SEMÉ

substantif masculin

[T-L : semé ; FEW (XI, 435a) : seminare]

A. -['Mets'].

Gravé ou seymé est potage d'iver. Pelez ongnons et les cuisiez tous hachez, puis les frisiez en ung pot. Or couvient avoir vostre poulaille fendue sur le doz, et hallee sur le greil au feu de charbon (Ménagier Paris B.F., c.1392-1394, 208)

Item, ainsi se fait ung seymé, maiz l'en y met ongnons friz, ung petit de pain ou chappellures pour lyer (et doncques est civé). (Ménagier Paris B.F., c.1392-1394, 209)

Gravé ou seymé (car c'est tout ung) de loche ou autre poisson froit ou chault, soit perche ou autre de ceste nature. (Ménagier Paris B.F., c.1392-1394, 222)

B. -HÉRALDIQUE Figures identiques en nombre indéterminé qui parsèment le champ de l'écu.

Et se vous voulés savoir que c'est que semé c'est toute meme armoirie comme merlettes, aiglettes, besans dont le champ de l'escu est empli (Un Traité d'hérald. inédit, éd. L. Houwen et M. Gosman, 1435-1450. In : Romania 112, 1991, 507)

...car j'ay sceu par [ messire ] Jehan de Saint Remy, chevalier, du temps qu'il fut Roy d'armes de l'ordre de la Thoison d'or, et l'un des renommez en l'office d'armes de son temps, que tous les filz de France doivent porter semé de fleurs de liz, et n'appertient à nulz de porter les trois fleurs de liz, sinon à celluy qui est Roy de France ou l'heritier apparent, portant les lambeaux, se toutesfois la difference n'est si grande en l'escu qu'elle soit à tous manifeste et cognoissable. (La Marche, Mém., I, c.1470, 73)

...ledit Robert, premier duc de Bourbon, porta l'escu à trois fleurs de liz, comme filz du Roy de France ; et ceulx de Valois disoient qu'il devoit porter semé seulement comme les aultres yssus de la couronne, ou rompre l'escu par tele maniere que difference fut comme entre le Roy et ses parens (La Marche, Mém., I, c.1470, 153)

Remarque : Deux mots distincts ? K. Baldinger, Etym. 1723, propose de rattacher le sens A à sagina (FEW XI, 55b)