SCIENCE

substantif féminin

[T-L : scïence ; GDC : science ; FEW (XI, 307b) : scientia ; TLF (XV, 179a) : science]

I. -Fait de savoir (savoir, connaissance de qqc. ; savoir-faire, savoir pratique ; savoir du sage, sagesse).

A. -Fait de savoir, de connaître qqc., connaissance de qqc..

Doctrine reçoive humblement ; Mais bien se gart qu'il continue, Car science envis retenue Est et de legier oubliée, Quant elle n'est continuée. Soing, penser, desir de savoir Ait, si porra science avoir. (Mach., R. Fort., c.1341, 2)

PREMIER MAISTRE. (...) Dy moy : en quelle auctorité Diz tu de ceste prophecie Qu'elle est hui en nous acomplie ? Qui t'a donné ceste science Qu'osé l'as, en plaine audience, Devant nous dire ? (Mir. nat. N.S.J.C., c.1343, 233)

Signeurs, j'ay veü en s'orine Einssi comme un po de racine Qu'elle est en l'esperit troublée. Or nous est la science emblée De ce point, s'on ne s'en avise. Et nous savons une devise Que li bons philosophes dist ; Il afferme, et je croy son dit, Que les maladies quelconques - Et qu'autrement il n'avint onques - Sont curées par leur contraire. (Mach., J. R. Nav., 1349, 203)

...pour ce, celui qui a science et n'a pas presentement consideracion ou usage d'elle et fait contre ceste science ce que il ne appartenist pas faire, il differe ce [l. de d'apr. ms. X, 189c] celui qui a presentement la consideracion et l'usage de tele science. (Oresme, E.A., c.1370, 371)

...science de verité et cognoissance des misteres des grans besoignes. (Foul., Policrat. B., I, 1372, 126)

... sauf meilleur jugement, je cuide qu'onques homme, se Adam non, n'ot parfaicte congnoissance des euvres invisibles de Dieu, pour quoy il ne puist de jour en jour prouffiter en science ['progresser dans la voie de la connaisssance'] et oïr ou veoir chose qu'il ne puist croire estre veritables, lesquelles le sont. (Arras, c.1392-1393, 3)

...nonobstant que toute la Court eust moult pour recommendée la personne dudit Boschet, attendue ses suffisances de science, de vertus et autres graces (Baye, I, 1400-1410, 64)

Selon mon petit de science, Je vous tendray honnestement (Gréban, Pass. J., c.1450, 184)

...je ne vouldroye pas que ma science fust descouverte ne cogneue de pluseurs (C.n.n., c.1456-1467, 45)

...des choses perdues on le tenoit vray enseigneur, et de toute science aussi le tresparfect docteur (C.n.n., c.1456-1467, 469)

Certaine science. Connaissance assurée.

Se il fust ainsi que le marié ou cas dessus dit pechast seulement pour ce que il fait conscience, la decretale conseillast que il deposast celle conscience si comme elle conseille en ce chapitre meïsme ou cas ou il avroit legiere creance de l'empeschement et non pas certaine science. (Oresme, E.A.C., c.1370, 318)

Science d'experience. Connaissance acquise.

Je passe briefment pluseurs questions lesquelles pourroit demander curiosité : Se cest enfant estoit aussy saige selon l'umanité comme il fut en l'aage de XXX ans ? Je dy que oÿ, excepté science d'experience. (Gers., Noël, p.1404, 298)

Connaissances du clerc.

Assez ont clergie et science (Mir. st Sev., 1362, 224)

...il n'entendoit point que l'homme deust estre ancien, ains (...) qu'il fust jeune, ayant autant de renommée en clergie et science que ung veil (C.n.n., c.1456-1467, 568)

Au pluriel. Connaissances.

C'est la quarte raison et est contre Platon, qui disoit que nous avons les sciences et les vertuz de nature des que nous sommes fourméz. (Oresme, E.A.C., c.1370, 179)

...nul, fors Dieu, ne peüst veoir toutes escriptures ne de soy peult moult savoir ; se il n'est aidié des aultres sciences, sache qu'il porte prejudice civil. (La Sale, Sale D., 1451, 1)

Ha ! monseigneur, et qu'est cecy ? et ou sont voz lectres, voz grands honeurs, voz sciences et discrecions ? (C.n.n., c.1456-1467, 119)

Avoir (la) science de qqc. Avoir la connaissance de qqc., connaître qqc..

...il avoit science et cognoissance de ce qui estoit a venir. (Foul., Policrat. B., II, 1372, 174)

...aucun mistere, Dont nous n'avons pas la scïence (Gréban, Pass. J., c.1450, 355)

Avoir science de + inf. Avoir la capacité (que procure le savoir) de.

...de accorder ensemble les destinees et la legiereté de nature ne puis avoir science (Foul., Policrat. B., II, 1372, 186)

LE MESSAGIER. Mon chier seigneur, vous aurez pascïence Tant que je soye, s'il vous plaist, revenu. Lors congnoistrez si j'ay en moy scïence De declairer ce qui est advenu. (La Vigne, S.M., 1496, 235)

De nostre science. En pleine connaissance de cause.

...de nostre certaine science, plaine puissance et auctorité royal (Doc. 1415. In : MONSTRELET, Chron. D.-A., t.6, c.1444-1453, 166-167)

Savoir faisons que à notre premiere et joyeuse entrée en notre ville d'Aire, nous, à nos bien améz les maire, eschevins et communaulté d'icelle notre ville, de notre certaine science avons juré et promis, jurons et promettons de grace especial, par ces presentes, de leur tenir, maintenir et garder les chartres (Hist. dr. munic. E., t.1, 1423, 99)

Remarque : De science certaine 'assurément' : Scheler, Gloss. Geste Liège, 246 (mais la référence - 9257 - est erronée ; non retrouvé).

Par science. De (vraie) science. Sciemment.

Je voy seignourie descendre Es sers, par science franchis (Desch., M.M., c.1385-1403, 270)

...de leur bon gré, bonne voulenté, propre mouvement et de leur certaine et vraye science, sur ce bien conseillez (...), recongnurent et confesserent... (Doc.1408 [1489]. In : Brunel-Tardy, Paris, l'Église et le roi, 2016, 172)

Ne pourtant croiez que remecte Ou pardonne de vraye science A la mort mauldite et infaicte Si grande offense qu'elle m'a faicte, Car seroit contre ma conscience. (Hautev., Conf. Test. am. tresp. B., c.1441-1447, 47)

Remarque : Par ma science 'sciemment (?)' : Scheler, Gloss. Geste Liège, 246

...la violenche Que je fis à Radut des Preis par ma sienche (JEAN D'OUTREM., Geste Liège B.B., t.2, a.1400, 698)

B. -En particulier.

1.Intelligence des choses, capacité de les discerner, de les comprendre.

...la scïence sans maniere Est de pluiseurs tenue peu chiere. (Renart contref. R.L., t.1, 1328-1342, 12)

Oëz qui tant abandonnez Voz corps a touz aësemens Et a vains glorifïemens Comment vaine glore est punie, Soit pour force ou pour seignourie Ou pour beauté ou pour noblesce Ou pour scïence ou pour richesce. (Tomb. Chartr. Trois contes S., c.1337-1339, 100)

Et dist en haut : 'Certes, Raison, vostre science faut, Et Loiauté, sachiez, riens ne vous vaut. Car cils amis, pour mal, ne pour assaut Qu'Amours li face, N'iert ja partis de la belle topasse Qui de biauté et de douceur tout passe, Et de fine colour ; ja Dieu ne place Qu'il li aveingne Que ja d'amer la belle se refreingne !...' (Mach., J. R. Beh., c.1340, 127)

Et pour ce, dame de vaillance, Qu'en moy n'a pas sens ou science Pour vos biens et douceurs retraire, Si com je le deüsse faire Et com volentiers le feroie, Mais en vain me travilleroie, Ma dame, trés humblement ren ge A vous grace, mercis, loange Cent mille fois, et vous salu. (Mach., R. Fort., c.1341, 84)

Car Dieus en ce siecle terrestre A mains jugemens si enclos Qu'estre ne porroient esclos D'omme mortel par sa science. (Mach., J. R. Nav., 1349, 218)

Je sui Mesure mesurée, En tous bons fais amesurée, Et aussi sui je mesurans, Ferme, seüre, et bien durans A ceuls qui vuelent sans ruser Justement de mesure user ; Et qui non, aveingne qu'aveingne, De son damage li souveingne. Dont uns maistres de grant science Et de trés bonne conscience A un sien deciple enseingne Et li moustre de moy l'enseingne, Disant : 'Amis, je te chastoy : Se tu ne mès Mesure en toy, Elle s'i mettra maugré tien...' (Mach., J. R. Nav., 1349, 259)

Ore pour ta science acroistre, Il te fault les herbes congnoistre (Mir. st Panth., 1364, 324)

Mais autres gens sont qui conversent civilement et qui font oeuvres politiques par une puissance, c'est a dire, par un habit acquis par acoustumance plus que ilz ne les font par science. (Oresme, E.A., c.1370, 537)

...il se dient avoir la science par la quelle il cognoissent les temps et momens par avant qu'il viengnent (Foul., Policrat. B., II, 1372, 166)

Et ainsi je croy que cuer de noble estrattion qui a la science des nobles vertus des ars dessuz diz ou cuer, qu'il n'en sauroit meserrer si tost que cil qui auroit aprins les ars par avarice de vouloir enrichir... (Arras, c.1392-1393, 17)

...aussitost aroient science De bien et de mal (Chr. Piz., M.F., II, 1400-1403, 136)

...de la venue de ceulx qui vindrent à son hostel, il n'en scet rien, ne n'en fit rien, ne ne doit point estre dit receptateur, attendu la nature de receptation, où science est requise et communication (Baye, I, 1400-1410, 108)

Car science n'est desprisée, Comme on dit, que par ignorance. (Myst. Viel test. R., t.6, c.1450, 229)

La science de qqn. Les connaissances, l'intelligence que qqn a des choses.

Maistre doit monstrer sa science. (Miélot, Prov. U., 1456, 196)

...la science De conseilliers ne vault sans conscience (Meschin., Lun. princes M.-G., c.1461-1465, 87)

[Dans une formule de modestie]

...pourquoy, s'il y a quelque erreur ou negligence de grande investigacion, vous plaise à supporter mon imbescille science et prandre en gré seullement mon bon vouloir (Simon De Phares, Astrol., c.1494-1498, f° 1 v°)

2.Connaissance, intelligence qui vient de Dieu.

Daniel ot nom l'enfançon, Si com tesmongne la leçon. Mais Dieus li donna la puissance D'aler et de parler, science, Congnoissance et entendement De prophetisier tellement Que la verité fu sceüe Des faus prestres et congneüe. (Mach., C. ami, 1357, 11)

Bons roys, vif pardurablement ! Tu ne dois mie einsi penser. Lay ton muser, lay ton penser, Car il a un homme en Caldee Par qui tu saras ta pensee. Il a la science des dieus, Si te dira dont vient tes dieus Et de la main la vision Toute et la declaration. Ce est Balthasar Daniel. (Mach., C. ami, 1357, 27)

...Chascuns voit bien que Daniel Porte la science divine En son cuer et en sa poitrine. (Mach., C. ami, 1357, 35)

Science infuse

Et est bien vray que Dieu si a donné science et sapience infuse a aucuns, come nous lysons de Salemon, tercii Regum tercio capitulo. (Songe verg. S., t.1, 1378, 388)

RELIGION Connaissance des choses divines (par la grâce de Dieu).

Je vous envoieray l'octroy, Le dom mon Pere en vous viendra. Le Saint Esperit descendra Et s'amour vous convertira, Et de grace vous ramplira, Et vous donra scens et scïence, Et mectra hors vostre ygnorance. (Pass. Semur D.M., c.1420 [1488], 266)

Il n'est nul de nous [les docteurs de la Loi] qui soit digne De comparoir en sa presence [de Jésus] En la faculté de science. (Marcadé, Myst. Pass. Arras R., a.1440, 73)

...es VIJ dons du Saint Esperit vous devez croire et obeïr ; c'est assavoir : le don de paour, le don de pitié, le don de science (La Sale, J.S., 1456, 39)

...l'omme, par vraye science, et congnoit et scet que Dieu est son createur. (Fillastre, Traité Conseil H., c.1472-1473, 217)

L'Esprit de science. L'Esprit de Dieu, en tant qu'il donne à l'homme la connaissance des vérités de la foi.

...par sa clemence, (...) Nous a envoyé L'Esperit de scïence Qui nostre credence A fortiffié. (Myst. Pass. Troyes B., a.1482, 1059)

L'arbre de science (de bien et de mal). Arbre du paradis terrestre dont Dieu avait défendu à Adam et Ève de cueillir les fruits.

...l'Annemi (...) Mangier me fist, par glotonnye, Du fruit de l'arbre de scïence De bien et de mal (Pass. Semur D.M., c.1420 [1488], 242)

Tout est mis soubz nostre regence Pour en pouoir user et prandre, Excepté l'arbre de scïence, Que Dieu nous a voulu deffendre. (Myst. Pass. Troyes B., a.1482, 50)

Le fruit de science

EVA. (...) Mes avrés toute congnoissance, Car c'est le doulx fruit de scïence. (Pass. Semur D.M., c.1420 [1488], 17)

3.Connaissance transcendante que Dieu a des êtres et des choses, omniscience divine.

...la sapience et science de Dieu (Foul., Policrat. B., II, 1372, 148)

...l'infinité de la science de Dieu (Foul., Policrat. B., II, 1372, 169)

O haultesse des richesses de sapience et science de Dieu, comment sont incomprenables ses jugemens, et non insarchables et non congneues ses voyes ! (Gers., P. Paul, a.1394, 505)

O quant grant difference est entre l'eternelle science de Dieu, qui toutes choses congnoist telles qu'ellez sont, et le petit entendement de homme, qui juge les choses ainsi que il les comprent ! (Chart., L. Esp., c.1429-1430, 157)

Et pour tant il est a dire que Dieu congnoist les choses temporeles eternelement, les choses muables immuablement par celle science qui est en son Filz. (Somme abr., c.1477-1481, 164)

Quant a ce que la sapience de Dieu congnoist les choses possibles, qui peuent estre et non estre, elle est apellee science ou congnoissance. (Somme abr., c.1477-1481, 164)

[À propos des anges]

L'angele de Dieu a l'entendement simple conforme, c'est a dire les choses qu'il scet, il les scet ensemble actuelement par science de vision comme Dieu, combien qu'il ne scet toutes choses que scet Dieu. (Somme abr., c.1477-1481, 164)

C. -Savoir-faire, savoir pratique, habileté.

...consideré aussi que en usant du mauvais art et science à elle monstré et enseignié par ladite Macete, elle en avoit usé en oignant son ami entre les espaules, afin qu'il espousast icelle (Reg. crim. Chât., II, 1389-1392, 311)

...et envoyeront l'un ça l'autre la [il s'agit des serviteurs] , ung chascun selon son endroit et science, et tant que iceulx serviteurs gaignent leur salaire chascun et chascune en ce qu'il savra et devra faire. (Ménagier Paris B.F., c.1392-1394, 135)

Car de savoir n'orent ilz cure, Ne ilz n'i mectroient leur cure, Se ce n'estoit science active ; Pou prisent la speculative, Ou l'entendement se parfait. (Chr. Piz., M.F., II, 1400-1403, 62)

LE IIIe SERGENT. (...) Venez vous en sur l'eschafault, Ouquel aprandre vous voulons La science que nous savons, Car vous l'avrez tantost aprinse. (Myst. st Adr. P., c.1450-1485, 152)

...ta haulte et excellente science en l'art de pescherie (Macho, Esope R., c.1480, 162)

S'il vous plaist me venir vëoir Et y prendre la pacïence, Selon ma petite scïence Je vous tiendray honnestement, Et vous pry amoureusement Que je ne soye point esconduyt. (Myst. Pass. Troyes B., a.1482, 429)

Se j'escrie mal c'est pour nature Ou aussi par ma ignorance Voyre pour faulte de scïence De celly qui a fait ce dit (Oudin, St Genis M.S., c.1490, 99)

Je croy bien qu'il ne regardoit que pour l'affere du siege du roy Philippe, et l'omme ne penseroit empiece que son filz le voulsit oultrager et que, s'il y eust pensé ou en eust esté adverti, ledit Neptanebus avoit bien science de soy en garder. (Simon De Phares, Astrol., c.1494-1498, f° 60 r°)

...et fut à cestui, selon aucuns, que ung alkymien s'adreça et lui presenta une couppe de verre infrangible et ductible au mertel, dont nouvellement avoit trouvée la science. (Simon De Phares, Astrol., c.1494-1498, f° 71 v°)

PROSERPINE. (...) Brou, brou, ha, ha, puissans deables iniques, De sortir hors maintenant qu'on s'appreste ! Et par noz ars et scïences magiques Faisons lever fouldre, gresle, tempeste ! (La Vigne, S.M., 1496, 222)

Art, ruse.

L'ANEMI. (...) Avoir la cuiday sanz respit Quant faire li fis ce despit Que l'abbe hors de son abbaie La bouta, mais je ne l'ay mie, Tant a en li grant pacience. Ouvrer me fault d'autre science. (Mir. Theod., 1357, 109)

Ha ! compere regnard, de tes mille sciences [var. tours] que tu sces monstre en une maintenant. (Macho, Esope R., c.1480, 154)

[Synon. de art mecanique] Science mecanique. Tout métier exigeant un travail manuel ou l'emploi d'une machine.

Et, primierement, un prince ne doit mie mettre son entante a faire ymages ne si ne doit mie un Roy estre astrologien ne si ne doit mie estudier en aucune science mechanique, c'est a dire en aucun mestier manuel ; et si ne doit mie un Roy estre rethorique ne logicien. (Songe verg. S., t.1, 1378, 410)

Science de batailler. Art militaire.

...car celle seconde [maniere de fortitude] est pour experience, industrie, science de bataillier. (Oresme, E.A.C., c.1370, 215)

Art de la chasse.

Vous avez l'art et la science Des deduis de chiens et d'oyseaulz (La Buigne, Rom. deduis B., 1359-1377, 281)

...au cerf querrir (...) il faut grant science Et grant art et grant diligence. (La Buigne, Rom. deduis B., 1359-1377, 369)

...l'addresse et sentier Ou nostre science est enclose. (Brézé, Chasse T., c.1481-1490, 30)

Art rhétorique.

Et s'arai perdu ma sciance, Car (ja) mais ne ferai sans doubtance Balade, rondel, virelai, Biau dit, biau chant n'amoureus lai (Mach., Voir, 1364, 662)

Et fut le premier qui traitta de la nouvelle science. (Règles sec. rhétor. L., c.1411-1432, 11)

En l'art et science de faire laie retoricque... (Traité art rhétor. L., c.1433-1466, 199)

...qui veult pratiquier la science choisisse plaisans equivocques, riches termes et leonismes, et laisse les bregiers user de leur rethorique rurale. (Molinet, Art rhétor. L., c.1482-1492, 249)

Remarque : Désignant l'art du ménestrel : Mét. Blois B., t.1, 1407, 98.

Art rhétorique et musical.

Et aussi ces deux musiques sont si consonans l'une avecques l'autre, que chascune puet bien estre appellée musique, pour la douceur tant du chant comme des paroles qui toutes sont prononcées et pointoyées par douçour de voix et ouverture de bouche ; et est de ces deux ainsis comme un mariage en conjunction de science, par les chans qui sont plus anobliz et mieulx seans par la parole et faconde des diz qu'elle ne seroit seule de soy (Desch., Art dictier R., 1392, 271)

Science de bien dire. Art de bien parler, éloquence.

Ysidore, ou premier chapitre D'Ethimologies, le tiltre De Rethorique volt escripre, Dist que 'science est de bien dire...' (Chr. Piz., M.F., II, 1400-1403, 132)

[À propos de la nature]

Nature lors si monstra sa scïence (Hautev., Compl. H., c.1441-1447, 58)

D. -Savoir du sage, sagesse.

1.Science ethique / science monastique. Savoir moral.

Mais aussy la science de saint Pol fut bien demonstree en toute maniere de vivre a moralité, fust [en] une personne singuliere, laquelle science se dit ethique ou monastique, fust en ung mesnage qui se nomm[e] yconomique, fust en une cité ou ung royaume qui se dit politique. (Gers., P. Paul, a.1394, 510)

Science de moralité. Morale.

Et de toute ceste doctrine la meilleur, la plus digne et la plus profitable, c'est la science de moralité, contenue par especial et principalment en un livre divisé en deux, qui sont appelés Ethiques et Politiques. (Oresme, E.A., c.1370, 97)

2.Sagesse.

Soing, penser, desir de savoir Ait, si porra science avoir. Et l'entreprengne en juene aage, Eins qu'en malice son corage Mue par trop grant congnoissance. (Mach., R. Fort., c.1341, 2)

Car Pallas la voloit avoir Par scens ['bon sens, sagesse'] , et Juno par avoir, Et d'autre part je maintenoie Que par droit avoir la devoie Et que j'avoie de puissance Plus qu'avoirs ne vaut ne science, Et s'estoie plus belle qu'elles. (Mach., F. am., c.1361, 205)

Pallas meintenoit que science, Subtilité et sapience Passent toute chose mondeinne Et que richesse estoit vileinne Contre science vraiement. (Mach., F. am., c.1361, 205)

Se tu havoies la vaillance De Hector le fort, et la science De Salemon, et la largesce D'Alixandre (...), Et la proesce dë Ayaus, Et jonesce a ta volenté, Et de toute grace plenté, Ne porroies tu desservir, Toute ta vie par servir, Tant que tu peüsses souffire A tel dame amer, a voir dire. (Mach., Voir, 1364, 220)

Batre, rouiller pour ce n'est pas scïence ; Tollir, ravir, piller, meurtrir a tort : De Dieu ne chault, trop de verité se tort Qui en telz faiz sa jeunesse demaine, Dont a la fin ses poins doloureux tort, Par offenser et prendre autruy demaine. (Villon, Poèmes variés R.H., c.1456-1463, 62)

O seincte teste honnouree [de Jean-Baptiste] , Ung peu je vous veulx contempler. De science fustes fort ornee ; Assés ne vous sçarions louer. (Pass. Auv., 1477, 105)

Las, sa parole fructüeuse [de Jésus] A fait convertir maintes gens, Et sa scïence lumineuse A enseignhé mains ignorans. (Pass. Auv., 1477, 243)

SAINCT MARTIN. (...) Dieu qui as la terre submyse En parfaicte prosperité (...), Je supplie ta deïté Et ta tresdivine clemence, S'en servitude suis bouté, Qu'en bien me doinct perseverance, Vraye constance En pascïence, Et esperance De mieulx en mieulx, Bonne prudence, Haulte scïence Et residence En tes haulx cieulx. (La Vigne, S.M., 1496, 365)

Remarque : Vie st Eust. 1 P., c.1350-1400, v.795 ; FROISS., Joli buiss. F., 1373, v.85 ; Vie st Eust. 2 P., c.1400-1450, v.1080 ; GARIN, Compl., 1460, 66 ; COLART MANS., Dial. créat. R., 1482, 142...

Science de + inf. La sagesse de.

Nous souffrons voirement de la peine ; Mais, combien qu'elle soit grevaine, Vray espoir nous donne scïence ['l'espoir nous donne la sagesse, la force morale de'] De la porter en pacïence (Gréban, Pass. J., c.1450, 236)

Ce n'est pas science. Ce n'est pas sage, ce n'est pas raisonnable.

Marie, ce n'est pas scïence De prendre destresse infeconde (Gréban, Pass. J., c.1450, 198)

Pensent il donques bonnement Qu'en elle avoir recouvrance ? C'est bien faulte d'entendement, Et es François n'est pas science. (Myst. siège Orléans H., c.1480-1500, 416)

OFFICIAL. Ce n'est pas scïence De vouloir tant s'esvertuer A faire jeune n'abstinence Ou mal se peult constituer. (La Vigne, S.M., 1496, 560)

À peu de science. De manière déraisonnable.

LE ROY [qui ne retrouve pas sa fille, égarée dans la forêt] . Dieu sa grace appere, Qu'il ne recupere ! Moult suis esperdu. C'est mal entendu, Que n'ay attendu A peu de science. (Moralité six pers. A., c.1490-1520, 514)

Faire science. Agir sagement, raisonnablement.

Croyez nous : vous ferez scïence (Gréban, Pass. J., c.1450, 414)

Sire, vous ferez grant scïence D'examiner sa conscïence, Sçavoir comment il s'est conduit. (Gréban, Pass. J., c.1450, 259)

Lire en science. Lire en vue de la sagesse.

[Le coeur de Villon :] - Veux tu vivre ? - Dieu m'en doint la puissance ! - Il te fault ... - Quoy ? - Remors de conscïence, Lire sans fin. - En quoy ? - Lire en scïence, Laisser les folz. - Bien j'y adviseray. (Villon, Poèmes variés R.H., c.1456-1463, 71)

Par personnification.

Car je le met en la maistrie De Science qui le maistrie ; Cremour et Honte de meffaire Et Congnoissance, a lui parfaire, Sont ordené et establi. (Mach., D. verg., a.1340, 25)

II. -Ensemble structuré de connaissances dans un domaine déterminé, discipline scientifique.

A. -(La) science. Ensemble des connaissances scientifiques.

Pour ce que science est existimacion ou cognoissance de choses universeles et de choses qui sont de neccessité, et pour ce que de toutes choses demonstrables et de toute science sont aucuns principes (Oresme, E.A., c.1370, 340)

...la science des Egypciens (Foul., Policrat. B., II, 1372, 155)

De tieulx, qui grandement honneurent Science et clercs et clergie (Chr. Piz., M.F., II, 1400-1403, 64)

Savoir précis et rigoureux.

Mais des choses qui aviennent ou faillent egalment ou qui aviennent peu souvent ne peut estre science. (Oresme, E.A.C., c.1370, 106)

Aussi comme erreur est contraire a science aussi est il un habit contraire a art qui est appellé athemme ou inhertie (Oresme, E.A.C., c.1370, 336)

Et j'ay esprouvé suc de racine de yreos, s'il estoit cuit riens ne vauldroit, et le prent on au matin la moitié de la coque d'un euf et le prent on a par luy ou avec un euf molet, sans doute il cure ydropizie qui se cure par science humaine (Gordon, Prat., c.1450-1500, VI, 5)

Faire science de qqc.

Car l'en ne peut faire science ne donner regle d'un seul fait singulier. (Oresme, E.A.C., c.1370, 149)

B. -Ensemble de connaissances dans un domaine déterminé, discipline scientifique.

1.Une science / telle science / (les) sciences

...tant de medecine que de cirurgie, de philozophie naturelle, d'astronomie et d'autres plusieurs sciences (Saint-gille, Comment. A.Y. L., 1362-1365, 380)

...en mes escoles Je vous ay leu de logique, D'elences, de dialetique Et d'autre mondaine science (Mir. st Val., c.1367, 147)

...les disciplines et sciences des Caldees (Foul., Policrat. B., II, 1372, 155)

Et Musique est une science Qui vuet qu'on rie et chante et dance. (Mach., Prol., c.1377, 9)

Ou nom de Dieu, ci commence le livre d'Aristote appelé Du Ciel et du monde, lequel du commandement de tres souverain et tres excellent prince Charles, quint de cest nom, par la grace de Dieu roy de France, desirant et amant toutes nobles sciences, je, Nychole Oresme, doien de l'eglise de Rouen, propose translater et exposer en françoys. (Oresme, C.M., c.1377, 38)

...Diex a volu que plusieurs d'eulx aient eu longe vie, pour le proufist conmun, afin que ilz peüssent enseigner le pueple en Astrologie et es aultres sciences, lezquelles estoient enfuses en eulx, par singulier don et grace du Saint Espirit. (Songe verg. S., t.1, 1378, 405)

Au temps que ly contes Eimery regna, l'ystoire tesmoingne que de moult de sciences il estoit plains, et especialment de celle d'astronomie, comme j'ay dessus dit. (Arras, c.1392-1393, 17)

La premiere c'est Theorique, Et ceste science auttentique Si nous enseigne la premiere Question (Chr. Piz., M.F., II, 1400-1403, 106)

Et appella à faire ledit procès pluiseurs notables gens d'eglise de la duchié de Normendie, graduez en sciences, et pluiseurs theologiens et juristes de l'Université de Paris (Fauq., III, 1431-1435, 14)

La science d'un art. L'ensemble des connaissances qui relèvent d'une discipline scientifique.

Car, de certain, ce appartient moult a la science de cest art que l'en sache le naturel et casuel domicile et habitacion des planetes. (Foul., Policrat. B., II, 1372, 164)

Les sept sciences. Les sept arts libéraux, les sept arts du trivium et du quadrivium.

Tuit li ouvrier qui sont eu monde, Tant comme il tient a la rëonde, Et les ouvrieres ensement Sont tuit en mon commandement, Et les set sciences aussi Qui sont nuit et jour en sousci Et ne cessent d'estudier Pour ma dignité publier En audience et en publique. Il y est gramaire, logique, Geometrie, arismetique, Et puis musique et retorique Et la soutive astronomie. (Mach., F. am., c.1361, 217)

Une foiz il advint que il lui sembloit que une espere, c'est a dire une roe toute ronde, de fin or, lui fut monstree en vision mont [sic] belle et monlt [sic] grande, estoffee et garnie de belles pierres precieuses, en laquelle estoient et habitoient tous les maistres et les docteurs des sept sciences que on appelle les sept ars (Horloge de sapience S., c.1389, 116)

2.Science de + nom d'une discipline ou d'un domaine du savoir (théorique ou appliqué)

La science de sirurgie Et de phisique est trabuchie. (Dupin, Mélanc. L., c.1324-1340, 71)

...la science des conjectures (Foul., Policrat. B., II, 1372, 149)

...ycelle science de devinemens (Foul., Policrat. B., II, 1372, 187)

Estudioit plus en magique Qu'en la science de logique. (Chr. Piz., M.F., III, 1400-1403, 33)

Science d'arithmetique

...fut très erudicq ès sciences de arismetiq, geometrie et astrologie. (Simon De Phares, Astrol., c.1494-1498, f° 61 r°)

Paulus, geometra Florentinus, fut en ce temps nommé par l'univers occident en la science de arismetique et en la science de astrologie et ne fut nul son second (Simon De Phares, Astrol., c.1494-1498, f° 136 v°)

Science d'astrologie

...par ignorer la grande differance qui est entre ladicte vraye science de astrologie et les ars divinatoires et supersticieux (Simon De Phares, Astrol., c.1494-1498, f° 1 v°)

...homme bien erudicq ès sciences quadrivialles, par especial en la science de astrologie. (Simon De Phares, Astrol., c.1494-1498, f° 38 r°)

Garnit aussi sa librarie de speres, tables, astrolabes et autres instrumens requis à la pratique d'icelle science de astrologie. (Simon De Phares, Astrol., c.1494-1498, f° 83 v°)

Jehan d'Arques, medicin à Rouen, fut moult experimenté en la judicature des urines au moïen de la science de astrologie et chacun an prenostica de la disposicion de l'air, moult precizement. (Simon De Phares, Astrol., c.1494-1498, f° 116 r°)

Petrus Apponus en ce temps regenta a Pavie, en la faculté de medicine et astrologie, sur tous ceulx de son temps et fut, pour les experiences de la science de astrologie, moult estimé du pappe Jehan (Simon De Phares, Astrol., c.1494-1498, f° 134 r°)

Science d'astronomie

Vrays Dieux, comment sont les merveilles que tu as laissiees ca jus en la vertu de ta chamberiere nature, merveilleuses et diverses en leur expedicion, se tu n'y espandoies ta grace divine, et especialment de ceste merveilleuse aventure que je voy ou cours des estoilles que tu as lassus assises dès le commencement du ciel, par haulte science d'astronomie dont tu m'as presté une des branches, de quoy je te doy louer de cuer parfait... (Arras, c.1392-1393, 19)

Science des astres

...ce fut homme tout plain de gloire, de louenge et d'onneur, le tout pour les vertuz qu'il avoit en la science des astres, par laquelle il prenostiquoit choses esmerveillables, qui se veoient. (Simon De Phares, Astrol., c.1494-1498, f° 29 v°)

Science des corps celestes

...la science de corps celestians (Foul., Policrat. B., II, 1372, 165)

Granio, le medicin, fut environ ce temps, très entendu en la science des corps celestes (Simon De Phares, Astrol., c.1494-1498, f° 60 r°)

...fut en ce temps erudicq en la science des corps celestes et le monstre bien en icelui livre ouquel il reduit à diverses plantes aucunes estoilles (Simon De Phares, Astrol., c.1494-1498, f° 71 v°)

Science du corps des estoiles

...et fut le premier [Brunet Latin de Florence] qui escripvit astronomie et qui ordonna la science du corps des estoilles et ce, en son livre appellé le Tresor. (Simon De Phares, Astrol., c.1494-1498, f° 15 r°)

Science des corps superieurs

Arbacus, prince de Medie, fut environ ce temps, bien expert en la science des corps superieurs. (Simon De Phares, Astrol., c.1494-1498, f° 38 r°)

Science des estoiles

...la science des estoilles (Foul., Policrat. B., II, 1372, 161)

...auquel il fist par la science des estoilles de ellection contre les pirates (Simon De Phares, Astrol., c.1494-1498, f° 60 r°)

...et le mieulx pratiquant la science des estoilles que l'on sceust en Athenes pour son temps (Simon De Phares, Astrol., c.1494-1498, f° 67 v°)

Cestui alla en diverses regions pour aprandre et pour sçavoir et sercha les sages en la science des estoilles (Simon De Phares, Astrol., c.1494-1498, f° 71 v°)

...et fut l'un de ceulx qui aymerent estude et qui assemblerent divers volumes de livres et, par nombre veriffié, en eut LXII mille volumes desquieux la pluspart estoit de la science des estoilles. (Simon De Phares, Astrol., c.1494-1498, f° 83 v°)

Jehan Lallement, aussi docteur audit Lion et bien experimenté en la faculté de medicine et bien sçavant en la science des estoilles (Simon De Phares, Astrol., c.1494-1498, f° 165 r°)

Science de geometrie

...science de la geometrie des mesures (Foul., Policrat. B., II, 1372, 161)

Cestui fut de moult subtil engin et composa plusieurs divers instrumens par la science de geometrie et perspective (Simon De Phares, Astrol., c.1494-1498, f° 40 v°)

Science de langue. Grammaire.

...grammaire est appellee la science de langue, car elle apprent a parler (Legrand, Archil. Sophie B., c.1400, 59)

Science de medecine

...l'art et la science de medecine (Foul., Policrat. B., II, 1372, 136)

Cestui monstra la science de medicine et de astrologie au filz Mesarugie qui fut en son temps moult devost. (Simon De Phares, Astrol., c.1494-1498, f° 67 r°)

Averroys Abhel fut environ ce temps en Athenes moult aprecié pour la profundité de la science de medicine et de astrologie, où il fut moult expert. (Simon De Phares, Astrol., c.1494-1498, f° 83 r°)

Bononius fut en ce temps, moult aprecié et estimé, tant pour la science de medicine que astrologie (Simon De Phares, Astrol., c.1494-1498, f° 139 r°)

[Sans compl. dét.] La médecine.

Oncques Ypocras ne Gallien ne praticquerent ainsi la science comme il faisoit. (C.n.n., c.1456-1467, 467)

Science de l'or potable. Alchimie.

Maistre Perre de Graville, Normant, fut en ce temps admené au roy Loys, très souffisant philosophe et grant astrologien, pour ce qu'il s'entendoit en la science de l'or potable (Simon De Phares, Astrol., c.1494-1498, f° 158 v°)

Science de la terre. Géographie.

Strabo fut en ce temps moult renommé philozophe, hystorien et grant astrologien ; monstre bien en ses euvres qu'il fut bien erudicq en la science de la terre, mesmement en son livre De situ orbis, où il divise terre et mer. (Simon De Phares, Astrol., c.1494-1498, f° 67 v°)

Science de theologie

Menopoldus fut en ce temps, homme insigne en la science de theologie et de astrologie (Simon De Phares, Astrol., c.1494-1498, f° 116 r°)

3.Science + adj.

Science celeste. Astronomie, astrologie.

...est escript que il desconfist de ceulx de Belges IIcIIIIxxIIm hommes armez, et en Ytallie XXXm Barbariens, et en Aquictaine XXVIIIm et en Germanie IIIIcm, qui ne povoit pas estre sans science celeste bien conduitte. (Simon De Phares, Astrol., c.1494-1498, f° 69 v°)

Science civile. Droit civil (en tant que discipline).

Or est ainsi que es bonnes choses et es justes desquelles la science civile a entencion de tracter, il y a tant de si grant difference et y a tant d'erreur que des choses justes aucunes en y a qui semblent estre justes tant seulement par loy ou par coustume et non pas par nature. (Oresme, E.A., c.1370, 106)

Sciences liberales. Les sept arts libéraux. (synonyme arts libéraux:art IIA)

...mais aussi contre l'onneur de tous voz predecesseurs, roys très crestiens, qui ont aymée et eue cherie et affectionée plus ceste science de astrologie que nulle des autres sciences liberalles (Simon De Phares, Astrol., c.1494-1498, f° 2 v°)

Sciences mathematiques. Mathématiques.

Premierement, de metre que quantités continues sont composees de indivisibles, touz les impossibles qui s'en ensuient en sciences mathematiques s'en ensuient en sciences naturelz, et ceulz qui s'en ensuient en sciences natureles ne s'en ensuient pas touz es mathematiques pour ce que les choses mathematiques sont dites et entendues par abstraction et les natureles par apposicion ou conjunction aveques matiere. (Oresme, C.M., c.1377, 590)

..furent très expers en la science des estoilles, si furent ils en musique et geometrie et en toutes les autres sciences mathematiques (Simon De Phares, Astrol., c.1494-1498, f° 13 r°)

Cestui fut erudit ès quatre sciences mathematiques et surtout fut très expert en la science de astrologie (Simon De Phares, Astrol., c.1494-1498, f° 87 r°)

Science naturelle. Science de la nature.

La science naturele, presque toute, est des corps et des magnitudes qui sont, et de leurs passions ou qualitéz, et de leurs mouvemens, et encore de quelconques principes ou causes de tele substance. (Oresme, C.M., c.1377, 44)

Perception, connaissance de Dieu à travers la nature.

Ceste est une science surmontant les aultres sciences, eslevee par dessus toute speculation et consideration naturele, qui se dist phisique congnoissance ou science naturelle, et est ceste science theologique et divine preferee a toutes sciences par dignité et utilité comme la plus digne, utile et prouffitable. (Somme abr., c.1477-1481, 98)

Icelui Socrates congneut par science naturelle qu'il estoit ung Dieu et non plusieurs. (Simon De Phares, Astrol., c.1494-1498, f° 48 r°)

Science quadriviale. Chacune des disciplines du quadrivium.

...et les Juifs me ont dit qu'il [Dorothee] fut perit ès sciences quadrivialles et qu'ilz ont des livres de astrologie en ebrieu, par lui composez (Simon De Phares, Astrol., c.1494-1498, f° 27 r°)

Cestui se delecta ès sciences quadrivialles et aussi aux ars militaires et usa des ellections astrologalles moult souvent. (Simon De Phares, Astrol., c.1494-1498, f° 66 r°)

Brunii cirurgici fut en ce temps, selon aucuns, lequel fut ès sciences kadrivialles moult expert, par especial en la science de astrologie et en medicine (Simon De Phares, Astrol., c.1494-1498, f° 82 v°)

Cestui ayma toute science kadrivialle et escripvit ung traicté du Paschal où il monstra bien qu'il sçavoit beaucop en astrologie, geometrie et arismetique. (Simon De Phares, Astrol., c.1494-1498, f° 83 v°)

Science theologique. Théologie.

...et est ceste science theologique et divine preferee a toutes sciences par dignité et utilité comme la plus digne, utile et prouffitable. (Somme abr., c.1477-1481, 98)