SOUILLARD

adjectif et substantif masculin

[T-L : soillart ; GD : souillart1, souillart2, souillart3 ; FEW (XII, 62a) : solium ; TLF (XV, 747a) : souillard]

I. -Substantif.

A. -Valet de cuisine (malpropre) ; souillon (comme terme de mépris).

Et telz l'en seult appeller vilains natifs. Et aucuns funt tele oevre contre leur inclination par malvese acoustumance et par leur misere ou par leur infortune. Et tous sunt aussi comme ceulz que nous appellons soillars ou paillars ou vilains. (Oresme, Pol. Arist. M., c.1372-1374, 370)

Pierre, tu es ou fol ou yvre, Qui aimes miex a soulart estre Povre qu'en bon estat toy mettre Et honnorable. (Mir. Pierre Changeur, c.1378, 283)

Sur toute riens moult fort menassoyent le desloyal tirant Pechié, disant que ce chetif et maleureux et souillart mal y vouldroit venir, et que riens ne se prisoyent se devant elles ou aprés en son logis y entroit. (Gers., Concept., 1401, 406)

De teulz souillars la mocquerie Ne vous doit de riens retarder, Car mal que nulz d'eulx de vous die Ne fait se non vous avancer. (Chart., D. Her., p.1415, 424)

Tallebot, or, vilain paillart, Menteux et remply de laidure, Deshonneste comme ung soillart, Et dont de toy n'ysist que ordure, Ton ort parler et ton injure Te tournera en desarroy, Et congnoistras ta forfaiture (Myst. siège Orléans H., c.1480-1500, 437)

...A manger du vieil lart, Comme ung soillart (Saint-gelais, Séj. honn. D., c.1490-1495, 128)

Auant souillars et cuysiniers Chauffetiers et paltoquiers Chacun face son deuoir Si soupperons deuers le soir Et aussi disnerons matin Trestous pour lamour de martin Frere de madame de ceans. (Myst. st Martin K., a.1500, 163)

Remarque : Guill. Orange T.H.G., p.1450, gloss. Doc.1331 (solhart) et 1356 (soillars), cf. TLF. Comme nom ou surnom

Et toy, Galart, le coqueneaul, A ce faire ne faille mie, Ne toy, Galopin de rotie, Aussi toy, Soillart, l'endormis ; Gardez que n'y soyés remis. (Myst. st Adr. P., c.1450-1485, 72)

B. -Souille des pourceaux.

Remarque : Doc.1497 (Abbev., sewart) ds GD VII, 508c.

II. -Emploi adjectival. Malpropre, souillon.

Remarque : J. Orr, Rom. Philol. 19, 1965, 377 (à propos de MICHEL, Myst. Pass. J., 1486, 10973).

Au figuré. Plein de souillure.

[Cy parle de l'atouchement] Mais ce souillart Atouchement Tel est que de lui bouche ment A la fois pour honte et paour Que il prent de sa puantour. Toutesfois fault, comment qu'il aille, Que tous ses faits a prestre baille, Se fait a par abusion D'autre ou de soy pollucion (Coeur sens M., a.1433, 84)