RIFLER

verbe

[T-L : rifler ; GD : rifler ; FEW (XVI, 710a) : riffilôn]

A. -Au propre.

1.Frôler, écorcher légèrement, râcler.

[Var.] ...et a l'assembler, chascun reçut grant coup de lance, tellement qu'elles volerent en pieces, et frolerent les chevaux de si près que au passer oultre ilz rifflerent glioires et bourreaux [var. bouriaux] (Bérinus, II, c.1350-1370, 142)

Remarque : Flor. Octav. L., t.1, c.1356, 2267 var. ; Percef. I, R., c.1450 [c.1340], 281, 44 ; Percef. I, R., c.1450 [c.1340], gloss. ; MOLINET, Faictz Dictz D., 1467-1506, gloss.

2.Passer comme en glissant.

Si tos qu'il ont les fiers de ces flecques sentis Et il voient leurs gens afolés et malmis, Plus n'osèrent atendre, anchois s'en sont fuis, Quanques il porent rifler, au lés viers Saint-Denis (Geste ducs Bourg. K., c.1410-1419, 544)

Rifler outre. Glisser; passer outre.

Ce propre matin, messires Jehans de Viane et bien sis vint lances de François vinrent escarmucier l'ost... ensi comme en rifflant oultre sans arrester (Froiss., Chron. R., VIII, c.1375-1400, 157)

[De marins en mer] Glisser sur la mer, cingler.

Lesquelz Bretons, ainsi que s'en retournerent ayans habandonné les François, trouverent les Espaignos qui s'en alloient rifflans aprés eulx et pour avecques eulx descendre ; mais voians que les Bretons les avoient habandonnéz et relenquis (...), tournerent voiles aussi en arriere d'Angleterre et lesserent François en ce dangier (Chastell., Chron. IV, D., c.1461-1472, 294)

B. -Manger goulûment.

...De boire et de riffler et de jeuer grans caux... (Renaut Mont. B.N. V., c.1350-1400, 862)

Ja ne sera leur gorge estanche De riffler et de gourmander. (Chr. Piz., M.F., II, 1400-1403, 74)

Tu riffles comme ung droit porceaulx. Esgar quel lanssiés de sangler ! Quant sera plain vostre peut ventre ? Que male fievre vous y entre, Et mal farsin et male guoute ! (Pass. Semur D.M., c.1420 [1488], 77)

Et quant ilz eurent rifflé et mengé tout ce qu’il trouverent... (Galien Rethoré K.K., 1500, 268)

Remarque : DESCH., Oeuvres Q., t.4, c.1370-1407, 312. Dans le Myst. st Sébast. M., c.1450-1500, 70, un bourreau porte le nom de Rifflandoillie ; cf. COTGR. : Rifflandouille A bellie-god, spoyler of chitterlings, lover of goode cheere ('gastrolâtre, voleur d'andouilles, amateur de bonne chère').

Se rifler

La se sont maintenu tout de gré lourdement : Il boivent et se riflent, n'ont honte de nient. (Renaut Mont. B.N. V., c.1350-1400, 484)

C. -Piller ; ravager.

1.Piller.

Uns jours vendra que li Hainnuier s'en repentiront grandement, car lors pais tout premierement en sera tous riflés et ne les en poront aidier li Englois (Froiss., Chron. D., p.1400, 267)

Leurs pavillons a Troye emportent, Tout rifflent et prennent et portent (Chr. Piz., M.F., III, 1400-1403, 79)

LE ROY DE BARBARIE. (...) Pour mieulx monstrer noz haulx faiz tryumphans, Grans dromadayres, bouffles et elephans, Divers chameaux aurons a grant foison, Qui s'en yront par les chemins roufflans, Et nous apprés, les biens d'aultruy rifflans (La Vigne, S.M., 1496, 228)

Remarque : Galien Rethoré K.K., c.1450, gloss.

Rifler qqn de qqc. Dépouiller qqn de qqc..

...les Alemauns riflerent les Engleiss de çeo q'ils avoyent gaigné à cele alée, et occyrent plusours de nos gentz. (Chron. London A., c.1350, 72)

2.Ravager, détruire, anéantir, ruiner.

Et tout paia le plat païs, car il fu tout riflé , couru et mengié de leurs gens mesmes, car ilz ne voloient pas que leurs ennemis en eussent joye ne aise (Froiss., Chron. M., XII, c.1375-1400, 324)

Et furent remises sus sousides, gabelles, aides, fouages, dousimes, tresimes et toutes manières de tels coses, et li plas païs avoec che tous riflés (Froiss., Chron. R., XI, c.1375-1400, 80)

Tout fut rifflé par le plaisir d'amours Et tout galé sanz compte et sanz mesure, Et buvoit on de gros cops et de lours Et avoit on souvent grace pasture (Mach., App., 1377, 637)

Mais selon la verité ce estoit avaricieuse rapacité qui ne espargnoit homme, ne femme, ne petis enfans, que tout ne fust ravis, rifflé, maintenant par fraude renardique, maintenant par violence loupine, maintenant par occision leonine. (Gers., Noël, p.1404, 309)

Gettés, bombardes et canons, Rifflés et rués tout par terre ! (Taillev., Prise Luxemb. D., 1443, 165)

Tout est riflé jusque a la paille, Tout est vendangé sans cousteau. (Gaut. Mart. A., c.1480-1500, 164)

HERODE. Avez vous fait comme nous dismes ? N'y est il demouré enfant Soubz l'aage de deux ans estant, Qui n'ait passé par la fenestre ? AGRIPART. Tout est rifflé. (Myst. Pass. Troyes B., a.1482, 367)

...D'avoir le soir Bachus escorniflé, Venus rifflé, Ganimedes befflé, Vulcan soufflé, Midas l'asnyer nefflé Et berniflé son flajolet de rouche, Muet et louche des yeulx et de la bouche Comme une souche dormant, j'oys la couche D'une farouche querelle de reproche, Que contre Mort proferoit la Bazoche. (La Vigne, Compl. roy Bazoche M.R., 1501, 389)

Remarque : MARTIN LE FRANC, Champion dames D., 1440-1442, 17516 ; 23669 ; Chasse am. W., a.1509, 368.

Emploi absolu.

Quant Eolus aura bien fait vanter Le vent hauster qui riffle comme fouldre, En sa caverne le fera reboter (Pouvre peuple H., c.1450-1492, 156)

Ilz seront plus fors qu'elephans Qui leur fera ce train apprendre, Et seront en guerre rifflans Si fort qu'on ne les pourra prandre (La Vigne, S.M., 1496, 160)

SATHAN [à Lucifer] . (...) Raby rebelle, redoubtable regnart, Rustic regnant, rampant, rafflant, rifflant Radis rayee, roc, robustre roillart, Regent retrou, ront, rapineux, rocart, A quoy, grand deable, vas tu ainsi ronfflant ? (La Vigne, S.M., 1496, 350)

Rifler dessus. Frapper.

Remarque : GRÉBAN, Pass. J., c.1450 (éd. G. Paris, 7399, GD VII, 195c).