RECOMPENSER

verbe

[T-L : recompenser ; GDC : recompenser ; FEW (X, 158b) : recompensare ; TLF (XIV, 523b) : récompenser]

A. -Compenser.

1.[D'une chose]

Et ainsi nature recompense et fait telle ordenance que au ciel qui est meu d'un seul mouvement elle donne pluseurs corps lumineux, et a chascun ciel qui a un seul tel corps elle donne pluseurs mouvemens. (Oresme, C.M., c.1377, 512)

...la longue attente est recompensee par aggravement de peine (Chart., Q. inv., 1422, 4)

L'espreuier est vng oysel mont gent non pas fort mais fort armé de courage plus que de corps et qui a plus force en ses ongles que la quantité de son corps ne le monstre mais la petitesce de luy est recompensee en la vertu prudence et force de son courage. (Best. hérald. H.E., c.1435-1450, 476)

Remarque : FOUL., Policrat. B., II, 1372, 11/14 ; III, 12/2.

Recompenser contre qqc. Compenser qqc..

Je respon que si est, mes il convient dire que le corps de la lune, en recompensant contre le mouvement que elle a en son epicicle, tourne telement en son lieu que touzjours sa face regarde vers nous en une maniere. (Oresme, C.M., c.1377, 460)

2.[D'une pers.] Recompenser qqc.

a)Recompenser le temps perdu. Réparer une perte de temps, rattraper le temps perdu.

Et, mon tresdoulz cuer, vous estes courecie de ce que nous avons si tart commencié : par Dieu, aussi sui je. Mais ves cy le remede : menons si bonne vie que nous porrons en lieu et en temps, que nous recompensons le temps que nous avons perdu, et que on parle de nos amours jusques a cent ans cy aprés (Mach., Voir, 1364, 450)

Recompenser un peché. Réparer, racheter un péché.

Et qui mal fait, il doit penser Pour son pechiet recompenser De penitence faire ou prendre. (Marcadé, Myst. Pass. Arras R., a.1440, 76)

b)Compenser qqc. (à qqn).

LA MARQUISE [au Marquis] . ...je te suppli sanz plus, S'il te plaist et non autrement, Qu'en recompensant seulement La virginité qu'apportay O toy quant ou palaiz entray, Laquelle ne puis remporter, Il te plaise a conmander Que l'en me laisse une chemise, A l'issue de ton service, De laquelle je couverray (...) Le ventre ta femme jadiz. (Gris., 1395, 83)

Remarque : Pastor. B., c.1422-1425, 43, v.158.

Recompenser qqc. à qqn. Compenser qqc. à qqn.

NOSTRE DAME. (...) Si vueil estre a son trespasser Et a s'ame recompenser Les peines qu'a souffert son corps. (Mir. mère pape, c.1355, 397)

Car se le povre a receü argent du riche, il souffist se il li ['le lui'] recompense en poine de son corps ou en aucun service. (Oresme, E.A.C., c.1370, 449)

Et, se l'en voit qu'il soit apparant par renommee que l'office du juge soit plus familiaire et plus gracieuse a l'une partie, il doit estre recompensé a l'autre partie si comme on le pourra miex faire. (Foul., Policrat. B., V, 1372, 394)

LE CRESTIEN. Il [le juif] ne m'a baillé que fin or En vieil [z] escus du temps passé. LA FEMME. Bien luy sera recompensé. S'i vient a point, vaille que vaille. (Mir. st Nic. juif, c.1480-1500, 97)

Recompenser qqc. par/pour qqc. Compenser qqc. par qqc. d'autre.

Car unes meïsmes choses sont faites a amis l'un de l'autre, et ce veulent il l'un a l'autre, ou il font commutacion et recompensent une chose pour autre (Oresme, E.A., c.1370, 426)

...aucune foys l'ire de Dieu si procede lentement, mez quoy ? certes, il reconpensse la demeure de sa correccion par tres griefve pugnicion. (Songe verg. S., t.1, 1378, 345)

B. -En particulier.

1.Dédommager.

a)Recompenser qqn. Dédommager qqn.

...oncques de lui, ne de par lui, elle n'avoit aucunement, ne autrement que dit est, esté recompensée, ne lui fait ou faire faire aucun bien quelconques, par quelque voye ou maniere que ce fust (Reg. crim. Chât., II, 1389-1392, 122)

...monseigneur de Nevers recompensera monseigneur d'Orleans de cinquante cinq livres parisis de rente assises en un lieu bien et convenablement, laquelle assiette ledit monseigneur de Nevers sera tenu faire dedens un an en aucune des terres escheues audit seigneur (Trés. Reth. S.L., t.2, 1410, 647)

ZACHÉE. (...) Et s'aucunement ay fraudé Aucun, veul que le [l. veul que] recompensé Soit du tout en tout plainement A quatre doubles vrayement, Sans ung seul denier retenir. (Marcadé, Myst. Pass. Arras R., a.1440, 114)

...que nostre honneur y soit gardé et nosdits gens recompensez desdits pertes, dommages et interets (Ecorch. Ch. VII, T., 1445, 122)

A esté accordé que ledit seigneur de Montferrant aura toutes les terres, seigneuries, hostels et héritages que les roys d'Angleterre et ducs de Guyenne ont donné, le temps passé, aux prédécesseurs dudit seigneur de Montferrant et à luy-mesmes. Et sera le roy tenu de récompenser ceulx à qui ils sont et doivent appartenir, s'il y en a aulcun ou aulcuns, jusques à la valeur de cinq cent escus d'or vieux de rente par chacun an. Et si plus valent que ladite somme de cinq cent vieils escus d'or, ledit seigneur de Montferrant sera tenu de recompenser ceulx à qui appartiennent lesdits heritages du surplus, si aucuns en y a. (Doc. 1451. In : CHART. J., Chron. Ch. VII, V., t.2, c.1437-1464, 301-302)

Dieu recompensa bien le Jouvencel de toutes ses pertes (Bueil, II, 1461-1466, 132)

Mais, sur ce point, vous confortez, Ma mere, et constanment portez, Car du dueil de vostre pensee Serés du tout recompensee En joye et exultacion Aprés ma resurrection (Myst. Pass. Troyes B., a.1482, 584)

b)Emploi pronominal. Se recompenser. Se dédommager, obtenir un dédommagement.

...et que, pour ce que par le conte d'Armignac lui est deu certaine et grant somme d'argent pour son service par lui fait ou voyage d'Arragon, ou service dudit conte, a tenu ledit fort pour soy recompenser sur icellui et ses hommes (Reg. crim. Chât., II, 1389-1392, 199)

...et combien que tu me aies fait maulx innumerables, toutevoie de toy me feusse bien chevie et recompansee et te faire tenir en ta terre sans entrer en la mienne, se se n'eust esté la separacion d'aucuns de ma langue, qui deussent me soustenir et avecques toy sont alyés soubz umbre de Vengence et Folle erreur, par Avuglement de vraye congnoiscence et entendement (Juv. Urs., Aud. celi, 1435, 153)

DIEU LE PERE [à Justice] . Est il plus amoureux chemin Que vous sceussiez icy trouver Pour nature humaine sauver ? Vous pouez vous a moins passer Ne a mendre pris recompenser ? Fault il, pour les humains reduyre, Morir mon filz a tel martire ? (Myst. Pass. Troyes B., a.1482, 686)

Et mesmement par aucuns de mes gens (...) m'a esté dict que ils ont Dunckerke, qui est, port de mer, m'a esté dict que ilz ont parlé à aucuns Anglois qui estoient prisonniers et que aucuns de Chierbourg avoient prins sur la mer et les avoient admenez audit lieu de Dunckerke ; et disoient lesditz Anglois puisqu'ilz estoient mis à finance ilz ne (se) soussioient gueres de leur raencon et qu'ilz avoient entencion de brief estre logiez, et par ce se recompenseroient bien. (Le Clerc, Interp. Roye, c.1502, 333)

2.Dédommager matériellement, financièrement, rémunérer.

...car une chose trop labourieuse est recompenser ou administrer retribucion a moult de gens. (Oresme, E.A., c.1370, 489)

...et duquel voyage, pour ses gaiges et ceulx de sa compaignie, lui est deu par ledit conte d'Ermignac grant quantité d'argent, et afin d'estre de ce recompensé, il avoit fait edifier ledit Roc. (Reg. crim. Chât., II, 1389-1392, 200)

Et pour recompenser les diz religieux de leur pene et travail et pour le dit divin service estre fait, lesdiz monseigneur l'abbé et religieux recongnurent et confesserent que le dit maistre Martin leur avoit et a donné la somme de mil livres tourn.., a compter et mettre le franc d'or pour vint solz tourn.. (Chartes Abb. St-Magl. T.F., t.3, 1401, 784)

...il fu advisé que on les [les ennemis faits prisonniers] mettroit en justice, et que, pour recompenser les souldoiers, on metteroit sus ung ayde de mil frans (Fauq., II, 1421-1430, 351)

...des autres arrerages escheuz devant la venue du Roy on recompenseroit lesdis presidens et conseilliers en heritages ou autrement, selon la possibilité et opportunité que le Roy auroit (Fauq., III, 1431-1435, 17)

...et s'en alèrent [les Gantois] à Saint-Bavon, pour les aulcuns estre récompensés de pluiseurs rentes héritables qu'ilz debvoient à ladicte église, lesquelles ilz avoient par avant payées. Mais, par le sens et les doulces parolles de l'abbé dudit lieu, ilz furent contentés et rafrenés. Et leur délivra prestement tout ce qu'ilz demandoient, et avec ce leur fist donner des vivres de l'église très habondamment. (Monstrelet, Chron. D.-A., t.5, c.1444-1453, 37)

...pour aucunement le recompenser desdiz services, nous avons donné l'outre plus de ce que peut monter le principal de l'achapt desdiz XXIIII escus d'or de rente, outre lesdiz CL escus (Lettres Louis XI, V., t.8, 1479-1480, 299)

J'ay mandé à ceulx de l'artillerie qui sont à Noyon qu'ilz viennent icy, et vous recompenseray de laditte pouldre (Le Clerc, Interp. Roye, c.1502, 325)

C. -Gratifier par une récompense.

1.Recompenser qqc. Reconnaître qqc. (une action, un mérite...) par une récompense.

Et qui fait ouvrage trop court, Je ne puis vëoir ne penser Qu'on li doie recompenser, Que selonc l'uevre le salaire. Je ne doubt mie le contraire. (Mach., D. Aler., a.1349, 240)

...Sus ceste comparison faite, Qui de l'alerion est traite, Des peles qui tranchamment taillent, Tant que juste partie baillent A chascun selonc ce qu'il pense, Dont Amours de droit recompense Ce qu'on a fait ou qu'on vuet faire, Et selonc l'uevre le salaire. (Mach., D. Aler., a.1349, 339)

2.Recompenser qqn. Accorder une récompense à qqn en reconnaissance d'une bonne conduite, d'un mérite.

...pour recongnoistre et recompensser les bons et pugnir et abaissier les malvais, chascun selon ses merites. (La Sale, Salade, c.1442-1444, 9)

...ung chevalier nommé le seigneur d'Escontrans, qui estoit du pays de Picardie, et lequel avoit la garde de ladicte ville de Aire de par ledit duc en Auteriche ; et mist ladicte place en la main du roy, en luy faisant le serment de le servir bien et loyaulment : dont et pour bien le recompenser, le roy luy donna la charge de cent lances, et si luy fut oultre baillé et donné trente mil escus en or content. (Roye, Chron. scand., II, 1460-1483, 117)

Item Dieu par sa misericorde atend patiaument les pecheurs et les rapelle benignement et dissimule, afin de non pugnir et soy vengier et preserve de pluseurs perilz. Il donne sa grace liberalement sans deserte et le multiplie, et aprez le conserve et garde, et que plus est, il le recompense par remuneration ez cieulz et en la glore eternele. (Somme abr., c.1477-1481, 180)

Et quant le roy fut arrivé au dict Versay, aprés soupper il alla voir son camp, ensemble les seigneurs et capitaines ausquelz le roy parla et commanda qu'ilz feissent bon devoir et qu'il les recompenseroit bien, mesmement aux capitaines des Allemans (La Vigne, V.N., p.1495, 303)

Par antiphrase. Punir, châtier.

PILATE. (...) Mais ma maleureuse pensee En est sy bien recompensee Que de dueil en a, au seurplus, Sy grant charge que n'en peut plus. (Myst. Pass. Troyes B., a.1482, 906)