PREALABLEMENT

adverbe

[GDC : prealablement ; FEW (XXIV, 423a) : ambulare ; TLF (XIII, 1000a) : préalablement]

Avant toute chose, d'abord, au préalable.

Au regart du second point, ou je disoye que devez faire justice et raison, quia quod iustum est iudicate, vous devez advertir que prealablement pensiez a vous nectoier, et que sur vous on ne treuve que reprendre. (Juv. Urs., Aud. illos, 1432, 31)

...et deveroyent rendre ou restituer toutes les places, villes et chasteaulx qu'ilz tiennent avec les revenues prealablement, ou aultrement ilz ne monsterroyent pas qu'ilz eussent voulenté d'accorder. (Juv. Urs., T. crest., c.1446, 101)

Et aussi, prealablement, on doit ordonner gens pour la garde et gouvernement du siège et de la bastille, s'aucune en y a. (Bueil, II, 1461-1466, 49)

[Le chancelier de France aux ambassadeurs du duc de Bourgogne :] Et quand il [le dauphin] eust eu desir de faire ledit voyage [de Turquie] , il deust prealablement avoir prins peine de soy reduire au roy et luy obeÿr (...) ; et aprés luy eust peu dire et remonstrer l'affection qu'il avoit oudit voyage (Chastell., Chron. IV, D., c.1461-1472, 66)

...quiconques voudra estre chandellier de suif à Paris, ouvrer, fere euvre, vendre et soy entremettre dudit mestier et marchandise, estre et faire le pourra pourveu que prealablement il ne soit experimenté et trouvé estre expert et souffisant ouvrier en icelluy par les jurez et garde dudit mestier (Mét. corp. Paris L., t.1, 1464, 557)

Mais le duc ne voulloit entendre à la paix que prealablement il ne fust seur que le Roy lui tiendroit ce qu'il luy avoit promis (La Marche, Mém., III, c.1470, 83)

...en laquelle seigneurie (...) a droit de carnalaige qui est telle que toute personne faisant pestre ses vaches en ladite terre (...) sans prealablement en avoir fait par ou covenue (...) ledit de Marsan en deffault de ce peut de son auctorité prandre (...) une vache pour en (...) disposer a son plaisir (Berger Fr. K.-G., 1477, 178)

Remarque : Doc.1400 ds TLF.

Prealablement que

...ceulx qui auront charge et conduite de navires monteront sur mer, bailleront, preallablement que y monter, bonne et souffisant caucion de ne faire oultraige et doumaige (Lettres Ch. VIII, P.M., t.5, 1484, 187)