RUSER

verbe

[T-L : rëuser ; GD : reuser ; GDC : ruser ; FEW (X, 168a) : recusare ; TLF (XIV, 1362b) : ruser]

A. -[Idée de repousser ou de reculer]

1.Emploi transitif. Repousser qqn, lui opposer un refus.

Mais pour moy garder de tel vice, Sa voulenté ly refusay. Quant elle vit que la rusay Ne se tint pas a ytant coye ; Mais une nuit que me gisoie, Se vint couchier dedans mon lit. (Mir. Amis, c.1365, 33)

Ruser qqn (qq. part/de qq. part). Repousser, faire reculer qqn (qq. part, de qq. part).

Dyomedés fu refusé De sa femme et ensus rusé (Chr. Piz., M.F., III, 1400-1403, 162)

A vous est du reffuser Assez, et de m'estre fiere, Mais non pas de me ruser De l'amour, ma dame chiere, Qu'ai a vous (Chr. Piz., Cent ball. amant dame C., c.1409-1410, 34)

...et print icellui Mathé par la manche et le rusa hors du chemin et le muça derriere ung buisson oudit boys, et apporta le baston dudit Mathé audit lieu de Savigné. (Doc. Poitou G., t.8, 1442, 137)

Lors le roy peu a peu le rusa [Hannibal] de ses consaulx. (La Sale, Sale D., 1451, 38)

...lequel Richard ledit Guillaume Pampelye leva de terre et le rusa à part dudit Alixandre et aussi dudit Molieme. (Doc. Poitou G., t.10, 1459, 101)

Ruser qqc. Écarter qqc..

...damps Abbés, tout plain de joye rusa la table et en sault le premier (La Sale, J.S. E., 1456, 413)

2.Emploi intransitif.

a)Ruser de qq. part. Reculer, se retirer de qq. part.

Et lors il tira sa dicte dague, et afin d'avoir chemin pour s'en fouir, en frappa ung petit ledit Jehan Peltier par la poictrine, pour le faire ruser du chemin (Doc. Poitou G., t.9, 1450, 180)

Ruser arriere

...tant y ont les Gregois fait Que reculé orent de fait Li Troyen et rusé arriere (Chr. Piz., M.F., III, 1400-1403, 73)

b)Attendre là.

M'as tu bien fait icy muser ? Sui je homme qui doye ruser Seul enmy voie ? (Mir. nonne, 1345, 319)

Sans plus ruser. Sans plus tarder.

NOSTRE DAME. Michiel, vas dire a celle femme Qu'elle se fait donner grant blasme Du prestre que tant fait muser, Et que viengne sanz plus ruser Offrir son cierge. (Mir. femme, 1368, 226)

Grain d'or, sanz plus ici ruser Retourner nous fault a la court : Il en est maishui temps (Mir. st Lor., 1380, 143)

Se ruser de + inf. Différer de.

LA MERE [à saint Martin] . (...) D'otemperer a ton pere pretens Et des haulx dieux le cueur de toy prés tens Ains qu'aultre part tu te vueille amuser ; Puis en apprés tu te pourras ruser D'armes porter ou de les reffuser : Au gré des dieux ta volunté soit faicte ! (La Vigne, S.M., 1496, 146)

infinitif substantivé. Fait de tergiverser.

Par ce point me vueil excuser Et si vueil laissier le ruser. (Mach., F. am., c.1361, 147)

3.Participe passé en emploi adjectival. Repoussé au piège.

...Amours en vostre cuer a mis Une amour qui n'en puet partir Et qui vous fait vivre martir ; Et folement vo temps usés, Qu'englués estes et rusés ; Et soiés certains qu'on s'en moque. (Mach., Voir, 1364, 656)

B. -[En lien avec ruse]

1.User de ruses, de détours.

a)Sans ruser. Sans détour, franchement.

Je sui Mesure mesurée, En tous bons fais amesurée, Et aussi sui je mesurans, Ferme, seüre, et bien durans A ceuls qui vuelent sans ruser Justement de mesure user ; Et qui non, aveingne qu'aveingne, De son damage li souveingne. (Mach., J. R. Nav., 1349, 259)

Amis, sachiez qu'elle est ma niece : C'est sanz ruser. (Mir. Amis, c.1365, 17)

Mais le bon roy vueil excuser Sans flaterie et sans ruser, De ce que si tost pour jugier Leur delivra le chevalier, Ja soit ce que leur loy deïst Que li roys einsi le feïst. (Mach., P. Alex., p.1369, 253)

AURELIAN. Huchon, mettre me vueil huymais Et vestir d'un habit tel conme Il me fault pour sembler povre homme. (...) Or me dy voir (...) : Semble je ore homme, sanz ruser, A qui aumosne refuser Point on ne doie ? (Mir. Clov., c.1381, 203)

LIPAGE. Sabine fille, sanz ruser, Se je vous vueil donner mari, En arez vous le cuer marri ? Dites le moy. (Mir. st Alexis, 1382, 298)

...pour voir dire, sanz ruser (Chr. Piz., M.F., I, 1400-1403, 18)

b)Emploi pronominal. Se ruser

Employer des artifices pour tromper.

Fortune, qui de maint tour use Ou monde, dont elle se ruse. (Chr. Piz., M.F., II, 1400-1403, 292)

Acquérir de l'habileté.

LE PERE [à saint Martin] . (...) Car, par amours, jeune enffant s'abillite En dances, lustes et saulx adventureux Et d'estre rustre en tous temps se delicte. Par cest endroit l'engin se debillite Et prent ung ply que jamais ne luy fault : Le cueur se ruse et le corps s'agillite ; Pour ce, ces motz oublier ne vous fault. (La Vigne, S.M., 1496, 191)

c)Emploi transitif. Duper, tromper qqn.

...il cuidoient certainnement Meinte fois qu'elles les amassent La ou penser ne le deingnassent, N'il ne pouoient de parler Tant savoir, ne de bas voler, Qu'il ne fussent d'elles rusé, Acornardi et amusé ; Car on doit ruser les ruseurs, Qui puet, et moquer les moqueurs, Les mauvais haïr et blamer, Et les amans loyaus amer. (Mach., D. Lyon, 1342, 215)

Einsi moustroient les pluseurs Faus samblant a leurs requereurs, Car pour ce qu'elles se doubtoient D'estre rusées, les rusoient, Et leur donnoient a entendre Que merci devoient attendre Et que leur cuer estoient sien, Comment qu'il ne leur en fust rien. (Mach., D. Lyon, 1342, 218)

LE PÉRE. Seigneurs, sanz plus ycy muser, Alons veoir nostre espousé Et sachons s'il a point rusé Encor sa femme. (Mir. chan., c.1361, 176)

Dia ! seray ge ainsin rusé ? Monstrés voir ces mains que vous dictes. (Pass. Semur D.M., c.1420 [1488], 203)

Se moquer de qqn, se jouer de lui.

Sire, pour Dieu vous vueil requerre Et pour pitié, ne me rusez N'a moy rigoler ne musez ; Car en moy n'a ris ne jeu (Mir. fille roy Hongrie, c.1371, 65)

2.S'amuser, plaisanter.

Quant on ot rusé longuement, Uns chevaliers isnelement Hucha le vin et les espices. Bien croy que ce fu ses offices, Car en l'eure, sans delaier, Y coururent li escuier. (Mach., R. Fort., c.1341, 147)

Là parlerent moult longuement Dou roy de Chypre et de ses fais ; Comment il est bons et parfais. Quant il orent assez rusé, Li clers li a tout exposé L'entencion de son signour Si bien, si bel, si à s'onnour Et en tous cas si proprement Qu'on ne porroit mieux nullement. (Mach., P. Alex., p.1369, 128)

Après disner, le conte de Foeis emmena les chevalier en ses galeries et, si comme il avoit usage de ruser et de galer après disner, il entra en paroles à eulx (Froiss., Chron. M., XII, c.1375-1400, 126)

Par ce point quide le conte d'Armignac toudis venir à ses ententes ; ... Joffroys Teste-Noire qui tenoit Ventadour ... ne s'en faisoit que gaber, ne ruser, et ne daingnoit entendre à nul traittié du conte d'Armignac ne d'aultruy aussy, car il sentoit son chastel fort et imprendable (Froiss., Chron. M., XIV, c.1375-1400, 141)

Se ruser de. Se gausser de.

Et pour ce que merencolie Esteint toute pensée lie, Et aussi que je bien vëoie Que mettre conseil n'i pooie, Et que, s'on sceüst mon muser, On ne s'en feïst que ruser, Laissay le merencolier Et pris ailleurs a colier, En pensant que s'a Dieu plaisoit Qui pour le milleur le faisoit. (Mach., J. R. Nav., 1349, 141)

...Et ne doy mie desvoloir Leur plaisant gracieus voloir, Einsois y doy mon sentement Mettre et tout mon entendement, Cuer, corps, pooir et quanque j'ay. Ne je ne pris un bec de jay Ceuls qui s'en vorroient ruser, Car je ne puis mon temps user En milleur n'en plus bel usage Pour avoir noble et lié corage Et pour estre gais et jolis, Gens, joins, apers, cointes, polis. (Mach., Prol., c.1377, 7)

Par ironie.

Et toy, di, taille bien m'espée ? Es tu de m'eschaper engrès ? Tien cela, passe, va après. Et toy, tien, pren celle orgemuse ; Avecques vous me jeue et ruse. Ne hé rien tant, en tout le monde, Conme tiex gens (Mir. Rob. Dyable, c.1375, 24)