NAVE

substantif féminin

[T-L : nave2 ; GD : nave ; FEW (VII, 68a) : navis ; TLF (XII, 28a) : nave1]

A. -MARINE Navire.

Or vous vueil les vaissiaus nommer Qui flotoient parmi la mer. Il y avoit coques et barges, Panfiles, naves grans et larges, Griparies et tafourées, Lins et fyacres et galées, Targes à chevaus et huissiers ; Et si avoit de bons courciers, Plus tost courans que nuls chevaus (Mach., P. Alex., p.1369, 57)

Et il dist : 'Sire, liement Vostre commandement feray, Si que demain tout prest seray, Car nos naves et nos galées Sont garnies et aprestées ; Et pour ce à moy ne tenra pas.' (Mach., P. Alex., p.1369, 115)

Quant les messagiers Chypriens Avecques pluseurs Crestiens, Et ceuls dou roy Arragonnois, Et les messagiers Genevois, Et les IIJ. signeurs sarrazins Furent descendus de leurs lins, De leurs barges et de leurs naves, Et aussi trestous les esclaves, Li amiraus d'Alexandrie Leur envoia par courtoisie De sa maisnie et de sa gent Qui les reçurent bel et gent (Mach., P. Alex., p.1369, 188)

Li roys fist recueillir sa gent ; Et tantost vallet et sergent Trestous leurs chevaus amenerent Et ès naves les hostelerent. Li roys monta et prist sa voie Droit vers Triple, Dieux le convoie ! (Mach., P. Alex., p.1369, 205)

Quant li dis messires Jeahns de Haynau et se compagnie furent venu à Douvres, il montèrent tantost en naves pour passer oultre. (Froiss., Chron. L., I, c.1375-1400, 40)

...ilz ont tousjours cinquante que galées que grosses naves armées courans par mer qui gardent les isles. (Froiss., Chron. M., XII, c.1375-1400, 207)

...il (...) fist faire tantos grant amas de naves et de vassiaus et de nefs passagieres, et traire viers les pors de Pleumude, (...) et de Dardemude (Froiss., Chron. D., p.1400, 577)

...et fissent apparillier aultres naves et batiaus, et amener sus la riviere (Froiss., Chron. D., p.1400, 659)

Chil qui s'en aloient par mer, selonch la marine, prendoient toutes les naves petites et grandes que il trouvoient (Froiss., Chron. D., p.1400, 678)

Les sieges loyaulx d'environ, Ou mainte nave a aviron, Va a leur ayde contre ceulx, Qui en armes ne sont parceux, Mais fors, adurcis et appers, Malicieux en toutes pars, Nonobstant les vices susdiz (Chr. Piz., M.F., II, 1400-1403, 22)

Durant lequel siège, messire Clugnet de Brabant, admiral de France, se mit sur la mer, à tout vingt deux naves chargées de gens d'armes, pour résister contre le navire du roy d'Angleterre, qui à grant puissance pareillement estoit sur la mer. (Monstrelet, Chron. D.-A., t.1, c.1425-1440, 133-134)

Alors fait ferir la nave a plain voille par sur la chaynne, tant qu'elle fut a cheval dessus. (La Sale, Salade, c.1442-1444, 50)

LE PREMIER NAVETIER. Seigneurs, arrivés sumes, mis Sus la terre en Constantinoble, La grant seignorie haulte et noble ; Empourter nous convient ces corps Et mettre de la nave hors ; Prenez lez et les empourtés Ou vous vouldrés, puis qu'arrivés Nous sumes cy a terre saiche (Myst. st Adr. P., c.1450-1485, 166)

À maistre Pietre, le brodeur, (...) pour la brodeure de la couverte de la nave, faicte à ermines que ledit seigneur vieult envoïer audit duc de Bretaigne, façon de cinq bannières et ung estandart, aux armes dudit duc, que pour la grimpe de ladite nave, faicte de bateure de fin or, semée d'espiz, à la divise dudit duc (Comptes roi René A., t.1, 1452, 266)

...ung jour nous estions sailliz de nostre nave, pour faire en terre chascun une fosse pour nous tappir pour le soleil (C.n.n., c.1456-1467, 130)

...et tost après ceulx d'Auffriq arriverent en naves qui disruerent la cité, tuerent les habitans et totallement la expolierent, ne laisserent que les femmes et jeunes enfans. (Simon De Phares, Astrol., c.1494-1498, f° 109 r°)

...vous prie faire de vostre cousté mectre sus quelques naves pour servir en ladicte armée de mer (Lettres Ch. VIII, P., t.4, 1495, 163)

Par métaphore.

Et par ainsi mon amour est fluctuans par desirs en ce monde comme une nave sur la mer (Crap., Cur Deus, De arrha B.H., c.1450-1460, 259)

B. -Bac servant à la toilette.

...icelluy navyer refaire et remettre à point de tous poins bien et souffisamment, relargier la nave, qui estoit contre, mettre grant foison de plonc en table tout nuef (Trés. Reth. S.L., t.2, 1409-1410, 627)

C. -Objet décoratif en forme de navire.

L'en a fait, pour servir au bancquet du soupper, le jour de la feste des noepces, trente grans naves, à façon de karracques qui estoient de environ VII piez de long et de haulteur à l'avenant ; desquelles on faisait le plat à servir du gros rost, qui touttes ont esté faites de waghescot (Comptes Lille L., t.2, 1468, 322)