PERIR

verbe

[T-L : perir ; GD : perir ; GDC : perir ; DECT : perir ; FEW (VIII, 247a) : perire ; TLF (XIII, 100b) : périr]

I. -Emploi transitif.

A. -Perir qqn. Faire mourir qqn de mort violente, faire périr qqn.

Mais quant repos en moy nature Voloit prendre, une creature Oÿ qui trop fort se plaignoit (...) Que j'en os horreur et frëour, Doubtance, frisson et päour (...). Mais einsi com je l'escoutoie, Dedens mon cuer ymaginoie Que c'estoit aucuns esperis Dont je peüsse estre peris. (Mach., F. am., c.1361, 146)

Se vostre dame au maintieng coi A de vous vir affection, Onques ne fu s'intention Que vous vous mettés en peris Ou pluiseurs ont esté peris. Li ennemis de toutes pars Sont parmi le pays espars, Qui font grans et petis onnis. (Mach., Voir, 1364, 610)

...pour leur meffais, Furent tous peris et deffais (Chr. Piz., M.F., II, 1400-1403, 149)

...mais, qui pis est, le roy, messeigneurs de Bourbon, de Lion, Beaujeu et evesque dudit Liege, freres, et toute la seigneurie estant devant ladicte cité furent en moult grant danger d'estre mors et tous peris, qui eust esté la plus grant esclandre qui onques feust advenu ou royaume de France depuis la creacion d'icellui. (Roye, Chron. scand., I, 1460-1483, 227)

[D'un événement] Faire périr, faire mourir qqn.

...c'estoit d'ung tramblement de terre qui se fit ou royamme de Naples (...). Ruyna infinité de maisons (...) et perist enfans es bras de leurs meres, maris en accolemens de leurs femmes, contes et haulz nobles hommes en leur seignourie, puissans cytoyens aveuc toute leur famille (Chastell., Chron. IV, D., c.1461-1472, 95)

Aucuns dient qu'il predist sur la nativité de Julien choses merveilleuses et l'orrible tempeste et gresle qui fut en Constantinoble, où plus de mille hommes furent periz. (Simon De Phares, Astrol., c.1494-1498, f° 90 v°)

Mener qqn à sa perte.

Amis, je te chastoy : Se tu ne mès Mesure en toy, Elle s'i mettra maugré tien. Ceste parole bien retien. S'elle s'i met, tu és peris ; Se tu l'i mès, tu és garis. (Mach., J. R. Nav., 1349, 260)

...plusieurs sont periz et vaincus, ja soit ce que ilz aient bon droit (Songe verg. S., t.1, 1378, 351)

Estre mort et peri

Tu mens, voir ! Pour ç'apparillier Voy l'angle de Dieu sans doubtance Qui tient l'espee de vengence Dont en deus pars te partira, Ne jamais ne se partira, Se soiez vous mors et peris En biens, en corps, en esperis. (Mach., C. ami, 1357, 15)

Encor te lo et te conseil Que ne croies juene conseil, Car c'est uns si tres grans peris Com pour estre mors et peris. (Mach., C. ami, 1357, 134)

Estre peri de qqc. Avoir perdu qqc., être privé de qqc..

Lors me dist qu'il n'est nuls vivans Qui soit amis, s'il n'est doubtans ; Car on doit sa dame doubter, Et li de courrous eschever, N'on ne li doit dire ne faire Chose qui li puisse desplaire. 'Et pour c'iés tu einsi peris De scens et de force amenris Et perdus de maniere toute, Quant tu la vois, car tu as doubte Que tu ne doies faire ou dire Chose qui ta besoingne empire....' (Mach., D. verg., a.1340, 52)

B. -Perir qqc. Abîmer, endommager qqc., mener qqc. à sa perte.

...amener par yaue de la fosse de Cayeu jusques a Saint Walery le mast d'une grant nef qui avoit esté perie en la dite fosse (Clos galées Rouen M.-C., t.2, 1347, 118)

Se vous estiés or sur la roche Du jaiant qui les nez arroche Des grans pierres et des grans cros ! Tant est fors, orguilleus et gros Que les nés perist et affonde Dedens la haute mer parfonde ; Et quanqu'il attaint il cravente Pour paistre sa gueule senglente : Quant les hommes prent, il les tue, Puis les deveure et les mengue, Si que li sans aval degoute Parmi sa barbe goute a goute. (Mach., Voir, 1364, 620)

...biens qui sont gardez soubz main de justice ne doivent aucunement estre perilz ou diminuez [graphie influencée par peril] (Reg. crim. Chât., II, 1389-1392, 89)

...dont par ainssy la calidité de Auffricque, diffamee par tout le monde, fut alors perie par la prudence rommaine (La Sale, Salade, c.1442-1444, 46)

...rabaissier les malvais et les rompeurs des ordonnances qui maintesfois ont esté cause de perir le bien commun (La Sale, Sale D., 1451, 124)

Remarque : Renart contref. R.L., 1328-1342, gloss.

Au figuré.

...Et ce non, il faurra partir Mon cuer et morir com martir Pour vous trés dolereusement, Qu'a moy n'apartient nullement, Dame, que je face depri A vous de joie ne d'ottri ; Car refus de dame perit En amant cuer et esperit, Chiere dame, et se je l'avoie, Certes, bien sai que je morroie. (Mach., R. Fort., c.1341, 135)

Perir son chemin. Perdre son chemin.

Lors, quant le patron du rampin l'appercoit, si s'escrie en hault a ses gens : Après, seigneurs, car se Gieffroy perissoit son chemin, qu'il ne trouvast monseigneur son frere, je n'oseroye reparrier devers ma dame. (Arras, c.1392-1393, 219)

II. -Emploi intransitif.

A. -[D'une pers.] Mourir de mort violente ou prématurée, mourir, périr.

Tantost il anvoya querre le cadi et lui raconta sa vision, si en demanda son conseil, car il cuidoit bien perir. (Jean Le Long, Voy. Odoric A.M., 1351, 17)

Les hommes qui ont thetanes perissent en quatre jours ; maiz s'ilz passent le quart jour, ilz sont garis. (Saint-gille, A.Y., 1362-1365, 81)

Là veïst on maint drap de soie, Et de fin or qui reflamboie Ardoir, et mainte dame belle, Maint Sarrazin, mainte pucelle, Maint Turc et maint enfant perir, Par feu, ou par glaive morir. (Mach., P. Alex., p.1369, 21)

...il est escript que celui qui sera occis, perira par la bouche de deux tesmoings ou de trois. (Oresme, E.A.C., c.1370, 316)

...celi qui estoit en peril de perir... (Foul., Policrat. B., V, 1372, 309)

Et s'ay toudis, quel dolour que j'endure, Desir d'amer et voloir de souffrir ; Car Loiautez et Amours m'ont en cure, Et d'autre part me redist, sans mentir, Raisons qu'il vaut miex mille fois perir Com vrais amis, par pure loyauté, Que recevoir merci par fausseté. (Mach., L. dames, 1377, 60)

Sanz plus combatre escoutez nous, Sire roys, com doulx et propice : Nous vous supplions ne perisse Par guerre plus nulz de noz hommes (Mir. Clov., c.1381, 266)

...par la force des ondes, la nef qui ardoit se bouta entre eulx. Et ne se scorent si garder que il ne leur embrasast trois de leurs nefs, et furent tous ceulx de dedens noiez et periz, et tout quanqu'il avoit dedens affondré dedens la mer. (Arras, c.1392-1393, 89)

Il fault que vous faciez fonder un prioré de XV. moines et le prieur en tel lieu qu'il plaira a ma damoiselle et a son conseil, pour prier pour l'ame de ceulx qui sont mors, tant de vostre costé comme de ce païs, et de noz gens, qui pour vostre coulpe sont periz. (Arras, c.1392-1393, 168)

Et le rampin s'acostoit des groz vaisseaulx et en perca jusques a quatre ; de quoy ceulx de dedens ne s'apperceurent oncques tant que ilz se treuvent tous plains d'eaue, et les esconvint perir en la mer. (Arras, c.1392-1393, 218)

...il estoit celuy qui lui vouloit garder son honneur jusqu'a la mort, et aymeroit mieulx estre pery, et en l'autre siecle tourmenté, que par sa coulpe elle eust deshonneur (C.n.n., c.1456-1467, 387)

[D'animaux]

Trestout le bestail est peri Cest yver par la grant froidure. (Path. D., c.1456-1469, 70)

RELIGION Se perdre spirituellement, être damné.

Mais vous [Vierge] qui avez de perir Tant de grans pecheurs respité D'un en vueillez avoir pitié (Mir. parr., 1356, 58)

L'EMPERIÉRE. (...) Conment le fait, dites le moy, L'empereris ? LE FRÉRE. Dampnez soit son corps et periz ! Certes, n'en devez tenir compte : Elle s'est demenée a honte (Mir. emper. Romme, 1369, 274)

Mais ame ne puet perir N'à dampnation venir Qui son temps user En li servir et loer Vuet sans repentir (Mach., Les lays, 1377, 407)

Plus n'accomplirey vostre veul, Palharde cher pugnaise et orde, Puis que Dieu m'a pris en sa corde. Je veulx servir a l'esperit, Lequel, mon Dieu, estoit perit, Si ne m'eussiés ad vous tiree. Las, mon Dieu, j'estoye dampnee, Si ne fust vostre bonne grace. (Pass. Auv., 1477, 150)

Peuple devost et tresnoble auditoire, A celle fin que bien vous soit notoire L'exaulcement de la divinité, Savoir debvez qu'il est en Trinité Ung Pere, ung Filz et ung Sainct Esperit ; Et qui le croit aultrement, il perit. (La Vigne, S.M., 1496, 331)

B. -[D'une embarcation, de ses occupants] Faire naufrage.

...avec les autres de la neif cuidoient bien perir. (Jean Le Long, Voy. Odoric A.M., 1351, 19)

Mainte nef font perir [font couler] (Hugues Capet Lab., c.1358, 289)

Et c'est la cause pourquoy l'eaue moins pesante peut moins soustenir que l'eaue plus pesante, si comme l'eaue douce peut moins soustenir que l'eaue de la mer, et aucun vaissel seroit seur en la mer qui periroit en l'eaue douce. (Oresme, C.M., c.1377, 400)

O quans en sont et perilz [graphie influencée par peril] et noyés ou gouffre de Satalie, en la mer Maiour et en la mer de Surrie, ou bras de saint George et ou fort [l. fart] de Mecines, ou destroit de Maroth et ou gouffre de Venise, en la mer d'Engleterre, de Prusse et d'Alemaigne (Mézières, Vertu sacr. mar. W., c.1384-1389, 320)

La ot il maint niefs gaignée, Maint pris et maint perrée, Et la ot meint bon homme mort (Héraut Chandos, Vie Prince Noir T., c.1385, 62)

La veissiez fiere occision et fiere meslee, et y ot a ce poindre VJ. nefs de Sarrasins peries et effondrees, et moult le firent bien les crestiens et vaillaument. (Arras, c.1392-1393, 217)

C. -[D'une chose] Disparaître, se perdre.

[D'une chose concr.]

...car Dieux par sa vertu divine les avoit fait invisibles [des reliques] (...) affin que elles ne perissent. (Jean Le Long, Voy. Odoric A.M., 1351, 20)

Les elemens deussent perir, A neant venir, Sentent la mort de leur createur. (Pass. Auv., 1477, 247)

...il entend parler de la derriere destruction en laquelle [Nauplius] , pere de Palamedes, fit perir IIc nefz par feux faintement faiz. (Simon De Phares, Astrol., c.1494-1498, f° 29 v°)

...et aprés ce petit plain pays l'on va en une petite ville sur le bort de la mer, pres d'une autre ville qui est perye en la mer. (La Vigne, V.N., p.1495, 264)

Se perir

Semblablement vos bois, vos moulins, vos rivières, viviers et revenues de vos franches festes, et généralement tout vostre domaine, pour la grant diminucion se perd, se péry et va à néant. (Doc. 1405. In : MONSTRELET, Chron. D.-A., t.1, c.1425-1440, 116)

[D'un son] S'éteindre, se perdre.

...comme le son de la cloche quant le batail se repose est perie, tout ainsi leur puissance, legierement acquise et malfondee, est tantost oubliee et en un moment evanoye. (Mézières, Songe vieil pèl. C., t.2, c.1386-1389, 330)

[D'une chose abstr.]

De ce m'estoit maistresse bonne Qui m'aprenoit a bonne escole Que n'eüsse largesse fole, Avarice, n'escharseté Que largesse het sans pité, Et seur tout qu'en moy fer ne fust Dou dart d'avarice ne fust, Qui tout autre bien fait perir [var. porir] Par tout ou il se puet ferir. (Mach., R. Fort., c.1341, 10)

Car li bien fait ne perist nullement. (Mir. Barl. Josaph., c.1363, 301)

...car autrement periroient les artz, se celui qui a fait aucun ourvage [sic] ne recevoit tant et tel selon valeur comme il a fait et se celui qui l'a receü ne faisoit tant et tel. (Oresme, E.A., c.1370, 294)

La n'a nul mestier avarice, De paour que l'avoir perisse (Chr. Piz., M.F., I, 1400-1403, 14)

Il n'est pas aussi vraysemblable que le roy fust ou ait esté de tel gouvernement. Car le temps durant, il a mis justice en nature, qui estoit périe de longue main. Il a osté toute pillerie estans en son royaume ; a pourveu à la division de l'église universelle, tellement que paix, union et bonne concorde par son moyen et pourchas y ont esté mis et observés. Pourquoy Dieu l'a voulu rémunérer en la recouvrance de son pays de Normandie (Chart. J., Chron. Ch. VII, V., t.2, c.1437-1464, 183)

Pere et mere, juge, predicateurs Seuffrent a mal leurs subjetz convertir, Et par ce point perissent bonnes meurs. (Cene dieux, c.1492, 110)

LE HERAULT. (...) Hault empereur, Mars vous gart de reproche Et croisse en bruyt vostre grant seigneurye ! J'ay chevaulché mainte diverse roche ; Que mon emprise en ce ne fust perie ! (La Vigne, S.M., 1496, 251)

[De l'esprit] S'égarer.

...Et qu'elle voit qu'en petit d'eure Qu'Amours son visage couleure De trois ou de quatre couleurs Pour les amoureuses doleurs Qu'il reçoit, dont ses esperis Par force d'Amours est peris, Saches que tantost a sa guise Congnoist qu'il aimme sans feintise De vrai cuer d'ami ; c'est la somme. (Mach., R. Fort., c.1341, 64)

III. -Perir de qqc. Être contraint de quitter, d'abandonner qqc..

...qui manjoit levain, son ame perissoit de la compaignie d'Israel [éd. : 's'éloignait du peuple juif, n'avait plus aucun rapport avec lui'] (Jean Golein, Rational B.D., c.1370-1372, 496)