RIMER

verbe

[T-L : rimer4 ; GDC : rimer ; FEW (XVI, 717a) : *rîm ; TLF (XIV, 1159b) : rimer]

I. -Emploi intransitif.

A. -[D'un texte, d'un propos] Constituer des rimes.

Et certes, je le doi bien faire, Quant tu me donnes tel espoir Qu'adès mieus recevoir espoir, Et que ma douce dame chiere De bon cuer et a lie chiere Verra ce dit qu'ai mis en rime, Comment qu'assez nicement rime. (Mach., R. Fort., c.1341, 157)

B. -[D'une pers.] Faire des vers.

Ne vous anuit, dame, se plus ne rime, Qu'on porroit bien espuisier un abisme. Cent rimes ay mis dedens ceste rime, Qui bien les conte. Prises les ay en vostre biauté qui me Tient sans dormir dou soir jusques a prime. (Mach., F. am., c.1361, 179)

Non pour tant, pour passer soussy, Essaier vueil se je sauroye Rimer, ainsi que je souloye. (CH. D'ORLÉANS, Ball. C., c.1415-1457, 119)

II. -Emploi transitif.

A. -Mettre en vers.

Pour (vos) paroles desguisees Et (vos) fanfelues rimees Ne cuidiez pas quë autrement Le me faciez ja entendant (Guill. Digull., Pèler. vie hum. S., c.1330-1331, 166)

Ci fineray Ma matiere, ne plus n'en rimeray ; Car autre part assez a rimer ay. Mais en la fin de ce livret feray Que qui savoir Vorra mon nom et mon seurnom de voir, Il le porra clerement percevoir En darrein ver dou livret (Mach., J. R. Beh., c.1340, 134)

...Je, Guillaumes dessus nommez, Qui de Machau sui seurnommez, Pour mieus congnoistre mon meffait, Ay ce livret rimé et fait. (Mach., J. R. Nav., 1349, 282)

Seigneurs, or entendez pour Dieu de paradis Glorïeuse chançon rimee de beaulx dis (Hern. Beaul. D.B., c.1350-1400, 74)

Mais ne vueil pas mettre m'entente A rimer en especial Tout ce qu'il fist en general, Eins m'en passeray plus briefment. (Mach., C. ami, 1357, 49)

Or me couvient ce roy nomer, Qui est venus d'outre la mer, Car raisons est que je vous nomme Le nom de si vaillant preudomme ; Et pour ce le vous nommeray, Qu'assez plus à aise en rimeray. (Mach., P. Alex., p.1369, 43)

Vueille tous ceulz de mal garder Qui en paix veuldront regarder D'une dame la vraye hystoire, Qui tant est digne de memoire, Que ses euvres sont appellees 'Miroir des dames marïees', Que j'ay emprises a rigmer Affin que l'en s'i puist mirer (Gris., 1395, 1)

Ci fine le livre de l'Estoire de la marquise de Saluce, miz par personnages et rigmé l'an mil CCC.IIII.XX. et quinze. (Gris., 1395, 100)

...Faire chançons et balades rimer (CH. D'ORLÉANS, Ret. am. C., 1414, 13)

Rimer des vers

Depuis ai je les vers rimés Dou lai (Froiss., Pris. am. F., 1372-1373, 156)

Or diray de ses aventures En brief, car encor rimeray Maint vers, et moult a rimer ay ! (Chr. Piz., M.F., IV, 1400-1403, 31)

...aucuns ont escript en vers rimés certaines nouvelletez ou ilz n'ont gueres pensé. (Lettres Chart., 1425, 361)

Et je, Charles, duc d'Orlians, rimer Voulu ces vers ou temps de ma jeunesse (CH. D'ORLÉANS, Compl. C., 1433-p.1451, 261)

Paroles rimees. Paroles mises en vers.

Il convient aussi oultre secondement que tous les vers et les batons des rymes qui ont regart ensamble et qui se correspondent l'un a l'autre soient d'une semblable terminacion et d'un accord en son. C'est la principal consideracion en paroles rymees, car pour ce aussy sont elles rymes appellees, qu'elles finent semblablement ainsy en son. (Evr. Conty, Harm. sphères H.P.-H., c.1400, 72)

Livre rimé. Livre, histoire écrite en vers.

...pour ce voult celui qui fit le livre rimé Des Eschez amoureux moustrer come il fu en sa jonesce espris et esmeu de l'amour d'une jone damoiselle. (Evr. Conty, Eschez amour. mor. G.-T.R., c.1400, 2)

Emploi absolu. [Sans doute accept. spéc. en rapport avec le métier de bateleur] Faire des poèmes burlesques ou satiriques.

Ryme, raille, cymballe, fluctes, Comme folz fainctilz, eshontez ; Farce, broulle, joue des fluctes (Villon, Test. R.H., 1461-1462, 131)

Remarque : R.H., Comment. Test., 237.

B. -Par extension. [Dans des tournures nég.] Dire qqc..

Ne savoir que rimer. Ne pas savoir quoi dire, n'y rien comprendre.

Je ne sais que (y) rimer. Je ne sais pas quoi dire.

...la ou il le convient [d'avoir mon cheval] ne sçay je que rimer (Percef. I, R., t.2, c.1450 [c.1340], 782)

Par Dieu, respondit le roy de Navarre, si l'on m'eust dit que c'eust esté le roy de France, je ne m'en fusse pas fort esmerveillé, car c'est ung triumphant royaulme, mais de cestuy bourgeois, je ne sçay que y rimer. Si suis si fort estonné que je ne sçay ou je suis. (Jehan de Paris W., 1494-1495, 57)

Autre chose n'y sais rimer fors que. Je ne peux rien dire de plus que.

Qui les meut [les fillettes] a ce ? G'ymagine, Sans l'onneur des dames blasmer, Que c'est nature femeninne Qui tout unyement veult amer. Autre chose n'y sçay rimer Fors qu'on dit a Rains et a Troys, Voire a L'Isle et a Saint Omer, Que six ouvriers font plus que trois. (Villon, Test. R.H., 1461-1462, 62)

C. -Mettre en rythme.

La musique qui est excellente en bons acors est bien melodizee, et celle qui est excellente en bonne mesure de notes et de sillebes est bien rimee. (Oresme, Pol. Arist. M., c.1372-1374, 355)

III. -infinitif substantivé. Art de faire des vers, pratique de la versification.

Mon hault chanter Mettre en plourer, Mon bel parler Et mon rimer Laissier et tourner à rebours, Quant tout au cler Me veulz grever, Et au finer Sans retourner M'emporte Fortune le cours. (Mach., Les lays, 1377, 479)

Par Scens aras ton engin enfourmé De tout ce que tu vorras confourmer ; Retorique n'ara riens enfermé Que ne t'envoit en metre et en rimer ; Et Musique te donra chans, Tant que vorras, divers et deduisans. (Mach., Prol., c.1377, 2)

Elle a du tout gasté mon fait, Car, par sa langue, elle a tant fait Qu'on m'a deffendu le fleuster, Et le rimer et le chanter, Voire, qui pis est, l'escripre. (Régn., F.A., 1432-c.1465, 95)