RENTE

substantif féminin

[T-L : rente ; GDC : rente ; DECT : rente ; FEW (X, 173b) : reddere ; TLF (XIV, 829b) : rente]

A. -Revenu annuel perçu en retour d'un fonds affermé ou d'un capital aliéné.

Or ont rente et possession. (Dupin, Mélanc. L., c.1324-1340, 58)

Ne pren de tes gens que tes rentes, Soit en blez, en cens ou en ventes, Car se tu les vues escorchier, Mieus te vaurroit estre un porchier. (Mach., C. ami, 1357, 135)

Oy tes comptes diligemment Et par ce verras clerement Ce que tu pues par an despendre Et ou tu dois tes rentes prendre, Et saras se ti receveur Sont bonne gent ou deceveur : S'il sont bon, tu es assez sages Pour eaus bien paier de leurs gages (Mach., C. ami, 1357, 135)

...Car princes qui ne fait de li Pert souvent et samble a celi Qui vuet que sa gent soient riche, Et il n'ait vaillant une miche. C'est une chiffre en angorime Qui ne congnoit rente ne disme. Et tes gens plus pres s'en penront, Quant en tes besongnes venront, Et diront : 'Mes sires savoir Vuet bien qu'on fait de son avoir.' (Mach., C. ami, 1357, 135)

Des rentes et revenues de Longueville, nient ci, car le Roy lez tient en sa main et en a fait ou doit faire à Monseigneur recompensation et restitution de la ville et baronnie de Montpellier. (Compte Navarre I.P., 1367-1371, 2)

Avec lui par tout le menoit Et mult pres de lui le tenoit ; Et si levoit toute sa rente, Et la lonteinne et la presente ; Par quoy riens faire ne peüst Que li peres ne le sceüst. (Mach., P. Alex., p.1369, 19)

Encor a il entention De faire par devotion Une chapelle belle et gente, Où chanoinnes ara et rente, Où la columpne mettera ; Et avec ce il pourchassera Tant par devers nostre Saint Pere, Que, s'il est ainsi qu'il appere, Qu'aucuns ait permise la voie Au Saint Sepulchre, il li ottroie Qu'il face son pelerinage (Mach., P. Alex., p.1369, 175)

...Qu'en toutes les notables villes Qui sont pour marchandise abilles Li roys y heüst de ses gens, Chevaliers, bourgeois ou sergens, Pour lever et pour recevoir La rente qu'il y doit avoir ; Et s'il en levoit les profis Sept mois ou VIIJ. ou IX. ou X., De tout cela ne leur chaloit, Car la traïson le valoit (Mach., P. Alex., p.1369, 184)

Si vous ordene a estre garde De ma terre et vous prendre en garde Et des rentes et du demaine (Mir. emper. Romme, 1369, 247)

Et si vous di bien (...) Je vous y asserray grant rente, Ne joiel qui vous atalente N'y verrez (...) Que vous ne l'aiez sanz attendre (Mir. Berthe, c.1373, 233)

...ce duc, ... fist grandes aliances au roy d'Angleterre, et pour tant qu'il ne tenoit riens à ce jour du roy d'Angleterre, pour estre de foy et d'ommaige de ses hommes, le roy Richard d'Angleterre luy donna rentes sus ses coffrez, mille mars de revenue par an (Froiss., Chron. M., XIV, c.1375-1400, 176)

Nient moins, dans abbes, pour cest estre Acroistre, vous doing, c'est m'entente, Dix mille livrées de rente (Mir. ste Bauth., c.1376, 167)

Le Chevalier respont que aussi justement puet le Roy, en cas de neccessité, prendre lez biens de sez subjés, come un seigneur censier puet demander sez rentes. (Songe verg. S., t.1, 1378, 44)

Je ne fais grant differance entre cens ou rentes, et exactions qui se font deüement, et diz que, ainsi conme je puis aucune rente ou cens annuel, qui me seroit deü, demander et exiger, par paraille voye, le roy de France en son royaume, pour deffendre son païs et son pueple, puest, en temps de neccessité et de guerre, lever aides convenables (Songe verg. S., t.1, 1378, 44)

J'en say une de grant value, Gente de corps et de visage, Et sy est de noble lignage, Et de rente moult bien garnie. Elle sera moult esjoïe De Fïacre vostre filz prendre. (Vie st Fiacre B.C.P., c.1380-1400, 18)

Et, pour ce, sadite marrine lui conseilla que, par maniere de don ou rente annuele, elle lui feist par chascun an quatre deniers paris. de rente, et lesquelx deniers feussent sanz signe de croix aucune (Reg. crim. Chât., II, 1389-1392, 290)

Quant il [le comte] le vous aura accordé, si lui demandez autant de place en ceste roche et en ce desrubant comment un cuir de cerf pourra enclourre, et qu'il le vous donne si franchement que nulz n'y mette ne saiche mettre empeschement de hommage de fief, ne de rente nulle. (Arras, c.1392-1393, 31)

Et adont demanda Gieffroy de laquelle tour c'estoit que le pommel coustoit tous les ans X. s. Ne le povez vous faire si fort qu'il durast plus de X. ans ou de XX., afin que on ne le comptast pas si souvent ? Et ceulx respondent. Nennil, monseigneur, c'est rente. Et comment, dist Gieffroy, et ne tiens je la terre de Lusegnen, ne la forteresse, que de Dieu, mon Createur ? A Cellui vouldroye je bien estre quitte pour X. s. par an. A qui les paiez vous ? Par foy, sire, nous ne savons. Et comment, dist Gieffroy, voulez vous avoir voz quictances de moy ? Aussi vueil je veoir les quictances de cellui a qui vous paiez les X. s. de rente, que vous dictes que vous paiez pour le pommel de ma tour. Par les dens Dieu, vous ne me aurez pas de ce tour cy ; car, se je puis savoir qui il est, il me monstrera comment je lui doy, ou il me rendra mes arrierages du temps passé, ou vous les me rendrez. (Arras, c.1392-1393, 295)

Et quant on lui disoit : Monseigneur, ouez voz comptes, si saurez comment vous vivez. Comment, respondoit il, et ne faictes vous a nullui tort pour rente ne pour revenue que j'aye ? Et quelz comptes voulez vous que je oye doncques, quant vous et moy nous sommes tout aise, et que mes forteresces sont bien retenues, et toutes mes besoingnes en bon point (Arras, c.1392-1393, 295)

Je m'en voiz veoir se je pourray trouver cellui qui veult avoir rente sur ma forteresse de Lusegnen. (Arras, c.1392-1393, 297)

...li rois d'Engleterre, ... li fist avoir son estat, chevaliers, dames et damoiselles et tous officiers, et rentes et revenues, et bien paiiés de terme en terme. (Froiss., Chron. D., p.1400, 186)

Cil roys le premier cens et rente Fist payer aux gens (Chr. Piz., M.F., III, 1400-1403, 190)

...Pierart du Cavech, bourgeois de Cambray, que l'en dit avoir plus de cent libvres de rente ou royaume (Baye, I, 1400-1410, 57)

Cedit jour, maistre Pierre de Gynes (...) a miz et consigné devers la Court cent solz parisis que se dit devoir pour le terme de Noe derrain passé, pour la moitié de la rente de l'ostel où il demeure (...) laquelle rente apartient au religieus de Molesme (Baye, I, 1400-1410, 121)

...les gens du Sepulcre aquesterent à deux fois de maistre Bureau Bouchier LX livres de rente sur le moulin du Chauffour et autres heritages dont est detenteur Le Clerc (Fauq., II, 1421-1430, 362)

...on maintient que ung detenteur de heritages, chargiez de rente, est tenu aux rentiers ypothecairement et personnelment des arrerages d'icelle rente escheuz de son temps. (Fauq., III, 1431-1435, 119)

GROS CENS, qui à present se nomme rente, qui se paye aux quatre termes à Paris accoustumés, c'est assavoir Saint Remy, Noel, Pasques et Saint Jehan (Comptes Paris V.L.D., t.1, 1441-1442, 249)

Alé s'en est [le temps de ma jeunesse] , et je demeure, Povre de sens et de savoir, Triste, failly, plus noir que meure, Qui n'ay ne cens, rente n'avoir. (Villon, Test. R.H., 1461-1462, 34)

...et pour lors ne vailloient icelles terres que six cens livres de rente ou environ... Et, neuf jours après la prinse dudit Saint-Morise, qui avoit esté rendue par composition, le bastard Vigier, desirant recouvrer la perte que son maistre avoit faicte de sondit lieu et aussi pour garder que son honneur ne fust blessé, partit de nuyt de Saint-Fergeau (Le Clerc, Interp. Roye, c.1502, 190)

Rente viagere. Rente qui doit durer pendant la vie d'une personne et pas au delà.

...en deduction de plus grant somme que devoit le sr d'Auxy audit sr de Belloy par certain accort fait entr'eulx, pour arrerages de C libvres parisis de rente viagiere, en quoy est tenu ledit d'Auxy audit sr de Besloy (Baye, II, 1411-1417, 219)

Et ou mois de septembre l'an mil quatre cens et quatorze vendirent encores vint escuz d'or appellez couronnes de France, rente annuele et viagiere, le denier 9 deniers obole, à une vie (Comptes Etat bourg. M.F., t.3, 1416-1418, 205)

Rente perpetuelle

Et se aucun baille son heritage ancien à censse ou à rente perpetuelle de blé ou de vin, retraitte y a lieu (Cout. bourg. glosé P.M., c.1380-1400, 193)

Rente muable/non muable. Rente dont le montant peut varier ; rente qui reste fixe.

...recepte des rentes perpetuelles non muables . (Comptes Etat bourg. M.F., t.3, 1418-1420, 333)

...la fin du chappitre de rentes muables (Comptes Etat bourg. M.F., t.3, 1418-1420, 707)

Retraire une rente. Racheter une rente (p. ex. au 'denier douze', c'est-à-dire en versant au bénéficiaire douze fois le montant annuel).

J'avoye mis appart quatre vings Escus pour retraire une rente, Mais vous en aurez vingt ou trente... (Path. D., c.1456-1469, 64)

Retraieur de rente. Celui qui rachète une rente, qui rembourse le capital afin de ne plus avoir à en payer l'intérêt.

Hé ! Dieu, quel retraieur de rentes Que ses parens ou ses parentes Avoyent vendus ! (Path. D., c.1456-1469, 118)

Vivre de ses rentes

Li honme de mestier et li laboureur parmi Engleterre vivent de ce que il sevent faire, et li gentilhonme de lors rentes et revenues (Froiss., Chron. D., p.1400, 43)

Locution adverbiale. De rente. Par l'argent avancé pour avoir le bénéfice de qqc..

Ne y viengne par avourie, Jamais de moy ne partira Cest lieu, car il est mien de rente (Bien avisé Mal avisé B., c.1487-1490 [1396], 245)

(Comme) de rente. Régulièrement.

C'est bien drois que m'i assente En attente Qu'aucuns de sez dous biens sente Dedens moy venir. Pour ce aussi comme de rente Li presente Cuer, corps, pouoir et jouvente, Penser et desir (Mach., Les lays, 1377, 330)

...tou les jours de rente Le baty d'un baston (Jourd. Blaye alex. M., a.1455, 54)

Comme il se doit.

Il me samble gentil gallant, Il est jolis comme de rente (Bien avisé Mal avisé B., c.1487-1490 [1396], 106)

B. -Par extension.

1.Ce qui est dû à qqn (au propre ou au fig.), revenu.

Hahay ! que tu me fais de mal, Dyable, qui me trayne[s] ensi. Tu m'as malement accensi Que ensi me paie ma rente. (Sept péchés C., c.1300-1350 [p.1478], 247)

Las ! or langui en grief attente Et vif en pensée dolente : C'est le guerredon, c'est la rente Qu'Amours me paie. (Mach., R. Fort., c.1341, 49)

Et c'est raisons, que j'ay si grant bienfait De son regart, que son cuer me presente, Qu'enamourer mon loyal cuer en fait, Muer, fremir, quant elle m'est presente. Einsi me donne Amours si bonne rente Qu'à li servir, sans retraire, suis mis. Si l'en merci com ses loiaus amis. (Mach., L. dames, 1377, 114)

Mon cuer vous lais et met en vo commant, Et l'ame à Dieu devotement presente, Et voist où doit aler le remanant : La char aus vers, car c'est leur droite rente ; Et l'avoir soit departi Aux povres gens. Helas ! en ce parti En lit de mort sui à desconfiture, Se Dieus et vous ne me prenez en cure. (Mach., L. dames, 1377, 206)

...sy n'ait cascuns de rente Fors pain d'orge et de l'iaue (Jourd. Blaye alex. M., a.1455, 722)

Que doy je faire, pouvre doulente, Puis que j'ay pardu mon enfant ! Chose n'est que me soit plaisante. Or n'ay je chavance ne rente, Ne aultres biens de quoy puisse vivre. J'avoye a mon filz actente [l. mon actente] ; Et tout mort il le me fault suivre. (Pass. Auv., 1477, 130)

Pour toute rente. Pour tout bien.

Or est elle mignonne et gente Et de riens elle ne se soucie Fors que d'avoir pour toute rente Ung mignon qui bien la manie. (P. moyne, a.1500, 51)

2.Au pluriel. Redevances.

Que ceulz qui cuellent les rentes communes assemblent de ces rentes grande somme, et que l'en en distribue as povres grandement tout ensemble. (Oresme, Pol. Arist. M., c.1372-1374, 267)

Li contes Loeis de Flandres et la contese Margerite sa fenme se tenoient pour lors a Paris dalés le roi ; et convenoit de pure necessité que li rois les aidast a soustenir lor estat, car des rentes et revenues de Flandres il n'avoient nulles. (Froiss., Chron. D., p.1400, 365)

Tullès, en le unziesme chappiltre de sondit livre, dist que tous princes et seigneurs puent et doivent contraindre leurs subgez a les paier de leurs devoirs et rentes, quelz qu'ilz soient, par droiz ordonnez (La Sale, Salade, c.1442-1444, 20)

Lever des rentes

Ensi demora li jones contes de Flandres un grant temps dalés le roi de France et ne levoit nulles rentes ne revenues dou pais de Flandres. (Froiss., Chron. D., p.1400, 807)