SPECULER

verbe

[T-L (renvoi) : speculer ; GD : especuler ; GDC : speculer ; FEW (XII, 161a) : speculari ; TLF (XV, 863a) : spéculer]

I. -Observer.

Remarque : MOLINET, Faictz Dictz D., 1467-1506, gloss.

ASTR. Effectuer une observation astronomique.

Adoncques feront tous les trois Roix maniere de speculer en quelque spere ou astralabe, regardant au ciel. (Myst. Pass. Troyes B., a.1482, 246)

Speculer le ciel. Observer le ciel en astronome.

Recab, grant phillosophe et astrologien tenu par toute Grece, fut en ce temps homme aussi de grande religion et sainte vie, lequel tant specula le ciel, qu'il trouva aucunes lettres pour les Grecz, ou grant alphabe celeste, escript ou zodiac et hors icellui (Simon De Phares, Astrol., c.1494-1498, f° 31 v°)

...se mist à speculler le ciel moult longuement, disant : 'Nepveu, il resne telle constellacion à ceste heure, que si ung subject ou serviteur tuoit à ceste heure son seigneur ou son maistre, il perviendroit à moult grans biens et à grande lignée'. (Simon De Phares, Astrol., c.1494-1498, f° 115 v°)

II. -Réfléchir, méditer, se livrer à la spéculation.

A. -Emploi transitif. Speculer qqc. Réfléchir à qqc., méditer qqc., chercher à pénétrer qqc..

Et par aventure, speculer et cognoistre la multitude et congregacion des loys mises et de diverses policies passees ou presentes, et de teles loys et policies bien jugier lesquelles sont bonnes ou non bonnes, ou lesquelles sont convenables et expedientes pour telles gens ou pour telz, - ces choses seroient bien proffitables pour mectre loys. (Oresme, E.A., c.1370, 539)

...autres, de leur propre inclinacion, se ingenierent à speculer les ars de plusieurs sciences (Chr. Piz., Faits meurs Ch. V, S., I, 1404, 114)

Se tu ne scés speculer ou contempler les choses haultez et celestiennes, repose toy en la passion de Jhesucrist et habite voulentiers en ses saintes playes. (Internele consol. P., 1447, 6)

Car se tu refuses a toy consoler par dehors, tu porras les choses celestiennes speculer et souvent toy resjoïr par dedens (Internele consol. P., 1447, 9)

Mais il y a distance incomparable de ce que pensent les imparfais et de ce que speculent les hommes enluminés par revelacion supernele. (Internele consol. P., 1447, 259)

O qui est celuy ou celle qui dignement contemplera toutes ces choses deuant dictes qui tant sont dignes, tant sont hautes, celestielles et diuines : ce sont les choses qui font exceder lame et yssir hors de soy mesmes par feruent amour de Dieu du quel on specule la grant excellence en bonte, en sapience et en puissance (Cib., p.1451, 190)

Remarque : JEAN D'ARKEL, Ars d'Amour, c.1350, ds GD III, 518c (en regardant, avisant etespeculantcele science).

B. -Speculer à/sur qqc. Réfléchir à qqc. (en partic. à la suite d'une observation astronomique).

...puis après, par la cognoiscence manifeste d'icelles, en procedant plus oultre, ilz pristrent à speculer sus plus occultes choses, si comme des passions de la lune, comme sont eclipses, et que elle est enluminée plus une fois que aultre, des choses acheans au soleil et aux estoilles, comme sont diverses apparences qui avienent en elles, si comme cercles, halo, queues, ou icelles besoignes (Chr. Piz., Faits meurs Ch. V, S., II, 1404, 170)

Abel et Seth furent après Adam et n'est de demander s'ilz furent point esmerveillez, quant ilz virent tourner si très velocieusement les cieux en ceste grande machine celeste (...) et se ilz y speculerent longuement et par maintes nuiz pour en avoir la pratique (Simon De Phares, Astrol., c.1494-1498, f° 11 v°)

Aucuns dient qu'il trouva logique en la roche du mont Caucasi, ainsi qu'il estudioit et speculloit aux astres. (Simon De Phares, Astrol., c.1494-1498, f° 49 r°)

Speculer + interr. indir. Réfléchir à la manière dont....

Or convient speculer et considerer en quele maniere et par queles choses ceci sera fait. (Oresme, Pol. Arist. M., c.1372-1374, 330)

C. -Emploi absolu. Se livrer à la réflexion, à la méditation, à la spéculation.

Mes le sage selon la vertu de sapience puet tout par soy speculer, et tant est plus sage et il le puet mieulx faire. Mais par aventure mieulx est que il ait aucuns qui speculent avecques luy. (Oresme, E.A., c.1370, 520)

Et pour ce que entendre et speculer est la propre operacion de entendement, ileques est vraie delectacion et naturele. (Oresme, E.A.C., c.1370, 410)

Si suis esmeu par humble courtoisie D'aler veiller en noble compaignye Dessus Oreb, l'exellente montaigne, Pour mieulx cognoistre par art d'astrologie, Et speculer en ma philosophie Pour en trouver la seure et vraye enseigne. (Myst. Pass. Troyes B., a.1482, 225)