SONNER

verbe

[T-L : soner ; GD : sonant ; GDC : sonner ; DECT : soner ; FEW (XII, 97a) : sonare ; TLF (XV, 682a) : sonner]

A. -Produire, émettre des sons.

1.Sonner

a)[D'un objet quelconque, d'un organe..] Sonner. Produire un son, du bruit.

...il [le ventre] sonne en la maniere d'un tabour (Saint-gille, Comment. A.Y. L., 1362-1365, 340)

...ensi que il passoient, leurs armeures sonnoient et retentissoient (Froiss., Chron. L., V, c.1375-1400, 153)

Et les autres mettoient le contraire et avoient plus grant couleur, car la grosseur du son ensuit la quantité ou grandeur des corps qui sonent avecques ['selon'] leur figure, mais la force de son ensuit l'isneleté du mouvement, ceteris paribus. (Oresme, C.M., c.1377, 480)

Et à ceste cause ilz chargèrent ilec une petite coulevrine que ledit Richard avoit ledit jour achattée et certaine quantité de pouldre de canon du xaintier de ladicte ville, et dedens ladicte coulevrine misdrent du papier et ladicte coulevrine firent sonner et tirer par plusieurs foiz (Doc. Poitou G., t.10, 1459, 100)

[De pièces d'argent] Tinter.

LE JUGE. Or me dites conment ce va. Tristan, trop me puis merveillier ; Je ne voy devant moy plaidier Cause nulle dont bien me viengne, Ne ne fis, dont il me souviengne, Il a ja plus d'un mois entier. Dites moy, je le vous requier, Que veult ce dire ? LE SERGENT. Ne vous y say respondre, sire, Foy que vous doy. LE JUGE. Et je le sçay bien, par ma foy. En la taverne despendues Sont, et en voz bourses pendues Sonnant. (Mir. enf. ress., 1353, 28)

Par métonymie. [D'une chose abstr.] Valoir tant qu'il sonne. Valoir ce que vaut l'argent qui tinte, valoir l'argent possédé.

...Puis ne vous chault, tant que seigneur vivra, Tousjours vivrés, et vostre bourse plainne. Avisez doncq les moyens et compas De vous mesmes, car il vault tant qu'il sonne. (Michault, Doctr. temps prés. W., 1466, 98)

[De la voix] Résonner.

...La feray sonner Ma voix et tonner (Gréban, Pass. J., c.1450, 14)

Sonner cas

Émettre un son sourd, faible.

...la teste sonne cas quant on la fiert d'une verge [s'il y a fracture du crâne] (Chirurgie Chauliac B.-T., p.1472, 387)

Tel son pour eux sonne trop cas (Myst. Judith Holofernés R., c.1490-1500, 93)

Sonner faux (?).

Cloez l'oeil de : 'je hay telz fais', Les paupieres de : 'je m'en tais', L'oreille de : 'tout sonne cas', La langue de : 'tout est mauvais' (Coquill., Oeuvres F., 1478-p.1494, 130)

Au figuré. Être mal en point, se présenter mal.

LE CHRESTIEN commence. (...) Helas, las, helas, las, Consideré mon cas Qui sonne si trescas, N'est que desesperance. Fortune par oultrance Me tient icy en trance Sans nulle recouvrance, Mais malheur a grant tas. (Mir. st Nic. juif, c.1480-1500, 73)

b)[D'un instrument de musique, d'un objet qui rend un son musical]

Sonner. Résonner, retentir.

Quant la messe fu dite entiere, J'oï sonner une trompette Dont uns chambellains haut trompette. Qui adont veïst gent de court ! Chascuns a son office accourt (Mach., R. Fort., c.1341, 143)

Après fist li rois un edit Qui pronunça au pueple et dit : 'Si tost que vous orrez sonner Nos instrumens et resonner La trompe, le fretel, la harpe (...) N'i ait celui qui ne s'aplique Pour aourer l'idole d'or...' (Mach., C. ami, 1357, 19)

Mais li roys autre chose pense, Qu'il ne les vuet pas assaillir Si tost, pour paour de faillir. Tantost fist sonner la trompette Li roys, en signe de retrette ; Si que chascuns se retrey Long de la porte, et se trey En une place grant et lée (Mach., P. Alex., p.1369, 78)

Trompes, naquaires et tabours Sonnoient si fort que li bours Et la mer en restentissoit. (Mach., P. Alex., p.1369, 165)

Et chanta la messe pour le jour l'evesque de Paumiers, et là oy sonner les orgues aussi melodieusement que je feis oncques en quelconque lieu que je fusse (Froiss., Chron. M., XII, c.1375-1400, 95)

La veissiez bannieres, pennons et estendars sur les vaisseaux au vent, et sonner trompetes et instrumens, et ces chevaux hennir et braidier, que c'estoit grant beauté a veoir. (Arras, c.1392-1393, 84)

Alors la trompette sonna, et chascun se mist au chemin. (Arras, c.1392-1393, 100)

En ceste partie dit l'ystoire que, quant Uriiens oy ces nouvelles, il fist sonner ses trompettes, et fist armer tout l'ost... (Arras, c.1392-1393, 111)

Qant ce vint au point dou jour, les tronpetes sonnerent ; toutes manieres de gens se resvillierent. (Froiss., Chron. D., p.1400, 774)

Alors fut la battaille concluse, firent sonner les cors, que chascun se meist en armes pour combattre (La Sale, Salade, c.1442-1444, 44)

Alors trompectes de sonner, et voix de peuple crier tellement que grand temps fut passé avant que cesser. (La Sale, J.S., 1456, 119)

Parmi ce tonnerre Vous eussez ouy sonner trompillez Pour faire dancer jeunes filles (Fr. arch. B., c.1468-1480, 35)

[Sujet non exprimé]

Sy lui fut rapporté que on avoit oÿ sonner ou corner deux fois au logis du consulle (La Sale, Salade, c.1442-1444, 44)

c)[D'une cloche]

LE FOL. J'oy les sains de Rome sonner, Ce m'est avis, en une huche. (Mir. parr., 1356, 48)

Mais toutes les cloches sonnoient, Qui si tres grant noise menoient, Que c'estoit une grant merveille. Li roys de ce moult se merveille, Et dit qu'onques mais en sa vie Ne vit si tres grant melodie. (Mach., P. Alex., p.1369, 36)

Lors fait noncier par toutes les eglises qu'ilz feissent sonner les sains et facent processions a croix et a gonfanons, en louant et regraciant le Createur des creatures et en priant qu'il les vveille conforter contre les Sarrasins. (Arras, c.1392-1393, 96)

Les cloches sont les bonnes inspiracions que le Saint Esperit fait sonner ou plus hault lieu de ce temple et sur la tour, qui se nomme en latin Sinderesis. (Gers., Purif., 1396-1397, 63)

Et les archeres vont devant, Cors et buisines hault y sonnent (Chr. Piz., M.F., III, 1400-1403, 145)

...et ont esté ramenez en II sarqueux, à grant compaignie et grans processions des eglises et de l'Université, sonnans toutes les cloches des eglises (Baye, I, 1400-1410, 231)

Dont les habitans de Paris furent moult resjouys, et firent faire feux et sonner les cloches en toutes les eglises de Paris. (Fauq., I, 1417-1420, 170)

...la cloche de l'Ave Maria sonna tout a ce coup (C.n.n., c.1456-1467, 217)

...la cloche du guet estoit prochaine de sonner (C.n.n., c.1456-1467, 391)

...et a Saint Loup sonnera une cloiche a l'effroy, et cryeront a l'arme, et vient la Pucelle en grant devoir, faisant grant admiracion, une espee nue en sa main, et plusieurs eschellent leur fortresse a force d'armes (Myst. siège Orléans H., c.1480-1500, 438)

...dit qu'il fist une tour à mectre cloches, laquelle touchée, toutes les cloches sonnoient. (Simon De Phares, Astrol., c.1494-1498, f° 71 r°)

Haulx menestriers, trompettes et clerons Furent illec en sons impetüeux Pour reveiller les espriz vertüeux Des chevaliers et notables barons. Cloches sonnoyent par tours et par clochiers, Prestres, prelatz et seigneurs auctentiques Sortirent hors a tout riches reliques Et revestuz d'ornemens assez chers. (La Vigne, V.N., p.1495, 198)

Proverbe.

Povre saint voit on povrement festoier Et povrement en sonnent les cloches au moustier (Flor. Octav. L., t.1, c.1356, 109)

Par métaphore. [Pour désigner un écrivain de haute inspiration] Cloche haut sonnant

Monseigneur de la Riere, je me recommande à vous plus de foiz qu'il n'a de catharactes ou ciel, vous remerciant ainçoires de la paine que avez prise envers George, celle grosse cloche si hault sonnant, pour me faire avoir si largement du doulz fruit de son tresplentureux et fertile vergier, dont les moindres fueilles sont d'or, et les fruis passans la beauté et saveur des pommes Hesperides. (Robertet, Oeuvres Z., c.1450-1500, 134)

À cloches sonnant. Au son des cloches.

...lesquelles excommunications se faisoient par vertu de certeinnes bulles du pape Urbain Quint par toutes les eglises parrochiaux de Paris et autres de ce royaume à cloches sonans et chandoilles estainctes. (Baye, II, 1411-1417, 81)

infinitif substantivé.

...en l'an MCCCCXXXVIII furent tres aspres pestilences de epidemie et famine (...) et tellement que le sonner pour les trespasséz fut defendu à Paris, et ne povet-on compagner son parent ou amy trespassé, pour le grand nombre et la grande occupation qui estoit et que on avoit des trespasséz. (Maupoint, Journ. paris. F., p.1438, 25)

Par métonymie. [D'un office religieux]

Pas n'atendi a l'endemain Tierche sonnant a lui lever (Dit prunier B., c.1330-1350, 57)

Tant sont allé ce jour qu'endroit nonne sonnant Qu'il perchurent Paris, le cité souffisant, Et lez tendez de l'ost qui estoient par devant. (Hugues Capet L., c.1358, 101)

Un diemenche, à l'eure que nonne En Chypre doit sonner ou sonne, Tous leurs pavillons descendirent, Et tous ensamble se treïrent Au logeïs dou Caramant. (Mach., P. Alex., p.1369, 161)

[D'une cloche ou d'un mécanisme d'horlogerie] Sonner telle heure Indiquer l'heure au moyen d'une sonnerie.

Avant que li feux i fust boutés, li dus de Bourgongne fist oster des halles un orloge qui sonnoit les heures (Froiss., Chron. R., XI, c.1375-1400, 70)

Et oudit Conseil survindrent et furent presens, depuis VIIJ heures jusques après XJ heures sonnées, le duc d'Excestre, capitaine de Paris, messires Lourdin de Saligny, Renier Pot (Fauq., II, 1421-1430, 9)

Quand la brigade fut tresbien repeue, la cloche sonne XIJ heures (C.n.n., c.1456-1467, 65)

...huit heures ne furent pas si tost sonnées que veez cy bon compaignon (C.n.n., c.1456-1467, 242)

FRANCEQUIN. Quelle heure av'ous oÿ frapper ? L'OSTE. Il sont ja six heures sonnees. Pour vostre appetit actraper, Les vïandes sont ordonnees Bien cuyctes, bien assaisonnees ; Quant vous plaira, vous vous serrez. (La Vigne, S.M., 1496, 202)

Par métonymie. [D'une heure] Sonner

Et la furent donnez baisiers, et baisiers renduz sans compte et sans mesure, tous acompaigniés de piteux souspirs, et tant furent en ce tres doloreux plaisir et en celle tres desconfortee joye que la myenuit sonna, dont furent tous esbays. (La Sale, J.S., 1456, 97)

Sonner à qqc. Sonner à l'occasion de qqc..

...le seneschal de Boulennois chevauchoit parmy le païs d'une ville en l'aultre, en passant par ung hamelet l'on y sonnoit au sacrement. (C.n.n., c.1456-1467, 447)

Emploi impersonnel.

Et dit que quant ladite charreste fu et ot esté deschargiée, et lesdiz biens mis en la chambre de ladite fille, en la rue de Saint-Marcel, il sonna une heure après misdi (Reg. crim. Chât., I, 1389-1392, 348)

Participe présent en emploi adjectival. [De l'heure] Qui est en train de sonner.

...icelle charrete chargée, se partirent ensuïent de ladite ville de Pontoise, environ heure de soleil levant, et s'en vindrent à boire à Saint-Denis, et d'illec à Paris, XIJ heures sonnans (Reg. crim. Chât., I, 1389-1392, 347)

d)Au figuré. [D'une chose abstr.] Se faire entendre, se faire connaître, résonner.

...en lui [Griseldis] a moult bonne personne. Son bon los de toutes pars sonne, Et toujours croist sa renommee, De bonne eure feust elle nee. (Gris., 1395, 49)

Et quoy qu'il soit de la personne, Au moins la renommee bonne Demeure, qui pour vie sonne. (Chart., L. Dames, 1416, 290)

O bieneuree humanité, Ta grant louenge sans per sonne, Quant en la haulte trinité Cueuvres la seconde personne. (Gréban, Pass. J., c.1450, 4)

2.Emploi transitif. Sonner un air. Jouer, interpréter (un air).

Atant trait sa viele et sonat ung lay breton et le chantat avecquez (JEAN D'OUTREM., Myr. histors G., a.1400, 5)

3.Emploi factitif.

Sonner une cloche

Si li respondoit et disoit : 'Hurtez bellement, li roys dort.' Et li princes hurta plus fort, En disant : 'Compains, euvre l'uis.' Et cils respondoit : 'Je ne puis.' - 'Si feras, on sonne la cloche ; Je suis li princes d'Antioche, Qui vueil un po au roy parler Pour ce qu'il me faut hors aler.' Finablement la chambre ouvry (Mach., P. Alex., p.1369, 267)

Saint pére, on en doit bien les sains Sonner de joye. (Mir. fille roy Hongrie, c.1371, 87)

Et aussi vit comme la corde à laquelle l'en sonne les cloches de ladite eglise estoit coppée (Reg. crim. Chât., II, 1389-1392, 338)

...les cloces furent sonnees a esfort ; toutes gens sallirent sus sans ordenance, car on avoit mervelles quel cose ce voloit estre a celle heure la (Froiss., Chron. D., p.1400, 353)

Vené ça, clerc ; ou este vous ? Alez sonner nostre grant clouche. (Myst. st Bern. Menth. L., c.1450, 123)

Le tymbre fut sonné. Si vindrent tantost devers madame trestoutes ses bonnes religieuses. (C.n.n., c.1456-1467, 141)

...il commenda que l'on allast sonner les cloches (C.n.n., c.1456-1467, 513)

Ilz sonnent deux cloches ou plus ou moins, ainsi qu'il sera bon pour le milleur et doibvent gens [aller] a la messe, comme il appartient. (La Vigne, S.M., 1496, 545)

[Avec un compl. d'obj. interne] Sonner (un coup de cloche).

PREMIER CHANOINE. (...) Je vois noz matines sonner. Pensez tantdis de vous lever Que sonneray. SECOND CHANOINE. Messire Raoul, je seray Tout prest (...) Ainçois que vous sonné aiez Le cop derrain. (Mir. ev. arced., c.1341, 113)

Mes amis, pour tout le conmun De ceste cité assembler, Faites le saint un cop sonner (Mir. emp. Julien, 1351, 184)

TRESORIER. Il fault au marrelier redire Que tantost le dernyer cop sonne. (La Vigne, S.M., 1496, 544)

Par analogie. au figuré. Sonner qqn à grosse cloche

LUCIFER. C'est assés. Je leur pardonne la fortune. ASTAROTH. Je pence qu'ilz en ont pour une ; Ilz sont sonnés a grosse cloche (Michel, Myst. Pass. J., 1486, 29)

Sonner (un instrument de musique)

Et quant il [Polyphème] voit le soleil luire Et li mauffés se vuelt deduire, En sa main tient une flahute De .C. rosiaus dont il flahute ; Mais quant il la vuelt fort sonner, Mer et terre fait ressonner Entour lui .III. lieues ou .IIII. (Mach., Voir, 1364, 622)

Et il prist son cor et le sonna par grant vertu. Bien l'ouïrent sa gent qui l'attendoient en la valee... (Arras, c.1392-1393, 247)

Et, se Dieu me donne victoire au jayant, je sonneray ce cor. (Arras, c.1392-1393, 245)

Qant ce vint a l'endemain au point dou jour, on sonna les tronpetes. Casquns fu armés et apparilliés (Froiss., Chron. D., p.1400, 129)

'Sonnés, sonnés les cloces ! Esmouvés la ville !' (Froiss., Chron. D., p.1400, 353)

...nostre guet (...) se leva de son guet, et s'en alla sonner sa trompette (C.n.n., c.1456-1467, 442)

...quand il la tint [sa musette] , le plus a loysir qu'il peut, il la commence a sonner, et joua une chanson (C.n.n., c.1456-1467, 452)

TROMPECTE. (...) Maintenant, messieurs, or oyez ! (Ici sonne sa trompete trois fois.) Oyez tous, de par l'empereur Et sa treshaulte magesté (La Vigne, S.M., 1496, 159)

Par métonymie.

Annoncer qqc. au son d'un instrument ou d'une cloche.

La messe est sonnée a saint Main Et si sera par temps chantée. (Mir. enf. diable, c.1339, 16)

Je vois noz matines sonner (Mir. ev. arced., c.1341, 113)

Je vois le sermon escouter Qu'ay oy maintenant sonner (Mir. emp. Julien, 1351, 185)

Avant qu'aiez vostre donnée Faicte, midi sera sonnée (Mir. Clov., c.1381, 204)

Chils assaus dura bien trois heures, et n'i fissent riens li assallant fors euls travillier. Qant il veirent ce, il sonnerent la retrete et se departirent de l'assaut (Froiss., Chron. D., p.1400, 322)

...il laissa sur la guette de la ville une trompette [trad. lat. bucinator] qui a toutes les heures de la nuyt sonna le resveil de la nuyt (Rouvroy, Stratagèmes, 1422-1425, I.5, f° 15b)

Or alés voir se ly monstier Est ouvrés, et sonné chapitre ; Et es chanoynes aussy dicte Que mon seignieur ci il veult estre. (Myst. st Bern. Menth. L., c.1450, 77)

Trompette, sonne l'assemblée Pour amasser toute l'armée Qui doit le roy acompaignier. (Myst. st Adr. P., c.1450-1485, 48)

Finablement, en escripvant, Ce soir, seulet, estant en bonne, Dictant ces laiz et descripvant, J'ouys la cloche de Serbonne, Qui tous jours a neuf heures sonne Le salut que l'ange predit ; Si suspendis et mis en bonne Pour prier comme le cueur dit. (Villon, Lais R.H., c.1456-1457, 28)

...laquelle messe sera donnée dès le commancement des Laudes desdictes matines d'un propre sainct que nous promettons faire faire à ladicte eglise pour sonner ladicte messe, et jusques à ce que nous aions fait faire et baillé ledit saint, ladicte messe sera sonnée par la manière que dit est par ung des saims de ladicte eglise (Doc. Poitou G., t.12, 1482, 510)

LE SECOND PRESTRE. Puis qu'a cela je suis propice, Present me convient ordonner De rendre a Dieu le sacreffice ; Faictes la grant messe sonner. (La Vigne, S.M., 1496, 148)

Hau ! cher pere, le soleil luyt, Il est pieça prime sonnee, Toute la cité est levee ; Levez vous, s'yrons a l'eglise. (Myst. st Laur. S.W., 1499, 183)

[Domaine militaire] Sonner (la) retraite

Et envoya commencier l'escarmouche devant la barriere, et y ot foison de mors et de navrez d'une partie et d'autre, et firent reculer les Sarrasins par force, et y ot moult d'occiz et de mehaigniez. Et fist le soudan sonner la retraicte quant il vit qu'il ne povoit autre chose faire. (Arras, c.1392-1393, 96)

Lors ot Ciperis joye, la retraite sonna (Cip. Vignevaux W., p.1400, 92)

Tout jusquez a la nuit fut ly estour moult grans, Que chascun de son gré fu retraite sonnans. (Cip. Vignevaux W., p.1400, 148)

Quant ceulx qui avoient la charge du tournoy virent que lez Allemans et Anglois ne monstrerent plus nulle deffence et que lez Franchois et ceulx d'Escoce estoient victorieulx par l'aide du vaillant chevalier aux vermeillez armez, il firent sonner la retraite pour faire cesser toutez poursieutez, adfin que nullez inimitiez ou haynez ne sourdissent entre nullez dez partiez. (Comte Artois, c.1453-1467, 14)

Et Verdille et l'autre font grans faiz d'armes. Puis les trompetes sonneront une retraicte. Et ce fait, Verdille et son homme chacun s'en retourne en son lieu (Myst. siège Orléans H., c.1480-1500, 314)

Sonner à l'arme/alarme. Donner le signal de courir aux armes.

...et aussi avoit une trompète faisant le guet en la haulte plommée, qui sonna très fort à l'arme, et tantost ledit La Hire se arma et toutes ses gens, et vindrent jusques au pont pour assaillir et reconquerre ledit chastel. (Monstrelet, Chron. D.-A., t.3, c.1425-1440, 311)

Quant le roy eut ce dit, il retourna en son palais et sonna alarme. Et lors tout le pueple se pourvey d'armures et enquirent la cause de cest alarme, qui tantost fu toute commune. (LEFÈVRE (R.), Hist. Jason P., c.1460, 212)

Ce fait, les deux cens hommes du seigneur de Rochefort s'esmeurent et menerent sy grant bruit, que l'eschargueteur les vey et oÿ, sy sonna a l'arme. (Jehan d'Avennes F., c.1465-1468, 127)

Par métaphore. Sonner la mort. Annoncer.

SAINCT GALLE. Il faut bien que l'on se deporte De tant pener vostre personne, Car ja viellesse la comporte, Qui la mort tout bellement sonne. SAINCT MARTIN. Devant donc que Mort la rançonne, Allons nous en tout bellement. (La Vigne, S.M., 1496, 472)

Sonner le beffroi. Faire sonner les cloches du beffroi.

Adont sonnerent le beuffroy (Chr. Piz., M.F., III, 1400-1403, 44)

Item, [pour mes obsèques] je vueil qu'on sonne a bransle Le groz beffroy qui est de voirre, Combien qu'il n'est cueur qui ne tremble Quant de sonner est a son erre. (Villon, Test. M., 1461-1462, 144)

...et envoie dire par ung de ses gens que on sonne tantost le besfray de la ville et que chacun vienne hastivement sur les murs ; si fist le comandement de son seigneur, et vindrent touz, chacun en sa garde. (Charles de Hongrie C., c.1495-1498, 166)

4.[D'une pers.]

a)Jouer (d'un instrument).

Pour deniers payez à Jehan Vint-Soulz, crieur de corps, pour li et 7 varlez crieurs de corps, pour leur salaire de sonner entour le corps dudit chevalier par 2 jours, et d'icelui crier au Palais et aillieurs à Paris (Comptes argent. rois Fr. D.-A., I, 1352, 184)

Si (...) commença à sonner et à corner en sa buisine (Froiss., Chron. L., I, c.1375-1400, 155)

Li gaite dou chastel... commencha à sonner en sa trompette : 'Trahi ! Trahi !' (Froiss., Chron. R., IX, c.1375-1400, 30)

...tous les jours par ses menestrés il faisoit sonner et corner devant son ostel ses disners et ses souppers (Froiss., Chron. R., X, c.1375-1400, 240)

Or cza, menons joyeuse vie, Menestrier, sonné maintenant. (Myst. st Bern. Menth. L., c.1450, 27)

LE SOUBDAN. Que la ville on assaille ! CONNESTABLE. Sonne, trompecte ! (Icy sonne la trompecte et puis ilz donnent l'assault. Et se deffendront ceulx de dedens tant que les aultres y entrent par sur la muraille...) (La Vigne, S.M., 1496, 232)

A tous amans, mes serviteurs loyeux Tenans de moy par justice royalle Scavoir je fais qu'a ma court principalle Comparoissent sans estre desloyaux, Portant aux doys verges, sinetz, aneaux, Rubis, saphirs, turquoyses, dyamans, Faisans sonner menestriez (tous) nouveaux Pour se monstrer gens joyeux, esbatans. [A moins que menestriez ne désigne l'instrument du ménestrel. C'est peu vraisemblable] (P. moyne, a.1500, 45)

Le duc de Bourgoigne, qui estoit garny de plus grant vertu que de sens, et par l'oppinion du seigneur d'Esquerdes, fit sonner sa trompette, laquelle avoit de coustume ne oser sonner sans le commandement de son maistre. (Le Clerc, Interp. Roye, c.1502, 268)

Et, après que laditte trompette avoit sonné, toutes les autres de l'ost sonnoient, autrement nom. (Le Clerc, Interp. Roye, c.1502, 268)

b)Faire sonner (les cloches).

Emploi absolu.

PREMIER CHANOINE. Or sus, sus, mon seigneur Simon, Je vois noz matines sonner. Pensez tantdis de vous lever Que sonneray. (Mir. ev. arced., c.1341, 113)

[Dans un testament] ...expressement je l'ordonne Et qu'en oultre, pour moy l'en sonne Jusques a une heure sonnee. (Hautev., Conf. Test. am. tresp. B., c.1441-1447, 76)

MARELLIER. Tresdru et menu, Sans plus longuement sermonner, A sonner me veulx ordonner. Chascun de vous preigne une corde Et veillez tous dedens donner. PREMIER CLERC (qui sonne les cloches.) Tresvolentiers je m'y acorde ; Or sonnons donc par bon moyen ! (La Vigne, S.M., 1496, 544)

c)Au figuré. Sonner en qqc. Retentir, se distinguer en qqc..

De leur cueur fut chassé dueil et soussy Pour recueillir la royalle parsonne Qui tant en bien de toutes les pars sonne Que toutes gens d'onneur a luy s'assemblent, Et meschans gens a l'ouÿr nommer tremblent. (La Vigne, V.N., p.1495, 144)

B. -Produire (des sons du langage).

1.Sonner (de) qqc. (à qqn.)

a)Faire entendre, prononcer, dire, exprimer qqc. (à qqn).

Lors l'a Renart araisonné ; Si li a son vouloir sonné (Renart contref. R.L., t.1, 1328-1342, 308)

...ainsy sonnent et dient les paroles de nostre theume quant le prophete dit : O Dieu comment etc. (Gers., P. Paul, a.1394, 488)

...la personne Humble s'esbahit qu'on luy sonne De soy si merveilleux louenges (Myst. Incarn. Nat. L., t.1, c.1454-1474, 302)

Proclamer qqc..

Et toutesvoies trois personnes Sont en ce Dieu, ainsi le sonnes, Par qui tout le monde fu fait. (Mir. st Val., c.1367, 142)

Sonner de qqc. Parler de qqc..

Que de l'argent il [ne] me sone ! (Path. D., c.1456-1469, 126)

Sonner mention de qqc. Faire mention de qqc..

Le procureur du Roy dit que lesdictes lettres sonnent et font mencion d'autres lettres et du transport de la conté de Mascon au duc de Bourgongne, dont il n'a veu aucunes lettres, et pour ce a protesté, quant il les verra, d'en dire ce qu'il en appartendra (Fauq., II, 1421-1430, 150)

Emploi absolu.

Sans plus sonner. Sans dire plus.

Il ne vous faudra ja ainsi jurer, car je vous en croi bien à primer mot, sans plus sonner. Ore ditez moy à un mot, que paierai je ? (Man. lang. G., 1396, 59)

Au passif.

Et soit le vaissel tout appoint Souventes foiz par dehors oint D'eaue rose comme est sonné, Où soit miz et mixtionné Pou de camphre, plaisant et fin (La Haye, P. peste, 1426, 152)

b)LINGUISTIQUE Sonner (une voyelle). Former, prononcer (une voyelle).

Qelx son les voielx et ou seront ils sonnés ? Le premier vouyel est a et serra sonné en la poetrine, le seconde est e et serra sonné en la gorge (Donat Oxf. S., p.1400, 128)

c)Sonner un mot (à qqn). Émettre une parole, dire un mot (à qqn).

S'il avenoit qu'on eust mestier De moy, touchant vostre personne, Seurement ce mot cy vous sonne : Guere languir ne vous feroye. (Myst. jeune fille L., c.1413-1445 [c.1530], 53)

Ne (pas) sonner mot (à qqn). Ne rien dire, se taire.

Et pour ce que dous le trouvay, Encor humblement li priay Qu'il me vosist dire le voir Que c'est, ne que je puis avoir, Quant je vueil faire ma clamour A ma dame de ma dolour, Je ne la puis araisonner Ne je ne puis un mot sonner, Einsois pers toute contenance (Mach., D. verg., a.1340, 50)

Dont il avient souvent, quant je suis seuls, Qu'on m'araisonne, Mais si sui pris que je nul mot ne sonne, Car trop fort pense a la belle et la bonne Qui de tous biens est la mette et la bonne, S'en sui honteus. (Mach., F. am., c.1361, 178)

Et la ma dame s'endormi, Tousdis l'un de ses bras sur mi. La fui longuement delés elle Plus simplement c'unne pucelle, Car je n'osoie mot sonner, Li touchier në araisonner Pour ce qu'elle estoit endormie. (Mach., Voir, 1364, 338)

THIBERT. En tel point la vous aray mis [Berthe] Bien tost qu'aidier ne se pourra, Ne qu'elle mot ne sonnera Ne qu'un muet. LA SERVE. Dame, dame, savez qu'il est ? Se dites mot, certainement Coper la teste ysnellement Vous feray (Mir. Berthe, c.1373, 175)

...le dit Jehan Culdoe lui promist et jura qu'il ne heurteroit point aux huis des dis bouchiers et changeur, ne leur sonneroit mot. (Doc. Poitou G., t.4, 1374, 348)

Au roy Phelippe un tel coup donne, Dont il se pasme, et mot ne sonne (Chr. Piz., M.F., IV, 1400-1403, 34)

Mon pere, ce n'est pas raison. De Dieu soit la volunté faicte, Que puis qu'il luy plait, Contre vous ne vuilz meurmurer Ne ung petit mot sonner. Faicte le Dieu commandement, Mon pere, a Dieu vous comand, Faictes le sans vous coroser. (Pass. Semur D.M., c.1420 [1488], 36)

LE PREVOST. Faictes paix et ne sonnés mot. Sçavoir fault ou est le chartier. (Mir. st Nic. juif, c.1480-1500, 142)

Or ne sonnez mot (Myst. Pass. Troyes B., a.1482, 207)

Proverbe. Assez accorde qui mot ne sonne. Qui ne dit mot consent.

Et, ad ce mot, le Regent ne dit riens ; et assez accorde qui mot ne sonne. (Bueil, II, 1461-1466, 221)

Sans sonner mot

Qant ce vint sus l'eure de mienuit et que tout estoient en l'oost aserisiet, evous le signeur de Fauquemont venant et sa route a frapant de l'esporon, son pennon tout devant, et entrant ens ou logeis des François sans sonner mot et conmenchierent a taillier et a decoper cordes de tentes et de trefs et a abatre et a blecier et mehagnier honmes a pooir et a porter grant damage avant que on i peuist pourveir. (Froiss., Chron. D., p.1400, 380)

...la pacience qu'elle eut de tout escouter, sans mot sonner ne rien luy contredire, estoit assez suffisante d'estaindre le crime qu'elle avoit commis (C.n.n., c.1456-1467, 69)

SATHAN. (...) Devers luy me convient produyre Pour l'empoigner soubdaynement ; Je m'en voys prés de luy deduyre Sans mot sonner, tout bellement. (Il s'en vient tout bellement coste sainct Martin). (La Vigne, S.M., 1496, 563)

Ne sonner un mot de qqc. Ne rien rapporter au sujet de qqc..

Je vous deffens (...) Que de ceci ne sonnez mot A personne qui en enquiére (Mir. roy Thierry, c.1374, 282)

Vous n'avez garde, dist la musniere, que j'en sonne jamais ung mot (C.n.n., c.1456-1467, 42)

Sonner à qqn. Parler à qqn.

Je voix a eulx et leur diray, Mes premierement sonneray A mon pere, c'est bien raison. (Pac. Job M., c.1448-1478, 235)

d)Sonner qqn

Sonner hautement qqn. Faire entendre hautement ce que fait qqn, faire connaître largement qqn.

Mais sur tous ceulx dont elle raille Le clerc est haultement sonné. Car en escript les faits lui baille Dont chascun aultre est blasonné. Le nom rommain fust ja finé, Se ne fussent les escripvains, Lesquels ont a Fama donné Les faits des villains et des vains. (Martin Le Franc, Champion dames I-II, P., 1440-1442, 80)

e)Au figuré. [D'une chose] Annoncer, signifier qqc..

LE MESSAGIER. Mon chier seigneur, honneur et joie Aiez et longue et bonne vie, Ne sur vostre estat n'ait envie Quelque personne. PHILIPPE. Ton salut emporte et si sonne Assez de bien, messagier, voir. (Mir. st Lor., 1380, 132)

Sonner que. Déclarer, proclamer que.

La lectre sonne Que c'est le conte d'Alagonne, Qui m'a porté tant de nuysance. (Du Prier, Roy Adv. M., 1455, 50)

'Jesus de Nazareth, le roy des Juifs'. Ainsi l'as escript. Toutesfoys, ce n'est pas bien dit, Car l'epitaphe sonne en soy Que ce Jesus est nostre roy : Qui nous a grand prejudice. (Michel, Myst. Pass. J., 1486, 40)

2.Emploi intransitif.

a)[D'une pers.]

Prononcer.

...qu'il luy plaist [à Dieu] , de sa grande misericorde et grace, tous les escoliers estudianz en cest livre ainsi abuvrer et enluminer de la rousee de sa haute sapience et entendement qu'ils pourront avoir sens naturel d'aprendre à parler, bien soner et à droit escrire doulz françois (Man. lang. G., 1396, 44)

Sonner + adv. de manière. Parler (de telle manière).

...Eulx [les Sarrazins] et Juifz ont grant joye Quant voyent que l'en nous desroye. Et se Mouzon a sonné mal, La religion qui est feal N'en doit pas avoir turbacion (Bouvet, Appar. Meun A., 1398, 44)

Sonner doucement aux oreilles de qqn. Parler de manière flatteuse à qqn.

Saint Paul l'appostre en ses Epystres dit en substance que es temps derrains, c'est assavoir aujourduy, les grans seigneurs prendront avec eulx maistres et conseilliers qui doulcement leur sonneront aux oreilles par maniere de flaterie, et ne vouldront recevoir doctrine saine. (Mézières, Songe vieil pèl. C., t.1, c.1386-1389, 533)

b)En particulier. [D'un propos, d'un mot]

Être dit, être prononcé, se faire entendre.

LE PREVOST. Faictes paix, que nul mot ne sonne. (Mir. st Nic. juif, c.1480-1500, 118)

...tous [des propos] sonnoient et tendoient a une fin et a une conclusion : c'estoit que l'heritier de France, le daulphin, se reduisist et venist vers son pere (Chastell., Chron. IV, D., c.1461-1472, 90)

Comme la lettre sonne. Selon le sens littéral.

Au sixte, de la sainte Escripture qui dist que le soleil tourne et cetera: l'en diroit que elle se conforme en ceste partie a la maniere de commun parler humain aussi comme elle fait en pluseurs lieus, si comme la ou il est escript que Dieu se repenti et que il se courrousa et rapaisa et teles choses qui ne sont pas ainsi du tout comme la lettre sonne. (Oresme, C.M., c.1377, 530)

Sonner (autant) (comme) qqc. Signifier telle chose.

Ycelle terre de Gamel si estoit moult prouchaine de la cité ou Berinus estoit arrivez, ainsi comme vous avez oÿ, laquelle cité avoit a nom Blandie, qui sonne autant comme 'ille de traïson' (Bérinus, I, c.1350-1370, 119)

Comme les prophètes de Baal que Helies convenqui et occist, et pluseurs aultres desquelx Nostre Seigneur dit : prophetabant et non ex me veniebant et ego non mittebam et eos, qui sonne en nostre françoys : il prophétissoient et non par moy ne par mon escript (Jean Le Long, Voy. Bieul B., 1351, 321)

...Et fut [Judas] en grant lieu relevé Qu'Alchedemac fut appellé Cestuy champ par mainte personne, Qui, en leur langaige, ainsi sonne Comme champ de sang : c'est leur dit. (Myst. Pass. Troyes B., a.1482, 1042)

Sonner + adv.

Sonner mal. Produire un mauvais effet.

Desquelles paroles ainsi dictes par ledit messager, qui sonnoient mal à la charge de mondit seigneur le connestable, et qui de ce se tint fort à mal content, fut ledit messager baillé et delivré par l'ordonnance du roy à maistre Milles, huissier d'armes de son hostel, qui le mena et conduisy pardevers ledit connestable et si lui porta les charges et informacions qui faictes avoient esté desdictes paroles. (Roye, Chron. scand., I, 1460-1483, 277)

Sonner droit. Donner l'impression d'être vrai.

...tout homme est mensongier, enferme, instable et labile, especiaument en paroles, telement que ce ne doit point tost estre creü qui de prime face samble sonner droit. (Internele consol. P., 1447, 199)

Emploi impersonnel. Sonner bien. Convenir (à qqn qui ici ne s'en estime pas digne).

Et vueil bien que vous sachiés que je suis filz d'une gentil dame de Romme et filz de son mary qui fait mout a recommander, et mout le recommandasse se bien sonnast en ma bouche. (Percef. IV, R., c.1450 [c.1340], 805)

Sonner + adv. de manière + que. Il apparaît, il se révèle de telle manière que.

...comme les deux maisons anciennement avoient esté ennemies ensemble, il sembloit bien sonner estrangement que ung conte d'Ermignac se venist rendre en ses mains et en ses terres [du duc de Bourgogne] , ne feust que quelque grant entendement y eust entre eulx (Chastell., Chron. IV, D., c.1461-1472, 256)

3.Participe présent en emploi adjectival.

a)Mal sonnant. Qui exprime mal qqc. ; qui ne s'accorde pas.

Quant on dist de Dieu courir ou ambuler ou pareille chose, la signification de ces mots, comme ilz sont de fait, n'est pas convenable a Dieu. Et la maniere de signifier laquelle emporte imperfection au regard du mouvement lequel est de necessité approprier ou convenir a Dieu, est assez mal sonant et inutilement. (Somme abr., c.1477-1481, 153)

[D'un ouvrage littéraire] Qui ne mérite pas de louanges.

Neantmoins, soubz la fiance de son gracieux support et à vostre enhortation, je me suis miz à descouvrir ma temerité et fol cuider, vous priant que se l'escript vous semble aucunement mal sonnant, le veuilliez taire et soppir, que nul fors vous ne cognoisse ma fole entreprise. (Robertet, Oeuvres Z., c.1450-1500, 115)

Contraire à la bienséance.

...disans qu'il en falloit tuer et faire grant effusion de sang, et autres paroles maulx sonnans (Ch. VI, D., t.1, 1418, 400)

Qui est en désaccord (avec qqc.).

...par laquelle informacion et deposicions lesdis prisonniers avoient dit aucunes choses mal sonans en la foy (Fauq., I, 1417-1420, 9)

b)RHÉTORIQUE

Mot plein/parfait sonnant. Rime riche, très riche.

Et premierement une regle de moz leonninés et plains sonnans et esquivoques. (...) Lin, pour un vaissel de mer. Lin, pour filer (Règles sec. rhétor. L., c.1411-1432, 15)

...et doit estre fait [un rondeau] d'esquivoques ou de parfais sonnans, ou au moins leoninés. (Règles sec. rhétor. L., c.1411-1432, 21)

[D'un genre poétique] Sonnant. Qui comporte des rimes riches et des rimes pauvres.

Ceste balade est moitié leonime et moitié sonant, si comme il apert par monde, par onde, par homme, par Romme, qui sont plaines sillabes et entieres ; et les autres sonans tant seulement, ou il n'a point entiere sillabe, si comme clamer et oster ou il n'a que demie sillabe, ou si comme seroit presentement et innocent. Et ainsi es cas semblables puet estre congneu qui est leonime ou sonnant. (Desch., Art dictier R., 1392, 275)

C. -Par métonymie. Sonner qqn. Demander à qqn de venir, appeler qqn.

Voirs est qu'Atemprance te sonne Et je pour li je t'araisonne Et te monstre de son secré (Froiss., Dits Débats F., 1363-1393, 108)

Car n'osoit venir, ne aler Devers le roy nulle personne, S'il ne la mande ou il la sonne (Chr. Piz., M.F., II, 1400-1403, 266)

.I. jour roy Pelleüs sonna Jason et bel l'araisonna Devant ses barons (Chr. Piz., M.F., III, 1400-1403, 29)

Et elle se leva et fut toute esbahie et commença a sonner Pierre a haute voix parmy le bois, et nully ne luy respondoit. (Belle Maguel. B., c.1400-1450, 61)

Adoncques les disciples eurent grant paour d'estre nayez, et n'osoyent eveiller leur Maistre. En la fin, quant ilz virent que la tempeste croissoit moult fort, ilz furent moult espouventez, tant qu'ilz le vont sonner (Vie J.-C. M.B., c.1429-1458, 48)

...Et passe ainsi mes grans jours et sabbas En attendant que la Mort si me sonne. (Hautev., Compl. B., c.1441-1447, 32)

Ma comere m'a sonné Pour venir boyre avecque elle. (Myst. st Sébast. M., c.1450-1500, 267)

Inciter qqn.

Consideré les vertus et le sens Dont le renom a voz fais se consonne, Et que le cas congnois tel, et le sens Pas ne se deust ma simplette personne Tant enhardir ; mais vraye amour me sonne, Qui a mon corps a ce faire soumis, En suppliant que la faulte on me pardonne (Du Prier, Roy Adv. M., 1455, 95)

Sonner qqn de + inf. Intimer à qqn, selon les formes officielles, l'ordre de faire qqc..

Mais le seigneur du lieu n'y estoit pas, Pource que lors trop plus tost que le pas, Petitement en son cueur resjouÿ, Il s'en estoit legierement fouÿ ; Car il avoit fait la trompette pendre Qui le sonna de tost au roy se rendre, Parquoi la ville, comme bien y parut, En son absence tres mal le comparut (La Vigne, V.N., p.1495, 246)

Sonner (un animal)

Le conte de Foeis... sonna ung levrier que il avoit de costé luy, et li donna à mengier (Froiss., Chron. M., XII, c.1375-1400, 84)