SANGLIER

adjectif et substantif masculin

[T-L : sengler ; GD : sangler ; DECT : sengler ; FEW (XI, 645b) : singularis ; TLF (XV, 43b) : sanglier]

I. -Adjectif. [D'un animal] Qui vit en solitaire, sauvage.

Porc/pourceau sanglier. Porc sauvage.

...la dame de Courtevay prouve la saisine de la grant justice par tout ; pourquoy elle emporte le porc sanglier qui fu prins en leur terre ; car ce est cas qui appartient à la grant justice, et sauf ce que ses blaier est saisiz de un mangier, chascun an, sur chascun de leurs hommes tenans feu et lieu. (Cout. bourg. glosé P.M., c.1380-1400, 156)

... ilz virent ung porc senglier grant et merveilleux, qui s'en venoit, escumant et morcelant les dens, vers eulx moult horriblement. (Arras, c.1392-1393, 21)

Mais oncques ne fust porc sangler Eschauffer ne sy furieux Contre hons qu'ilz [les chrétiens] sont a noz dieux ? (Myst. st Adr. P., c.1450-1485, 90)

À Jehan Hubert - pour six grans pourceaulx sangliers, qu'il [le roi] a fait prendre et acheter de luy, pour faire chasser à ses chiens et levriers (Comptes hôtel rois Fr. D.-A., 1478-1481, 374)

Remarque : Jourd. Blaye alex. M., a.1455, gloss. (saingler).

Truie sangliere

...une truye sanglere (Reg. Poitiers F., t.2, 1460, 133)

II. -Substantif masculin. Porc sauvage, sanglier.

Vers Compaingne nous en irons : Cers et sangliers venir ferons A grant planté. (Mir. femme roy Port., c.1342, 171)

Egar ! je voy leuc le greigneur Senglier qu'onques mais je veisse (Mir. roy Thierry, c.1374, 298)

Apriès souper, nouvelles vinrent que uns senglers estoit ens es landes asés priès de là (Froiss., Chron. R., IX, c.1375-1400, 126)

Et ly sengliers vint grant aleure. Et le conte, qui moult scot de la chasse, le va enferrer en l'escu, de la pointe de l'espie qui moult fu agüe. Mais l'escu du sanglier fu si durs qu'il convint, par la force du sengler, le conte verser a genoulx. Et Remondin vint courant, et palmie l'espie, et cuide ferir le sengler entre les quatre membres, car le senglier estoit enversé du coup que le conte lui avoit donné, et l'actaint Remondin du taillant de l'espie sur la soye du doz. (Arras, c.1392-1393, 22)

Et après ceulx venoient deux veneurs qui apportoient le senglier sur un roncin, qui estoit grant a merveilles. (Arras, c.1392-1393, 28)

Une grant dent de sanglier, que l'on dit la dent du sanglier Lorrain Garin. (Comptes Lille L., t.2, 1420, 260)

La char du senglier est dure et forte à digérer et engendre groz sang, maiz des grosses chars sauvagines est la meilleur la char de senglier. (La Haye, P. peste, 1426, 228)

Le sanglier (...) est vne beste tres fiere inmunde et ennuyeuse et si est de grant force et de sa nature comme s'il ne craingnist la mort se vient bouster contre l'espieu du veneur. (Best. hérald. H.E., c.1435-1450, 468)

Car lui estant en chasse apprès son tresgrant sengler, la nuit tout seul le sousprinst, sy ne sceut plus ou aller. (La Sale, Salade, c.1442-1444, 166)

Mainctes bestes ay fait lasser, Quant je chassoye en Normandie ; Meinctes en pris en Picardie, Serz, sanglers, bisches, renars. (Pass. Auv., 1477, 141)

...puis ala en Trace, où il tua le puissant et horrible senglier (Simon De Phares, Astrol., c.1494-1498, f° 26 v°)

Et lors va venir ung senglier souldainement et icelui nepveu, le cuidant enferrer, tua son oncle qui y venoit comme lui, dont il fut moult courroucé (Simon De Phares, Astrol., c.1494-1498, f° 115 v°)

Remarque : Jourd. Blaye alex. M., a.1455, gloss. (saingler).

[Comme terme de compar.]

...ly roys des Taffurs fu devant pour garder A XXm ribaus qui sont fier que sengler (God. Bouillon R., t.2, c.1356, 376)

Tel monstre biel samblant qui a cuer de sengler (Hugues Capet L., c.1358, 227)

Cil Flamenc , qui descendoient orgilleusement et de grant volenté, venoient roit et dur, et boutoient, en venant, de l'espaulle et de le poitrine, enssi comme sengler tout foursené (Froiss., Chron. R., XI, c.1375-1400, 54)

...certes oncques fureur ne cruaulté de senglier ne s'y acompara (Chr. Piz., Paix W., 1412-1413, 131)

Ne sommes nous pas yci tous Plus actis que sanglers et loups A tout mal feyre ? (Myst. st Sébast. M., c.1450-1500, 166)

Vous avez le jour bel et cler, Et avez loisir et espasse ; Frappez dedans comme ung sanglier Et que vostre povoir tout passe. (Myst. siège Orléans H., c.1480-1500, 171)

Si dit on que messire Jehan, Son frere, aussi est prisonnier, Et a Orleans, je le say bien, Y sont soigneusement gardez Par voz princes et voz subjectz, Qui ont pour le present corage Plus fier que n'aroit le sanglier Qui chacé est ou vert boucage. (Myst. siège Orléans H., c.1480-1500, 586)

Tu seras icy aculé Comme ung sanglier entre les chiens. (Myst. st Laur. S.W., 1499, 239)

[Appliqué à une pers. ; comme surnom]

Lion de nobilité En prosperité, Liepart de fierté En adversité, Roy te puet on bien nommer, Sangler hardi et cresté, En fait apresté, Ferm et arresté Et entalenté De tes nuisans contrester. (Mach., Les lays, 1377, 476)

Et bien le dist li rois Robers de Cecille, de Naples et de Jherusalem, que li senglers de Windesore ficeroit encores ses dens moult parfont ens es portes de Paris ; et chils Edouwars est li senglers de Windesore, ensi que dient les prophesies de Merlin selonch le livre de Bructus. (Froiss., Chron. D., p.1400, 410)

En ladicte année, es mois d'aoust et septembre, ung chevalier du pays du Liege, nommé messire Guillaume de la Marche, dit le Sanglier d'Ardaine, fist et conspira guerre mortelle à l'encontre de très noble prince et très reverend pere en Dieu mons. Loys de Bourbon, evesque de la cité de Liege, qui avoit par avant nourry ledit Sanglier d'Ardaine, pour le tuer et meurdrir (Roye, Chron. scand., II, 1460-1483, 118)