SOURD

adjectif et substantif

[T-L : sort2 ; GDC : sourt ; DECT : sort2 ; FEW (XII, 452a) : surdus ; TLF (XV, 778b) : sourd]

A. -[D'une pers. (des oreilles)]

1.Qui entend mal ou qui n'entend pas du tout.

Pas si sourt ne suis que bien n'oye Ce qu'entre vous deux avez dit. (Mir. ev. arced., c.1341, 127)

Quant sa gent einsi le veïrent, Isnelement avant saillirent, Dont chascuns forment l'agrapa ; Mais par force leur eschapa. Aval la ville s'en fuï ; Il devint sours et amuï ; Car dès lors qu'il parti de la, Ainc puis de bouche ne parla Parole qu'entendre peüst Homs vivans, tant le congneüst (Mach., J. R. Nav., 1349, 215)

Vous pouvez oïr leurs tabours : Qui ne les oit, il est bien sours. Et jà sont descendus aval Pluseurs à piet et à cheval ; Et li autre gardent le pas Pour ytant qu'il ne vuelent pas Que nuls puisse monter amont. (Mach., P. Alex., p.1369, 151)

Et se les estoilles estoient meues par elles en la multitude ou parmi la multitude de l'aer qui est espandu partout lasus ou du feu, si comme touz dient qui ne mettent le ciel d'autre nature que les elemens, il convendroit par neccessité que elles feissent son qui passast la force et la grandeur naturelle de tout autre son. Et se ainsi estoit, il convendroit que ce son attainist siques ici et que il destruisist tout et nous feist tous sourz. (Oresme, C.M., c.1377, 474)

...une bonne femme sourde, encienne et de petit gouvernement (Chartes Abb. St-Magl. T.F., t.3, 1388, 574)

Et quant le roy des Bretons appercoit que nulz ne respond mot a celle querelle, si a dit tout hault : Jossellin, Jossellin, estes vous sours ? Je voy bien que le proverbe que on dit est vray, que vieux pechié fait la vergoingne nouvelle. Cil chevalier estrange vous porte une moult estrange medicine. Advisez vous de respondre, car il vous est bien besoing. (Arras, c.1392-1393, 59)

Gens aveuglez, gens sourdz, mutz, insensibles... (Meschin., Lun. princes M.-G., c.1461-1465, 2)

Quant ung cerveau est refroidé Les humeurs a cop s'en descendent Tant que les oyes sourdes rendent. (Exc., Science A.R., c.1465-1468, 44)

MATHATIEL. Tout est en point. Estes vous sourt, bon gre ma vie ? Ne congnois en nostre juifrie Si terrible homme que vous estes. (Mir. st Nic. juif, c.1480-1500, 82)

Sourd comme une busche

...mais sourd comme une buche Suis devenu (Meschin., Lun. princes M.-G., c.1461-1465, 14)

Emploi substantival. Celui qui entend mal ou qui n'entend pas du tout.

En quele lu les contraitz furent redressez, les vougles ressurent lour veue, et les sourdes le oye (Chron. London A., c.1350, 46)

Aucune fois [les miracles se font] en choses sensibles, comme en l'asne de Balaam, qui parla. Aucune fois en creature raisonnable, comme en faisant ambuler et aler droit les boisteux, ouir les sours, susciter les mors et l'enfantement de la vierge Marie. (Somme abr., c.1477-1481, 163)

LE JUIF. (...) Ce Nicolas si fait merveilles. (...) Aux sours il refait les oreilles, Contrefaictz il fait droit aller, Aveugles veoir cler, Parler les muetz, Tous maulx met au cler. Qui luy fait regretz, Autant loings que pres, Donne ces soulas. (Mir. st Nic. juif, c.1480-1500, 79)

Sourd et muet

Et cilz qui ne l'oit ne entent, ne lui respond mot. Et celle, comme courroucie, lui redist autre foiz : Comment, dist-elle, sire musars, estes vous si despiteux que vous ne me daigniez respondre ? Et cilz ne lui respond mot : Par foy, dist-elle, je croy que cilz jeunes homs dort sur son cheval, ou il est sours et muet. Mais je croy que je le feray ja parler, se il oncques parla nul jour. (Arras, c.1392-1393, 24)

Entre les aultres il y avoit ung malade de .XXIIII. ans et troys moys qui estoit aveugle, sourd et muts (Bagnyon, Hist. Charlem. K., c.1465-1470, 25)

Maistre, mon filz, Qui est demoniacle, sourt et muet, Tes disciples par leur soet N'ont peu guarir a ma requeste. (Pass. Auv., 1477, 162)

Emploi substantival.

Tiercement note que sourd de nature sont mueaux, car parolle est en nous par acquisicion et pour ce dit on que l'oye, c'est la porte de l'entendement (Gordon, Prat., c.1450-1500, III, 9)

Le pere du sourt et muet demoniacle. (Pass. Auv., 1477, 157)

Le muet sourt demoniacle. (Pass. Auv., 1477, 158)

Remarque : Réf. à la guérison miraculeuse par Jésus d'un enfant sourd-muet possédé par le démon (Marc 9, 14-29).

Proverbe. À un sourd ne faut point deux messes. Voir messe

2.Qui ne veut pas entendre.

J'ay alheurs paraboles mis, Lesqueulx voyans aveugles sont, Et en ouyant sourtz deviendront. [Réf. à Luc 8, 10] (Pass. Auv., 1477, 137)

Qui mieulx entent est le plus sourd. (Rapp., c.1480, 68)

Avoir les oreilles sourdes. Se comporter comme une personne qui est sourde.

Sire, m'avés vous entendu ? Vous ai je bien raison rendu Dou corbel et de la corneille ? Se Dieus me gart, trop me merveille Comment vous creés teles bourdes. Avoir devez oreilles sourdes Envers tous ceulz qui vous raportent Teles paroles et enhortent ; Et c'est pechié contre noblesce De croire chose qui tant blesce, Qu'on en pert l'onneur et la vie Et l'amour de sa douce amie. Se vous les volés croire ainsi, Vo dame occirrés de soussy ; Et puis vous en repentirés Et cent fois encor maudirés La journee et ceulz qui le dirent Et les oreilles qui l'oïrent, Le lieu, le damage et la perte Qu'evident sera et apperte (Mach., Voir, 1364, 706)

Faire la sourde oreille. Ne pas vouloir écouter ou faire ce qu'on demande.

...et toutesfoiz il sembla que le monde et par espicial les crestiens catholiques, facent la sourde oreille et soyent ennuyez de blanc pain. (Mézières, Songe vieil pèl. C., t.1, c.1386-1389, 97)

Mais tantost comme il [le Saint-Esprit] y quiert entrer, que fait Obeissance ? Elle fait la sourde oreille a la vois du Saint Esperit, ou elle est si endormie qu'elle n'oït goute (Gers., Pent., p.1389, 76)

...ceulz ne monstrent que iceulz ayent grant cure ou memoire de leurs amis ne de leur delivrance, qui leur font aynsi la sourde oreille, qui leur tournent le dos de la pensee comme s'ilz les contredaignassent. (Gers., Déf., 1400, 226)

...à toutes celles remonstrances faisoient comme la sourde oreille (Monstrelet, Chron. D.-A., t.5, c.1444-1453, 254)

Faire le sourd. Faire semblant de ne pas entendre.

SATHAN. (...) Si te pri que sanz attendue Ne vueilles plus cy demourer, Mais avec moy sanz sejourner, Filz, t'en retournes. BEELZEBUZ. Fait il le sourt, ou il est mournes ? (Mir. st Guill., c.1347, 44)

Madame, pour le veoir clerement viz a viz ne voult pas estre la plus courtoise, mais en fist le sourt. (La Sale, J.S., 1456, 140)

Et, dea, voicy trop bon [l]ourdin ; Il fait le sourt. Et, vien ça, dy : Ne te vis je pas ou jardin Avec luy quant il fut saisy ? (Myst. Pass. Troyes B., a.1482, 732)

...parquoy comme gens estonnez et surpris pour chose qu'on sceust dire ne faire, parler ne voulurent, mais firent les sours, tellement qu'il convint rompre les portes de la dicte tour, et entra on dedens par force ; au moyen de quoy les ditz paillars furent tous tuez, et par leur faulte. (La Vigne, V.N., p.1495, 293)

De par le conseil de la Court Escoutez sans faire le sourt (Myst. st Martin K., a.1500, 210)

Faire le sourd des oreilles

...le dit duc cria aprés le roy pour esre delivrez de ce peril (...). Mais le roy (...) fist le sourd des oreilles (Froiss., Chron. [Livre IV] V., c.1400, 711)

Faire le sourd à qqn. Refuser de se laisser convaincre par qqn.

Y aller [à Orléans] n'est pas peu de chose, S'i nous veullent faire le sourt, Y pourroit avoir du secour(s) Qui nous donneroit resistence. (Myst. siège Orléans H., c.1480-1500, 126)

Elle est venue a Baudricourt, Capitaine de Vaucouleur, Et plusieurs foiz luy fist le sourt, Cuidant luy oster son erreur (Myst. siège Orléans H., c.1480-1500, 373)

Avoir qqn à sourd. Faire la sourde oreille à qqn.

Esse che que tu as songié, Que de m'avoir ainsi assours [l. a s(s)ours, à sours] ? (...) On doibt bien tel homme aloser Qui dort et fait la sour[de] orielle Quand son proffict l'en lui conseille [!] (Bien avisé Mal avisé B., c.1487-1490 [1396], 58)

3.Au figuré. Qui ignore, qui veut ignorer qqc..

...c'est le malveis coer de moy, q'est sours et recetterez de touz les mals de mounde (Henri Lanc., Seyntz medicines A., 1354, 222)

Trop est sourde l'ame qui ne s'esveille a tel tonnoirre, a tel son d'en hault qui esmuet tout le lieu ou nous sommes sa jus. (Gers., Pent., p.1389, 79)

...faictes mectre en sourde ouibliance toute plaisance passée (Robertet, Oeuvres Z., c.1450-1500, 150)

Par sourde oreille. En ignorant qqc..

Il te convient aussi passer moult de choses par sourde oreille et que tu penses plus a ce qui touche ta paix. (Internele consol. P., 1447, 195)

Sourd à

Car pour verité, dist il, celui silence si obstiné et les ieux enclinez en terre et les oreilles sourdes a touz soulas et la vergoingne de regarder la lumiere sont demonstrances et signes d'un grans fais de menaces qui ist et sourt de tres parfont courage. (Bers., I, 9, c.1354-1359, 7.3, 11)

Ne pas estre sourd de + inf. Ne pas manquer de.

SAINCT MARTIN. Mon povre cueur vers vous acourt Pour mon cas au long vous compter. SAINCT HILLAIRE. Dictes donct ; pas ne seray sourt, Mon amy, de vous escouter. (La Vigne, S.M., 1496, 258)

B. -[D'une chose]

1.Dont le bruit est étouffé, qui s'entend peu.

[De la mer] Au bruit étouffé.

[Polyphème à Galatée] Plus crueus d'ourse faonnee ; Plus desloial d'isdre foulee, Et plus tourble de sourde mer Se tu ne me daignes amer (Mach., Voir, 1364, 632)

[D'un instrument de musique] Qui émet un son assourdi, n'ayant que peu de résonance.

Silete d'instrumens sours ou secret. (Myst. Pass. Troyes B., a.1482, 215)

[D'un outil] Qui ne fait que peu de bruit quand on s'en sert.

Il me semble que, quant nous nous yrons mettre ou fumyer, qu'il sera bon que je y aille avec une lyme sourde, qui soit emmanchée de plomb, pour sayer ceste barrière. (Bueil, I, 1461-1466, 131)

...mais l'oppinion dudit bastard et de Harmes estoit qu'il failloit avoir des lymes sourdes pour lymer cinq ou six barreaulx du treilliz de fer d'une fenestre. (Le Clerc, Interp. Roye, c.1502, 168)

Remarque : MONDEVILLE ds TLF (tenaillessourdes).

[P. compar. ou p. métaph.] Lime sourde

La veez vous la, la lyme sourde, Qui pense plus qu'elle ne dit ? (CH. D'ORLÉANS, Rond. C., 1443-1460, 374)

Ancores ont telz faulz conseilliers ces qualitez par lesqueles on les peut facilement congnoistre que ilz sont, en leurs faiz, couvers, caulz et malicieux, taciturnes comme une lime sourde, haultains et enflez d'orgeul, sans equité et sans pité. (Fillastre, Traité Conseil H., c.1472-1473, 160)

Coup sourd. Coup qui s'entend peu, qui est donné d'estoc.

...et luy baillèrent plusieurs coups orbes et sourds (Chart. J., Chron. Ch. VII, V., t.3, c.1437-1464, 123)

2.Au figuré. Qui ne se manifeste pas ouvertement.

Et manda de recief gens en Brabant, Flandres, Haynnaut, Picardie, Namur et par tous ses pays, et fut adverty que, par l'ayde du Roy de France, qui tousjours luy faisoit sourde guerre, le duc de Loraine estoit rentré en son pays de Loraine et avoit legierement reconcquis tout le pays (La Marche, Mém., I, c.1470, 141)

3.MÉDECINE Qui ne se manifeste pas par un écoulement.

En corps qui avoient egestions de fiel, et sourdece vient aprez, tel flux cesse ; et se aucuns corps sont sours, et que telles agestions survienent, telle sourdece si faut et cesse. (Saint-gille, A.Y., 1362-1365, 74)

Hemorroïdes sourdes et aveugles. Hémorroïdes sans écoulement.

...aprez les unes apperent dehors, et les autres non (lees), les unes sont sourdes, qui ne gectent riens, et les autres gectent (Saint-gille, Comment. A.Y. L., 1362-1365, 162)

...et toutevoiz il a esté devant dit en exposant l'amphorisme, car il est aucunes emorrides sourdes et adveugles dont il ne court neant ; pourquoy il semble que Gallien faille. (Saint-gille, Comment. A.Y. L., 1362-1365, 163)

C. -MATHÉMATIQUES Proportion sourde. Proportion qui est fondée sur un nombre irrationnel.

...si comme il appert en geometrie des proporcions qui sont entre choses incommensurables, et sont appelees irracioneles ou sourdes. (Oresme, E.A.C., c.1370, 285)

Et pour ce est elle appellee aussi proporcion sourde et irraisonable, et aussi sont generalment toutes celles qui ne pevent estre trouvees entre quelconques nombres, pour ce que nul quelconques nombre ne nulle quantité commune a toutes deux ne les peut mesurer precisement. (Evr. Conty, Eschez amour. mor. G.-T.R., c.1400, 185-186)

Finablement, on trouvera qu'il est tousdiz ainsy, en toutes autres figures regulieres et semblables ensamble et en toutes proporcions aussi, soient sourdes ou non, maiz j'ay mis mon exemple en la figure quaree et en la cubique, et en proporcion aussi tres raisonable, pour mielx la chose entendre. (Evr. Conty, Eschez amour. mor. G.-T.R., c.1400, 187)

Remarque : FEW XII, 453a : «Nfr. sourd 'irrationnel, incommensurable (nombre, etc.)' (Cotgr 1611 - Besch 1858)».