PROPHETE

substantif masculin et adjectif

[T-L : profete ; GDC : prophete ; DECT : profete ; FEW (IX, 451b) : propheta ; TLF (XIII, 1326a) : prophète]

I. -Substantif masculin.

A. -Prophète.

Et pour ce disoit le Prophete en recitant ceste chose : Sol et luna steterunt in habitaculo suo, etc. (Oresme, C.M., c.1377, 364)

...par les dons et beatitudes desquelles fut remplie le bieneureuse ame saint Pol comme ung beau jardin plain et benoist, et nous verrons en luy acompli ce que dit le prophete par admiracion de tous les amis de Dieu : O Dieu comment sont voz amis Excellemment a honneur mis ! (Gers., P. Paul, a.1394, 508)

...lequel predist et prenostica sur aucune revolucion de an et concorda aucunement aux dis de Sophonias, le prophete, touchant la destruction de Jherusalem (Simon De Phares, Astrol., c.1494-1498, f° 41 v°)

Prophète de l'Ancien Testament.

Aiez en vous la paour de Dieu, Car s'en est le conmencement [de sagesce] , Se le saint prophéte [David] ne ment, Qui ou sautier le nous recorde (Mir. ev. arced., c.1341, 106)

Quant Nabugodonosor sot Tout son songe, pour un ort sot Tint le plus sage et le plus mestre Qui en son païs peüst estre Contre Daniel le prophete, Et long de li tous autres gette Pour Daniel qu'il aimme et prise Et fait faire honneur et servise. (Mach., C. ami, 1357, 17)

Un prophete avoit en Judee, Abacuc, qui, une journee, Avoit fait viande en un pot D'orve et de lait au mieus qu'il pot, S'avoit dou pain en sa louvette Et de l'iaue en une cruchette, Pour porter ceans qui labouroient Aus champs pour moissons qui estoient. (Mach., C. ami, 1357, 41)

David li prophetes jadis, Quant il voloit apaisier l'ire De Dieu, il acordoit sa lire, Dont il harpoit si proprement Et chantoit si devotement Hympnes, psautiers et orisons, (...) Que sa harpe a Dieu tant plaisoit Et son chant qu'il se rapaisoit. (Mach., Prol., c.1377, 10)

David le prophete dit que les jugemens et punicions de Dieu sont comme abysme sans rive et sans fons, et n'est pas saige qui les cuide comprendre en son engin. (Arras, c.1392-1393, 2)

...et pour venir et descendre plus especialment à son propos, [Gerard Machet, maistre en theologie et chanoine de Paris] print la parole divine du prophete : Psalmo octogesimo octavo... (Baye, II, 1411-1417, 260)

Item, ung pareil, intitulé de ossibus Ysaie prophete. (Fauq., II, 1421-1430, 117)

Croire que incontinent qu'il fut mort il descendi aux enfers pour delivrer les sains prophetes et justes personnes qui la estoient. (La Sale, J.S., 1456, 38)

Bien eureux est qui rien n'y a [aux folles amours] ! (...) David ly roys, saiges prophetes, Crainte de Dieu en oublia, Voyant laver cuisses bien fetes. (Villon, Test. R.H., 1461-1462, 64)

[Avant la venue du Christ] Mors estoient et corps et ames, En dampnee perdicïon, Corps pourriz et ames en flasmes, De quelconque condicïon. Touteffoiz fais exepcïon Des patriarches et prophetes, Car, selon ma concepcïon, Oncques grant chault n'eurent aux fesses. (Villon, Test. R.H., 1461-1462, 74)

Or sa, de par nostre seigneur, Arme virtueuse, loués Dieu ; Et nous vous manrons en ung lieu Ou vous varrés les sanctz prophetes Et les sanctz peres, esqueulx estes Tramise pour denuncïer Leur saulveur. (Pass. Auv., 1477, 101)

Puis, seigneurs, qu'advés fait l'office, Les sancts prophetes vouldroye lire. Balhés moy, si vous plait, le livre, Et vous me fairés grant plaisir. (Pass. Auv., 1477, 116)

Sçavés vous que dit le prophete, La parole Dieu recitant ? Michi vinditam et ego retribuam. [Deut 32, 35] (Pass. Auv., 1477, 268)

Comme dist Ysaie le prophete : 'Je remplis ciel et terre.' (Somme abr., c.1477-1481, 143)

...et par les sainctz prophettes Vous en sont les semonces faictes. (Cene dieux, c.1492, 123)

[Dans le Nouveau Testament]

[Titre donné à Jean-Baptiste]

Sire, pour ce que ce prophete, Jehan babtiste, qu'en prison est, Ad moy et a ma mere desplait, En ce plat donnés moy sa teste ! (Pass. Auv., 1477, 96)

[Titre donné à Jésus-Christ]

Parle JOSEPH a Pilate. Pilate, syre, s'y vous plait, Je vous requier, sen nul displait, Que vous m'otroyés le corps Du bon prophete qui est mors, Quar, s'il estoit vostre plaisir, Bien le vouldroye enseveilly Et le mectre en ung monumen Que j'ay fait tout nouvellement. (Pass. Autun Biard F., 1470-1471, 124)

Toutesfoiz, Jhesus, je t'avoye En la voye Estre le prophete tresgrant (Pass. Auv., 1477, 132)

Vive Jhesus, le grant prophete, Qui de mort m'a ressussité. (Pass. Auv., 1477, 133)

Va t'an charcher le bon prophete ! (Pass. Auv., 1477, 150)

Si le prophete de la loy Estoit cest homme, com on dit, Tantost eust cogneu, si Dieu m'ist, Quelle est la femme que le touche. [Réf. à Luc 7, 39] (Pass. Auv., 1477, 153)

Le faux prophete

[Jésus (dans le langage de ses opposants)]

Ce faulx prophete, je vous livre, Se examinez est bien et fort, Digne le trouverez de mort (Marcadé, Myst. Pass. Arras R., a.1440, 141)

Dyables leurs ont bien au cueur mis De croire en celluy faulx prophete (Myst. st Adr. P., c.1450-1485, 87)

[Mahomet]

Ce fut lui qui predist sur l'effect d'une grande conjunction l'opperacion du faulx prophete Mahomet. (Simon De Phares, Astrol., c.1494-1498, f° 100 r°)

[Par antiphrase ou par ironie] Bon prophete. Celui qui est de mauvaise foi (bon apôtre).

Remarque : COMM., Lettres B., c.1476-1511, 187 (bonprofette).

Par extension. Prophete de qqc. Celui qui annonce qqc..

[Un ermite prédit à un évêque une apparition de Notre-Dame] L'EVESQUE. Biaux seigneurs, certes il convient Que nous aillons veoir biau pére L'ermite (...), Et, pour voir, il m'en fu prophète. Puis ne parlay je mais a li. (Mir. ev. N.D., c.1348, 82)

[À propos de la chouette] Prophete de male aventure. Oiseau de mauvais augure.

Il pronostique aussi de nature voulentiers aucun mal ou aucune infortune, et pour ce est il de pluseurs appellés prophete de male avanture. (Evr. Conty, Eschez amour. mor. G.-T.R., c.1400, 717)

Proverbe.

Par moy vous jure, o Juïfz, Que nul prophete n'est pris en gré En son pais. [Réf. à Luc 4, 24] (Pass. Auv., 1477, 121)

B. -Par métonymie. Prophétie.

Dieu c'est fait homs dessous nature Pour ce que soient l'escripture Et tuit li prophéte acompli (Mir. nat. N.S.J.C., c.1343, 217)

II. -Substantif féminin. Prophétesse.

La sage prophete Sibille, Qui avoit cuer franc et nobile (Mach., Voir, 1364, 626)

Six femmes sages si parfaites Que par grace de Dieu prophetes Furent et du secret haultiesme Parlerent (Chr. Piz., Chem. estude P., 1402-1403, 23)

Cestui fut extraict du sang de la prophete Sibille de Samye, predist à merveilles precizement la mort d'un roy en Occident et la grande effusion du sang sacerdotal (Simon De Phares, Astrol., c.1494-1498, f° 42 r°)

...et s'accorda en ce et en plusieurs autres choses avecque Sophonias et avecque Olda la prophete, par especial touchant les terribles playes, dont le peuple fut pugny pour sa durté. (Simon De Phares, Astrol., c.1494-1498, f° 42 r°)

Remarque : DESCH., Oeuvres Q., t.6, c.1370-1407, 204.

III. -Adjectif.

A. -[D'une pers.] Qui est prophète.

Lors firent devant euls venir La prophete et sage Sebille Qui sus un mont hors de la ville, Qu'on appelle mont Apennin, Exposa le songe divin Et la verité de leur songe Leur moustra sans nulle mensonge. (Mach., F. am., c.1361, 238)

B. -[D'une chose] Prophétique.

Mes l'on ne peult surmonter De Dieu la prophete ordonnance Ne contraictier a sa puissance (Pass. Semur D.M., c.1420 [1488], 259)