SEMBLABLEMENT

adverbe

[GDC : semblablement ; FEW (XI, 624a) : similare ; TLF (XV, 292a) : semblablement]

A. -De la même façon.

Requievi similiter, elle dit : J'ay reposé semblablement, c'est a dire si conme mon filz le benoit Jhesus reposa en mon tabernacle singuliérement, et je aussi en son tabernacle ay reposé et repose semblablement. (Mir. march. larr., c.1349, 92)

Et ainsi chescun citoien semblablement l'un comme l'autre sera negligent de lez nourrir et introduire. (Oresme, Pol. Arist. M., c.1372-1374, 78)

Et samblablement feroit un homme qui traverseroit une nef quant elle est meue et va tot droit aval. (Oresme, C.M., c.1377, 62)

Et donques qui prendroit aucune chose de la terre qui est en cest monde, elle ne differe en rien des parties de terre de l'autre monde ne celles de l'autre monde ou resgart de celles de cestui, mais seroit semblablement des unes comme des autres, quar elles ne different en rien en espesce. (Oresme, C.M., c.1377, 140)

Ce jour, ont esté publiées en la Court de ceans les lettres passées par le Roy en son Grant Conseil sur le nouvel cours des monnoies, et ont esté publiées en la grant sale à la fenestre, et ont esté portées ou Chastellet pour estre semblablement publiées. (Fauq., II, 1421-1430, 19)

...Thomas, qui venoit a l'heure que sa dame luy avoit mise, semblablement cuida que le dit Jehan Stotton fust le dit Richard (C.n.n., c.1456-1467, 390)

Et après, d'ilec se party et s'en vint devant Vernon sur Seine, où semblablement lui fut fait refus de premiere venue, et puis le mirent dedens. (Roye, Chron. scand., I, 1460-1483, 145)

Icy prent Jhesus le vin et le benist semblablement (Myst. Pass. Troyes B., a.1482, 653)

Après que j'ay consideré Le fait d'elle totallement, Comment je vous ay desclairé Cy devant tou(te)s en jugement, Je regarde semblablement Vous deulx, chascun en sa querelle, Celluy qui pourra plainement La mieulx servir au plaisir d'elle (P. moyne, a.1500, 51)

Aussi, également.

... [il] sceut et vit que le dessus nommé Jehan Malherbe, son serourge, qui semblablement demouroit en icelle ville de Ligierville, menoit très-mauvaise vie à sa femme (Reg. crim. Chât., II, 1389-1392, 17)

...honorables hommes et saiges maistres Jehan Truquan, lieutenant dudit mons. le prevost Guillaume Drouart, lieutenant semblablement (Reg. crim. Chât., II, 1389-1392, 436)

...et disoit on qu'il n'avoit mie en sa compaignie plus de IIIJ ou de Vc hommes armez, et disoit on semblablement que à tenir ledit siege n'y avoit que IIIJc hommes armez ou environ par terre (Fauq., II, 1421-1430, 122)

...et, en une grant assemblée, en la grant sale de Brucelles, où il y avoit beaucoup d'embassadeurs, luy presentèrent lesdictes bannyères et semblablement tous les privilleiges pour en faire à son plaisir. (Comm., I, 1489-1491, 119)

Il sembla bien lors au roy qu'il estoit à la fin de son intencion et que aiséement il gaigneroit ledict duc à semblablement habandonner lesdictz ducz dessus nomméz. (Comm., I, 1489-1491, 123)

SAINCT MARTIN. (...) Mon pere m'en fit grant deffence Et ma mere semblablement, Mais touteffois en leur absence Je servoye Dieu devostement De mieulx en mieulx, tout bellement. (La Vigne, S.M., 1496, 260)

Ne semblablement. Non plus.

Ha, sire, ne me mescroiez Ne les dames semblablement, Se vous ne lisez et voyez Tout le livret premierement. (Chart., E. Dames, 1425, 366)

Ne moy aussi semblablement, Congneu sa grande saincteté (La Vigne, S.M., 1496, 361)

En ce cas elle n'a nul blasme Ne mes enffans semblablement. (La Vigne, S.M., 1496, 530)

[Dans une formule elliptique de politesse, réponse à une formule exprimée de façon complète] De même.

LE CRESTIEN. En puissance et auctorité Dieu vous tienne en prosperité ! LA FEMME. En joye de cueur et santé. LE JUIF. Et vous aussi semblablement. (Mir. st Nic. juif, c.1480-1500, 87)

Semblablement comme. De la même manière que.

Veez la semblablement parlé Comme fist Golias a David, Don Golias en fut bien punit, Car David luy coppa la teste. (Pass. Auv., 1477, 267)

Et luy fut encoires dit et monstré que la greingneur partie du conseil des bonnes gens, citez et bonnes villes et pors d'Angleterre voulsissent bien qu'il fust degradez et mort, semblablement comme messire Symon Burlé avoit esté mort, car de telz amises estoit-il plainement encouppez. (Froiss., Chron. M., XIV, c.1375-1400, 43)

Semblablement (...) que

De la même manière que.

... .XIJ. lances, dont les .VJ. estoient deux et deux, des troiz meismes draps d'or et semblablement ourlees que estoient les paremens. (La Sale, J.S. E., 1456, 182)

Joinct aussi que nous sommes diminuéz d'aage, et que la vie des hommes n'est si longue comme elle souloit ny les corps si puissans, semblablement que nous sommes affoibliz de toute foy et loyaulté les ungs envers les autres. (Comm., I, 1489-1491, 128)

Tandis que.

Semblablement que le roy et l'armee estant a Thurin et es environs d'Ast, tousjours les vivres en venoient, et aultant ou plus qu'on en vouloit. Parquoy il est assavoir que le pays d'Ast est ung tres bon pays, plantureaux et fertil de tous biens ; avecques ce aussi les gens y sont debonnaires, amyables et paisibles. (La Vigne, V.N., p.1495, 295)

[Comme terme corrélatif qui reprend le terme subordonnant d'une propos. comparative]

Pour ce dit Maximien : Le temps tire apres lui toutes choses morteles, et ainsy comme le ciel tourne, semblablement nostre vie court apres lui. (Chr. Piz., P.V.H., 1416-1418, 26)

Car, ainsi que pour les haultes et grandes querelles viennent les grans divisions entre les puissans et riches hommes, semblablement entre les povres s'esmeuvent noises et discensions pour assez pou de chose : car nul ne veult laisser perdre son droit. (Bueil, I, 1461-1466, 20)

[Empl. sans verbe, dans une phrase ell. ayant un lien avec un élément de la phrase qui précède] Semblablement de qqn/qqc. (Il en est) de même de qqn.

Et semblablement de ceulz qui veulent avoir les princeys pour noblesce de lignage. (Oresme, Pol. Arist. M., c.1372-1374, 141)

...Actile, qui estoyt povre laboureur, fut esleu en prince par le mauvais gouvernement des nobles. Semblablement de Quincius ; et quant il eut servy la chose publicque, ilz vout revenir en son estat premier (Juv. Urs., T. rever., 1433, 68)

Semblablement des princes temporelz, comme messrs, les duc d'Alencon, contes de Harcourt, d'Aumarle, Tancarville et autres, avec plusieurs barons, chevaliers et escuiers et gens de tous estas, lesquielx auront grans prouffis par le moyen de ladicte cedule, dont ilz n'ont de present aucune chose. (Juv. Urs., Loquar, 1440, 423)

Et semblablement d'ung aultre grant engin appellé tour, lequel de present n'est point en usaige. (Bueil, II, 1461-1466, 50)

B. -[Adv. de phrase]

De même.

Item, semblablement, les dessus diz Honoré du Puis, Jehannin de Soubz le Mur, dit Rousseau, Jehannin Saint-Omer, dit Cousin, et Jehannin Fontaine, ne cogneurent aucune autre chose que dessus ont dit (Reg. crim. Chât., I, 1389-1392, 109)

Semblablement, par la Dieu grace, pues attendre grant joye de ton autre fille, ma damoiselle [ Catherine ] de Bourbon, par mariage encores, se Dieux plaist, hautement pourveue comme bien le vaille (Chr. Piz., P.V.H., 1416-1418, 39)

Semblablement, quant cellui qui est oysif ou sans occupacion, vuelt songer à mal faire, il puet beaucoup nuyre et estre communeement cause de beaucoup de maulx. (Bueil, I, 1461-1466, 78)

Semblablement, qui frappoit son cappitaine par maltalant, ou qui s'enfuioit de la bataille et les aultres y demourassent, ou se aucun estoit envoyé en ambassade devers les adversaires, ou pour les espier, et il revelloit sa legacion, il encouroit pareille peine. (Bueil, II, 1461-1466, 13)

Semblablement, il fist venir d'Espaigne Aucunes gens avecques leurs oustilz Pour luy forger maincts ouvraiges subtilz. (La Vigne, V.N., p.1495, 131)

Semblablement, vous vous entretiendrez Avecques tous bons et loyaulx gendarmes Et, au surplus, le party maintiendrez, Ou que soyez, des gorgïases dames (La Vigne, S.M., 1496, 191)

Dans le même ordre d'idées.

Et samblablement, je di que les corps du ciel sont tres precieux et ont en soy tres merveilleuses et tres nobles vertus tant sensibles comme insensibles, mes il sont meuz par choses incorporeles lesquelles ne sont pas formes ne ames de cez corps, si comme il fu dit ou quint chapitre. (Oresme, C.M., c.1377, 508)

Ce propoz dont je parle eust myeulx servy plus en arrière où je parleray du trespas dudict roy Edouard, car il estoit encores vif au temps dont parle ce chappitre ; mais je l'ay faict pour continuer le propoz de mon incident. Semblablement, avons veü depuis muer la couronne d'Espaigne, après le trespas du roy domp Henry dernier mort (Comm., II, 1489-1491, 235)

[Relevant du parallélisme non/ne mie seulement ... mais semblablement] Non seulement ... mais aussi.

...et [Dieu] ne se pourroit departir ne absentir de quelcunque lieu et ne peust estre ymaginé lieu qui soit privé de la presence de son essence et que l'en peust dire 'Dieu n'est pas yci' ; et non pas seullement des lieus de cest monde, mais samblablement en l'espace infinie ymaginee et immobile. (Oresme, C.M., c.1377, 278)

Et en icelle [la loi salique] , ainsi que l'en dit, estoit contenu ung article qui dit ainsi : (...) laquelle exclut femmes de tout en tout de povoir succeder a la couronne de France (...). Et qui vouldra bien querir et regarder les cronicques de France et d'Angleterre et toutes aultres, on ne trouverra point que le contraire si ayt esté gardé et observé en ce royaulme ; et ne se garde mie seullement en la couronne de France, mais semblablement es terres baillees par les roys a leurs enffens masles ou freres par appannages, car il n'y succede que les masles, et non mie feumelles (Juv. Urs., Aud. celi, 1435, 157)