OUTRE

adverbe, préposition et interjection

[T-L : outre1 ; GD : outre1 ; GDC : outre ; AND : outre ; FEW (XIV, 8a) : ultra ; TLF (XII, 724b) : outre2]

I. -Adverbe.

A. -[Domaine spatial et temporel]

1.[Dans l'espace]

a)Au delà, plus loin.

...Montferant qui siet environ une petite lieue oultre... (Froiss., Chron. M., XIV, c.1375-1400, 199)

Item, se la ligne total retournoit en montant droit en haut et .a. alast oultre vers .d. et apres retournast vers .c. (Oresme, C.M., c.1377, 64)

Item, au partir d'icellui lieu en descendant oultre, a main senestre, est le lieu ou saint Estienne fut lappidez (Voy. Jérus., c.1395, 15)

Item, en montant oultre, si comme au tiers dudit mont, a main senestre, a une chappelle fondée de Nostre Dame. (Voy. Jérus., c.1395, 49)

Enfans, il nous fault tirer oultre. Levés sus, et dirons nous graces. (Pass. Auv., 1477, 156)

Passer outre. Voir passerAller plus loin.

Les deux l'enferrent sur le comble de l'escu, et ly autre en la couppe du bacinet, et tant rudement le fierent qu'ilz portent lui et le cheval par terre, et passerent oultre. (Arras, c.1392-1393, 72)

...l'ivroigne salua premier le prieur, qui luy rendit son salut tantost ; et puis passe oultre, continuant son service, sans en aultre propos l'arrester (C.n.n., c.1456-1467, 60)

Un peu plus outre. Un peu au delà.

Item, ung pou plus oultre, a senestre partie est Gessemany (Voy. Jérus., c.1395, 17)

Tout outre. Au delà, plus loin.

Lequel Jaquet il qui parle vit bien et apperçut qu'il estoit mouche des Englois contre les François, et que aucune fois il passoit au plus prez des embusches faites par les François, et les advisoit sanz eulx dire aucune chose, et chevauchoit tout oultre au devant d'eulx, faignant qu'il ne les eust point veuz (Reg. crim. Chât., I, 1389-1392, 57)

Il n'y a pas moult longue voye : Tout sus piéz m'y vouldray trouver ; Il me fault ma robe lever Et moy aventurer tout oultre. (Myst. Pass. Troyes B., a.1482, 965)

Locution adverbiale. En outre. Au delà, plus loin.

Et dist Haly que chascune ydole tenoit unes clefs en segnefiant que en outre vers occident et vers celle grant mer l'en ne treuve habitacion. (Oresme, C.M., c.1377, 566)

b)De l'autre côté.

...ilz vindrent hurter a la chambre ou estoit la pucelle (...) et bouterent l'huis oultre. (C.n.n., c.1456-1467, 551)

Estre outre. Être mort.

...et se nous arrivons par delà et trouvons aucuns infidelles qui voellent combattre pour la Foy de Jhesus-Crist, je me metteray en tout devoir de les furnir de pié, en champ ou autrement, tant et sy avant, que l'un de nous deux soit oultre (Doc. 1454. In : ESCOUCHY, Chron. B., t.2, a.1465, 212)

Mettre outre. Faire aller à l'autre bord, de l'autre côté de la mer.

...si s'en vint au port et trouva marchans qui le mirent oultre (Wauquelin, Manequine C.T., a.1448, 170)

Passer outre. Voir passerTraverser.

Et en outre il s'ensuit que la lumiere du soleil se profonde en la lune aucunement, mes elle ne perce ou passe pas tout outre pour la grande quantité et parfondeur du corps de la lune. (Oresme, C.M., c.1377, 458)

...il avoit environ XV. hommes, qui la estoient descenduz, et avoient les lances es poings, et mis les bacinez a la guise que ilz se armoient en la contree. Et, d'autre part, voyent bien IIIJc. hommes armez, qui moult fort se mettoient en paine de passer oultre pour grever ceulx de deca. (Arras, c.1392-1393, 100)

Traverser la mer.

...et se mist sur mer (...). Si passerent oultre (Ponthus Sidoine C., c.1400, 174)

...et puis fist preparer nef et barghes pour passer oultre. (Wauquelin, Manequine C.T., a.1448, 164)

c)De part en part.

Mais Logre recula un pou son destrier, si que le cop descendi sur son col et li [le lui] trencha oultre, si que le cheval cheï mort (Bérinus, I, c.1350-1370, 174)

Tout outre

...et sy tost que il fu baissié, ledit Jehan Eustace le refrapa par derriere tellement que il lui persa le corps et le braz tout oultre, et tout à un cop. (Reg. crim. Chât., I, 1389-1392, 415)

Le soudant estoit embrunchiez, et le heaume estoit court par derriere, l'espee trouva le col nu, excepté le gambison de la gorgerete, et trencha l'espee le ganbison tout oultre et les deux maistres vainnes et les tendans jusques au gorgeron. (Arras, c.1392-1393, 113)

...et les pelez tout entour [des noix] et puis les perciez en troiz lieux tout oultre (Ménagier Paris B.F., c.1392-1394, 267)

...qu'i le tresperça tout oultre et mort le rendi entre lez aultres saxonnois (Cligès C.T., 1455, 116)

...se l'empereur eust tant soit peu tardé de les faire prendre et departir que vraiement ilz estoient au dessoubz, car l'un estoit fort blessié ou pyé tout outre, qui ne pouoit plus, et les autres deux avoient ja perdu du sang tant qu'ilz estoient presques pasmez (La Sale, J.S., 1456, 269)

Et, incontinent que ledit Breton ot ainsi navré ledit cheval, vint à lui ung archer de la compaignie de mondit seigneur d'Eu, qui le traversa tout oultre le corps d'une demie lance, et incontinent cheut à terre tout mort, et fut son cheval amené et habillement apporté à Paris et le corps laissié mort en chemise. (Roye, Chron. scand., I, 1460-1483, 87)

Locution adverbiale. D'outre en outre. De part en part.

Quant au tiers point, je pose que la terre fust perciee et que l'en veist par un grant treu tout d'outre en oultre siques de l'autre part la ou seroient les antipodes se la terre estoit partout habitee (Oresme, C.M., c.1377, 572)

...et le roy y fiert a plaine taille et le va fendre d'oultre en oultre parmy la moienne (Percef. I, R., t.1, c.1450 [c.1340], 123)

A ce poindre premiers en ont abatu tant Que le campaigne en vont d'outre en outre jonquant (Jourd. Blaye alex. M., a.1455, 398)

2.[Dans le temps] Perseverer outre / proceder outre. Poursuivre.

Item persevera oultre en la cotte hardie par lui prinse ès hayes derrieres Saint-Nicolas-du-Louvre et ès VIJ sols par lui euz à sa part d'un manteau emblé (Reg. crim. Chât., II, 1389-1392, 471)

Et pour ce le Chancellier ne volt proceder oultre (Baye, II, 1411-1417, 101)

Et puis ce fait, proceda oultre jusques ad ce qu'il fust pervenu a son agnus Dei [Un prêtre dit sa messe] (C.n.n., c.1456-1467, 447)

Parler outre. Continuer à parler, poursuivre.

Mais parlez oultre, tant que vous on en sache gré et que nous n' ayons cause de renouveller nostre maltalent sur vous, car trop vous cousteroit. (Froiss., Chron. M., XIV, c.1375-1400, 169)

Etre outre. Être passé.

...ains que la nuyt a venir fust oultre (Percef. I, R., t.1, c.1450 [c.1340], 447)

B. -Au figuré. [Idée abstr. de dépassement]

1.[Idée d'ajout, d'adjonction]

a)De plus, en outre, de surcroît.

Oultre, sire, vezci un pain (...) Qu'il a a un povre donné, Pour ce qu'il l'ot araisonné (Mir. Pierre Changeur, c.1378, 248)

Oultre, quant ne me venderas, Je te promet vendu seras. (Mir. Pierre Changeur, c.1378, 267)

Mais un point oultre convendroit Qu'avecques nous vous venissiez Et nostre latinier fussiez Pour nous conduire. (Mir. fille roy, c.1379, 57)

...et fait venir Gilete La Large, prisonniere, dessus nommée, laquelle, après ce qu'elle ot continué et perseveré ès confessions cy-dessus escriptes, par elle faites, cogneut oultre, et par dessus ce que dit est, les choses dessus dites par elle prinses en l'ostel dudit de Maalmes, son maistre. (Reg. crim. Chât., I, 1389-1392, 109)

Et puis lui firent lire ung article contenu en une cronique, qui estoit en l'ostel d'icelle ville publiquement devant tous, qui contenoit en effect que jadis y ot un roy de France qui mourut, et après son trespas demoura deux filz, dont l'un par ainsnéesse succeda à la couronne et à l'autre fut baillé pour son appanage la duchié de Normendie, que depuis ledit roy de France volt ravoir, et en print guerre contre son frere et ceulx de ladicte duchié, qui la tindrent bonne, et oultre pour leurdit duc guerrierent tellement ledit roy de France que par leur puissance d'armes ilz mirent en exil ledit roy de France et firent leurdit duc roy. (Roye, Chron. scand., I, 1460-1483, 147)

Outre, le roy mist et fist pour lors de la monnoye nouveau maistre Moreau aux dommaines (La Vigne, V.N., p.1495, 258)

Dire outre (que)

Mais je di oultre (,) que tout aussi comme aucun chante bien ou fait ymages ou autres besoingnes senz art et senz doctrine par son engin, qui est a ce naturelment enclin, et neent moins il n'est pas ainsi de chascun. (Oresme, E.A., c.1370, 99)

Je di oultre que pour ce que chascun n'a pas possibilité de soy excerciter en toutes vertus et de les avoir complectement, l'en doit considerer asquelles l'en a plus de possibilité (Oresme, E.A.C., c.1370, 361)

Et dit oultre (,) que dudit monstier ilz alerent tous ensamble en l'ostel du curé d'icelle ville (Reg. crim. Chât., II, 1389-1392, 241)

Et dist oultres : ... (Chr. Piz., Paix W., 1412-1413, 163)

Et dit outre ledit du Lau audit de Nemours qu'il ne se souciast point de monseigneur du Maine, qu'il luy feroit avaller sans ce qu'il s'en aperceust. (Le Clerc, Interp. Roye, c.1502, 189)

Et outre que. Et de plus que..., et en outre que....

Pour quoy ledit procureur d'iceulx religieux avoit conclus et requis audit sergent en ceste partie que es dictes saisines et possessions par lui pretendues et alleguees cy dessus il le maintenist et gardast, pour et ou nom des dis religieux, en deffendent audit curé que en ycelles il ne les troublast ne empeschast en aucune maniere, mais que d'icelles il les laissast joïr et user paisiblement, et oultre que il fist conmandement a ycellui curé que il rendist, restituast et restablist tout ce que il avoit prins et receu appartenant a yceulx religieux (Chartes Abb. St-Magl. T.F., t.3, 1396, 707)

b)Locution adverbiale.

En outre. De plus.

...et en outre vienent il tous armez et ont ja sormonté le mi de la vallee (Bers., I, 1, c.1354-1359, 12.4, 20)

Et en outre il s'ensuit que la lumiere du soleil se profonde en la lune aucunement, mes elle ne perce ou passe pas tout outre pour la grande quantité et parfondeur du corps de la lune. (Oresme, C.M., c.1377, 458)

...il n'y avoit pas cause pour quoy elle deust souffrir mort, mais conseillerent que elle feust tournée ou pillory, et, en oultre, tenue prisonniere au pain et à l'eaue un mois oudit Chastellet (Reg. crim. Chât., I, 1389-1392, 201)

Et, en outre, a ordonné ladicte Court, par la deliberacion et en la presence des dessusdis des Comptes et Tresoriers, que ... (Fauq., I, 1417-1420, 7)

Outre plus. En outre, de plus.

Par foy, sire roys, dist Jossellins, il dist verité. Et oultre plus, icellui Hervy occist le nepveu du roy vostre predecesseur, en trahison, et s'en fouy hors du pays (Arras, c.1392-1393, 56)

...et oultreplus, luy desplaisoit de ce qu'elle avoit dit son nom Constance (Hist. Berthe Pépin T., c.1400-1500, 170)

Mon maistre, vous veez mon infortune, dont de rechef vous prie qu'elle soit celée. Et oultre plus, treshumblement vous requier (C.n.n., c.1456-1467, 94)

Item, et au mont de Montmertre, Qui est ung lieu moult ancïen [où il y a une abbaye de femmes] , Je lui donne et adjoincts le tertre Qu'on dit de mont Valerïen [où il y a un hermitage] , Et oultre plus un quartier d'an Du pardon qu'apportay de Romme ; Sy yra maint bon chrestïen En l'abbaye ou il n'entre homme. (Villon, Test. R.H., 1461-1462, 122)

Qui riens te dira, dy sans plus Que j'ay escript ce qu'est escript. Oultre plus diras que j'ay dit Qu'aultre chose n'escriprey pas. (Pass. Auv., 1477, 214)

Et ainsi outre. Et ainsi de suite.

Et ainsi oultre tant comme l'en weult, pour ce que cest corps est infini. (Oresme, C.M., c.1377, 108)

Et ainsi en outre sans fin

...et samblablement en retournant vers le temps passé et en rabatant de l'isneleté selon proporcionalité soudouble, si comme que le ciel fust hier meu plus tart que hui de la moitié de l'isneleté du jour de hui et avant-hier plus tart de la moitié de ceste moitié et ainsi en oultre sans fin. (Oresme, C.M., c.1377, 426)

2.[Idée de dépassement, d'excès]

a)[Idée de dépassement (par les qualités, les propriétés...)] Plus, davantage.

Car ilz superhabondent oultre et sus les hommes en tous biens. (Oresme, E.A., c.1370, 427)

Plus outre. Davantage, bien davantage.

Il est vray, seigneurs, que nous deux Estïons palhars luxurieux, Et advons joué tout le nostre, Et puis nous advons fait plus oultre, Car pour mieulx palharder Nous nous sommes mis a rober Et avons fait les larressins Qu'on nous mect sus, et enclins Avons esté de faire pis. (Pass. Auv., 1477, 174)

Plus en outre. Davantage, plus loin.

Car de chascun des premiers principes, puisque il est le premier et commencement, il ne faut plus en oultre enquerir. (Oresme, E.A., c.1370, 123)

Tout outre. Au delà de toute limite, de toute restriction, pleinement.

Doncques doit ung chief de guerre, Qui se moustre vaillant tout oultre, Grant loz et grant honneur acquerre (Chart., D. Her., p.1415, 429)

Vous vous devés vengier tout oultre (Juv. Urs., Aud. celi, 1435, 225)

Ceste vaillante preude femme, par saint Denis, mariée a ung tout oultre noz amys, avoit pluseurs serviteurs en amours (C.n.n., c.1456-1467, 241)

...avoit puis certain temps en ça une bonne bourgoise maryée, qui estoit tout oultre de la confrarie de la houlette (C.n.n., c.1456-1467, 521)

Tout en outre

Mon treschier filz, le cuer me dit tout en oultre que c'est la bonne Helayne que nous avons tant quis en pluseurs royaumes. (Wauquelin, Belle Hélène Const. C., c.1448-1452, 315)

b)[Idée d'excès]

Passer outre. Enfreindre une réglementation.

...car il sembleroit que encor passeroit elle oultre se ne estoit la lay (Oresme, Ycon. Arist. M., 1374, 827)

Tout outre. Excessivement, démesurément.

...ung gentil curé demourant a la bonne ville (...) faisoit du gorgias tout oultre. (C.n.n., c.1456-1467, 530)

Il n'est homme, tant fust constant, Quil ne perdist cy pacïence : En cueur, en corps, en conscïence, Il nous a dit blasme tout oultre, On le voit. (Myst. Pass. Troyes B., a.1482, 592)

c)[Idée d'un dépassement qui va à l'encontre de qqc., qui est en dépit de qqc., en opposition à qqc.]

Passer outre. Refuser (en dépit de qqc.).

Le roy passa oultre et dit que ja bataille ne sera sur ce faicte. (Ponthus Sidoine C., c.1400, 83)

II. -Préposition.

A. -[Domaine spatial et temporel]

1.[Dans l'espace]

a)Au delà de.

Et se cest honme aloit tout droit vers le pole artique et passast outre tout droit vers les antipodes, le soleil et les estoilles leveroient a sa senestre et coucheroient a sa destre des ce que il seroit notablement oultre le pole. (Oresme, C.M., c.1377, 572)

Ouquel jourd'uy, ledit Jehannin Le Voirrier, en ensuïant ledit jugement, fu mené à son derrenier tourment en la place aus Pourceaux, oultre la porte Saint-Honoré (Reg. crim. Chât., I, 1389-1392, 189)

...et, ce fait, passa oultre icelle sale, et entra en la chambre en laquele a acoustumé gesir Guiot de Roussay (Reg. crim. Chât., II, 1389-1392, 135)

Congneut oultre icellui prisonnier, que demi an a ou environ, à deux lieues oultre Senliz, en alant ou païs de Valois, se loga au soir en un village dont il ne scet le nom (Reg. crim. Chât., II, 1389-1392, 483)

Et estoit la fontaine en un fier et merveilleux desrubaux, et avoit grans rochiers au dessus et belle praierie au long de la valee, oultre la haulte forest. (Arras, c.1392-1393, 23)

...disant ces parolles, [elle] marcha la dureau, faisant le petit sault oultre la raye bien avant. (C.n.n., c.1456-1467, 152)

Et, contre la porte de Chastellet, y avoit de moult beaulx personnages. Et, oultre ledit Chastellet, sur le pont aux Changes, y avoit autres personnages et estoit tout tendu par dessus. (Roye, Chron. scand., I, 1460-1483, 29)

Se ferir outre ses ennemis. Se précipiter sur ses ennemis (au delà de leur première ligne).

Et cilz leur courent sus, et firent grant dommage des gens Remondin, aincois que Remondin y peust venir, ly quelz venoit a desray de cheval, tant qu'il povoit courre, et se fiert oultre ses ennemis, lance baissiee, et porte le premier qu'il encontre a terre. (Arras, c.1392-1393, 72)

b)De l'autre côté de.

Le landemain, par matin, passa la grosse bataille, et puis passa l'arriere garde en belle ordonnance, et se logierent oultre le Rin. (Arras, c.1392-1393, 176)

D'outre le Rhin. D'outre-Rhin, d'Allemagne.

... il et Anthoine en aloient secourir le roy d'Ausaiz, que le duc d'Ostriche, et le conte de Fribourt, et le conte de Salverne, et jusques a X. contes d'Alemaigne d'oultre le Rin avoient assegié a Porrentru. (Arras, c.1392-1393, 283)

Outre la mer. De l'autre côté de la mer.

Las, que vous m'avéz fait de mal souffrir des lettres que vous m'envoyastes en France oultre la mer ! (Wauquelin, Manequine C.T., a.1448, 181)

Outre mer. Voir outre-mer

2.[Dans le temps] Au delà de.

...qu'elle ne vivera jamais oultre nonne de ce jour (Cligès C.T., 1455, 147)

...sa maistresse l'envoyoit devers le curé pour savoir qu'il tardoit tant de venir oultre l'heure prinse entre eulx deux. (C.n.n., c.1456-1467, 355)

B. -Au figuré. [Idée abstr. de dépassement]

1.[Idée d'ajout, d'adjonction] En plus de.

En ces .II. chapitres, oultre ce que dit est, sont aucunes choses plaisantes a considerer : et premierement, je diray de la pesanteur de la terre ou resgart du centre (Oresme, C.M., c.1377, 566)

Et oultre ce, congnut que jà pieça il fu prins par les gens de l'evesque de Paris, pour cause d'un debat qu'il avoit eu en la terre dudit evesque avecques un compaignon dont il ne scet le nom (Reg. crim. Chât., I, 1389-1392, 81)

...il fu fait despouillier tout nu, mis, lyé et estendu à la question sur le petit tresteau, et, lui estant en cest estat, oultre et par-dessus ce que cy-dessus a confessé, cogneut et confessa [ceci] (Reg. crim. Chât., II, 1389-1392, 372)

...et avoir IJc livres oultres les gaiges d'iceulz (Fauq., I, 1417-1420, 3)

En outre de qqc. En plus de qqc..

...et ainsi en oultre de celles qui sont denommees par nombre per, et soient conjointes ensemble en figure sperique par la maniere devant mise. (Oresme, C.M., c.1377, 236)

Outre ce que. En plus de ceci, à savoir que....

...et a la partie senestre, oultre ce que il estoient plus serré que les autres, adjousta l'en par le conseil Pecellius nouvelles forces (Bers., I, 9, c.1354-1359, 27.9, 50)

2.[Idée de dépassement, d'excès]

a)[Idée de dépassement (par les qualités, les propriétés...)] Au delà de.

Dieu est oultre tout et dehors toutes choses (Jean Golein, Rational B.D., c.1370-1372, 564)

Plus que.

...le roy de France est especialment oint es mains oultre les autres roys (Jean Golein, Rational B.D., c.1370-1372, 695)

Outre ce que... Plus que ce que....

...toutesfoiz leur veult il monstrer especial grace [aux larrons] , oultre ce que ses predecesseurs n'ont fait (Jean Golein, Rational B.D., c.1370-1372, 531)

b)[Idée d'excès] Au delà de.

Car ceulz qui seulent mengier et boire indifferentement ce que est mis devant eulz, et en prennent tant que ilz se emplent trop, il font ce de superhabundance et excés de nourrissement pris oultre ce qui leur convient selon nature. (Oresme, E.A., c.1370, 224)

...a fin que l'en ne demande et que l'en ne preigne rien oultre le statut. (Foul., Policrat. B., V, 1372, 407)

Et ce est a entendre des parties integrales ; mais il me semble que se un corps est infini, il ne s'ensuit pas que il soit infini de toutes pars et semblablement de ligne et de superfice, quar l'en puet ymaginer un corps simplement infini et plus grant que quelconque corps fini oultre toute proporcion. (Oresme, C.M., c.1377, 118)

Et pillierent et prissent li Alemant sus les Ronmains tant et oultre ce que on lor devoit, et n'en porent avoir aultre cose (Froiss., Chron. D., p.1400, 245)

Or te demande je doncques qui est le plus dommageable vice, ou a nous de abuser des estas oultre ce que mesure donne quand ilz nous appartiennent, ou a toy de les prendre telz qu'ilz ne t'appartiennent pas ? (Chart., Q. inv., 1422, 40)

Outre mesure. Voir mesure

...cuidant avoir ma chambriere, par tant de foiz et oultre mesure m'avez accolée pour accomplir vostre desordonnée volunté (C.n.n., c.1456-1467, 76)

Outre raison. Plus qu'il n'est raisonnable, de façon immodérée.

Et par teles pompes ilz veulent manifester et monstrer leur bonnes fortunes oultre raison, et parlent de eulz meïsme et en dient grans choses et se ventent, afin que ilz soient grandement honorés. (Oresme, E.A., c.1370, 257)

Mais toutesfoiz gardez vous que, quelx qu'ilz [ceux que vous avez conquis] soient, durs ou debonnaire, que vous ne leur alevez nouvelle coustume qui soit desraisonnable. Prenez sur eulx vostre droit, sans eulx taillier oultre raison, ne alever coustumes inraisonnables, car, se peuple est povre, le seigneur est mendiz, et, se besoing lui orisoit de guerre ou d'autre neccessité, il ne se sauroit de quoy aidier, dont il pourroit cheoir en grant servitute, et n'en seroit ja plaint ne d'estrangiers ne de privez. (Arras, c.1392-1393, 86)

Outre l'enseigne. Au delà de ce que l'on peut dire ou penser.

...il n'a pas esté seul entaché de ce mal [la jalousie] ; mais toutesfoiz, car il le fut oultre l'enseigne, je ne le saroie passer (C.n.n., c.1456-1467, 255)

c)[Idée d'un dépassement qui va à l'encontre de qqc., qui est en dépit de qqc., qui est en opposition à qqc.] Au delà de, en dépit de, à l'encontre de.

Item, dit que environ a VIJ ans, il print par force une jeune femme mariée à un cousturier demourant à Saint-Aubin du Cormier en Bretaigne, à laquelle il ot compaignie charnelment, oultre le gré et volenté de ladite femme. (Reg. crim. Chât., I, 1389-1392, 19)

...je le vous diray par ainsi que vous me promecterés faire mon gré sans aler oultre mon plaisir ne ma voulenté en aucune maniere (Hist. Berthe Pépin T., c.1400-1500, 136)

...et, s'il pouoit, il savroit pourquoy Lyon fasoit ce oultre sa deffence. (Wauquelin, Belle Hélène Const. C., c.1448-1452, 197)

Traistre ribauld, comment avez vous osé rober l'église oultre mon commendement et ma defense ? (C.n.n., c.1456-1467, 58)

Monseigneur le prevost, dit elle, je me plains a vous de la force qu'il m'a violée oultre mon gré et ma volunté (C.n.n., c.1456-1467, 160)

Le promoteur fut arriere adverty comment son curé se gouvernoit oultre la regle, bonne et honeste conversacion des personnes d'eglise (C.n.n., c.1456-1467, 531)

Outre la volenté de qqn. Voir volenté

Outre le seu de qqn. À l'encontre de qqn, sans que qqn le sache, à l'insu de qqn.

...je vous ay tenu en mon hostel et vostre, s'il vous plaist, par .XV. jours oultre vostre sceu, non pas oultre vostre vouloir (Percef. I, R., t.1, c.1450 [c.1340], 207)

III. -Interjection.

[À la chasse, pour appeler à aller de l'avant]

Oultre, a li, oultre, outre ! (Gast. Phébus, Livre chasse T., 1387-1389, 176)

[Pour marquer un rejet, pour envoyer au diable]

Oultre, dist il, vilain, jamais ne reprouche homme de sa deffaulte quant il ne le peult amender ! (Percef. I, R., t.1, c.1450 [c.1340], 473)

Outre, dist il, cuvers, ja n'ait t'ame salu ! (Jourd. Blaye alex. M., a.1455, 105)

Outre, dist il, cuviers, tu soiiez maleïs ! (Jourd. Blaye alex. M., a.1455, 186)