SERF

substantif masculin

[T-L : serf ; GDC : serf ; DECT : serf ; FEW (XI, 548b) : servus ; TLF (XV, 380b) : serf]

I. -Emploi substantival.

A. -Celui qui n'est pas de condition libre ; celui qui n'est que partiellement libre.

1.[Dans le monde antique, ou les pays qui pratiquent l'esclavage] Esclave.

Il dissoient que (...) au commenchement dou monde il n'avoit esté nuls sers ne nuls n'en pooit estre, se il ne faissoit traïson envers son signeur, enssi comme Lucifer fist envers Dieu (Froiss., Chron. R., X, c.1375-1400, 95)

Sur li [Jhesu] t'en tien, Moussé, (...) Que se tout ton avoir ne ras Au jour que tu me nommeras, Que ton serf seray de ma teste Et me pourras conme une beste Vendre au marchié. (Mir. march. juif, c.1377, 191)

En quelle doulceur et humilité pria il et escript pour ung serf fuitif qui avoit emblé les choses son maistre, nous le pouons congnoistre par l'espitre qui est a Philemon pour Onesimus. (Gers., P. Paul, a.1394, 512)

Tres le roy Troz puis ne s'amerent Grecs et Troyens, qui ne finerent Tant qu'ilz s'entrefurent destruis, Si comme en leur histoire truis, Dont maint furent serf et chetif, Si vous en ay dit le motif. (Chr. Piz., M.F., III, 1400-1403, 27)

Ces serfz estoyent les conquis Des Rommains ; des pays acquis, En servage ces gens menoyent, Qui oeuvres serviles faisoyent. (Chr. Piz., M.F., III, 1400-1403, 259)

...quant Sipio l'Affricquant envoya, au roy Siphas, Bellius son preteur pour ambaxade, et avecques lui, en lieu de serfz, les plus souffissans et saiges en guerre que il eust en son ost. (La Sale, Salade, c.1442-1444, 49)

...aussi fait Pline, qui dit qu'il fut le premier qui trouva la maniere de porter aneaux ès doiz, fit porter aux nobles l'or, aux liberes l'argent, aux sers aneaux de fer et ainsi des autres. (Simon De Phares, Astrol., c.1494-1498, f° 21 r°)

LE ROY DE BARBARIE. (...) Mores et Turs apprés eslyeverons, Les Eschavons aussi relyeverons, Sans estymer ceulx de Sarrazinesme. Par ce moyen noz faiz esprouverons Et de sa terre l'empereur priverons, En luy faisant des maulx plus chiers que cresme. Serfz barbarins, pour gaigner leurs servaiges, Admayneront plusieurs bestes saulvages, Dont nous serons estymez plus puissans. (La Vigne, S.M., 1496, 228)

Par comparaison.

Car, si come Socrates cuidoit et disoit, ce seroit dure chose et fort a faire, tant comme tele science est en .I. homme, que un autre chose eüst commandement et dominacion sus ceste science et traisist cest homme contre sa science, aussi comme se il feüst serf ou sa science serve. (Oresme, E.A., c.1370, 366)

2.DROIT FÉODAL Homme ne jouissant pas d'une liberté totale, attaché à un domaine et dont les biens et le travail appartiennent au propriétaire.

Or regarde se plus envie As d'estre serf toute ta vie, Povre, et vivre en maleurté Que d'estre a richesce ahurté Et franc aussi. (Mir. Pierre Changeur, c.1378, 267)

...nul ne fait injustice as choses qui sont de soy meïsmes ou siennes. Or est il ainsi, que le serf du seigneur d'un hostel, c'est sa possession, il est sien. Et le filz est comme partie et membre de son pere jusques a tant que il soit grant et emancipé ou separé d'avequez le pere. Et nul ne eslit nuire a soy meïsme. (Oresme, E.A., c.1370, 302)

Et le princey ou dominacion que le seigneur a sus ses sers est comme tyrannie (Oresme, E.A., c.1370, 436)

Et donques nul ne a amistié avecques son serf selon ce que il est serf, mes bien li puet avoir selon ce que il est homme. (Oresme, E.A., c.1370, 439)

Vernacles sunt servans qui ont esté nourris es hostels des seigneurs ou qui ont esté loués et ne sunt pas proprement serfs. (Oresme, Pol. Arist. M., c.1372-1374, 374)

LE MARQUIS. Si dïent [mes sujets] , je les ay oÿz, En ramponant : 'Nostre marquis Gautier trespasser laisserons, Et puis a seigneur averons Le beau filz de Janicola ; Et si noble païs sera (...) A tel seigneur serf et subget.' (Gris., 1395, 63)

...par quoy l'en devoit avoir et tenir lesdiz conseillers en grant reverence et honneur, et non pas les mannier ou demener, comme enfans d'escole, sers ou serviteurs (Baye, I, 1400-1410, 152)

...deux fermiers et un boulengier, pour aler mouldre ausdiz moulins bastars, qui sont cerfz et subgiez aux nostres, audit lieu de Corbueil. (Ch. VI, D., t.2, 1418, 124)

Exemple : Se la femme serve contrait avec l'homme qui est franc et non pas serf, et l'homme cuide qu'elle soit de franche condition, le mariage ne tient pas. (Sacr. mar., c.1477-1481, 50)

Quolibet, se le serf et la serve d'aucun seigneur se marient ensemble contredisant le seigneur, a scavoir se le mariage tient. Response : les espousailles ne sont pas a rompre ne a dissolver, non pour quant les services ne doivent pas estre diminuéz au seigneur. (Sacr. mar., c.1477-1481, 50)

Serf taillable à volonté. Serf soumis à une taille arbitraire et non à une taille abonnée, fixe.

[Dans une compar.]

Bien est vray que le roy du consentement du peuple de tout le royaume, veulent ou non les seigneurs particuliers, peut exiger ce que par eulx luy sera ottroyé pour quelque cause que ce seroit ; mais tous aultres seigneurs particuliers ne peuent, du consentement mesmes de leurs subgetz, mettre tailles, aides ou tributs, voire encores pour les reparacions de leurs villes, ne icelles lever et cuillir sans le congié et licence du roy. Et pour ce on peut bien nommer ce royaume France, car ilz souloient estre francs et avoient toutes franchises et libertés, mais de present ilz sont plus que sers taillables a voulenté. (Juv. Urs., Verba, 1452, 269)

Serf esclave

[À propos de Jacques de Giblet] Il avoit là pluseurs esclaves, (...) Li roy ordena qu'on l'i meinne, Et commanda, seur moult grant peinne, Qu'il ne soit homs qui l'entreporte, Qu'à son col la terre ne porte, Et qu'il y foue toute jour, Sans avoir respit ne sejour. Com serf esclave là le mist, Dont moult à envis s'entremist ; Et certes il le refusast Volentiers, se faire l'osast. Mais la force n'estoit pas sienne, Ne que Iherusalem est mienne. (Mach., P. Alex., p.1369, 259)

[À propos de la trahison de Judas, p. oppos. à franc, avec une idée de mépris] Le serf a vendu le franc

JUDAS. Trante deniers de vous en ay, Veéz les vous la, vous les ravés. (...) Las ! le sers a vendu le franc. (Pass. Semur D.M., c.1420 [1488], 188)

[Avec jeu de mots serf/cerf]

Mon seigneur [Thibault d'Aucigny] n'est ne mon evesque, Soubz luy ne tiens s'il n'est en friche ; Foy ne luy doy n'ommaige avecque, Je ne suis son serf ne sa biche. Peu m'a d'une petite miche Et de froide eaue tout ung esté ; Large ou estroit, moult me fut chiche : Tel luy soit Dieu qu'il m'a esté ! (Villon, Test. R.H., 1461-1462, 24)

3.Serviteur.

Serf

...le medecin est menistre et serf de nature (Saint-gille, Comment. A.Y. L., 1362-1365, 337)

Car tel est habile a donner son conseil, et de tel serf dit l'Escripture : Servo sensato liberi servient. (Oresme, Pol. Arist. M., c.1372-1374, 73)

Item, la cité de Capharnaüm o- Jhésucrist sauva le serf du centurion et le tayon de saint Pierre l'appostre, et celle est droit contre Bethsayda. (Lannoy, Voy. amb. P.H., p.1450, 92)

Prince, porté soit des serfs Yolus [Éole ; 'les vents'] En la forest ou domine Glocus Et soit privé de paix et d'esperance, Car digne n'est de possider vertus Qui mal voudroit au royaume de France ! (Villon, Poèmes variés R.H., c.1456-1463, 59)

Il seroit bien ingrat se Ne se vouloit du tout submettre A luy, et ses vertus sus mettre, Pour luy faire honneur et service, Car se seroit donc au serf vice Qui ne serviroit bien son maistre, Le temps qu'il pourroit sans somme estre Ou occupé pour aultre affaire Honneste et necessaire a faire. (Meschin., Lun. princes M.-G., c.1461-1465, 42)

Nous avons bonne volunté D'ouyr vostre saincte parolle Et profiter en vostre escolle Comme vos disciples et sers. (Michel, Myst. Pass. J., 1486, 55)

Serf de l'eau. Serviteur préposé au service de l'eau (dans une maison princière).

Les serviteurs de l'eaue servans à porter l'eaue doivent porter l'eaue en la chambre du prince et livrent caches et ramons. Et quant le prince tient un grant estat ou une grant feste, le serf de l'eaue doit donner à laver à tous, excepté aux princes servans et ambassadeurs. (La Marche, Mém., IV, Pièces annexées, 1474, 79)

Jeudi fut tué le serf de l'eaue du roy, lequel fut enterré en ung convent des Cordeliers, qui est en une petite ville nommee Ridicoffonne. (La Vigne, V.N., p.1495, 272)

Proverbe. Qui exhausse son serf il en fait son ennemi

...Car qui de son serf son seignour Fait, son anemi mouteplie. (Jean De Le Mote, Voie d'enfer P., 1340, 143)

Mais Agar sa meschine a tort l'eust en despit [Sarah, la femme d'Abraham] quant elle sceust qu'elle eust conceu de Abraham. Mais on dit communement que Qui essausse son serf il en fait son ennemy. Mais Abraham le bon patriarche vit bien et sceust que Agar la meschine avoit tort. (Ménagier Paris B.F., c.1392-1394, 60)

[Même ordre d'idée]

LE CHEVALIER. Sire, qu'avez vous empensé De vous en si petit lieu mettre ? Se de vostre serf faites maistre, S'iert grant folour. (Mir. femme roy Port., c.1342, 168)

Qui d'un serf fait signour, il a mauvais loïer. (Baud. Sebourc B., t.1, c.1350, 120)

Qui d'enfance nourist son serf delicativement, il le trouvera apres orgueilleus et rebeile. (Oresme, Pol. Arist. M., c.1372-1374, 74)

Serf eslever est chose perilleuse. (Desch., Oeuvres Q., t.3, c.1370-1407, 135)

...qui de son serf fait son seigneur vivre doit bien en deshonneur (Wavrin, Chron. H., t.1, p.1471, 90)

4.[En politique] Sujet privé de liberté.

Et pour ce, tyrannie est vile seigneurie, car en tele tous les subjects sunt serfs. (Oresme, Pol. Arist. M., c.1372-1374, 52)

5.Au figuré.

Celui qui est entièrement soumis (à qqn).

...je devendroye vostre serfve et mon filz vostre serf à tousjours mais (Le Bel, Chron. V.D., t.1, 1352-1356, 16)

Celui qui se laisse dominer par qqc..

Car de ça mer n'a pas, ne de la mer, Plus gentil cuer, plus franc, n'a meins d'amer ; Car de largesse Passe Alixandre et Hector de prouesse. C'est li estos de toute gentillesse, N'il ne vit pas com sers a sa richesse, Eins ne vuet rien Fors que l'onneur de tout le bien terrien, Et s'est plus liés, quant il puet dire : 'Tien' Qu'uns couvoiteus n'est de penre dou sien. (Mach., J. R. Beh., c.1340, 106)

B. -En particulier. Celui qui aliène une partie de sa liberté pour se mettre au service de Dieu, de son prochain, d'une personne aimée.

1.RELIGION

Serf (de Dieu)

Ou temps Nacor, qui fu ayaulx D'Abraham, le serf Dieu loyaulx, Commença ycellui regné, Encor n'estoit Abraham né, Nostre pere le patriarche (Chr. Piz., M.F., II, 1400-1403, 275)

Mon Dieu ne t'eslonge point de moy, ne par ire ne decline de ton serf. Fulgure ta corruscacion et dissipe ceulz. Envoie tes sajettes, et soient conturbees toutes les fantasies de l'Ennemy. (Internele consol. P., 1447, 212)

Veillez sçavoir que ne mentiray poinct A vous dire verité maintenant: Saichez que suis serf et vray lieutenant Du hault Jhesus plain de divinité (La Vigne, S.M., 1496, 335)

[À propos de religieux, de moines d'un monastère consacré à tel saint, ou de prêtres desservant une église dédiée à tel saint] Serf de tel saint

Pour ce vous requier humblement, Cerf saint Leu et saint Walery, Faittez moy respit d'aler y, Se c'est chose qui soit possible (Le Fèvre, Respit Mort H., 1376-1380, 10)

[Qualification qu'un haut dignitaire ecclésiastique se donne] Serf des serfs (de Dieu)

...celui qui est pape de Rome, il est de necessité que selon la condicion de l'eglise (...) il soit serf des serfs (Foul., Policrat., IV, 1372, 132)

...le saint Pere de Ronme, qui est chief de touz Crestians en espirituauté, n'est tenu de servir aux seigneurs terrians, for es choses espiritueles seulement, et en celles est il tenu de servir à touz Crestians ; et pour ce il est appellé Sers dez sers de Dieu. (Songe verg. S., t.1, 1378, 70)

[C'est la vieille orgueilleuse qui parle :] Encores ledit Gregoire, en abaissant mes loix, en deshonnourant ma forge, me servi d'un tel mes, qu'il se feit appeller de Romme 'serf des serfs'. (Mézières, Songe vieil pèl. C., t.1, c.1386-1389, 327)

...Grégoire, évesque, serf des serfz de Dieu, à mes filz de l'Université et de l'Estude de Paris, salut et bénédiction apostolique. (Doc. 1406. In : MONSTRELET, Chron. D.-A., t.1, c.1425-1440, 147)

Serf de (son prochain)

On loue Paulin et aucuns aultres pour ce qu'ilz vendirent eulz meismes pour delivrer autres - et a bon droit on les loue ! - mais saint Pol feit plus quant il se feist serf de tous pour les gaingnier a Jhesu Crist (Gers., P. Paul, a.1394, 512)

Esclave du péché.

...la noble seigneurie De ceste dame a fait les sers si frans Qu'es cieulx peuent estre en sa compagnie. (Mir. Berthe, c.1373, 255)

2.[Dans le langage amoureux]

Mais je te fais bien assavoir, Que tu saches de ce le voir, Que, puis que ce vient a amer, Je vueil chascun mon serf clamer, Quel qu'il soit, soit contes ou rois (Mach., D. verg., a.1340, 29)

Et pour ce que je suis es mains De loyal Amour que j'aim si, Li fais hommage et di einsi : 'Bonne Amour, je te fais hommage De mains, de bouche, de corage, Com tes liges sers redevables, Fins, loiaus, secrez et estables, Et met cuer, corps, ame, vigour, Desir, penser, plaisence, honnour Dou tout en toy avec mon vivre...' (Mach., R. Fort., c.1341, 157)

Ma dame estes et vostre cerf me clain. (Desch., Oeuvres Q., t.4, c.1370-1407, 43)

Douce dame, vous ociés à tort Vostre humble serf et vo loial ami, Car je n'ay pas desesperée mort Desservie, pour ce que miex que mi Vous aim assez. (Mach., L. dames, 1377, 84)

Eins me devés tenir en vo servage Comme vo serf qu'avez pris et acquis, Qui ne vous quiert villenie n'outrage. (Mach., L. dames, 1377, 208)

Vostre esclave et serf, ou que soye, Qui trop ne vous puis mercier, Quant vous a pleu de m'envoyer Le don qu'ay receu a grant joye ! (CH. D'ORLÉANS, Rond. C., 1443-1460, 379)

'Ma dame,' dist il, 'du temps qu'il a que je suis vostre treshumble serf et loial serviteur...' (La Sale, J.S., 1456, 233)

II. -Emploi adjectival.

A. -DROIT [D'un héritage] Assujetti au paiement d'une redevance au seigneur.

Et comment cuidiez vous, se mon pere a voulu asservir l'eritaige tant comme il le tint, que je le doye tenir serf, puis qu'il est franc ? Vous avez veues les lettres comment le bon conte Aimery de Poictiers le donna a mon pere si franchement que il n'en devoit rien a nul homme que a Dieu. (Arras, c.1392-1393, 296)

B. -[D'une pers.]

Serf. Qui n'est pas libre moralement',.

De che dist aussi Lucan : «Veulles tout che que je te commande». «Se tu obeïs contre ton voloir, tu es serf ; se tu le fais de bonne volenté, tu es franc». (Daudin, De la erudition H., c.1360-1380, 239)

Serf à qqn/qqc. Soumis à qqn/qqc..

...car, aprés la premiere desobeyssance, Justice tantost le despouilla de son noble vestement de innocence, amena Rebellion en son royaume espirituel, le chassa hors de son propre heritaige, paradis terrestre, luy fit espouser mort, fut fait serf a tribulacion, le livra a tres crueux sergens pour le tourmenter, qui sont Fain, Soif, Angoisse, Misere, Tristesse et Maladies sans nombre. (Gers., Purif., 1396-1397, 61)

Use doncquez de ton devoir, et ne laisse pas ce corps serf au monde te tyrer avecquez soy en perdition, maiz fait guet et escoute sur ta garde. (Chart., L. Esp., c.1429-1430, 26)

Et par contraire le mesprix de Dieu rent l'omme subgiet et serf a toutes choses. (Chart., L. Esp., c.1429-1430, 42)

Dont convint que ledit seigneur fust detenu par pluiseurs jours et fust serf a sa femme et a ceulx dont il estoit seigneur (La Sale, Salade, c.1442-1444, 194)

[Les princes] ...sont hors de toute répréhension, ce leur semble, et non serfs à nulle loi d'hommes (Chastell., Chron. K., t.5, c.1456-1471, 476)

Qui se laisse dominer par qqc..

Là furent blecié durement Pastez, li Baveux et leur gent ; Messires Guillaumes de Saus Et Monstri, li bons amiraus, De la Bove li bons Gobers, Qui n'est pas à son avoir sers ; Il fu bleciés eu visage Par hardement et vasselage, Et tout de pierres et de trais. (Mach., P. Alex., p.1369, 153)

La seconde est que sobrieté delivre homme glouton de servaige du ventre a qui il est serf. (Ménagier Paris B.F., c.1392-1394, 44)

Enclin, porté à (un sentiment).

Car qui serf a pitié se moustre N'est pas serf, non, mais il passe oultre, Car il est de bien enseigneur Et se preuve de touz segneur. (Mir. st Sev., 1362, 199)

Serf de + inf. Contraint de.

Et tant chassay que je fuz serfs [La variante cers de B2 'assuré de' (certus) est à considérer (Éd.)] De veoir le soleil mucier, La ne veoye chiens ne cerfz (Taillev., Deb. cuer ueil D., c.1444, 200)

Assujetti à

...ilz s'esmerveillerent dont ilz venoient a estre sers de rendre treu aux enfans dont riens n'avoient deu aux peres et duquel sang ils descendoient aussi franchement comme eulx sans empirement d'autrui. (Percef. IV, R., c.1450 [c.1340], 415)

Emploi absolu.

Soumis.

En toy bonnes vertuz aunes : Soiez touz jours humbles et sers : Devotement tes fréres sers Et aies le cuer pur et fin. (Mir. Theod., 1357, 119)

Vil, lâche.

Il dist (...) à chiaus de Roem qu'il seroient bien serf et bien meschant, se il s'acordoient à celle gabelle (Froiss., Chron. L., IV, c.1375-1400, 175)

[D'une chose] Digne d'un esclave, pénible.

Pis vault avoir femme qu'amie, Car d'amie se depart on Franchement, mais de femme non ; C'est un serfs liens qui trop dure Et ou li homs griefs maulx endure, Qui durent jusques a la mort (Desch., M.M., c.1385-1403, 98)