SORTE

substantif féminin

[T-L : sorte2 ; GD : sorte ; GDC : sorte ; FEW (XII, 122a-b) : sors ; TLF (XV, 700a) : sorte]

A. -[Idée de rapprochement entre les choses, de ressemblance]

1.Genre, espèce, type.

a)[À propos de pers.]

Richece y vint, qui merveilleuse Gent ot o soy de pluseurs sortes, Car biaux et lais, bocus et tortes Et gent d'eglise grant foison Amena la devant Raison, Marcheans, marcheandes a grans tas Et gens de trestous les estas. (Chr. Piz., Chem. estude P., 1402-1403, 121)

...y avoit gens de toutes sortes et grand foison. (C.n.n., c.1456-1467, 548)

Et tandis que l'on disoit vespres et le service, pour ce que à celle heure je ne veoye plus riens qui fust à enquerir, je m'en allay avecques aultres de ma sorte pourmener parmy l'eglise, qui fut plaine de gens et de grant peuple (La Marche, Mém., II, c.1470, 89)

Mais ledict de Contay estoit comme homme sans pacience d'avoir ouy telle sorte de gens ainsi se mocquer de son maistre et veü encores les traictéz qu'il menoit avecques luy (Comm., II, 1489-1491, 52)

...et n'y entroit nul que par le guychet et que ce ne fust du sceü du roy, excepté quelque maistre d'hostel et gens de ceste sorte qui n'alloyent point devers luy. (Comm., II, 1489-1491, 323)

De la sorte. De la même espèce.

Vecy ung hermite sauvaige, En vistes vous onc(ques) de la sorte ? (Sots gard., a.1488, 101)

Péjoratif. Espèce, engeance.

Dieux doint mal jour a ce faux pappe Et a toute sa fausse sorte ! (Jour Jug. R., c.1380-1400, 236)

b)[À propos de choses]

Mais richesse et honneur emporte Et tous biens qui sunt de tel sorte Com siens propres, ou nuls ne part, Se sa grace ne l'en repart ; Si ne t'en deüsses pas pleindre. (Mach., R. Fort., c.1341, 98)

En Inde entrasmes la majour, Alant vers orient tousjour, Vi la vigne qui el poivre porte Ou il en a de mainte sorte. (Chr. Piz., Chem. estude P., 1402-1403, 61)

Lesquelles housseures estoient de diverses sortes et façons, et estoient les unes d'icelles de fin drap d'or fourrées de martres sebelines, les autres de veloux, de pennes d'ermines, de drap de damas, d'orfaverie, et chargées de grosses campanes d'argent blanches et dorées, qui avoient cousté moult grant finance. (Roye, Chron. scand., I, 1460-1483, 26)

Il estoit suyvy de trois chevaulx couvertz de soye et d'orfavrerie de diverse sorte, et dont je n'ay pas bien souvenance. (La Marche, Mém., II, c.1470, 76)

...et es jours precedens il envoya maistre Jehan du Boysfontaynes et le maistre d'ostel de Bresse pour mettre les biens qui estoyent au Chasteau Nove par inventoire, car moult en y avoit de toutes sortes. Tout premierement il y avoit grant nombre de blez, tant fromens, orges, mil, blave, pois, febves que autres grains a vivre : plus y avoit grant nombre de vins de toutes sortes comme vin grec, vin bastard, vin de Grenade, vin latin, vin de Saint Sevrin que vinaigre en grant nombre. (La Vigne, V.N., p.1495, 262)

Estre d'une sorte. Être de la même espèce.

Vilain cuer et bouche courtoise Ne sont mie bien d'une sorte, Mais Faintise tost les accoyse, Qui par malice les assorte. (Chart., B. Dame, 1424, 344)

2.Par extension.

a)Nature, qualité.

Nature, qualité morale (précisée par un adj.).

Et s'il avient que son anemi teingne A son dessous, Nature li enseingne Et ses bons cuers que pité li en prengne. C'est noble sorte, Car Prouesse partout s'espée porte, Hardiesse le conduit et enorte, Et Largesse si li ouevre la porte De tous les cuers. (Mach., J. R. Beh., c.1340, 107)

De + adj. + sorte

Et je qui fui boutez dedens le brueil Vi qu'a ce mot la dame au dous acueil Cheï com morte. Mais cils qui fu de noble et gentil sorte Souventes fois li deprie et enorte Moult doucement qu'elle se reconforte ; Mais riens ne vaut, Car la dame que grief doleur assaut Pour son ami sent un si dur assaut Qu'en li vigour et aleinne deffaut. (Mach., J. R. Beh., c.1340, 65)

Ou monde n'a chose tant forte Comme sont gent de loyal sorte Vers leur seigneur, c'est un trespas Qu'ennemis ne passeront pas, Car c'est mur trop fort a percier, Nul ne le pourroit despecier. (Chr. Piz., M.F., I, 1400-1403, 142)

Jehan Chasteaudreux, seigneur de bonne sorte, Et puis Hervé du Chesnoy, qui main forte Comme prevost de l'ostel tint a Romme. (La Vigne, V.N., p.1495, 152)

[Le groupeen adj. + sorte est l'équivalent de l'adv. formé à partir de l'adj.] De/en telle sorte

...et aussi en parla audict duc en saige sorte, disant que, s'il avoit plus affaire de luy, qu'il ne l'espargnast point, mais, s'il n'y avoit riens à faire, qu'il desiroit aller à Paris faire publier leur appoinctement en la cour de parlement (Comm., I, 1489-1491, 163)

Personnes de sorte. Personnes de valeur, compétentes.

ENVIE (à Perseverance) ...Tost jugerés que sans prouffit labeure, Mais toutesfois j'avray plus en une heure Que vous en dix des campïons de sorte, Parquoy voyéz que je suis la plus forte. (Lyon cor. U., 1467, 55)

Puis, luy venu, doulcement le receurent En luy disant ce qu'ilz peurent et sceurent, Par gens de sorte qui le sçavoyent bien faire. (La Vigne, V.N., p.1495, 142)

b)Manière d'être.

[À propos d'une pers.] Façon d'être, d'apparaître.

Muer (sa) couleur et sorte. Changer de couleur et de contenance (sous l'effet d'une violente émotion).

Las, elle [la blessure au flanc du Christ] me rent toute morte ! J'en mue ma coleur et sorte, Quant je recorde Une si forte - et tresinurbaine malice, Que vient de l'orde Nacïon torte - que vous est si tresmal propice. (Pass. Auv., 1477, 257)

Perdre (sa) couleur et sorte

Tant a fain et soif enduree Qu'il a perdu couleur et sorte (H. LE VOYS. In : CH. D'ORLÉANS, Rond. C., 1443-1460, 516)

À la sorte de qqn. À la façon de qqn.

La croix en sera bonne et forte, Elle est bonne et belle a no sorte. (Marcadé, Myst. Pass. Arras R., a.1440, 181)

Locution adverbiale.

De grieve sorte. Douloureusement.

...Vers la cité se retire, Courroussé de griefve sorte (Vie st Eust. 2 P., c.1400-1450, 207)

À grant sorte. Rapidement.

Si veint la Vierge a son mary Que actendoit sa femme a la porte Et la mena derriere luy En tirant chemyn a grant sorte. (MART. D'AUV., Mat. Vierge L.H., c.1477-1483, 125)

[À propos d'une chose] Manière d'être.

Par legions, compaignies, cohortes, Tous habillez de tres diverses sortes Sortirent hors peignez, lavez, mirez (La Vigne, V.N., p.1495, 224)

De telle sorte. De tel type.

L'un jour respondoit le gouverneur de Gennes qu'il ne souffreroit point que lesdictes naves fussent armées de Françoys, et que en chascune n'en monteroit que vingt-cinq, et mainte aultre excuse de ceste sorte, dissimulant et attendant les nouvelles que ledit chasteau de Napples fust rendu, où ledit duc sçavoit bien qui n'y avoit vivres que pour ung moys ou envyron. (Comm., III, 1495-1498, 250)

D'une sorte. De même manière.

Pour continuer mon propoz de monsr le connestable, qui par adventure desiroit que le roy le craignist: ou au moins je le cuyde, car je ne le vouldroye pas charger ny en parler, sinon pour en advertir ceulx qui sont aux services des grans princes qui n'entendent pas tous d'une sorte les affaires de ce monde, je conseilleroye à ung mien amy, si je l'avoye, qu'il meïst peine que son maistre l'aymast, mais non point qu'il le craignist (Comm., I, 1489-1491, 249)

Facture.

...Vers Orïent vis une porte Riche et belle, de noble sorte (Gréban, Pass. J., c.1450, 35)

De bonne sorte. Convenable.

D'aultre part, grans parlemens et traictiez avoient piecha esté, comme j'ay dit dessus, entre vos deux grans peres, l'Empereur Frederic et le duc Charles, du mariage et aliance de monsieur Maximilian, archiduc d'Austrice, à present Roy des Rommains, et de madamoiselle Marie de Bourgoingne, l'un seul filz et l'aultre seule fille, et dont les eages estoient sortissables et de bonne sorte. (La Marche, Mém., I, c.1470, 155)

De piteuse sorte

En ton portail, prés de quelque pillier, Couche mon corps qu'est de piteuse sorte, Car je suis cil qui te viens reveiller, Pour y loger une grande cohorte. (Antitus, Poés. P., c.1500, 59)

[Dans une loc. conj.] En sorte que. De manière que.

...et que, s'il vouloit, je les feroye bien parler en sorte que l'honneur des deux costéz y seroit bien gardé. (Comm., III, 1495-1498, 223)

Davantaige, avoit le roy mys de nouveau son ymagination de vouloir bien vivre et selon les commendemens de Dieu et de mettre la justice en bonne ordre et l'église et aussi de renger ses finances en sorte qu'il ne levast sur son peuple que douze cens mil frans et par forme de taille, oultre son domayne qui estoit la somme que les trois Estatz luy avoyent accordée à Tours lorsqu'il fut roy. (Comm., III, 1495-1498, 303)

En quelque sorte que + subj. En quelque manière que.

Mais, pour continuer ce que vous, monsr l'arcevesque de Vienne, m'avez requis, est force que je die partie de ce que je sçay, en quelque sorte qu'il soit advenu (Comm., I, 1489-1491, 229)

c)En particulier. Manière de convenir, convenance.

Homme/gens de sorte. Homme qui convient (à telle situation).

[Meriadec au duc de Bourgogne :] Et par Dieu, il y a dés chiens aussy fol que luy, et en y a une grant quantité pour respondre a homme de plus grant sorte qu'il n'est. - Si a mon, ce dit le duc ; mes qui luy pourions nous mettre en barbe, homme de sorte ? (Chastell., Chron. IV, D., c.1461-1472, 134)

Pour quoy, fault faire diligence D'aler ensembler tous noz gens Et dire qu'ilz soyent diligens D'amasser toues gens de sorte (Michel, Myst. Pass. J., 1486, 249)

Locution adverbiale. De (bonne) sorte. Convenablement.

Nous sommes honnorablement Bien serviz et de bonne sorte. (Gréban, Pass. J., c.1450, 238)

Portés rostir ce messagier Qui telles nouvelles apporte ; Bastés, frapés, traynés de sorte Par tous noz brasiers infernaulx ! (Michel, Myst. Pass. J., 1486, 113)

Il fault que nous nous esbatons A le mener ung peu de sorte [Jésus] . (Michel, Myst. Pass. J., 1486, 294)

[D'un attribut de la pers.] Estre de sorte à qqn. Être approprié à qqn ; convenir à qqn.

Or doncques, et puis qu'encore je ne m'assens droit cy et que de tous noms je fay novel regret, l'en me peut demander se le nom de bien servi ne lui seroit point de sorte [au roi Charles VII défunt] (Chastell., Chron. IV, D., c.1461-1472, 317)

[D'une chose] Estre à la sorte de qqn. Convenir à qqn.

Ce jeu la n'est point a ma sorte, Pour les grans fraudes qui y sont. (Gréban, Pass. J., c.1450, 342)

B. -[Idée de rapprochement entre les pers.] Groupe de gens qui se ressemblent et se rassemblent, qui sont de même genre, qui ont des points communs, des affinités.

1.Société, compagnie.

LE DUC. Huchon, or tost, (...) Va t'en ou marchié, ne detries, Et la pour bani Robert cries Et touz ceulx qui sont de sa sorte (Mir. Rob. Dyable, c.1375, 21)

...Car Fortune nous fait tort Par diverse voie et torte ; Mais en esperence au fort Un tres petit me conforte, Et en cest espoir ay sort Que Raison soit de ta sorte Et qu'encor venras au port D'onneur par la droite porte. (Mach., Les lays, 1377, 418)

Retien esperence forte De ta sorte Et n'aies pensée torte, Eins aies le cuer enclin À leesse et t'i deporte Et conforte, Ou autrement je suis morte. (Mach., Les lays, 1377, 447)

Encores, en ce meisme jour, par le consentement dou connestable de France et des marescaus, se departirent dou mont de Castres auqun jone chevalier et esquier françois et cevauchierent as aventures. Et tout estoit fait pour atraire les Valenchiennois hors de lor ville, et furent de une sorte environ .CC. lances. (Froiss., Chron. D., p.1400, 384)

... [aucuns brigans] le menacerent de le destruire en corps et en biens, s'il ne aloit avecques eulx et estoit de leur ligne et sorte. (Chancell. Henri VI, L., t.1, 1426, 392)

...l'escuier en Bourgoigne se retourna, qui aux galans et compaignons de sorte joyeusement racompta ceste son adventure (C.n.n., c.1456-1467, 125)

Ung gentil chevalier de la conté de Flandres (...) se trouva (...) ou païs de Haynault, en la compaignie d'un aultre gentil chevalier de sa sorte (C.n.n., c.1456-1467, 343)

Or estoit ceste dame droit cy portingaloise dame qui moult avoit langaige prompt et entremettant de toutes choses, et ne querroit que sorte en Paris d'un costé et d'aultre pour passer temps et deviser, et par especial de celles que pensoit avoir affection a la maison de Bourgoingne (Chastell., Chron. IV, D., c.1461-1472, 237)

Ne sçay dont peut venir la faulte : Nous sommes plusieurs en la salle, Tant de sa sorte commensale Comme de ceulx qui n'en sont point (Myst. Pass. Troyes B., a.1482, 655)

Avoir la sorte de qqn. Être du nombre de, faire partie de.

...craignoit plus Dieu qu'il ne se fioit en fortune, et des vertueux et constans en coeur avoit la sorte (Chastell., Chron. K., t.1, c.1456-1471, 334)

Deviser sorte à sorte. Parler d'égal à égal.

Et entrèrent ainsi pelle-melle et l'un avec l'autre, devisans sorte à sorte (Chastell., Chron. K., t.4, c.1456-1471, 373)

Estre à la sorte de qqn. Être dévoué à qqn.

Thesiphonne qui est toute a ma sorte Me prestera secours, s'elle s'aplique. (Antitus, Poés. P., c.1500, 9)

Estre de sorte à qqn. Être l'égal de qqn.

Ne cognoit-il son estre et son estat, et que le chef d'une maison de Croy n'est point de sorte au fils d'un duc de Bourgongne ? (Chastell., Chron. K., t.5, c.1456-1471, 165)

Estre de la sorte/des sortes de qqn. Être du parti de qqn, être avec qqn.

Amis, vouldroies tu pas venir A moy et estre de ma sorte ? (Gréban, Pass. J., c.1450, 147)

Ne se confie un roy en ses cohortes, En ses maintes puissances redoublées Parce que là où Dieu n'est de ses sortes, Toutes fiertés humaines y sont mortes Et en l'instant ravies et emblées (Chastell., Dit vérité K., c.1456-1460, 229)

[D'une chose abstr.] Faire sa sorte avec qqc. Faire sa compagnie de qqc..

Ne l'esperit ne fait sa sorte Nulle foiz avec chose morte (Desch., Oeuvres R., t.8, c.1370-1407, 476)

Prendre la sorte de qqn. Se mettre du côté de qqn.

...Jozaphat a prins la sorte Des bigotz, il est verité. Par Jupiter, il est tourné Crestian (Du Prier, Roy Adv. M., 1455, 476)

Tenir la sorte de qqn

Pour ce, amis, je vous enhorte Que tousjours tenez la sorte, Sans faire deffault, De Plaisance qui supporte Cil qui en lui se deporte (Chart., L. Plais., c.1412, 148)

2.Catégorie sociale.

Et par ainssy il [Alexandre] gaigna l'amour des princes (...) et aussy l'amour du peuple, pour ce qu'il leur bailla gouverneurs de leur sorte et a leur plaisir (La Sale, Salade, c.1442-1444, 58)

[Meriadec au duc de Bourgogne] Et par Dieu, il y a dés chiens aussy fol que luy, et en y a une grant quantité pour respondre a homme de plus grant sorte qu'il n'est. (Chastell., Chron. IV, D., c.1461-1472, 134)

Race.

Grand courtoisie et benefice Me ferez, roy de noble sorte, S'il vous plaist qu'avec vous m'assorte (Gréban, Pass. J., c.1450, 81)

[D'une chose] De sorte à qqn. Conforme au rang de qqn.

...s'il y eust eu en Angleterre autre mariage de sorte à luy, jamais ne se fust allié au roy Édouard (Chastell., Chron. K., t.5, c.1456-1471, 311)