QUELCONQUE

indéfini

[T-L : quelconque ; GD : quelquelconque ; AND : quelcunques ; FEW (II-2, 1414b) : qualiscumque ; TLF (XIV, 138a) : quelconque]

I. -Adjectif. [Marque l'indéfinition] (Dét. +) quelconque(s) + subst. (Dét.) + subst. + ... quelconque(s). ... quel qu'il soit.

Car de trés tous oiseaus quelsconques, Autrement n'est, ne ne fu onques, La queue est au darrier posée. (Mach., D. Aler., a.1349, 351)

Si doubtay si faite aventure ; Mais seürs fui qu'enforfaiture N'avoie fait en ma vie onques Envers nulles dames quelsquonques. (Mach., J. R. Nav., 1349, 165)

Et nous savons une devise Que li bons philosophes dist ; Il afferme, et je croy son dit, Que les maladies quelconques - Et qu'autrement il n'avint onques - Sont curées par leur contraire. (Mach., J. R. Nav., 1349, 203)

...non contrestant mutacion de personnes, prescripcion de temps, us(t), stile ou costume ne quelconque droit a ce contraire (Chartes Abb. St-Magl. T.F., t.3, 1350, 166)

...car il n'est personne, soit en mer, soit en terre, se elle se voit en peril de corps, ou assaillie de quelconque temptacion, ou en aucune tribulacion, et elle veuille appeler Marie et son aide requerre, qui tantost n'y truisse le reméde de toute consolacion (Mir. prev., 1352, 232)

...laquelle maison et ses appartenances yceulz Raoul et sa femme ne leurs aians cause ne pourront, ou temps a venir, de plus chargier ne asservir envers quelque personne ne pour quelconque cause, fors que des charges dessus dites seullement (Chartes Abb. St-Magl. T.F., t.3, 1353, 184)

Mais il n'i a quelconque comparacion ne proporcion de temps et eternité. (Foul., Policrat., IV, 1372, 75)

Se vous me voulez prendre a femme et jurer que, se nous avons enfans ensemble, que vous ne mettrez ja peine de moy veoir en ma gesine, ne ne ferez par voye quelconques tant que vous me voiez, je suiz celle qui obeiray a vous comme loyal moillier doit obeir a son espoux. (Arras, c.1392-1393, 9)

Sachiez que tant que vous userez de loyauté, sans penser ne faire tricherie, ne mauvaitié, et que vous les ayez sur vous [les deux anneaux] , vous ne serez desconfiz par armes, mais que vous ayez bonne querelle ; ne sort, ne enchantement d'art de magique, ne de poisons, de quelconque maniere, ne vous pourra nuire, que si tost que vous les regarderez, que ilz n'aient perdu toute leur force. (Arras, c.1392-1393, 84)

Saiches que, tant comme tu les auras, ou l'un des deux [anneaux] , toy ne tes hoirs, s'ilz les ont après toy, ne seront ja desconfiz en plait ne en bataille, se eulx ou vous ont bonne cause ; ne ja toy, ou ly hoir qui l'aura, ne morra par armes quelxconques de trait, de ject de pierre, ne d'autre chose. (Arras, c.1392-1393, 259)

Mais pechié mortel quelconque, c'est certain, corrompt et viole innocence de l'ame. (Gers., Concept., 1401, 402)

...toutes lesquelles sommes et adjudications seront prises, levées et executées sur lesdiz duc et autres complices par la maniere dessusdicte, premierement et devant quelcunque autre amende ou confiscation. (Baye, II, 1411-1417, 77)

Car en cellui temps estoit de coustume que les roys se faisoient couronner en la grant esglise palermitane, c'est a dire de Palerme, la maistre cité du royaume, de quelconcque prelat qu'ilz vouloient. (La Sale, Salade, c.1442-1444, 172)

Certes, quelconques chose quy est fondee sur ce fondement est sur ferme pierre bien fondee (Crap., Cur Deus, De arrha B.H., c.1450-1460, 253)

...l'achevement de sa gente chasse luy estoit plus grand eur et trop plus desiré que nul aultre quelconque bien qui luy povoit jamais advenir. (C.n.n., c.1456-1467, 183)

Elle osta la couverture et renversa, et toute nue se monstra, sans tache ne blesseure quelconque. (C.n.n., c.1456-1467, 266)

Et sy ont avec ce promis et juré que, pour chose quelconque que advenir leur puisse, ilz ne abandonneroient point les serviteurs l'un de l'autre, qui les ont ou arront servi es avantdittes matieres. (Le Clerc, Interp. Roye, c.1502, 195)

Item, que tous lesditz habitans et gens de guerre retourneroient en tous leurs heritaiges et biens quelconques, meubles et immeubles, et qu'il y pourroient demourer, ou ailleurs où bon leur sembleroit, seurement et saulvement (Le Clerc, Interp. Roye, c.1502, 237)

Un ... quelconque. Un ... quel qu'il soit.

Et universelment, le commandement d'un homme quelconque fait peu quant a ce que dit est, se tel homme n'est roy ou prince ou se il n'a aucune tele auctorité. (Oresme, E.A., c.1370, 533)

Or, ne puet ce estre un des corps simples quelconques, quar le corps simple qui est meu circulairement ne puet muer son lieu, si comme autrefoys est monstré. (Oresme, C.M., c.1377, 158)

[Avec une valeur concessive] Quelconque ... que. Quelque ... que.

Et s'il avient aucunement Que hors de ville nuit me prengne, En quelconques lieu que je viengne, Soit en plain champ ou en boys hault, La ou il m'anuitte il me fault Demourer jusqu'a l'andemain. (Mir. mère pape, c.1355, 394)

De quelconque estat qu'il estrive, Du plus petit jusqu'au plus grant, Li loist et en doit estre engrant (Desch., M.M., c.1385-1403, 138)

Car quelzconques obéissances que feissent les roys et seigneurs dessusdits, il y avoit èsdits royaulmes aucuns particulliers, tant clers que laiz, qui, selon leur ymaginacion, eussent voullentiers favourisé ledit pape Félix (Chart. J., Chron. Ch. VII, V., t.2, c.1437-1464, 8)

Quelconque + adj. que soit. Quelque ... que.

Mettez le cas que Anthoine soit alé contre les Turcs et Phelippe ou en region bien longique ou loingtaine. Ilz ne retournent pas. On ne scet a scavoir se ilz vivent ou se ilz sont mors. Que feront Marie et Katherine, leurs deux femmes ? Elles ne se porront marier quelconques jones qu'elles soient, tant qu'elles seront seures de la mort de leurs maris. (Sacr. mar., c.1477-1481, 70)

Quelconque ... que ce soit. Quel qu'il soit.

Et affermerent avecques ce et jurerent par leur dicte foy et par leurs diz seremenz pardevant nous que il n'estoient ne sont obligiez en aucune chose, par lettres de Champaigne ou souz quelconques autre seel autentique que ce soit, envers quelconques personnes que ce soit (Chartes Abb. St-Magl. T.F., t.3, 1344, 127)

Quant le sang vient par haut, c'est a dire par la bouche, quelconque que ce soit, c'est mal (Saint-gille, A.Y., 1362-1365, 74)

L'omme qui sa femme bat pour quelconque cause que ce soit, n'aura jamais pour priere qu'il face faire, grace de la Vierge Marie, se premierement il n'a obtenu pardon de sa femme. (Ev. Quen. I, c.1466-1474, 83)

Quelconque (il/ce...) soit. Quel qu'il soit.

Car quant est de chose faite pour ignorance, quelconque elle soit, combien que elle ne desplaise pas aprés, si ne puet l'en pas dire que elle soit faite de volenté, puisque l'en ne le savoit et ainsi elle n'est pas voluntaire. (Oresme, E.A., c.1370, 179)

...car quelconque chose ce soit, tousjours la tres plus parfaicte et la tres meilleur operacion est quant ce qui la fait est tresbien disposé (Oresme, E.A., c.1370, 507)

...car le peuple affamé est de telle condicion qu'il n'a en lui conseil, amour, pitié, priere, foy, menasses ne aultre esgart de devoir, quelconcques soit. (La Sale, Salade, c.1442-1444, 17)

II. -Pronom. Quiconque.

...il n'est possible a quelconcques soit homme humain de le approuchier pour ces estinchelles des pierres ardans (La Sale, Salade, c.1442-1444, 142)

...Dieu (...) qui ne donne a Pappe, a emperreur, (...) ne a quelconcque, viel, josne, riche ne povre, qu'il sache jour ne heure de sa mort (La Sale, Salade, c.1442-1444, 193)

III. -Adverbe. De quelque manière.

Se mocque on de moy quelconques ? (Fr. arch. B., c.1468-1480, 45)