REPUTER

verbe

[T-L : reputer ; GD : reputer ; GDC : reputer ; FEW (X, 280a) : reputare ; TLF (XIV, 929b) : réputer]

I. -[Valeur neutre] Prendre en compte, considérer ; considérer comme (une chose positive ou négative).

A. -Emploi transitif. Prendre qqc. en compte, prendre qqc. en considération, considérer qqc..

1.Reputer qqc.

a)Prendre qqn ou qqc. en considération, considérer qqc..

Li duc de Loheraine (...) Devant l'empereour en grandes amistiez ['très amicalement'] At reputeit l'evesque de Liege (JEAN D'OUTREM., Geste Liège B.B., t.3, a.1400, 492)

Mais ay tousjours reputé mieulx Mais [var. des autres mss : Mes] euvres que ceulx que faisoit. (Hautev., Conf. Test. am. tresp. B., c.1441-1447, 30)

L'OSTE. Monsieur, en ceste hostellerie N'a pas esté certaynement Traictee vostre seigneurie, Se me semble, tant proprement, Tant bien ne tant honnestement Comme il vous affiert en effect ; Mais le bon vouloir seulement Vous reputerez pour le fait. (La Vigne, S.M., 1496, 212)

Ne pas reputer qqc. Ne pas tenir compte de qqc. (du danger qui menace qqc.), ne pas s'inquiéter de qqc..

Remarque : GD VII, 75c, cite ARRAS, c.1392-1393, éd. elz. (Raimondin qui estoit eschauffé, nereputoitpas sa vie, ne fortune bonne ne mauvaise qui lui advint, le suyvoit toujours moult asprement) ; mais leçon ressoingnoit ds l'éd. S., 19.

b)Reputer qqc. à / entre

Reputer qqc. à soi. Assumer qqc..

Car saches bien en verité Que tous jours me repanteray Et a moy je reputeray Tous les tourmans que tu me fais (Oudin, St Genis M.S., c.1490, 91)

Reputer qqc. à qqn / qqc. Attribuer qqc. à qqn ou qqc..

Je demande comment nous pourrons adsigner en verité que Dieu face ceste belle restauracion plus pour lui que pour nous. Et s'il est ainsi qu'y le face plus pour lui que pour nous, quelle grace sommes nous tenus de lui rendre ? Et aussi comme reputerons nous a sa grace nostre salvacion par neccessité ? (Crap., Cur Deus, De arrha B.H., c.1450-1460, 210)

Reputer qqc. à qqn + attr. prép. Attribuer qqc. à qqn comme.

...Abraham fu trouvez estables En temptation et fiable, Et ce la ['cela'] li fu reputé A justice et a verité. (Mach., C. ami, 1357, 58)

Reputer qqc. à qqc. Considérer qqc. comme propre à qqc..

...medecines reputees a la marris (Saint-gille, Comment. A.Y. L., 1362-1365, 330)

Reputer qqn à qqc. Considérer qqn comme relevant de.

Merlins, qui tant prophetiza, En sa rebriche reputa Femme a nature de serpent. (Dupin, Mélanc. L., c.1324-1340, 150)

Reputer qqn entre. Considérer qqn comme appartenant à, compter qqn parmi.

Cestui est à tousjours memoré pour le moys de jannuer et pour icelui ediffice qui nomma de son nom, et, pour l'onneur de sa science, le reputerent entre les dieux, et fut sa feste celebrée au commencement de leur an et à sa semblance firent ymage qui avoit deux testes, l'une signifant fin et l'autre commancement. (Simon De Phares, Astrol., c.1494-1498, f° 27 r°)

2.Reputer que. Considérer que.

Item, quant il s'i expose il le fait forciblement et hardiement, senz espargnier a sa vie, aussi comme se il reputast du tout que vivre n'est pas chose digne d'estre espargniee en tel cas. (Oresme, E.A., c.1370, 253)

Mes le procés de vertu solt et deslie le neu de la difficulté quant li jugleur et chanteur ne repute que riens humain li soit estrange. (Foul., Policrat. B., III, 1372, 206)

...et réputoit que arrière il recommençoit un nouvel jeu (Chastell., Chron. K., t.3, c.1456-1471, 134)

[Avec une idée finale] Reputer que + subj.

Car en amistié vertueuse, celui qui est meilleur cuide et repute que il doie avoir plus de bien pour ce que au meilleur est deü plus de bien. (Oresme, E.A., c.1370, 449)

Reputer qqc. que. Considérer, au sujet de qqc., que.

...les Rommains reputterent la gouvernance des roys (...) qu'ilz avoient plus a morir (La Sale, Sale D., 1451, 103)

B. -Emploi transitif. [Avec attribut du compl. d'obj.] Considérer comme, tenir pour ; présenter comme, donner pour.

1.Reputer qqn / qqc. + adj. / subst.

a)Considérer comme, tenir pour.

Cil li respont isnel le pas : Voir, treschier ami te repute (Mir. Barl. Josaph., c.1363, 269)

...Ou son message propre ment ? Le quel je reputai sans fable, Sage, loial et veritable, Et croi que pas ne se parjure. (Mach., Voir, 1364, 746)

Bieneureiz est li homs cui nostre sires ne reputerait mie pechour [lat. imputare] . (Psaut. lorr. A., 1365, 32)

Car il n'a en trestout le monde, Tant comme il tient a la reonde, Place qui soit si honnourable, Ne reputée si notable, Comme est ceste place ou nous sommes. (Mach., P. Alex., p.1369, 105)

Item, il pose que le mouvement du ciel eust eu commencement et que il se arrestast et recommençast, laquelle chose il repute impossible. (Oresme, C.M., c.1377, 324)

Et pour ce les anciens le tenoient [le soleil] et reputoient le souverain Dieu. (Oresme, C.M., c.1377, 510)

...Et noz parolles il repute Sotes et vaines ? (Mir. st Lor., 1380, 183)

Et ainsy le suppose l'art des eleccions, que je repute naturelle et possible et grandement a homme prouffitable. (Evr. Conty, Harm. sphères H.P.-H., c.1400, 31)

...messire Phelippe de Molins, evesque de Noyon (...) est trespassé puiz huit jours, aagié de IIIJxx ans et plus, et reputé sage. (Baye, I, 1400-1410, 283)

Las, que feray je, doulce Dame ? Pour les secourir je n'ay rien. Reputee seray bien infame D'ainsi les laisser sans soubstien. (Myst. jeune fille L., c.1413-1445 [c.1530], 13)

LE LARRON. Le repute mon ennemy Et faulx traistre en ceste partie. LE PREVOST. Ainsi, donc, tu te faitz partie Encontre luy ? (Myst. jeune fille L., c.1413-1445 [c.1530], 62)

De laquelle dicte prison dit Saint Pol qu'il n'y a seurté en nul des estas ne en quelconques place, si que devant est jà touchié et que experience le nous demoustre, meismes des mieulx fortunez et de ceulx que reputons les plus eureux (Chr. Piz., P.V.H., 1416-1418, 24)

Trestous chevaliers vous repute, Et de grant debonnarité (Myst. st Adr. P., c.1450-1485, 43)

...dont le repputoit son mortel ennemy. (La Sale, Sale D., 1451, 113)

...affin que par mon escript menteur ne soye reputé, vous le pourrez veoir cy dessoubz plus a plain. (C.n.n., c.1456-1467, 18)

...estoient environ neuf ans passez qu'elle estoit privée de la presence de son bon et loyal mary, lequel elle reputoit pieça mort (C.n.n., c.1456-1467, 423)

En bonne foy, je le repute tressage homme. (C.n.n., c.1456-1467, 573)

...ladicte composicion ou obligacion, si auroit elle esté faicte par force desdictes guerres, et ainsi, selon toute raison, devoit estre reputée nulle et de nulle valeur (Trés. Reth. L., t.3, 1459, 396)

...vous avez esté par cy devant et jusques à present tenu et reputé le plus sage et le plus constant chevalier de ce royaume (Roye, Chron. scand., I, 1460-1483, 357)

...c'est assavoir qu'on ne cuide ce que le Pere pour l'anchienneté de lui ne soit reputé impotent, le Filz a cause de sa jonesse ne soit reputé moins sage et le Saint Esperit a cause de sa soudaineté soit tenu estre cruel. (Somme abr., c.1477-1481, 159)

Moult proffiter Luy peut ceste dormicion : C'il dort, c'est sa sanacion, Car, quant un malade repose, L'en le repute bonne chose Et ung signe qu'i est tres sain. (Myst. Pass. Troyes B., a.1482, 496)

Wuellius fut en ce temps moult singulier homme et repucté le plus sage astrologien qui fust en Auffrique (Simon De Phares, Astrol., c.1494-1498, f° 33 r°)

Ce fut luy qui premier inventa la composicion de la merveilleuse tour du phar située en Alexandrie, vingt pas en mer, et la fonda sur sept cancres de verre, qui est reputée l'une des sept merveilles et miracles et le second du monde (Simon De Phares, Astrol., c.1494-1498, f° 60 v°)

SAINCT MARTIN. En rien vous ne m'avez forfa[i]t, Mais m'avez traicté si tresbien Qu'en parler, en dit et en fait Je vous repute homme de bien. (La Vigne, S.M., 1496, 212)

[Le compl. est une complét.]

Je repute donques chose frivole et plaine de derision que le Saint Pere face decret, decretale ou constitucion dez choses temporeles (Songe verg. S., t.1, 1378, 22)

[Le compl. est un inf.]

Tulles reputoit chose vaine D'ordonner jeune cappitaine. (Bouvet, Appar. Meun A., 1398, 30)

...plus réputant oeuvre salutaire et agréable à Dieu de y entendre que de le laisser. (Chastell., Chron. K., t.1, c.1456-1471, 82)

b)Donner pour, présenter comme.

La VIe question : Pourquoy jugoient les juifs que les apostres estoient ivres ? Je respon que pour leur malice : comme maintenant se ung veult bien vivre, on le repute I fol. (Gers., Pent., p.1389, 84)

...ilz firent ex justa causa baillier possession d'aucunes terres et heritages demourez du decez dudit defunct ausdis Alard et sa femme, que ledit defunct avoit notoirement reputé sa seur (Fauq., II, 1421-1430, 299)

2.Reputer qqn / qqc. + prép. + subst. Considérer comme, tenir pour.

a)Reputer qqn / qqc. à

...quanque me diz et ennonces Je repute et tiens a frivoles, Et ne sont toutes que paroles De tricherie. (Mir. Clov., c.1381, 216)

Icelluy seul, a dire voir, Quil la vierge espossera, Sur l'autel sa verge cy n'a Pas mise comment il devoit ; Mes i[l] l'a prinse de fait, Car il repute a folie Ce c'on fait par grant industrie Et par mistere marvoilleux, Cy com il plait au Dieu des dieux. (Pass. Semur D.M., c.1420 [1488], 52)

Se m'esbaÿs de la magniere De toy, qu'on repute a sage homme Plus que nul qui soit dedans Romme, Que n'as sentemant ny advis De cognoistre ce que je dis. (Myst. st Sébast. M., c.1450-1500, 181)

C'est a dire, mon ami : Tu ne soies jamais rempli de vin, afin que tu ne puisses estre confondu, car tu seras reputé a villain se tu ne faiz atrempence de toy au vin et du vin a toy. (La Sale, J.S., 1456, 26)

Sy en fut le duc adverti, qui ne réputoit à guères grant chose leur manasse (Chastell., Chron. K., t.3, c.1456-1471, 366)

...il loue sa pouvreté, Estre povre yver et esté, Et a felicité reppute Ce que tiens a maleureté (Villon, Test. R.H., 1461-1462, 116)

[Le compl. est une complét.]

...conme je reputeroie a derision que le roy de France feïst une loy, ou une constitucion, que nul de sez subjés ne poïast lez dismez a Saint Yglise. (Songe verg. S., t.1, 1378, 22)

Mais, puis que c'est sa voulenté, Il me soit le tres bien venu ; Grandement a luy suis tenu Et repute a tres grant honneur Que le bon et vaillant seigneur Me daigne venir visiter. (Myst. Pass. Troyes B., a.1482, 632)

Reputer qqc. à qqn à

Se vostre cueur ayme le change, Je luy ['le lui'] repute a grant louenge, Car cela luy vient par Nature. (Au grey d'amours F.-H., c.1400-1500, 190)

Emploi pronominal à sens passif.

Et se réputoit sa maison à maison de bénédiction et de félicité (Chastell., Chron. K., t.5, c.1456-1471, 247)

b)Reputer qqc. + datif éthique de. Considérer qqc. (au bénéfice de qqn) comme.

...[je vous supplie] de tout mon cueur que mon bon et loyal vouloir me soit reputé de tel et aussi grand merite que s'il partist de plus homme de bien que moy. (C.n.n., c.1456-1467, 168)

c)Reputer qqn / qqc. pour

Et Dieu qui cognut son corage Le reputa pour vroi martire (Tomb. Chartr. Trois contes S., c.1337-1339, 118)

Car Dieu repute ja pour fait Le peché quant il est pensé. (Liber Fort. G., 1346, 88)

...fu ledit prisonnier fait jurer aus sains Evangilles de Dieu qu'il [diroit] verité des chosses dites contre lui, proposées et accusées, sur peine d'estre reputé pour parjeure et infame (Reg. crim. Chât., I, 1389-1392, 177)

...on dit souvent qu'a l'euvre congnoist on l'ouvrier ; et de petit mercier, petit pennier. Mon tres redoubté seigneur, prenez en gré, s'il vous plaist, car se ly homs fait le mieulx qu'il puet ne scet, on le doit prendre en gré, car, en aucuns cas, bonne voulenté doit estre reputée pour euvre. (Arras, c.1392-1393, 312)

...la Court tient et repute lesdiz defaillans pour conveincus et attains des crimes et malefices à eulx imposez (Baye, II, 1411-1417, 75)

...ainsi l'offre et la restitution de Precy est inutile et doit estre reputée pour nulle, et ne sera receu, s'il ne paie ou fait restitution en argent ou en obligations et descharges utiles. (Fauq., II, 1421-1430, 166)

...ung chascun d'eulx chanoine present a la grant messe ou repputé pour present (Rouen temps Jeanne d'Arc L., 1424, 56-57)

...par tele condicion que, se faulte avoit en aucuns d'iceulx payemens, le dit contract seroit reputé pour nul (Doc. Poitou G., t.8, 1435, 92)

N'avez vous pas veu les sinacles Qu'oncques mais ne furent veu, Je les repute pour miracles Quant j'ay a tout bien entendu. (Marcadé, Myst. Pass. Arras R., a.1440, 208)

Lequel gaige ou non sera devant les parties adjugié au jour et place pour nous ou par leur juge ordonné, sur la painne de estre reputé pour recreant et convaincu cellui a qui la faulte sera. (La Sale, Salade, c.1442-1444, 211)

...et ne doivent lesdiz deux articles estre comptez et réputez pour ung mesme article et une mesme acquisicion (Aff. Jacques Coeur M., 1453-1457, 436)

Monsieur Du Plesseys, je vous remercye de l'euffre que me faictes, à mes enffans et à moy, car eulx et moy avons bien à besongner des bons amis de feu monsieur le gouverneur, à qui Dieu pardone, dont je vous reppute pour ung (Cartul. Laval B., t.5, 1482, 101)

3.Reputer qqn / qqc. comme + adj. / subst. Considérer comme, tenir pour.

...Que reputez ne soie comme sos, Quant einsi veil (Mach., F. am., c.1361, 168)

Et se il advenoit que par ce il perdist usage de raison, l'en ne devroit pas dire que il fust ne bon ne mal ne beneuré ne maleuré, mais devroit estre reputé comme mort. (Oresme, E.A.C., c.1370, 136)

Et toutesfoiz le dit officier licencie ne reputera pas les dictes reigles comme estouppe. Quel merveille ! car souvent il y moillera sa souppe. (Mézières, Songe vieil pèl. C., t.2, c.1386-1389, 327)

...il ne povoit ou devoit joïr ne user de privilege de clerc, mais devoit estre tenu et reputé comme bigasmes, et que, comme tel, il feust rez tout jus (Reg. crim. Chât., II, 1389-1392, 383)

...Dieu le pere (...) les traittera comme filz de Jhesu-Crist, qui les reputera comme freres (Chr. Piz., P.V.H., 1416-1418, 51)

...et à ceste cause se demonstroit et declairoit ennemi capital du roy et du royaume et comme Anglois tenu et reputé. (Roye, Chron. scand., I, 1460-1483, 236)

4.Reputer qqn / qqc. estre + adj. / (+ prép. +) subst.

Car nous veon souvent d'aucunes choses que les enfans ont par devers eulz que il les cuident et reputent estre tres bonnes et tres precieuses. (Oresme, E.A., c.1370, 516)

Car Diex ne reputet pas lez fames qui descendoient de la semence d'Abraham estre vraye semence de promission. Ne, encore au jour d'uy, selon rayson, la lignie de fame n'est pas reputee souffisent ne ydoine a la perpetuacion de la lygnie mascle (Songe verg. S., t.1, 1378, 254)

...lesdiz Brun et Cousin, qu'il a tousjours oy dire et reputer à plusieurs compaignons estre larrons très grans. (Reg. crim. Chât., I, 1389-1392, 106)

Tieulx gens ne repute je pas Estre clercs (Chr. Piz., M.F., II, 1400-1403, 64)

...un nommé Jehan Bastard, dit Renouart, et autres que on dit et repute au pays estre les plus mauvais et crueulx brigans qui soient en ycellui pays. (Chancell. Henri VI, L., t.1, 1423, 54)

Ypocras, qui gardoit Trainte, trouva une de ses gaictes endormie ; sy l'ochist. Et quant aucuns luy blasmerent qu'il l'avoit tué tout mort, il dist : ainssy que l'ay trouvé, je l'ay laissié ; repuctant, en ce cas, estre semblable le dormant comme mort. (La Sale, Salade, c.1442-1444, 60)

Et certes je reputez tous labours estre monlt petis, quelques grandes soient, se par elles a celle fin on peult venir, c'est assavoir d'entrer en la chambre de l'espoux (Crap., Cur Deus, De arrha B.H., c.1450-1460, 282)

Puis qu'ilz ont pris tout ung propos, Bien les en repute estre folz, Et au derrier le seront bien. (Myst. st Adr. P., c.1450-1485, 97)

...pour le mettre es mains dudit d'Estouteville, qu'il reputoit estre son ennemy (Roye, Chron. scand., I, 1460-1483, 356)

Chier sire, l'on repute Estre cestuy l'un des principaux maistres Et gouverneur du lieu de la Vaulpute. (La Vigne, V.N., p.1495, 157)

Reputer qqc. à estre + adj.

Et se j'ay adjousté chose en ceste hystoire qui semble a aucuns increable, si le me veullent pardonner, car, selon ce que j'ay trouvé et peu sentir des anciens autteurs, tant de Gervaise comme d'autres anciens autteurs et philosophes, je repute ceste histoire et la cronique a estre vraye, et les choses faees. (Arras, c.1392-1393, 310)

5.Emploi pronominal. Se reputer + attr.

a)Se tenir pour, se considérer comme.

...tant s'enorgueilly pour son filz pape et pour ses deux autres filz cardinaulx qu'elle se reputa greigneur que Nostre Dame (Mir. mère pape, c.1355, 349)

...maiz pou ou neant n'avoit voulu respondre par devant lui, pour ce qu'il estoit nobles homs et de noble lignée, et que pour tel il s'estoit reputé et advoué, et encore reputoit et advouoit. (Reg. crim. Chât., I, 1389-1392, 5)

N'avons nous pas de nostre Dame qui se reputoit petite ancelle et ung neant a son jugement, laquelle neantmoins fut de telle manificence que elle s'accorda a estre mere de Dieu ? (Gers., P. Paul, a.1394, 502)

...qui est bien sage (...) il se repute ja mort (Mirouer pech. B., p.1400, 199)

Tres hault, tres puissant et sans pareil, seul et souverain Empereur, je me scay et me repute indigne parler aucunement devant ta divine majesté (Gers., Concept., 1401, 393)

Je me repute entierement Indigne d'estre nullement Denommé pour ton serviteur. (Marcadé, Myst. Pass. Arras R., a.1440, 51)

Et en ce faisant, mon très redoubté seigneur, vous ferez oeuvre de justice et à moy grant honneur et parfait plaisir, dont je me repputeray de plus en plus tenu et obligié envers vous. (Escouchy, Chron. B., t.3, Pièces justif., 1451, 408)

Et elle, sentant son mary desja vieil et ancien, et ayant la promesse desusdicte, se reputoit desja comme sa femme. (C.n.n., c.1456-1467, 415)

Et alors le duc (...) lui va dire par son nom : 'Madamoiselle, (...) m'avez fait honneur en mes vieulx jours, et m'en repute bien tenu...' (Chastell., Chron. IV, D., c.1461-1472, 239)

...nostre Saint Pere prist la parolle (...). Et remerciant pareillement le noble prince son nepveu de si longtaine venue et tous les aultres, leur dit et monstroit signe qu'il estoit moult haultement joieux de leur advenement, qui leur avoit esté penible, ce dist, et de grans despens, dont il se reputoit moult leur tenu, et singulierement au duc leur maistre (Chastell., Chron. IV, D., c.1461-1472, 251)

Certes, il ne se reputa pas estre homme souffisant ne prudent de tant grant charge, non obstant qu'il fut tres sage et discret homme et moult vaillant en paix et en guerre. (Colart Mans., Dial. créat. R., 1482, 94)

Se reputer + part. passé

...il [le duc] se repute tenu à le [le roi] secourir et aidier, et le fera de toute sa puissance (Fauq., I, 1417-1420, 259)

Artus aussi, je vous octrye Dessus mes gens la seigneurie. Pour le cas qui est survenu, Je me repute a vous tenu Que nostre honneur soit maintenu. (Myst. st Laur. S.W., 1499, 155)

b)Se présenter comme.

Et celui qui se repute et fait digne de grans choses et est indigne, il est presumptueus et chaymes. (Oresme, E.A., c.1370, 248)

...chacun d'eulx se repute mort et deshonoré. (C.n.n., c.1456-1467, 355)

...a tousjours mais se resputeroit son serviteur et loyal amy. (C.n.n., c.1456-1467, 387)

...ne soiez ja si abusez en voz courages que je me repute si lasche que je la laisse villanner ne souffrir luy faire injure [Des ribauds s'en prennent à une jeune fille qu'accompagne un chevalier] (C.n.n., c.1456-1467, 550)

II. -[Valeur négative] Considérer qqc. négativement, comme mauvais, comme blâmable.

S'on parle a toy villaynement, Quant tu seras en jugement, Saigement respont senz resproiche. Ne t'en donner ja cusement ['souci'] , Quart villenie en jugement Doit estre reputee au juge ['doit être considérée comme blâmable par le juge (?)' ; mais la var. estre rapportee au juge peut donner à penser qu'il faut comprendre : 'doit être attribuée au juge'] . (Dupin, Mélanc. L., c.1324-1340, 118)

...ilz [les Esées] prioient Dieu tous les matins pour la naissance du soleil. Quant ilz devoient mangier, ilz lavoient tous leurs corpz, et puis mengoient sans parler. Tous seremens ilz reputoient purement, ne nulz ne rechevoient tant qu'ilz l'eüssent esprouvé par ung an. Ou ilz fusssent dix en une compagnie, nulz d'eulz ne parlast sans le congié des aultres. Le Sabbat ilz gardoient si estroitement que... (Renart contref. R.L., t.1, 1328-1342, 235)

Et trouverent des religieus qui encore aloient preschant contre le roi des Vices, si en fist prendre grant foison dame Couvoitise et le Monde, et leur firent les langues couper, quar il reputoient [var. desprisoient, despisoient] les estas des Vices et loaient Verité. (Henri Ferr., Modus et Ratio, Songe pest. T., c.1354-1377, 125)

Et qui de demourer m'aprent ['me saisit'] , En soy ne pense ne comprent La diffame que j'acquerray (...) : l'en me porra reputer De ma foy [Éd. : 'faire une mauvaise réputation'] (Pastor. B., c.1422-1425, 246)

Amour ne sent nulle charge, il ne repute nulle labeur [Éd. : 'appréhender'] , il affecte plus qu'il ne peut, il ne se plaint point de impossibilité, car il juge qu'il peut toutes choses et qu'il lui laist ['et qu'il lui est loisible de les assumer'] . (Internele consol. P., 1447, 79)

O povre bonhomme bien euré [le paysan qui a recueilli, sans le reconnaître, le duc égaré dans la forêt] , simple ignorant qui réputoies misérable ton estat, povre ta maisoncelle et ton vivre, et non sachant qui tu pessoies ['qui tu nourrissais'] de tes biens, avoies maison pleine de richesse et de gloire : certes ne devoies de là en avant réputer ton gros pain et tes ongnons, ton eaue et ton ruide fromage, quant celui mesme soubs qui protection tu vivoies [,] et à qui les délis du monde estoient à commandement, s'en estoit resaisié, et en réputoit fortune sa grant amie de la recouvrance (Chastell., Chron. K., t.3, c.1456-1471, 259)

URBAIN, evesque. (...) Nostre loy est la droite sente, De moy ne sera reputee [Éd. : 'reniée'] Pour paine ou doleur que j'en sente. (Molinet, Myst. st Quentin C., c.1482, 23)

Remarque : Cf. aussi GD VII, 75c (FROISS., Poés. III, 73, 692, Le livre du trésor amoureux, éd. Scheler).

III. -Participe passé en emploi adjectival ou substantival. [Valeur positive ; idée de bonne réputation]

A. -Emploi adjectival. Qui jouit d'une bonne réputation, d'un bon renom.

...pluseurs nobles et haulz et puissans seigneurs ont esté asséz acoustuméz a la chace des bestes comme les Alexandrins et Cesares (...) mais je te demande se tu en lis aucuns philosophes ou vrais sages reputéz ou peuple (Foul., Policrat. B., I, 1372, 106)

...filz de Vulcain et de Mynerve, la très sage, repputée en icellui temps pour la science qu'elle avoit des estoilles. (Simon De Phares, Astrol., c.1494-1498, f° 21 r°)

B. -Emploi substantival. Grand reputé. Personne célèbre.

Abnezaben vint en ce temps, grant repucté en la science des estoilles et d'icelle en monstra aux enfans de Naason, prince du tribu de Judée. (Simon De Phares, Astrol., c.1494-1498, f° 30 r°)