PREPARATIF

adjectif et substantif masculin

[GD : preparatif ; GDC : preparatif ; FEW (IX, 301a) : praeparare ; TLF (XIII, 1086b) : préparatif]

I. -Adjectif. [D'une chose] Preparatif (à qqc.). Qui prépare à qqc., préparatoire.

...et dient aucuns celle oroison preparative '...' (Jean Golein, Rational B.D., c.1370-1372, 527)

Et ceste alteracion est dispositive et preparative a la generacion de l'aer et de sa forme substanciele, laquelle generacion est successive seulement en la premiere maniere, ce est a savoir selon les parties du subject en quel la forme est introduite partie apres autre, mes non pas selon les degrés de tele forme, car elle ne est pas ainsi divisible. (Oresme, C.M., c.1377, 682)

Et là il se refraîchit une espace de temps, pendant qu'on faisoit les ordonnances préparatifs, pour aller asseoir ledit siège au devant de Honnefleu. (Chart. J., Chron. Ch. VII, V., t.2, c.1437-1464, 181)

II. -Substantif. Ensemble de dispositions prises pour préparer une action, une entreprise. (synonyme preparatoire)

Combien que le sage roy Charles avoit fait le preparatif de ceste grant felicité, mais comme en riens depuis ne soit amendri l'estast de la couronne de France ne la richece de la comunité, est à presumer, et je le tiens, que Dieu du tresor de sa liberalité veult recompenser à cestui roy, pour le soubstrait de sa santé et le flayel et glaive sur lui descendu, non mie par ses pechiez, mais de ceulz du peuple punis en sa personne (Chr. Piz., Faits meurs Ch. V, S., I, 1404, 167)

...en ladicte ville de gens de guerre, vivres et artillerie ; et furent envoiez de par eulx au roy plusieurs ambaxadeurs, qui tindrent la chose en tresve ; pendant laquelle le roy fist le plus grant amas d'artillerie, pouldres, pionniers, gens de guerre et autres preparatifs que jamais on avoit veu, tousjours attendans quelle conclusion prendroient lesdiz d'Arras, ou de appoinctement ou de guerre. (Roye, Chron. scand., II, 1460-1483, 44)

Et, durant ce temps, le roy fist tousjours passer son armée oudit pays de Picardie, tant ceulx de son ordonnance que les nobles, archers de retenue et autres gens de guerre en bien grant nombre ; et si y fut aussi mené grant nombre de bombardes, pouldres, artillerie, vivres et grans preparatifz de faire guerre. (Roye, Chron. scand., II, 1460-1483, 67)

Et me semble que c'est quanque vous pourrez faire que de commencer, quant vous serez devers le Roy, voz preparatifz pour le temps d'esté. (Bueil, II, 1461-1466, 3)

Comment le roy envoya devers les Venissiens pour les practiques, devant que entreprendre son voyaige de Naples, et des preparatifs qui se firent pour icelluy. (Comm., III, 1495-1498, 28)

...il nous est besoing promptement pourveoir et recouvrer argent pour satisfaire à la despense qu'il nous conviendroit fere pour recueillir ledict roy d'Espaigne, s'il se mect en plus grand effort, comme il est assez vraisemblable que si fera veu le grant preparatif qu'il fait et par mer et par terre (Lettres Ch. VIII, P.M., t.5, 1496, 25)