RECITER

verbe

[T-L : reciter ; GDC : reciter ; FEW (X, 150b) : recitare ; TLF (XIV, 509b) : réciter]

Emploi transitif.

A. -Énoncer à haute voix.

1.Énoncer, lire, citer à haute voix (un texte, des paroles, un propos...).

...lequel hermite venu audit lieu de Saint-Germain des Prez, et en la presence des dessus diz conseilliers et dudit hermite, ledit maistre Pierre recita sadite deposicion dessus dite escripte (Reg. crim. Chât., I, 1389-1392, 312)

...après ce qu'il [le procureur fiscal du Dauphiné] eut recité l'arrest pieça donné pour le procureur du Dauphiné et le marquiz de Saluces contre le conte de Savoie (Baye, I, 1400-1410, 5)

En oultre, ledit premier president recita les responses à eulz faictes par le Roy et le duc de Bourgongne et les gens de leur Conseil (Fauq., I, 1417-1420, 236)

Et en parlant les ungs avecques les autres, leur recitasmes la promesse par vous faicte touchant la delivrance dessusdicte (Escouchy, Chron. B., t.3, Pièces justif., 1448, 185)

Et luy ont voulu dire la creance à part par deux foys ; laquelle après Mons. vostre frere nous a recitée, et contient en effect six poins : Le premier, que Mons. de Bourgoigne envoye visiter mondit seigneur vostre frere en son nouvel advenement de seigneurie. (Le Clerc, Interp. Roye, c.1502, 220)

En particulier.

[Une prière, l'office...]

La chanterent une loange De Dieu le pere avecque l'ange Qu'on claime 'Benedicité'. On l'a maintes fois recité Et encor recite on souvent A matines en maint couvent. (Mach., C. ami, 1357, 23)

...ou temps ensuyvant on recitoit l'epistre et l'evangile (Jean Golein, Rational B.D., c.1370-1372, 256)

...que on repreist et recitast l'office de la messe du dymanche precedent (Jean Golein, Rational B.D., c.1370-1372, 270)

[La parole de Dieu]

Sçavés vous que dit le prophete, La parole Dieu recitant ? Michi vinditam et ego retribuam. [Réf. à Deut. 32, 35] (Pass. Auv., 1477, 268)

[Au tribunal] Le procès/la confession est lu(e) et recité(e)

...fu fait venir en jugement sur les carreaux le dessus dit Jehannin Le Brun, prisonnier, auquel fu leu et recité le procès et confession par lui faites, cy devant escriptes, et lui demandé se elles avoient par lui ainsi esté congnues, et se elles estoient vrayes par la maniere que escriptes sont. (Reg. crim. Chât., I, 1389-1392, 68)

Et, pour ce, veues icelles, que lui ont esté leues et reicitées en sa presence, lesdiz presens conseilliers furent d'oppinion que ledit prisonnier feust punis comme larron (Reg. crim. Chât., I, 1389-1392, 119)

En la presence duquel Berthaut fu leue et recitée sa confession cy-dessus escripte, laquelle il afferma estre vraye, et en icelle persevera. (Reg. crim. Chât., I, 1389-1392, 506)

...fu veu, leu et recité l'accusacion, confession et denegacion cy-dessus escripte, faites contre ledit de Breyne, prisonnier, et demandé ausdiz presens conseilliers leurs advis et oppinions comment l'en procederoit contre icellui prisonnier. (Reg. crim. Chât., II, 1389-1392, 142)

2.Répéter qqc..

Et quant il est devant le roy, acompaigné de son conseil, alors il recite, ou son advocat pour lui, les parolles qu'il a dictes devant le roy (La Sale, Salade, c.1442-1444, 215)

Vous avés ma sentence ouye, Saturnus, sans la reciter, Vous aussi, Mars et Jupiter... (Cene dieux, c.1492, 123)

B. -Exposer, rapporter, narrer qqc. (à haute voix ou par écrit).

1.Exposer, rapporter, narrer qqc. (l'objet d'un propos).

Je ne te puis mie tout dire, Que devint son chief et sa lire, Et comment Phebus le sauva Dou fier serpent qui le trouva, Et comment son ame en enfer Ala, et comment Lucifer D'Erudice la compaignie Li bailla, sa femme et s'amie, Car ce seroit a reciter Trop longue chose et a diter. (Mach., C. ami, 1357, 93)

Briefment tout le vray li comptay, Comment de mon lit l'escoutay, Et la paour que j'en avoie En mon lit ou je me gisoie, Et sans celer la verité De ce qu'ay devant recité, Dont durement s'esmervilla, Car de ce trop grant merveille a. (Mach., F. am., c.1361, 198)

[Polyphème à Galatée] Se tu ne crois que ce soit voir De mes bestes de mon avoir, Vien les veoir presentement, Si sauras plus certenement Se c'est voirs : verras les femelles Qui tant ont plaines les memelles Qu'a paine soubstienent le let ; D'autre part sont li aignelet Et li chevrelet en maison. J'ai dou lait en toute saison, Dont je menguë et fai[s] potage Et dont je fai[s] faire frommage. Assez te porras deliter En ce que tu m'ois reciter (Mach., Voir, 1364, 636)

Vous avez oy et tenu De la pais tout le contenu Que j'ay ci devant recité ; Si que sachiez, en verité, Que fait l'avoient faussement ; Et très malicieusement Estoit ceste pais pourpensée. (Mach., P. Alex., p.1369, 183)

Or parlons des fais d'Alixandre Et d'Ector, qui ne fu pas mendre Des autres preus qui ont esté Que j'ay ci devant recité ; Comment que homme d'onneur a tant Comme ot Hector le conbatant, Mais qui bien raison li feroit Des IX. preus Xmes. seroit. (Mach., P. Alex., p.1369, 218)

...ouquel lieu et en la presence desdiz conseilliers, icellui prisonnier recita de bouche et par cuer les larrecins cy-dessus escriptes par lui autrefois faites et, en après ce, li furent icelles leues mot après autre. (Reg. crim. Chât., II, 1389-1392, 420)

Ce jour, maistre H. de Marle, president, commissaire envoié à Amiens, et maistre N. de Biencourt avec lui, recita pluseurs choses du gouvernement de ladicte ville d'Amiens (Baye, I, 1400-1410, 41)

La tierce raison qui mouvoir te doit est ce que meismes recite Seneque en son livre des Remedes de Fortune (Chr. Piz., P.V.H., 1416-1418, 26)

...priant au tresexcellatissime et souverain Dieu (...) que il vous adresse pour loyaument acomplir les VIII vertus cy dessus escriptes, par quoy puissiez estre de voz seignouries bien amez. Lesquelles choses encores sur brevité vueil reciter. Dont la premiere chose est que vous doyez fermement maintenir justice avec attemprance de misericorde. (La Sale, Salade, c.1442-1444, 21)

A Melam fist [Saint Bernard] pluseurs sermons. A Novare fust grant renons De sa vie et sa sanctité. En sa legende est recité. (Myst. st Bern. Menth. L., c.1450, 164)

Monseigneur Talebot (...) fist en sa vie deux jugemens dignes d'estre recitez et en audience et memoire perpetuelle amenez. (C.n.n., c.1456-1467, 54)

...advint ung cas digne de reciter ; et pour fournir une nouvelle ne doit pas estre rebouté. (C.n.n., c.1456-1467, 163)

Et souppa ce jour en l'ostel de son lieutenant general, messire Charles de Meleun. Et avecques lui y souperent aussi plusieurs seigneurs, damoiselles et bourgoises. Auquel lieu il recita toute son adventure ainsi advenue audit Montlehery, et, en ce faisant, dist et declaira de moult beaulx mots et piteux, de quoy tous et toutes pleurerent bien largement. (Roye, Chron. scand., I, 1460-1483, 69)

Et, tout dit et recité publiquement en icelle court, fut ledit duc d'Alençon declairé par arrest estre criminel de crime de lese majesté, et comme tel condempné à estre decapité et souffrir mort, sauf sur ce le bon plaisir du roy, et toutes ses terres et seigneuries et tous ses biens estre acquises et confisquées au roy. (Roye, Chron. scand., I, 1460-1483, 316)

Et, pour ce que trop longue chose seroit de reciter et racompter les beaulx faiz de ce bon roy, je delesse le surplus à ceulx qui font les Cronicques de France. (Bueil, I, 1461-1466, 31)

S'i vous plaist, en vostre presence Vous reciteray mon affaire, Dont j'ay douleur et desplaisance, Qui a chacun est tout notoire. (Myst. siège Orléans H., c.1480-1500, 224)

PRIEUR. J'ay le cueur triste, mact et las, Le corps plain de proplecité, Bany de joye et de soullas S'ainsi est qu'avez recité. ABBÉ. Sans nulle controversité, Vous pouez croire par droiture Que Mort au jour d'uy l'a cité Pour l'envoyer a pourriture. (La Vigne, S.M., 1496, 575)

Comme recite... Comme récité...

Car se li cuers me fust partis Pour s'amour et en sa presence, Il me vausist mieus, sans doubtance. Qu'avoir fait telle niceté, Com j'ay ci devant recité, Ce m'estoit vis, puis que ce fust Pour li, et elle le sceüst. (Mach., R. Fort., c.1341, 31)

Lors li jurai je saint Sevestre Et par ma foy li affermoie Que plus ne mains veü avoie. Et je juroie verité Si com devant l'ay recité, Car Venus parla longuement De la pomme a moy seulement, Tant qu'elle dist comme senee : 'Or as response a ta pensee'. (Mach., F. am., c.1361, 236)

Et leur requist tous, que aye Li feïssent au saint passage. Les uns requeroit par linage, Et les autres par amité, Si com devant l'ay recité. (Mach., P. Alex., p.1369, 26)

...Car pas ne sui de son linage ; Ne ne le di pour avantage, Pour promesse, ne pour avoir Que je n'autres en doie avoir ; Einsois le di pour verité, Si comme il le m'a recité. (Mach., P. Alex., p.1369, 247)

Au ciel s'en est monstré le signe Patent, comme recitent mains. (Cene dieux, c.1492, 123)

Reciter que. Rapporter, exposer que.

La Court ou le president pour elle recite que en la Court est acoustumé par le stile de proceder aucune foiz par voie ordinaire, aucune foiz par voie extraordinaire (Baye, I, 1400-1410, 110)

Rabi, on nous a recité Qu'en Capharnaon as fait merveilhes. Nous te prïons que de pareilhes Faces ycy en ton pays. (Pass. Auv., 1477, 121)

Reciter + interr. indir.

Item, Remigius en son comment sus Marcian recite comment les Grecs disoient que les bons angelz forment les corps en quoi il apparoissoient du haut aer et les mauvés du bas aer. (Oresme, C.M., c.1377, 434)

...en outre, recita ledit president comment pluiseurs divisions et dommages estoient avenuz en l'Eglise (Fauq., I, 1417-1420, 61)

Encores recite comment, a la venue de Cesar, le peuple habandonna Pompee par la chierté ou ilz estoient, et par l'abondance que Cesar leur fist venir incontinent de Campaigne et de Sardigne fust soustenu et amé (La Sale, Salade, c.1442-1444, 17)

Or ne fault oubliier a reciter comment ung soir durant la feste, aprés soupper, en plaine salle la ou les dames dansoient, furent emprises armes entre deux chevaliers de l'hostel (Chastell., Chron. IV, D., c.1461-1472, 133)

Reciter de qqc. Parler de qqc. (oralement ou par écrit).

Ce Cartage n'yert la cité, Dont j'ay cy devant recité (Chr. Piz., M.F., III, 1400-1403, 224)

...et a esté mandé le prevost des marchans qui a recité de pluseurs manieres de faire et refaire les pons de Paris (Baye, I, 1400-1410, 220)

Reciter de qqn

Se vueil un petit reciter De ce clerc qui fu vrais amis Et puis en tel grieté sousmis, Comme j'ay dit, vint ans entiers. (Mach., J. R. Nav., 1349, 224)

Encores [Saint Jérôme] recite d'une autre nommee Lucia qui jour et nuyt ne cessoit de plourer et rementevoir son bon mary mort (La Sale, J.S., 1456, 4)

infinitif substantivé.

Apperçoy ceulx De mariages descendus, Empereurs, roys, contes et ducs Qui ont esté sanctifiez Eulx vivans et eulx desviez, Com le saint empereur Henry, Charles le grant, saint Savary Et tant d'autres qu'il n'en est nombre : Du reciter, seroit encombre (Desch., M.M., c.1385-1403, 312)

Des tromperies infinies Y a la, dont gent sont honnies, Mais atant vueil laisser ester, Ennuy seroit du reciter (Chr. Piz., M.F., II, 1400-1403, 56)

2.En particulier.

Énumérer, exposer des choses, mentionner qqc..

Item, il ot delitablement dire les benefices que il a fais et ne ot pas delitablement reciter ceuls que il a receüs. (Oresme, E.A., c.1370, 253)

Item, a cest propos fait un example sovent recité de la loy qui diroit que tout depost est a rendre laquelle est juste, et neent moins elle n'est pas a tenir en rendant a un forsené son glaive. (Oresme, E.A.C., c.1370, 319)

C'est assavoir Formentere, Enicya, Maillorque, Menorque, Corsegne, Sardaigne, Trinacle, Calinos, Chippre, Roddes, et les aultres ysles de Rommenie, et pluiseurs aultres ysles et yslettes treslongues a reciter. (La Sale, Salade, c.1442-1444, 163)

Énumérer, exposer des arguments, argumenter.

Ne vuillez ja tropt reciter. Y convient de neccessitey Pour quatre poins laissier son droy. (Dupin, Mélanc. L., c.1324-1340, 115)

Rapporter, exposer (des propos, en tant qu'objet dont on parle).

DIEU. Par vous vueil me soit recité [l. recité :] Ce pecheur que vous a il dit ? Dites le moy sanz contredit, Mére Marie. (Mir. pape, 1346, 382)

Mais ceste opinion n'est pas yci touchiee et est reprouvee par Aristote en plusseurs lieus de philosophie, et ne puet ainsi estre naturelment, combien que Dieu pourroit faire, et peust avoir fait tellement de sa toute-puissance ou du tout anichiler ce monde et apres creer un autre. Et Origenes disoit, si comme recite saint Jerome, que ainsi fera Dieu par foys innombrables. (Oresme, C.M., c.1377, 166)

Et ainsi sont recitéz les diz des autres en ceste matiere. (Oresme, C.M., c.1377, 670)

Ave Maria, gratia plena, Dominus tecum (...). Ces paroles sont paroles euvangeliques et angeliques. Euvangeliques, car en l'euvangile sont recitées... (Mir. fille roy, c.1379, 5)

Annoncer qqc..

LE ROY. (...) Pensez bien de ce faict conduire, Car je vous donne auctorité De faire vers ceulx de l'empire Comme moy, c'est ma voulenté, Ou soit de guerre ou de traictié, Ainsi que bon vous semblera. De tout ce qui est recité Par moy rien desdit n'en sera. (Myst. st Laur. S.W., 1499, 156)

[P. méton. du sujet, d'un document écrit] Rapporter, exposer.

...combien que les lettres royaux dont se deulent lesdiz procureurs recitent les droiz du Roy (Baye, II, 1411-1417, 198)

C. -Citer, reproduire par écrit (p. ex. une lettre).

...nonobstant ycelles lettres recitées de mot à mot esdictes lettres presentées (Baye, I, 1400-1410, 30)