PROPOSER

verbe

[T-L : proposer ; GD : proposer ; GDC : proposer ; DECT : proposer ; FEW (VIII, 70b) : pausare ; TLF (XIII, 1336a) : proposer]

A. -Projeter, envisager, décider qqc..

Proposer qqc.

Mais en tout ce que tu proposes Dois resgarder la fin des choses ; Et s'aucune fois en meschiet, Pour une, cent fois bien en chiet, Car il n'est regle qui ne faille. (Mach., R. Fort., c.1341, 100)

Car en autel dangier se couche Comme s'il l'avoit dit de bouche, Pour tant qu'on y puet sousposer, Croire, penser et pourposer Les escondis et les ottris, Les briés dons et les lons detris, De quoy bonne Amour ceaus demainne Qui elle tient en son demainne. (Mach., D. Aler., a.1349, 248)

...à l'occasion d'une grande conjuration et conspiration proposée et faicte par pluseurs de Paris (Baye, II, 1411-1417, 251)

...bien luy semble que son cheval a sa maison le rendra ains que madame soit descouchée (...). Ainsi comme il le proposa il advint. (C.n.n., c.1456-1467, 111)

...a tant se part et s'en va, et sa dame aussi, chacun pensant et desirant d'achever ce qui est proposé. (C.n.n., c.1456-1467, 193)

En aprés, paradis terrestre Sera noblement disposé, Car il y fera joyeux estre, Ainsin que l'avons proposé (Myst. Pass. Troyes B., a.1482, 28)

Proposer et appenser qqc. Préméditer qqc..

...le cas et maniere du murdre, proposé et appensé de longue main, et à fait appensé, à sanc meur et à grant deliberacion (Reg. crim. Chât., I, 1389-1392, 268)

Proposer de qqc. Former un projet au sujet de quelque chose.

Las ! comment ay esté cy osé D'avoir en mon corps propposé Dont j'ay mon seigneur relinqui ? (Pass. Semur D.M., c.1420 [1488], 185)

Demain l'on pourra propposer De noz affaires plus a plain, Et tous ensemble en composer. (Myst. siège Orléans H., c.1480-1500, 116)

Proposer + inf. Projeter de, avoir le dessein de.

Mais pluseurs sont, c'est chose voire, Qu'on doit bien servir et mau croire : Servir, pour faire son devoir, Croire, qu'il vuelent decevoir. Mais j'alonge trop mon propos Premier, et dont parler propos, Si vueil ma matiere reprendre Et au continuer entendre. (Mach., F. am., c.1361, 149)

Ou nom de Dieu, ci commence le livre d'Aristote appelé Du Ciel et du monde, lequel du commandement de tres souverain et tres excellent prince Charles, quint de cest nom, par la grace de Dieu roy de France, desirant et amant toutes nobles sciences, je, Nychole Oresme, doien de l'eglise de Rouen, propose translater et exposer en françoys. (Oresme, C.M., c.1377, 38)

Mon Dieu, dit elle, mon maistre et mon empereur, poin[t] ne suys du tout non saichant de la belle entreprise que tu veulz faire, et de l'excellente dame que proposez former. (Gers., Concept., 1401, 391)

Or escoutez de quoy le larron s'advisa (...) et son desir tresdeshoneste qu'il proposa accomplir. (C.n.n., c.1456-1467, 535)

Mais vueil que celuy qui propose A la majorité contendre, D'entre vous tous soit le plus mendre, Et (que) celuy qui est precesseur Soit comme l'administrateur. (Myst. Pass. Troyes B., a.1482, 668)

Proposer à + inf.

Mais je m'en passe briefment sans declairer la maniere, car j'ay proposé a proceder yci plus par raison humainne pour ce qu'il samble que telx gens redoubtent plus adversité temporelle qu'ilz ne font la poinne pardurable. (Oresme, Divin. C., c.1366, 100)

Car au commencement ou premier chapitre du premier il avoit proposé a traictier de bien humain. (Oresme, E.A.C., c.1370, 530)

Or revenray à mon propos, Car encor à parler propos De la matiere dessus dite, Qu'elle me plaist et m'i delite. (Mach., P. Alex., p.1369, 188)

Car au commencement ou premier chapitre du premier il avoit proposé a traictier de bien humain. (Oresme, E.A.C., c.1370, 530)

...il s'enfelli en ceste matiere alencontre de son nepveu, et de toute sa force proposa a lui demourer et estre contraire pour l'avancement de l'autre (Chastell., Chron. IV, D., c.1461-1472, 272)

Proposer de + inf.

'...J'ay proposé de visiter, se c'est le plaisir de Dieu, une foiz encores le païs d'Alixandrie...' (C.n.n., c.1456-1467, 561)

Proposer que + sub. Prendre la résolution de.

Et avant qu'il soit, je propose Que ceste main me copperay Et en la mer la jetteray Afin qu'il [mon pére] n'ait plus de moy cure. (Mir. fille roy Hongrie, c.1371, 14)

...Dès à ceste heure je propose Que je ne feray aultre chose Que ce qui est à mon rolet. (Cuv. T., c.1475-1500, 60)

Proposer + interr. indir. Décider + interr. indir..

Occident, va toy reposer, Pour meshuy tu es traveillés, Laisse nous ung peu proposer Comment ilz seront reveillés. (Molinet, Myst. st Quentin C., c.1482, 25)

Emploi absolu. Former un projet.

...faisoient bons compaignons la roe (...) cuidans, comme ilz avoient proposé, que leurs dames en deussent estre mal contentes (C.n.n., c.1456-1467, 364)

Messeigneurs, vous dittes tres bien Et notablement proposez, Mais les moyens pas n'exposez De venir a nostre querelle. (Myst. Pass. Troyes B., a.1482, 417)

Décider.

Comme proposa, ainsi le fist. (Chastell., Chron. K., t.4, c.1456-1471, 65)

Emploi impersonnel.

...comme il fut proposé et deliberé fut fait et accomply (C.n.n., c.1456-1467, 363)

Proposer encontre qqn. Prendre une décision contre qqn.

Pas encontre vous ne propose, Mais je sçay bien en verité Que trop miex vault virginité : Garder la veul de bon corage. N'ay soing d'entrer en marïage, Doulce seur gente. (Vie st Fiacre B.C.P., c.1380-1400, 19)

Proverbe.

Ce que l'homme propose Dieu en dispose

...souvent ce que l'homme propose, contraire Dieu en dispose. (Chart. J., Chron. Ch. VII, V., t.3, c.1437-1464, 76)

Mais, comme dit ung ung assez commun proverbe, 'quelque chose que homme propose, Dieu à son plaisir en dispose' (Leseur, Hist. Gast. IV, C., t.2, 1477-1478, 94)

De guerre homme en propose mais fortune en veut discuter

...de guerre homme en proppose Mes fortune en veult discuter. (Myst. siège Orléans H., c.1480-1500, 621)

Homme propose et Dieu ordonne

Mon chier ami, homme propose Et Diex ordene (Mir. st Ign., 1366, 90)

Il est par dessus toute chose : L'homme propose et Dieu dispose. (Molinet, Faictz Dictz D., 1467-1506, 774)

B. -Poser, mettre en avant, présenter.

1.[D'une pers.] Se proposer. Se présenter.

Tantost qu'il eult la grant voille aproché, Quatre seigneurs comme ilz se proposerent, Dessus son chief ung grant poille poserent A fleurs de lis de fin drap d'or broché. (La Vigne, V.N., p.1495, 198)

2.Mettre en avant, choisir, retenir qqc..

En la saluant dictez les paroles proposees fors que au commencement, vous ne adjoustatez point ce nom icy, Marie, maiz aprés le nommastes. Ave, Maria, etc. : Je te salue, Marie etc... (Gers., Annonc., a.1400, 228)

...envoya le saint ange Gabriel denoncer l'Incarnation du benoit Filz de Dieu, et dit le salut proposé : Ave, Maria. (Gers., Annonc., a.1400, 229)

Proposer qqc. à/devant qqc. Préférer qqc. à qqc..

L'omme internel propose la cure de soy mesmes a toutes autres cures (Internele consol. P., 1447, 17)

...et en toutes ses oeuvres (...) ne craignoit nulles humaines machinations (...) et sur tout et devant tout il proposoit le fait de Deu devant le sien propre. (Chastell., Chron. K., t.3, c.1456-1471, 386)

...ledit roy, embuvré de convoitise, pessu de vaine gloire et de elacion en sa haulte fortune, proposant le sien fait devant celui de Dieu (...) ne volt obeïr a conseil (Chastell., Vérité mal prise D., c.1460, 115)

...morir en nette fame et clere, non avoir riens fait ne conseillié qui ait esté contre honneur (...), avoir ensievi verité et raison humaine (...) c'est ici l'aquest de ses longs jours, c'est ici la chierté qu'il propose devant toutes richesses et possessions de seignouries (Chastell., Vérité mal prise D., c.1460, 170)

3.Présenter, montrer qqc. (un objet).

Je m'arestai sur ce pourpos Et le livret que je pourpos Fis escrire en bel parchemin. (Froiss., Pris. am. F., 1372-1373, 167)

Proposer qqc. (à qqn). Soumettre qqc. (une proposition) au choix de qqn.

Et se avant la main elle puet estre informee de ce que on devra proposer au conseil, et que sur ce, se choses pesantes sont, se pourvoye par sage conseil de response, ce n'est que bien. (Chr. Piz., Trois vertus W.H., c.1405, 49)

Cedit jour aussi, les ambasseurs de Paris, qui ainsi estoient alez à Beauté pardevers les seigneurs devantditz, s'en retournerent à Paris et vindrent arriver en l'ostel des Tournelles, où ilz trouverent mondit seigneur d'Eu, auquel ilz dirent ce qui leur avoit esté dit et proposé. (Roye, Chron. scand., I, 1460-1483, 91)

Et, eulx venus et arrivez pardevers lui, fist et ordonna plusieurs choses ; et aussi, pour ce qu'il n'avoit pas intencion de sejourner audit lieu, il fist proposer par la bouche dudit cardinal d'Angers à tous les dessusdiz officiers tout ce qui par lui avoit esté accordé audit seigneur de Bourgongne, qui plus à plain estoit contenu et specifié en XLII articles qui par ledit cardinal furent declairez lors ausdiz officiers (Roye, Chron. scand., I, 1460-1483, 218)

Au figuré. Présenter qqc. à l'esprit, au coeur de qqn ; avoir qqc en esprit.

Proposer qqc. à qqn. Montrer, faire voir en esprit à qqn.

...et tu luy proposoyes et luy mettoies au devant honte, povreté et essil (La Sale, Sale D., 1451, 161)

Proposer qqc. en son coeur. Imaginer, concevoir qqc..

En mon cuer un fait proposay Que de vous gehir propos ay, Et fu de vous empoisonner (Mir. Berthe, c.1373, 219)

Proposer qqc. Avoir qqc. en vue, envisager qqc., s'attendre à qqc..

...quan ils véoient leur infélicité continuer plus et plus, et que des amours de ce monde ils proposoient briève part et congé pour jamais, ilz requirent que au moins on leur souffrist parler à leurs femmes (Chastell., Chron. K., t.1, c.1456-1471, 147)

Emploi absolu. [P. oppos. à postposer] Mettre en avant (comme objet d'examen).

...en toute ordre il a diversité ou de proposer ou de postposer (Saint-gille, Comment. A.Y. L., 1362-1365, 323)

4.Exposer, présenter, énoncer qqc. oralement ou par écrit..

a)Proposer qqc. (à qqn)

Einsi prouvoient par raison Qu'elles faisoient desraison, Quant ami n'estoient clamé, Mais plus encor, trés bien amé, Et si proposoient leurs cas Qu'en parlement n'a advocas Qui sceüst maintenir son droit Plus sagement ne plus a droit. (Mach., D. Lyon, 1342, 193)

Or vueil revenir au propos Pour quoy ces raisons ci propos, Pour fourmer la comparison De ceste douce garison De quoy li amans est garis Et li estas d'amours norris Qui est dis par voie assentie Amours, vrais amans et amie. (Mach., D. Aler., a.1349, 253)

Car ce que vous dy et propos Est vray, j'en met la main au piz (Mir. parr., 1356, 20)

...ceulx qui les loenges de la vierge benoite veulent pronuncier et mettre avant, la vierge en leur enseignant les adevance et leur propose quatre choses, esquelles elle comprent toutes loenges, et les divise par quatre degrez (Mir. Berthe, c.1373, 155)

...il [Aristote] propose une rayson par laquelle aucuns cuidoient que plusseurs mondes peussent estre. (Oresme, C.M., c.1377, 152)

Comment Guillaume de Machaut respont a Amours : Graces ne say, loange ne merci N'autre chose qu'on sceüst proposer Dont vous, Amours, assez gracier ci Vous peüsse, n'a mon voloir loer, Car vos trois enfans vis a vis Ci m'amenez pour moy donner avis Et matere dont ç'ordener porray Dont Nature de vous m'a fait devis, Et par son gré je m'y emploieray A mon pooir, tant comme je vivray. (Mach., Prol., c.1377, 5)

Et quant Nature me commande Et li dieus d'Amours, que j'entende Aus choses dessus proposées, Seur l'onneur des dames fondées, Bien est raison que je m'aplique A faire leur bon plaisir, si que Je n'i mesprengne ne mefface. (Mach., Prol., c.1377, 11)

La parolle cy dessus proposée se puet entendre à notre propos que c'est chose convenable que branche yssue et nourrie de bonne racine doye estre bonne. (Chr. Piz., Paix W., 1412-1413, 158)

...voyant que son mary ne respondoit mot a chose qu'elle proposast, le suyvant par la rue, devant tout le monde cryoit tant qu'elle povoit. (C.n.n., c.1456-1467, 490)

La creance ditte et proposee par les gens et ambassaeurs de Bourgoingne (...) peut estre reduite en quattre poins. (Chastell., Chron. IV, D., c.1461-1472, 62)

JHESUCRIST. (...) Pour vous ai ge esté tout deffait, Pour vous pechiés et pour vous meffait. Bonus pastor ponit animam suam, etc. Les paroles que j'ay ici proposee Son en l'euvangile trovee. (Pass. Autun Biard F., 1470-1471, 144)

Les parolles cy proposees, Et notablement exposees, Peuent grandement proffiter (Myst. Pass. Troyes B., a.1482, 755)

En ceste ville hault en ung monastere, A une chasse ou une fierte entiere, Ainsi qu'on dit et comme on le propose, La ou le corps Sainct Ambroise repose (La Vigne, V.N., p.1495, 243)

Décrire (un objet).

...il vit en songe une estature Grande et haute, qui la figure Horrible avoit, Et la teste d'or riche et pure, Les bras, le pis d'argenteüre, Ventre, cuisses de la faiture D'arein portoit, James de fer sus qu'elle estoit, Des piez l'une part fer estoit, L'autre terre. (...) L'estature que ci propose Estre ne me samble autre chose Que Fortune qui ne repose Heure ne jour. (Mach., R. Fort., c.1341, 37)

Proposer sa bienvenue (à qqn). Souhaiter la bienvenue à qqn.

Et lui, estant ainsi dessoubz, vint jusques à Saint-Estienne des Grecs, où il trouva les recteur, suppotz et bedeaux de l'Université de Paris, qui proposerent devant lui sa bienvenue. (Roye, Chron. scand., II, 1460-1483, 28)

Proposer qqc. à qqc. Opposer, objecter qqc. à qqc..

...ne sçay quelle chose je doye maintenant dire, respondre, ne proposer a voz raisons (C.n.n., c.1456-1467, 565)

Proposer qqc. envers qqn. Adresser qqc. (une offense) à qqn.

Si quelque femme mary a Ou mary ait femme espousee Dont souvant le cueur marry a, Par quelque offense proposee Envers Dieu, dont mal disposee Est au salut la conscïence, La doctryne, en mes ditz, posee Sera par art et par scïence : Craincte fait avoir pascïence (La Vigne, S.M., 1496, 421)

Proposer contre qqc. Émettre des objections contre qqc..

Veulz tu proposer Contre mes dis ne opposer ? (Desch., M.M., c.1385-1403, 318)

Proposer pour qqn. Plaider en faveur de qqn.

Misericorde (...) Voyant l'omme ainsy depulsé Et en tenebres expulsé, Haultement pour lui proposa. (Gréban, Pass. J., c.1450, 452)

Il est vray que Messire Pierre de Goux, chevalier et docteur en loix, homme bien eloquent et sage (...), proposa devant le roy pour et ou nom du duc de Bourgoingne son prince en toute humilité et reverence, et usant de beaux et pleins termes lui dist : 'Sire...' (Chastell., Chron. IV, D., c.1461-1472, 299)

Exposer, soutenir (une opinion).

Mais, se Dieu plaist, je parlerai Et la querelle soustenrai De violette encontre rose. Advocas, je di et propose, Vostre parolle bien oïe : Violette est mieuls conjoïe, Amee et desiree aussi Que rose ne soit (Froiss., Dits Débats F., 1363-1393, 192)

Participe présent en emploi substantival masculin. Proposant

Celui qui expose, porte-parole.

L'Université par son proposant a dit au contraire de ce que partie avoit dit que IJ des maistres ou supposts avoient envoié audit Savoisy (Baye, I, 1400-1410, 109)

En après, les deputez de ladicte Université, present le recteur, firent, par ung proposant, exposer en brief le très grant peril et desolacion de la ville de Rouen (Fauq., I, 1417-1420, 215)

...il sera expedient de avoir proposans pour parler et remonstrer au Roy ce qui lui sera à dire de par la Court. (Fauq., II, 1421-1430, 342)

Celui qui présente, qui soumet qqc. au débat.

Et quant vous mettés vostre exemple de la teste et du cuer, certes, ja soit ce que celluy exemple si aplanisse lez orailles dez escoutens et enbelit assez lez paroles du proposent, toutevoies il ne nous conclut mie trop fort, mez le povons prendre pour nous, car, par vostre exemple et par vostre confession, le Pape est come le chief de toute Crestianté (Songe verg. S., t.2, 1378, 78)

Participe passé en emploi substantival. Proposition.

...se, après ce proposé qu'il avoit entention de proposer et dire contre ladicte lettre (Baye, I, 1400-1410, 87)

Proposer à savoir mon si. Exposer la question de savoir si.

Ou .IXe. chappitre il propose a savoir mon se aucun cors est infini et monstre comment ce appartient a ceste science. (Oresme, C.M., c.1377, 96)

Proposer à qqn de + inf. Faire à qqn la proposition de.

...proposé et promis luy avoie en mon cueur, non pas de jamais moy marier, mais de le non faire encore (C.n.n., c.1456-1467, 170)

Proposer + interr. indir. Prononcer, exposer + interr. indir..

...le duc (...) fit proposer par la bouche de l'évesque de Tournay, comment de tout temps, par l'aide de Dieu, il les avoit gouvernés en paix et en bonne prospérité (Chastell., Chron. K., t.4, c.1456-1471, 481)

Proposer que. Exposer, avancer, soutenir que.

...ledit Corbeant avoit confessé ou proposé qu'il estoit clerc, combien que de la partie de l'evesque d'Arras feust dit qu'il avoit proposé qu'il estoit clerc non marié (Baye, I, 1400-1410, 38)

Ce jour, vint en la Court le recteur et pluseurs des maistres de l'Université en leurs abitz acoustumés, et firent proposer par la bouche de maistre Guillaume Erard, maistre en theologie, qu'ilz venoient pour faire une grief complainte (Fauq., III, 1431-1435, 101)

Les Juïfz cy t'ont acusé De pluseurs crimes desloiaulx ; Proppossé ont que tant de maulx Tu as fait en ceste contree, Tous les gens depuis Galillee Tu as fait en erreur entrer Et en leur loy trop varïer. (Pass. Semur D.M., c.1420 [1488], 199)

En après il a proposé, Ainsi qu'ay entendu de luy, Que vous estes mort et failli. (P. moyne, a.1500, 50)

Proposer (à qqn) que. Faire la proposition à qqn de, suggérer à qqn de, suggérer que.

Ceste femme si me propose Qu'a gesir avec li m'expose Et crestienne devenra (Mir. Barl. Josaph., c.1363, 293)

LE JUIF. Je propose qu'il [le chrétien] doit jurer De ceste heure. LE CRESTIEN. Pas ne suis prest. (Mir. st Nic. juif, c.1480-1500, 120)

Proposer en son coeur que. Se dire en soi-même que.

Et je qui la me reposoie Par dedens mon cuer proposoie Que, qui einsi seroit toudis, Que c'estoit uns drois paradis, Et que jamais jour ne porroie Avoir en monde plus grant joie, Einsi comme il le me sambla. (Mach., D. Aler., a.1349, 393)

Proposer contre qqn que. Accuser qqn en objectant que.

Que diroyent ja les Juys Se mon fils n'estoit circoncis ? En temps advenir ils diroient Et contre lui proposeroient Que point ne venroit pour instruire Le temple, mais la loy destruire. (Marcadé, Myst. Pass. Arras R., a.1440, 29)

Emploi pronominal à sens passif. [D'une affaire] Être exposé.

Bien estoit vray que lesdis ambassaeurs, ou temps que ilz vindrent devers le roy, avoient intention de l'esclarcir de ceste matere familierement et de particularizier plus que n'avoient en ladicte proposition. Mes quand ilz virent que le roy les voloit oïr publiquement et que la chose se proposast devant chescun, ilz furent tous troubléz, consideré que c'estoit matere de pere a filz et qui devoit estre, ce sembloit a correction, traictee secretement (Chastell., Chron. IV, D., c.1461-1472, 55)

b)Proposer qqc. à qqn. Imputer qqc. à qqn.

Car, en ce cas et en semblables, le premier reffuge est retourner à Dieu et penser si en riens on l'a offensé et se humilier devant luy et congnoistre ses mesfaictz, car c'est luy qui determine de telz procès sans ce qu'on luy puisse proposer nulle erreur. (Comm., II, 1489-1491, 130)

Proposer à qqn + interr. indir. Imputer à qqn + interr. indir..

Lors Palmedes fut accusé comme traitre par l'ordenance Ulixes, et lui fut proposé comment il estoit traite, et comment il avoit dessoubz son lit lectres de traïson de par Priamus, et certain or qu'il avoit de par lui receu. (Legrand, Archil. Sophie B., c.1400, 202)

Emploi absolu.

Parler.

L'en ne sçaroit mieulx proposer ; Elÿachin, je vous ensuis. (Gréban, Pass. J., c.1450, 181)

SAINCT MARTIN. (...) Pour ce, prenez moy tous ensemble Et si me portez reposer ; Nul de vous ne se desassemble, Car Dieu veult de moy disposer. DOYEN. Las, de vous oÿr proposer En ce poinct, trop grant desconfort Se vient dedens noz cueurs poser Et si nous tourmente trop fort ! (La Vigne, S.M., 1496, 559)

Discuter.

QUART. (Il l'en mayne en sa caverne.) Gallant, allons nous reposer Ung bien petit soubz celle umbrete. SAINCT MARTIN. Garde n'ay de m'y opposer, Mon amy. QUART. Pour mieulx proposer, Couchons nous sur la belle herbecte. (La Vigne, S.M., 1496, 281)

Relater.

[Le chancelier de France aux ambassadeurs du duc de Bourgogne :] ...ilz ont ainsi aventuré sa personne par voyes perileuses et dangereuses, ainsi que vous meismes, messieurs les ambassaeurs, avez dit et proposé (Chastell., Chron. IV, D., c.1461-1472, 67)

Exposer ses vues, faire des propositions.

Le douziesme jour de juillet oudit an, furent les ambassadeurs du roy de France, ceux du roy de Sécille et de Monseigneur le Daulphin assemblez pour exposer au pappe ce dont ilz estoient chargés ; et proposa moult solempnellement ledit archevesque de Rains. (Chart. J., Chron. Ch. VII, V., t.2, c.1437-1464, 56)

Faire une allocution, un discours.

...cedit jour ladicte Université (...) proposa par la bouche de maistre Pierre Plaoul, maistre en ars et en theologie et chanoinne de Paris, en disant pour theme : Querite pacem civitatis et orate pro ea. ['Cherchez la paix de la cité et priez pour elle'] (Baye, I, 1400-1410, 158)

...et est expediens (...) que le jour que [les ambassadeurs] parleront proposient en françoiz, pour ce que touz ceulx qui viennent ceans oïr les Plaidoiries n'entendent pas latin. (Baye, I, 1400-1410, 158)

S'en vint le Roy au portal de Nostre-Dame de Paris, où il descendi, et vint devant lui l'Université, qui proposa en brief. (Monstrelet, Chron. D.-A., t.5, c.1444-1453, 304)

Et lesquelz prevost des marchans et eschevins vindrent aux champs rencontrer et faire la reverence au roy. Et proposa devant lui pour ladicte ville ledit prevost des marchans nommé maistre Henry de Livres, qui lui bailla et presenta les clefz de la porte Saint-Denis, par où il fist sadicte entrée. (Roye, Chron. scand., I, 1460-1483, 24)

5.En particulier. Exposer, présenter, soutenir, alléguer qqc. devant une instance judiciaire.

...s'ils demeurent de leurs raisons proposés et respondus en jugement, après le jugement plaidé, il [le juge] doit les parties et les conseux faire tirer arrière et, iceulx tirés arrière, aux assistens demourans en jugement il doit demander dudit jugement a chacun son advis (Instruct. ensaign. B.G., c.1386-1390, 35)

Derechief, la maniere de proposer son action ou sa demande en jugement, si est entroduite de Droit humain ou civil (Songe verg. S., t.2, 1378, 137)

Et après plusieurs deffences proposées par ledit Maire, furent mis en certains procès qui encores pend entre eulx, pour lequel procès soustenir il a moult frayé et despendu du sien. (Reg. crim. Chât., II, 1389-1392, 256)

Sire, le celer ne vault rien, prengne vous pitié de moy, car certainement il fut tout ainsi comme cellui chevalier l'a proposé, et sachiez que Oliviers, mes fils, n'estoit pas encore nez. (Arras, c.1392-1393, 64)

Les parties Des raisons qui cy proposees Nous ont esté, soient pesees Par mon conseil, qui ordener Bien en sara et discerner Tel droit comme il y puet avoir. (Chr. Piz., Chem. estude P., 1402-1403, 258)

Messire Charles de Savoisy ou maistre Guillaume Cousinot, son advocat, propose les excusations dudit chevalier (Baye, I, 1400-1410, 105)

...maistre Jehan Petit, maistre en theologie, de la nation de Normandie, a proposé pluseurs causes et raisons pour le duc de Bourgoigne (Baye, I, 1400-1410, 222)

L'advis de la Court sur les deux poins proposez par monseigneur le chancelier de Guienne à messeigneurs de Parlement (Baye, II, 1411-1417, 152)

Et, finablement, ledit duc de Bedford advoa ce que avoit dit et proposé ledit Chancelier de par lui. (Fauq., II, 1421-1430, 75)

Et doit requerir le deffendant que, se l'appellant ne preuve les choses par lui proposees estre vrayes, que il soit condempnez a avoir et estre pugny de telle payne comme droit le vuelt. (La Sale, Salade, c.1442-1444, 210)

Proposer des accusations contre qqn

...Thomassin Le Valois, prisonnier (...) interrogué s'il estoit avisé de lui dire verité des accusacions contre lui autrefois dites et pourposées, et, s'il en estoit advisez, d'en respondre. (Reg. crim. Chât., I, 1389-1392, 145)

Et quant ausdites accusacions contre lui dites et proposées par icelui Henriet, dist et afferme par serement qu'il n'en est riens, mais a menti icellui Henriet (Reg. crim. Chât., I, 1389-1392, 374)

Proposer son cas

Comment l'appellant propose son cas, devant le roy, contre le deffendant. (La Sale, Salade, c.1442-1444, 210)

LE PREVOST. Faictes paix, que nul mot ne sonne. Proposez icy vostre cas. LE JUIF. Je ne vueil cy nulz advocatz Que moy seul pour tout mon conseil, Car oncques ne vy cas pareil. S'i vous plaist, je le compteray. (Mir. st Nic. juif, c.1480-1500, 118)

Proposer un alibi

...qu'il parlast et examinast ledit Ancel Gohier, et autres qu'il verroit que bon seroit, pour savoir se l'alibi proposé par ladite Margot estoit vray ou nom (Reg. crim. Chât., I, 1389-1392, 346)

Proposer (certaines) erreurs. Exposer pour les dénoncer des erreurs d'interprétation (dans un arrêt, une sentence).

...nonobstant que Bureau de Dompmartin, son cousin, et changeur, eust proposé erreurs d'une sentence donnée par certeins reformateurs generaulz (Baye, I, 1400-1410, 75)

Ce jour, maistre J. d'Aigny, contreroleur de la Chambre aux Deniers, a renuncié et renunce à certeinnes erreurs par lui proposées ou qu'avoit entention de proposer à l'encontre de certain arrest (Baye, I, 1400-1410, 210)

Proposer l'un contre l'autre

Savoir faisons que icelles oyes par nozdiz chancellier et gens en tout ce qu'elles voulu dire et proposer l'un contre l'autre... (Ordonn. Ph. le Hardi, Marg. de Male B., t.1, 1392, 525)

Proposer qqc. contre qqn. Porter (telle accusation) contre qqn.

...ledit Regnault comperra aux prouchains jours de Vermendoiz ceans pour respondre à ce que l'en voudra contre lui proposer. (Baye, II, 1411-1417, 27)

Proposer contre qqn que. Porter une accusation contre qqn que ; accuser qqn d'avoir fait qqc..

...fu proposé contre lui qu'il avoit esté present, aydant et confortant à murtrir maistre Dantart (Conf. Jug. Parlem. Paris L.L., 1333, 89)

Emploi absolu. Avancer des arguments.

...après que aucune cause sera offerte, il [le juge] doit demander aux conseux qu'ils la gouvernent, que s'ils ne sont advisés de proposer, qu'ils voigent parler a leurs maistres (Instruct. ensaign. B.G., c.1386-1390, 32-33)