme anemis et adversaires des oppinions contraires. (Oresme, C.M., c.1377, 178)

...qant il furent venu, on les mist ensamble. Et la fu li rois presens et fist compter par .I. sien chevalier tous les fais a messire Rogier de Mortemer, qui sus lui estoient prouvé soufissanment. (Froiss., Chron. D., p.1400, 185)

...defaut est octroyé audit messire Henry contre ledit Mercier, adjourné à hui, suffisamment appellé par Guillaume Tascher, huissier de ceans (Baye, II, 1411-1417, 62)

Et se l'en dit que desjà IIJ cardinaulx ont fait sur icelle leur jugement et donné leur sentence, à ce respont que ce a esté, partie non appellée suffisamment, ne son procureur (Baye, II, 1411-1417, 262)

Et mesmement ne pourroit le roy exhereder son filx sans cause juste, saincte et raisonnable, et sans le appeler ; et faudroyt que se fust en la presence des troys estatz du royaulme, luy tenant lit de justice, et les XII pers presens ou au moins souffisanment appellés (Juv. Urs., Aud. celi, 1435, 188)

Et firent pluseurs autres grans, enormes et terribles excés, pour lesquelles causes lesdis Edouart et prince furent appellés souffisement a comparoir en la presence du roy en son lit de justice, lesquelz n'y vouldrent venir, et furent tenus et reputés contumax (Juv. Urs., Aud. celi, 1435, 214)

B. -En quantité suffisante, assez.

Il est temps de prendre congié, Car beu avons et mengié Souffisamment. (Mir. st Alexis, 1382, 285)

...toutes et quantes foiz que je ne serois pas souffisaument paiés sur lesdictes amendes (Baye, I, 1400-1410, 176)

...pour pourveoir au bon gouvernement et à la police de ladicte ville de Paris et pour fournir et garnir, ou faire garnir ycelle Ville souffisaument de vivres à pris competent et raisonnable. (Fauq., I, 1417-1420, 204)

Apprès eulx, ung mareschal ou aultre vaillant homme conduissant une esquiere de bonnes gens, ou ait du trait souffissanment pour le secours des descouvreurs, s'il est besoing. (La Sale, Salade, c.1442-1444, 235)

...[elle] mettoit tresgrand peine du peu de sens qu'elle avoit de souffisanment mercier monseigneur. (C.n.n., c.1456-1467, 40)

...il n'est pas en moy de vous en savoir seulement et suffisamment mercier. (C.n.n., c.1456-1467, 168)

...ilz avoient suffisanment tout ce qu'on saroit demander par raison en ung couvent de mandians. (C.n.n., c.1456-1467, 215)

C. -Par extension. [Marquant un simple renforcement] Assez, bien.

Cedit jour, monseigneur Loiz de France, ainsné filz du Roy nostre Sire, Dauphin de Viennoiz et duc de Guienne, moru de l'aage de vint ans ou environ, bel de visaige, suffisamment grant et gros de corps, pesans et tardif, et po agile (Baye, II, 1411-1417, 231)

Moult/tres suffisamment

De riens ne me va anoiant Ce qui est fait de nostre plait, Mais moult souffissanment me plait, Et bien m'en vueil passer atant. Sires juges, jugiez atant Que sentence sera rendue. (Mach., J. R. Nav., 1349, 253)

Quanqu'il a sous la couverture Li apparans de sa figure, Si comme, en sa fisonomie, Li bien de toute courtoisie Trés souffissanment y apperent, Dont ses damoiselles se perent. (Mach., J. R. Nav., 1349, 280)