PREMIEREMENT

adverbe

[T-L : premierpremierement ; GDC : premierement ; DECT : premierement ; FEW (IX, 378b) : primarius ; TLF (XIII, 1066b) : premièrement]

A. -En premier lieu, d'abord, tout d'abord.

Lors appella En sousriant Loiauté qui fu la, Amour, Juenesse et Raison, qui parla Premierement, et puis leur demanda Li gentils roys : 'Que diriez vous qui savez tous les drois ?...' (Mach., J. R. Beh., c.1340, 118)

Les corps qui sont en fievre quarte ne sont pas souvent pris de spasme ; s'ilz avoient premierement le spasme, et la quartaine leur survient, il seroit delivre. (Saint-gille, A.Y., 1362-1365, 89)

Sire, je dis premierement Que je vous aim si bonnement Que volentiers, se je savoie, En tous cas vous conseilleroie. (Mach., Voir, 1364, 610)

Là ot maint chevalier estrange, Digne d'onneur et de loange, De mainte estrange region, Dont je vous feray mention. Des François especiaument Vous parleray premierement ; Car avec ces IJ. se tenoient, Pour ce que de leur langue estoient. (Mach., P. Alex., p.1369, 139)

...et que alors qu'elle lui fu baillée, elle tenoit et encores tient en sa conscience que elle est bonne fille et pucelle, dont elle se rapporte ou dit d'icelle Margot, jurée et examinée premierement et en sa presence. (Reg. crim. Chât., I, 1389-1392, 42)

Et me orrez declairer la noble lignie qui en est yssue, qui regnera jusques en la fin du monde, selon ce qu'il appert qu'elle a regné jusques a ore. Mais pour ce que j'ay premierement commencié a traictier des faees, je vous vouldray dire dont celle faee vint qui fonda la noble place et forteresce de Lisignen dessus dit. (Arras, c.1392-1393, 5)

Et je ne vous conseilleray chose dont bien et honneur ne vous doye venir. Mais il fault premierement que vous me promettez que vous me prendrez a femme. (Arras, c.1392-1393, 26)

Et avoient bien mis ensemble jusques a six vins mil Sarrazins, et avoient leur navire tout prest. Et orent entencion de arriver premierement en Armenie, et destruire premiers l'ille de Rodes (Arras, c.1392-1393, 213)

Et sur ce sera commencié à ouvrer le plus tost que faire se pourra, et premierement au pont dudit Petit Chastellet (Baye, I, 1400-1410, 225)

...le procureur du Roy a requiz qu'il soit defendu à tous que à la Chancellerie plus ne baillent lettres à seeller en son nom, comme aucuns faisoient, sans parler à lui premierement (Baye, II, 1411-1417, 200)

Et a dit la Court que ceste matiere devoit premierement estre traictée ou Grant Conseil du Roy (Fauq., I, 1417-1420, 30)

Mais premierement il gasta les biens des champs des labours tout entour la cité ; par quoy sembla qu'il ne la vaulsist pas assiegier. (La Sale, Salade, c.1442-1444, 59)

Alixandre, qui voulloit prendre la cité de Lamchadie, laquelle il savoit bien estre fort garnie de vivres, prinst premierement pluiseurs villes et petis chasteaulx (La Sale, Salade, c.1442-1444, 59)

...puis qu'il fault que a vous je soie abandonnée, ce soit premierement a l'un sans la presence de l'autre. (C.n.n., c.1456-1467, 552)

Premierement, ou nom du Pere, Du Filz et du Saint Esperit, Et de sa glorïeuse Mere Par qui grace riens ne perit, Je laisse, de par Dieu, mon bruyt A maistre Guillaume Villon [le père adoptif de Villon] , Qui en l'onneur de son nom bruyt, Mes tentes et mon pavillon. (Villon, Lais R.H., c.1456-1457, 15)

Au moings, dy nous premierement De quoy tu serviras en court. (Pass. Auv., 1477, 146)

PREMIER [MAISTRE] . Par ainsi donc, puisque Dieu avoit fait Premierement l'omme tant imparfait D'entendement, de sens et de scïence Que pour sa rude, folle inobedïence, Il trespassa ce qu'avoit deffendu, Lors, quant Dieu vit qu'il avoit offendu, Ne pouoit il soubdain Adam deffaire Et, de rechief, ung aultre corps reffaire Qui n'eust pas faict ce que le premier fit ? (La Vigne, S.M., 1496, 337)

Premierement, je l'ay soustenu contre mon pere, deliberé de assembler armée pour le garder de ses malveillans, contre le vouloir de mondit pere. (Le Clerc, Interp. Roye, c.1502, 349)

Tout premierement. Tout d'abord.

Ma dame, tout premierement Vous dirai le commencement, L'estat, le fons et la racine Qui la verité determine De ce que vous me demandez, Puis que vous le me commandez. (Mach., R. Fort., c.1341, 130)

L'empereur, tout premierement, Respondi bien et sagement, Et promist aïde et confort Et faveur de tout son effort, À ce saint voiage parfaire (Mach., P. Alex., p.1369, 40)

Premiers vous diray le traitié Qu'il ont acordé et traitié. Je vous di tout premierement Qu'il acorderent telement, Que tous les prisons d'Alixandre Que li bons roys prist ou fist prendre, Quant elle fu prise et conquise, Leur renderoit par tele guise, Que li soudans li renderoit Tous les Crestiens que pris tenoit. (Mach., P. Alex., p.1369, 172)

LE JUIF. J'en suis content, par le grant Dieu. Enregistrés l'apointement. LE GREFFIER. Sa, argent tout premierement ! (Mir. st Nic. juif, c.1480-1500, 122)

...et es jours precedens il envoya maistre Jehan du Boysfontaynes et le maistre d'ostel de Bresse pour mettre les biens qui estoyent au Chasteau Nove par inventoire, car moult en y avoit de toutes sortes. Tout premierement il y avoit grant nombre de blez, tant fromens, orges, mil, blave, pois, febves que autres grains a vivre : plus y avoit grant nombre de vins de toutes sortes comme vin grec, vin bastard (La Vigne, V.N., p.1495, 262)

[Dans une énumération]

Marie (...) nous attrait a elle considerer en trois maniéres. Premiérement pour raison de sa conmendacion... (Mir. st Panth., 1364, 307)

Si a la haute mer passée, Et vint en France, la loée. Mais il passa par court de Romme. Là ot mainte honneur, c'est la somme, Car li pape premierement, Li cardinal secondement, Tout le clergié, tous les prelas, Et li pueples, à grant solas, Et à grant joie, le veïrent Et plus grant honneur li feïrent (Mach., P. Alex., p.1369, 21)

Et quant le dict corps fut passé, aprés marcherent ceulx qui faisoient le dueil, c'est assavoir premierement monsieur Loys de Vendosme son frere, et le menoit monsieur d'Orleans ; aprés monsieur de Nevers, Engilbert de Cleves (La Vigne, V.N., p.1495, 312)

[Avec un verbe de mouvement] En premier.

Si vueil faire un po d'argument Qui vous moustrera vivement Comment m'entente prouveray Dou droit que pour moy trouveray. Quant deus causes sont assamblées Qui se sont a un corps fermées, Celle qui vient premierement, Elle attrait le commencement Dès ce point par la premerainne, Pour ce que c'est la souvereinne ; Et qui la premiere osteroit, La seconde s'en partiroit. (Mach., J. R. Nav., 1349, 228)

Mais li contes de Herefort, Et aussi Perrin de Grimort Arriverent certeinnement Devant tous et premierement, Car il avoient IJ. galées, Bien garnies et bien armées. (Mach., P. Alex., p.1369, 206)

Et se departirent li plus lontain premierement. (Froiss., Chron. D., p.1400, 226)

Et chils qui premierement i vint, ce fu messires Jehans de Hainnau, dont li rois li sceut grant gret, car par li et par son consel en partie il se voloit ordonner. (Froiss., Chron. D., p.1400, 287)

Et issi hors tout premierement messires Amauris de Cliçon. (Froiss., Chron. D., p.1400, 526)

Au début, au commencement.

Certes, compaigne, c'est bien raison que vous nous declairiés comment vous enamourastes premierement le comte Estonné. (Percef. III, R., t.1, c.1450 [c.1340], 226)

Primitivement.

De rechief, vous viens visiter Affin que me voyez monter, Par ma puissance supernelle, En la region eternelle Dont premierement descendi. (Gréban, Pass. J., c.1450, 437)

En premier, avant les autres, surtout.

Jhesu Crist, qui fu filz Marie, Gart l'abbesse premiérement Et après li tout le convent Que je cy voy. (Mir. abbeesse, 1340, 82)

Mon seigneur messire Anguerrant, il a pleu a Dieu et a ma bonne fortune que mon emprinse est premierement venue en voz mains, dont tant comme je puis et sçay humblement vous en remercie (La Sale, J.S., 1456, 106)

Premierement Colin Laurens, Girard Gossuïn, Jehan Marceau [trois vieux usuriers] , Desprins de biens et de parens, Qui n'ont vaillant l'anse d'un seau, [Auront] Chacun de mes biens ung fesseau Ou quatre blancs, s'ilz l'aiment mieulx ; Ilz mengeront maint bon morseau, Les enffans, quant je seray vieulx. (Villon, Lais R.H., c.1456-1457, 23)

Avant toute chose, avant tout.

Et respondoit a ce, et disoit : 'Godefroi, je sçai assés que vous me consilliés loiaument, mais il faut premierement entendre au plus dissetous...' (Froiss., Chron. D., p.1400, 674)

Tu dois dire premierement Tes meffais dont il te souvient. (C. Riffl., c.1480-1520, 59)

Pour la première fois.

Tu dois bien haÿr la journee Que premierement la veÿs Ne que delez li t'asseïs, Quar vraiement tu n'iés pas dignes Par dis ne par fais ne par signes Seulement de li deschaussier (Mach., Voir, 1364, 218)

S'en grasci l'eure et le jour que premierement les vi. (Froiss., Pris. am. F., 1372-1373, 79)

...puis deux ans ençà, par le conseil d'aucuns compaignons qu'il ne cognoist, fist premierement faire sa tonsure (Reg. crim. Chât., II, 1389-1392, 152)

Et fu lor intension que il venroient en France veoir le roi Carle de France, car la roine d'Engleterre ne l'avoit point veu depuis que premierement elle estoit venue en Engleterre. (Froiss., Chron. D., p.1400, 49)

Ce jour, après disner, vindrent premierement nouvelles en la ville et cité de Paris de la mort du duc de Bourgoingne (Fauq., I, 1417-1420, 316)

Mais je le ay en vostre presence premierement joué [un lai récemment composé] , sy sçavez maintenant mon fait et poués jugier de moy (Percef. III, R., t.2, c.1450 [c.1340], 365)

En étant le premier (à faire ou à subir qqc.).

Beaulx seigneurs, nous sommes cy assemblez pour soustenir la foy de Jhesucrist, et de laquelle il nous a regenerez. Et savez comment il a premierement souffert la crueuse mort pour nous racheter des paines d'enfer. (Arras, c.1392-1393, 108)

Et endementiers Gieffroy regarda contremont les grans fallizes qui sont haultes et droictes, et voit les trois autres hermitaiges par dessus lui, et la chappelle Saint Michiel qui est le Ve hermitaige. Et puis regarde contreval, et se donne grant merveille comment oncques homs osa premierement la prendre habitacion. (Arras, c.1392-1393, 278)

Locution conjonctive. (Tout) premierement que

Avant de.

...et tant vous cuide congnoistre, que pour riens ne lairyés d'aler vers le duc Anthenor premierement que alissiés vers l'empereur. (Hist. seign. Gavre S., c.1456, 77)

Enfans, je vous encharge que en tous les lieux que vous serez, que tous les jours vous oyez le service divin tout premierement que vous faciez autre chose. (Arras, c.1392-1393, 84)

Celluy qui est saige doyt regarder la fin premierement que face l'oeuvre (Macho, Esope R., c.1480, 193)

Dès que, sitôt que.

Tout premierement qu'il eut despeschée [la porée] , et le lard aussi, si prins cy mis, de la il se tire a ces trippes belles et grasses (C.n.n., c.1456-1467, 486)

B. -Prochainement, à la première occasion (qui se présentera).

...et ja soit ce qu'il [maistre Nicolas de l'Espoisse] ne fust mie notaire du nombre ordinaire, neantmoins lui fu dit par monseigneur le Chancelier qu'il signast comme notaire, et que on le feroit par le Roy creer notaire supra numerum (...) et seroit pourveu des gaiges et bourses qui premierement vaqueroient (Fauq., I, 1417-1420, 163)