NOUVELLETÉ

substantif féminin

[T-L : noveleté ; GD : noveleté ; GDC : novelté ; FEW (VII, 203b) : novellus ; TLF (XII, 276a) : nouveauténouvelleté]

A. -Caractère de ce qui est nouveau ; ce qui est nouveau, nouveauté.

Nulx hons n'en doit mervolle avoir, Quart ce n'est pas novelleté. (Dupin, Mélanc. L., c.1324-1340, 148)

Et de ceste question peuent naistre aucunes admiracions, et premiérement pour la nouvelleté du monter, car onques tel enfant n'avoit monté ce lieu la. (Mir. st Guill., c.1347, 5)

Car ce n'est pas chose commune, Eins est trés tout aussi comme une Chose des autres separée, Dont elle est assez mieus parée De plaisir en audition Pour l'estrange condition Qui est ditte nouvelleté. Mais je l'appelle estrangeté, Pour ce qu'elle genroit plaisance De nouvel en ma congnoissance. (Mach., D. Aler., a.1349, 294)

Es quéles paroles sont touchées troys choses : premiérement, la vierge enfantant tresfine purté, de Maria ; secondement, de lumiére naisçant grant nouvelleté, natus est ; tiercement, de ceste lumiére apparant tresmerveilleuse bonté, Jhesus. (Mir. prev., 1352, 231)

L'en les regarde [aucunes belles choses nouveles] forment et y prent l'en grant plaisance pour la nouveleté et par admiracion. (Oresme, E.A.C., c.1370, 509)

...après dist au message : 'Tu ne m'as aporté nulle nouveleté, car je sçavoye bien qu'ilz estoient mortelz...' (Chr. Piz., Faits meurs Ch. V, S., II, 1404, 64)

...et recurer l'ancienne masse du corps humain, enclinee a vice, et infecte par l'originel peché, en nouvelleté d'esperit purifié par impartition de grace. (Chart., L. Esp., c.1429-1430, 26)

Puis aprés tourna ceste nouveleté en usage, et maintindrent voulentiers par longue aconstumance ce qu'ilz avoient encommencé par contrainte (Chart., L. Esp., c.1429-1430, 115)

Mais Hanibal, qui ceste nouvelleté ne savoit, proprement ne vault pour ce jour combattre. (La Sale, Salade, c.1442-1444, 45)

A laquelle vaillance et pitié naturelle ne le poeust empaischier l'enfermetté de sa jonnesse, la nouvelleté de porter armes (La Sale, Sale D., 1451, 151)

...ce nouvel proces (...) beaucop pleut aux seigneurs du dit parlement, tant pour la nouvelleté du cas que pour les allegations et argumens des parties devant eulz debatans, qui non accoustumées mais plaisantes estoient. (C.n.n., c.1456-1467, 37)

CROQUEPIE. Qu'est il de faire ? SOTOUART. Estre joyeulx Et dire toute nouveaulté, De passer tousjours troys pour deux, De blason bons motz a planté. (Vig. Trib., c.1480, 225)

...on leur fist apporter pain et vins de toutes sortes, ypocras, espices, confitures et autres nouvelletez singulieres, tellement que les dictz ambassadeurs se tindrent grandement contens de l'onneur que le roy leur faisoit faire. (La Vigne, V.N., p.1495, 305)

Fait nouveau, extraordinaire.

Quand aucune nouvelleté avient en celui royaume, tantost messaiges viennent batanz sus chevaulx a quoitte d'esperons. (Jean Le Long, Voy. Odoric A.M., 1351, 51)

Il se donna grant merveille de ceste nouvelleté et fut moult pensif (Ménagier Paris B.F., c.1392-1394, 114)

[Il s'agit de la suggestion faite par Robert d'Artois au roi d'Angleterre de revendiquer le trône de France] ' Tres chiers sires, nous sonmes chi envoiiet de par vostre fil le roi d'Engleterre et son consel, a savoir que vous dirés de une nouvelleté qui est promeue en l'ostel d'Engleterre, et que vous en consellerés a faire' (Froiss., Chron. D., p.1400, 247)

Car mon amour est assise par cas de nouvelleté sur le plus advenant homme qui rengne soubs la cape du ciel (Cligès C.T., 1455, 112)

'Venez ça, ma doulce compaigne, buvez a moy et je vous plegeray. - Compaigne dya, dit nostre amoureux, et dont vient maintenant celle grand amour ? Que male paix y puist mettre Dieu, veez cy grand nouvelleté !...' [Une femme interpelle sa chambrière dont elle sait qu'elle est la maîtresse de son mari] (C.n.n., c.1456-1467, 370)

...laquelle chose donna matiere de parler a pluseurs, ainsi que toute nouvelleté a de coustume. (Mamerot, Romuleon D., 1466, 22)

Remarque : MARTIN LE FRANC, Estrif D., 1447-1448, 40/22 ; GRÉBAN, Pass. J., c.1450, gloss.

Renouveau, printemps.

[Dans un cont. métaph.]

Comme a l'encommencement du nouvel temps, ou quant l'estoille journale se doit prochainement lever a l'aube du jour, toute riens s'esgaye et s'esjouyst, les oysillons chantent, et la rousee descent, pareillement lors en ceste nouveauté le monde s'esjouy, et descendi plus habondamment la rousee de grace (Gers., Concept., 1401, 391)

Mode nouvelle, ce qui est à la mode.

Si est ainxin que la bonne dame, qui voit et regarde son mary, qui a delessé l'esbat et toute joie et pense a acquerre chevance ou terre, et a l'aventure n'a gueres grant chevance et pour ce il est chiche a la mise, qui n'est pas plaisant a la dame, pour ce que elle vieult souvent avoir nouveautez selon le temps, tant en robes, saintures que aultres choses, ainxin que elle voit en bonnes compaignies ou elle va souvent, aux dances et aux festes, avecques ses cousines et ses commeres et avecques son cousin, qui a l'aventure ne lui est rien. (Quinze joies mar. R., c.1390-1410, 34)

Et a l'endemain si menestrel furent revesti, par cause de nouvelleté, de cotes de draps de Valenchiennes (Froiss., Chron. D., p.1400, 891)

Fait d'être nouveau dans une fonction, débuts dans une fonction.

Si vous di que li rois en se nouveleté s'en vint poissamment mettre le siège devant le bonne ville de Saint Jehan l'Angelier. (Froiss., Chron. L., IV, c.1375-1400, 103)

En che tamps et en la nouvelleté de Phelippe d'Artevelle fu li doiens des tisserans acusés de trahison. (Froiss., Chron. R., X, c.1375-1400, 140)

...li rois de France, en sa nouvelleté , avoit juré que jamais il n'enteroit en Paris, ne entenderoit a aultre cose si averoit remis en Flandres le conte Lois et confondus tous ses ennemis (Froiss., Chron. D., p.1400, 177)

Par extension. Changement.

Car selon Aristote, ce est impossible naturelment que un mouvement commence de nouvel se aucun autre mouvement n'est cause de ceste nouvelleté, et donques convient il que le procés des mouvemens qui sont causes un de l'autre soit infini (Oresme, C.M., c.1377, 276)

Remarque : GRÉBAN, Pass. J., c.1450, 11791.

[Dans le domaine pol., social] Faire nouvelletés

Ce est a dire de faire nouveltés et mutations comme dit est. (Oresme, Pol. Arist. M., c.1372-1374, 219)

B. -En particulier. [Connot. nég.]

1.Innovation, bouleversement fâcheux (des usages, de l'ordre établi...).

Car il pourroit advenir que sous l'umbre de faire pour le bien commun aucuns seroient meus et induis par teles nouvelletés a la dissolution ou despecement des lays et de la policie. (Oresme, Pol. Arist. M., c.1372-1374, 97)

'On dist que li rois de France est mors en Engleterre : si verra on pluiseurs nouvelletés avenir en France temprement, parmi ce que nous y renderons painne'. (Froiss., Chron. L., VI, c.1375-1400, 105)

Qant ces coses furent apaisies, et tout chil signeur retrais en lors lieus, et se tenoient bien ces trieuves en Bretagne entre mesire Carle de Blois et la contesse et lors gens, ne nuls ne les enfraindoit ne brisoit, grandes nouvelletés et pités et grans rachines de tous mauls avinrent ou roiaulme de France. (Froiss., Chron. D., p.1400, 593)

Et si condempne ledit duc à remettre en estat les neuvelletez et entreprises faictes audit lieu de Nuefchastel contre l'arrest pronuncié en Parlement contre icellui duc (...) lesquelles nouvelletez et entreprises la Court met au neant et exempte lesdis habitans de Nuefchastel et leurs successeurs, d'ores en avant à tousjours mais, de la jurisdiction, obeissance et subjection dudit duc de Lorreinne et de ses successeurs (Baye, II, 1411-1417, 77)

...et par pluiseurs fois a convenu par neccessité (...) que les greffiers de ceans à leurs despens aient acheté et paié le parchemin, autrement eust convenu faire lesdictes escriptures et registres en papier ou les delaissier, en quoy lesdis greffiers ont fait nouvelleté et entreprise contre l'usage, stile et commune observance de la Court (Fauq., III, 1431-1435, 2)

2.Inconstance (en amour).

Car jaune, c'est fausseté, Blanc est joie, vert est nouvelleté, Vermeil ardeur, noir deuil ; mais ne doubt mie Que fin azur loyauté signefie. (Mach., L. dames, 1377, 235)

C. -Par métonymie. Acte qui conduit à un changement fâcheux, à un trouble.

1.Agissement, agression.

Ceulx de Gand, eulx estans en Bruges, i fisent moult de nouvelletés, et avisèrent que il abatroient au lés devers eulx deux portes et les murs, et feroient emplir les fossés. (Froiss., Chron. R., X, c.1375-1400, 239)

...par dedens estoient droite flours de gens d'armes, et bien le monstroient, car il ne s'esbahissoient de nulles nouvelletés que on lor fesist. (Froiss., Chron. D., p.1400, 663)

...il n'avoit mie commission de la seigneurie de Venise, sans laquelle il n'oseroit entreprendre de faire aucune nouvelleté (Bouciquaut L., 1406-1409, 219)

Et ne vueilliez consentir que aucune nouvelleté se face contre Avignon, jusques à ce que vous oiez nouvelles de ceulx que le Roy envoiera par-deçà. (Le Fruictier, Lament. C., 1409, 110)

...non obstant que le Roy eust fait dire qu'il estoit content de leur assemblée, et que pendant ycelle ne se feroit aucune nouvelleté au prejudice d'eulx ne d'aucuns d'eulx. (Escouchy, Chron. B., t.3, Pièces justif., 1442, 52)

Les ennemis prinrent tous les biens des deux logeiz, si en firent une très merveilleuse et forcenee nouvelletté ; car les robes ilz deschirerent, et puis tout l'argent, les chevaulx et le harnoys ilz getterent dedens le feu (La Sale, Sale D., 1451, 160)

...se aucune main mise, empeschement ou autre nouvelleté y a esté fait par les gens et officiers de monseigneur le Daulphin, que ladicte main soit levée et tout empeschement osté, et la nouvelleté reparée et tout mis au premier estat (Doc. 1452. In : ESCOUCHY, Chron. B., t.1, c.1453-1460, 440)

...et s'estoit retrait en son pays du Daulphinné, où il avoit fait pluseurs nouvelletez, tant sur gens d'eglise comme autrement, dont grant dolleances estoient venues au Roy (Escouchy, Chron. B., t.1, c.1453-1460, 425)

[À propos du Schisme] Trouble, querelle.

Et Allegresse dist ainsi : 'Ma dame, je n'amay oncques nouvellete, voire qui engendrast division empeschant transquillite.' (Mézières, Songe vieil pèl. C., t.1, c.1386-1389, 375)

2.DROIT Acte ayant pour but de troubler qqn dans la possession d'un bien.

Et ne seuffrent les diz seneschalx et autres justiciers, qui ore sont ou seront pour le temps avenir, contre les diz supplians, leur biens, ne leur famille, faire aucunes noveletés indeues, mais, se faites les treuvent, les facent remettre au premier estat deu et pour ce amender à nous et à partie. (Doc. Poitou G., t.1, 1331, 387)

Pour quoi requeroient les diz religieus de Saint Magloire, ou nom que dit est, que le trouble, empeeschement et nouvelleté mis de par le dit prieur, priouresse et couvent, a tort et sans cause, en leur dicte saisine, comme dit est, indeuement et de nouvel, feussent ostez, et que yceulz religieus feussent tenus et gardez en leur dicte saisine, et ycelli prieur, priouresse et couvent condempnez a cesser de eulz troubler ou empeeschier de lors en avant en leur dicte saisine (Chartes Abb. St-Magl. T.F., t.3, 1335, 108)

...et promettons a garantir et delivrer et deffendre envers tous et contre tous, au cous dudit prieuré, de tous troubles, nouveletés, empeeschemens et cavillations quelcunques (Chartes Abb. St-Magl. T.F., t.3, 1351, 175)

...nous les feissiens de ce tenir paisibles sans souffrir estre fait contre eulx ou leurs privileges aucunes nouvelletées (Trés. Reth. S.L., t.2, 1366, 175)

...lesquelles choses ledit curé avoit fait contre raison et attort et ou prejudice des dis religieux et en les troublant et empeschant en leurs dictes saisines et possessions, a tort, sans cause, indeubment et de nouvel, et en leur faisant nouvelleté indeue. (Chartes Abb. St-Magl. T.F., t.3, 1396, 707)

...en les deffendant [le prieur et les frères] de toutes injures, violences, griefz, opressions, de force d'armes, de puissance de lays et de toutes inquiétacions et nouvelletés indeues (Cartul. Hôtel-Dieu Cout. L., 1451, 270)

En cas de nouvelleté

...debas feust pendant en la court du Parlement entre Pierre de Laval, clerc, seigneur de Villemomble, d'une part, et monsieur Regnaut de Trye, chevalier, seigneur de Cloye, d'autre, en cas de saisine et de nouvelleté. (Cartul. Laval B., t.2, 1351, 250)

...en cas de saisine et de nouvelleté (Chartes Abb. St-Magl. T.F., t.3, 1369, 402)

Car, quant un honme lay si est troublé, en sa possession, par un clerc, se le lay enpetre ajournement, en cas de novelleté, devant le juge seculier, lez officiaux dez prelas, en enpechant et en troublant la juridiction seculiere a la requeste du clerc, si font conmandement au juge et a partie que ilz cessent de poursivir celluy ajournement, sur poine de excomuniement et d'aucune poine pecuniere. (Songe verg. S., t.2, 1378, 152)

...aucunes foiz les possidans d'aucuns heritages ou d'aucunes rentes sont occuppés et troubléz indeuement en leur possession et saisine par aucuns leurs adverses parties et par autre negligence, absence ou incuriosité delaissent à intempter et poursuir leurs cas de nouvelleté de leur dite possession et saisine (Cout. bourg. glosé P.M., c.1380-1400, 150)

...en jugeant souvent de nostre propre auctorite, et aucunesfoiz et souvent, a leur requeste [des clercs et sujets de l'Eglise] , des testamens et des cas qui sont spirituelz, sicomme en cas de nouvellete que les clercs ont trouve pour eulx. (Mézières, Songe vieil pèl. C., t.2, c.1386-1389, 305)

...resister à l'entreprise de fait et guerre que à eulx et aux païz d'environ leur faisoit messire Raymon de Turenne, chevalier, entre lequel, d'une part, et ledit mareschal estoit ceans procès de la conté de Beaufort en cas de nouvelletté (Baye, I, 1400-1410, 147)

...la Court tenoit la main du Roy au temporel de l'abbaye de Maubuisson, qui avoit esté mise puiz une complainte en cas de saisine et de nouvelleté prise et executée à la requeste de dame Luce de Montmorancy, par avant abbesse dudit lieu, à l'encontre de dame Katerine d'Estouteville, abbesse à present d'icellui lieu (Baye, I, 1400-1410, 329)

Ce jour, la Court a commis maistres Jaques Branlart et Guillaume de Gy, conseilliers du Roy, à gouverner soubz la main du Roy et par main souveraine la jurisdiction et chose contencieuse en cas de nouvelleté d'entre les religieux, abbé et couvent de Sainte-Genevieve à Paris, demandeurs et complaignans en cas de saisine et de nouelleté, d'une part, et l'evesque de Paris, defendeur et opposant oudit cas (Fauq., II, 1421-1430, 130)

A conseillier l'appoinctement sur la requeste baillée par escript à la Court par les maistre, freres et suers de l'ospital des Quinze Vins à Paris, afin de reconsilier leur chappelle, nagaires polué pendant certain procès en cas de nouvelleté entre eulz, demandeurs et complaignans en cas de nouvelleté, d'une part, et l'evesque de Paris, defendeur et opposant, d'autre part (Fauq., II, 1421-1430, 209)

Et est aussi entendu pour ce que celui qui se plaint dit qu'il a esté desaisi ou troublé, ou aucune chose a esté faicte ou demolie nouvellement, c'est à dire depuis an et jour devant le jour que l'en se complaint, et pour ce fait nommez complainte en cas de saisine et de nouvellecté ; et pour le tort et force que maintient ledit complaignant lui avoir esté fait nouvellement, sont lesdiz interdictz nommez et appellez selon le stille de court de France nouveau forczaige. (Cout. instit. Anjou Maine B.-B., t.2, 1437, 370)

...iceulx exposans obtindrent ja pieca lettres de complainte en cas de saisine et de nouvelleté de notre bailli d'Amiens, par vertu desquelles ilz se firent maintenir et garder en leurs dits droiz, possessions et saisines (Hist. dr. munic. E., t.1, 1440, 100)

Matiere de nouvelleté

...maistre Denis Guerinot, grant arcediacre de l'eglise de Chaalons en Champaigne, a certain procés en matiere de nouvelleté (Lettres Ch. VIII, P., t.2, 1489, 335)

Voir aussi nouvellité