REPREHENSION

substantif féminin

[T-L : reprehensïon ; GDC : reprehension ; FEW (X, 275a) : reprehendere ; TLF (XIV, 892a) : répréhension]

A. -Blâme, réprimande, reproche fait à qqn.

...la ouvri la vierge benoite sa bouche, en disant : (...) Biau filz, que nous as tu fait ? vezci que ton pére et moy dolens te querion ; et ceste parole fu d'une amoderée reprehencion. (Mir. Theod., 1357, 80)

Les negligens, et mesmement cheulx desquelz les euvres ou estudes apparent dignez de reprehension, nous convient par tel cautele ou subtiveté decliner afin que fuions che que ilz font, sans presumer ou voloir jugier che que ilz sont. (Daudin, De la erudition H., c.1360-1380, 276)

Et lors l'empereur Theodocius, bien edifie, print en bon gre la doctrine et reprehension du saint docteur et s'en ala en la nef du moustier attendre avec le commun de recevoir le saint sacrement de l'autier (Mézières, Songe vieil pèl. C., t.2, c.1386-1389, 264)

...comme le dit Georget, qui est chargié de joine femme, tout son temps ait esté et soit de bonne vie, renommee et conversacion honneste et sanz reprehencion d'aucun autre villain cas ou reprouche (Chartes Abb. St-Magl. T.F., t.3, 1392, 650)

Et n'est ou monde chose si orde ou deshonnest ne que en ung juge trouver avoir faicte chose digne de reprehension (Juv. Urs., Aud. illos, 1432, 37)

Si ce n'est pas mon affection D'avoir tel reprehension. (Marcadé, Myst. Pass. Arras R., a.1440, 9)

...il y a une noble partie de subtillité et callidité, qui est hors et loings de toute reprehension. (La Sale, Salade, c.1442-1444, 36)

...j'ay souvent oÿ de moy moult de querimonies ; j'ay benignement soustenu confusions et obprobres et ay pour benefices receü ingratitude, pour miracles blasphemez, et pour dotrine reprehension (Internele consol. P., 1447, 119)

Tu congnois ce que je ne congnois mie et pour ce je me doy humilier en toute reprehencion et soustenir debonnairement. (Internele consol. P., 1447, 205)

Obeïssons en telle guise Que n'ayons repreension. (Myst. st Bern. Menth. L., c.1450, 118)

...il a tousjours esté homme de bonne fame, renommée et honneste conversation, sans jamais avoir fait chose digne de reprouche ou de répréhension (Archives servit. Louis XI, T., 1459, 12)

...attendu ce que dit est et que, se lesdiz père et mère de ladicte Jehanne l'eussent mariée à heure, ce qu'ilz ne povoient faire, obstant leur pouvreté et autrement, elle ne se feust pas forfaicte et ne lui feust ledit cas advenu, avant lequel estat s'estoit tousjours bien et doulcement gouvernée, sans reprehencion (Doc. Poitou G., t.11, 1473, 346)

Digne tu es de reprehension, Cruelle Mort ! (La Vigne, Epit. Royne M.R., 1514, 111)

Critique, réserve.

Et ja soit ce que cez reprehensions soient vraies, toutevoies je ne croys pas que encienneté de meurs soit noblece ne que lez anciennes muers facent aucuns estre nobles. (Songe verg. S., t.1, 1378, 299)

Par métonymie. Ce qui est à blâmer.

...en le retenir n'y aroit point de reprehencion, puisque son prisonnier estoit, non delivré par reançon (Chr. Piz., Faits meurs Ch. V, S., I, 1404, 88)

B. -Locution adverbiale. Sans reprehension. Sans rien qui retienne, sans limite, incontestablement.

...attendu ce que dit est et que, se lesdiz père et mère de ladicte Jehanne l'eussent mariée à heure, ce qu'ilz ne povoient faire, obstant leur pouvreté et autrement, elle ne se feust pas forfaicte et ne lui feust ledit cas advenu, avant lequel estat s'estoit tousjours bien et doulcement gouvernée, sans reprehencion (Doc. Poitou G., t.11, 1465-1474, 345)

...en lui avoit habondance sans reprehencion (Mamerot, Romuleon D., 1466, 374)

MELCÏOR. L'encens, sans reprehencion, Monstre divine intelligence, Le mierre, l'incarnacion Faicte sans virille semence. (Myst. Pass. Troyes B., a.1482, 249)

Afin que la loy s'entretiengne De nous sans reprehension, Vostre purificacion Marie, nous conviendra faire (Myst. Pass. Troyes B., a.1482, 318)

Ou se je le sçay mieulx dire, sans reprehension ne contredit, tu y fis pendre, noyer et decapiter plusieurs qui l'avoyent deservy (La Vigne, V.N., p.1495, 298)