PARLEMENTER

verbe

[T-L : parlementer ; GD : parlementer ; FEW (VII, 609a) : parabolare ; TLF (XII, 1009a) : parlementer]

I. -Emploi intransitif.

A. -Discuter, délibérer.

Enfin, tant parlementerrent qu'il pleut à tout le conseil de Flandres que le roy d'Angleterre peust aler et venir (...) ou pays de Flandres (Le Bel, Chron. V.D., t.1, 1352-1356, 133)

Quant il orent parlementé Longuement à leur volenté, Il feïrent une ordenance Que cis roy iroit en presence Aus autres princes d'Alemaigne, Car il est bon que de li veingne La requeste qu'il leur fera Et avec ce tout leur dira Ce qu'on a fait à l'assamblée Qui en Cracovie est assamblée. (Mach., P. Alex., p.1369, 41)

Quant il orent parlementé Longuement à leur volenté, Il feïrent une ordenance Que cis roy iroit en presence Aus autres princes d'Alemaigne, Car il est bon que de li veingne La requeste qu'il leur fera Et avec ce tout leur dira Ce qu'on a fait à l'assamblée Qui en Cracovie est assamblée. (Mach., P. Alex., p.1369, 41)

Adont respondirent les chevaliers qui estoient de la conté de Guerles, quant ilz eurent ung petit parlementé ensamble (Froiss., Chron. M., XIV, c.1375-1400, 150)

Elle adoncques feist signe a sa compaign(i)e et seur germaine Sapience qu'elle portast la parole pour exposer ce que entre [el]les, Vertuz, avoyent deliberé et parlamenté ensemble. (Gers., Concept., 1401, 393)

...tant fist en pou d'heure qu'il avoit la place emportée s'il n'eust esté content de parlamenter. [D'un séducteur trop bavard] (C.n.n., c.1456-1467, 118)

Et quant ilz eulrent parlamenté ensemble pource que les treves failloyent entr'eulx, aussi quant ilz virent tant de gendarmes pour le roy prestz et appareillez de donner dedens, ilz mirent en terme la paix, et dirent qu'ilz demandoient appointement et faire le traictié de paix ainsi qu'il plairoit au roy, s'il vouloit ad ce vacquer et entendre. (La Vigne, V.N., p.1495, 318)

Remarque : Hugues Capet Lab., c.1358, 5818...

B. -En particulier. Entrer en pourparler pour trouver une solution négociée à un conflit.

[Conditions de paix proposées par le roi aux émirs] Li roys leur fist moult bonne chiere ; Là parlerent de la matiere Pour quoy li soudans les envoie, Moult longuement. Que vous diroie ? Longuement ont parlementé, Chascuns disoit sa volenté. (Mach., P. Alex., p.1369, 124)

Moult longuement parlementerent, Et finablement s'acorderent. Li amiraut ont acordé, Ottroié, promis et juré, Comme procureur dou soudan ; Chascuns mist le doy à son dan, Si comme leur guise le donne, Qu'au soudan, en propre personne, Feront l'acort ratefier, Jurer, tenir et ottrier. (Mach., P. Alex., p.1369, 134)

Lors vindrent a la journee les Sarrasins et leur conseil. Et, d'autre part, vint le roy Uriien et tous les barons de l'ost crestien, et parlementerent tant d'un costé et d'autre qu'ilz furent d'accort par my tant que les Sarrasins leur restituerent et rendirent quant qu'ilz avoient frayé sur le voyage, et pour raler dont ilz estoient venuz. Et, chascun an, deurent payer et donner au roy Uriien XXXm. besans d'or. (Arras, c.1392-1393, 236)

Si envoiierent tretiier et parlementer deviers la roine et messire Jehan de Hainnau, (Froiss., Chron. D., p.1400, 84)

Apres me semble qu'i seroit bon D'envoyer en l'oust des Anglois Un herault, gentil compaignon, Pour parler a eulx et les voir, Et que puissons tant faire ainçois Avoir d'eux treves pour parler, Comme de deux jours ou de trois, Seullement a parlementer. (Myst. siège Orléans H., c.1480-1500, 258)

Et environ cinq heures de vespres, ceulx du chasteau demanderent a parlementer, le roy estant illecques present (La Vigne, V.N., p.1495, 253)

Parlementer à/avec qqn. Discuter avec qqn pour trouver un accommodement, une solution négociée à un conflit.

Dont furent ambassadours de par le conte d'Armignac enbesoingnié pour aler seurement parlementer à Perrot le Bernois et à Aymerigot Marcel. (Froiss., Chron. M., XIV, c.1375-1400, 138)

Et la parlementerent tant li un a l'autre que unes trieuves furent prisses, a durer trois ans entre Engleterre et Escoce. (Froiss., Chron. D., p.1400, 164)

Et iceulx XV jours passez, sesdis maistres le firent tirer et mectre hors de sadicte prison, pour derechief parlementer avec lui. (Chancell. Henri VI, L., t.2, 1429, 152)

...doutant aussi estre prins d'assault, et par ce périe, pillée, saccagée et destruite, requirent parlamenter avec iceulx seigneurs françoys (Chart. J., Chron. Ch. VII, V., t.2, c.1437-1464, 94)

...car vous les eussiez trouvés si trés infortunés, que là où il ne vous eust pleu leur courir sus et les avoir ainçois laissés VIII ou dix jours, sans faire parlamenter à eulx, si Dieu, de sa puissance absolue, n'eust destourné les influences, il leur eust convenu combatre ensemble l'un à l'autre et deslogés à leur grande confusion, deshonneur et dangier de leurs personnes et au grant honneur et prouffit de vous et de vostre royaulme (Simon De Phares, Astrol., c.1494-1498, f° 8 r°)

...car plusieurs joyeusetez leurs furent monstrees en la dicte galee, cependant que le prince parlementoit au roy. (La Vigne, V.N., p.1495, 254)

Et devez savoir que, à l'armée du siege, le conte de Dampmartin trouva le mareschal du logeiz de mons. de Berry, auquel ils parlementerent avec ung hommé Vendanges, bons et hardi homme d'armes, nomméement audit mareschal Christofle de Plailly, en soy dolosant du mauvais conseil qu'avoit eu mondit seigneur de Berry. (Le Clerc, Interp. Roye, c.1502, 200)

[Emploi impersonnel]

Tant fu alé, parlementé et trettié entre ces parties que unes trieuves furent prisses a durer trois ans (Froiss., Chron. D., p.1400, 592)

II. -Emploi transitif.

A. -Parlementer qqc. Négocier qqc..

...li rois de France ... i envoieroit de par li nobles honmes et prelas qui averoient plainne poissance d'acorder tout ce que dit et parlementé seroit pour le millour. (Froiss., Chron. D., p.1400, 457)

... papes Clemens .Ves., qui resgnoit pour ce temps, i avoit envoiiet deus cardinauls en legation, le cardinal Pennestres et le cardinal de Clermont. Liquel cardinal trettoient et parlementoient entre ces parties paix ou concordance se il peuissent (Froiss., Chron. D., p.1400, 591)

Parlementer que. Négocier afin que....

Et envoiierent li signeur d'Engleterre par pluisseurs fois lors hiraus deviers euls trettiier et parlementer que il vosissent livrer place et piece de terre pour combatre, (Froiss., Chron. D., p.1400, 147)

B. -Parlementer de + inf. Négocier de faire qqc..

À Perrin Travers, pour aler à St Sauveur querre un sauf conduit pour aucuns des gens de Monseigneur pour aler à Valloignes parlementer de traiter aus Angloiz (Compte Navarre I.P., 1367-1371, 368)