MUTATION

substantif féminin

[T-L : mutacïon ; GD : muetacion ; GDC : mutation ; AND : mutation ; FEW (VI-3, 290b) : mutare ; TLF (XI, 1262a) : mutation]

A. -[Dans l'espace] Fait de passer d'un endroit à un autre.

...et de la mutacion du prestre, comment il se doit tenir a l'autel (Jean Golein, Rational B.D., c.1370-1372, 343)

La mutacion des lumieres [des candélabres] par les acolites... (Jean Golein, Rational B.D., c.1370-1372, 360)

Quar se mouvement estoit mis en estre par mouvement et mutacion, et celuy par un autre, etc., ce seroit procés infiny, si comme il appert ou quint de Phisique. (Oresme, C.M., c.1377, 188)

Le premier remede ou consideracion est penser a sa fin et a sa mort, et puis en quel lieu l'ame se partira : ou en paradis pour bien fait, ou en enfer pour meffait. Ceste consideration ot tousdiz Nostre Dame ; et, en signe de ce, elle est dicte estre en Galilee, qui vault a dire transmigration ou mutation. Comme dit l'apostre : nous n'avons point icy cité demourant, maiz nous tendons a une aultre pardurable (Gers., Annonc., a.1400, 238)

Tiercement note que l'enfant nouvel nee pleure tantost et crye pour la soudaine mutacion a l'air froit et se il esternue, c'est bon signe et que vertu est forte (Gordon, Prat., c.1450-1500, VII, 16)

...comme dit a esté, sur une conjunction qui fut l'an mil IIIcLXV, le XXXe d'octobre, en l'uitiesme degré de l'Escorpion, qui fut des grandes, c'est assavoir de Saturne et Jupiter en mutacion de triplicité de l'air en aquatique, où Mars le pernicieux apliquoit. (Simon De Phares, Astrol., c.1494-1498, f° 135 v°)

Mutation de lieu. Changement de lieu.

Et quant est du mouvement des angelz ou mutacion de lieu, il est dit devant comment selon philosophie teles substances separees ne sont pas immobiles (Oresme, C.M., c.1377, 292)

Mutation locale

Mutacion local aussi, selon la significacion de son nom, fait continuelment et successivement l'un aprés l'autre a la chose meue acquerre nouviau lieu, et le lieu de devant eslongier et guerpir. (Evr. Conty, Eschez amour. mor. G.-T.R., c.1400, 217)

ASTR. Passage (des planètes).

...li mutacions des planettes par les 12 singnes mue les tans... (Compil. sc. étoiles C., a.1324, 91)

L'air se mue par la mutation des estoilles et des planettes (Corbechon, Propriétés, 1372, XI, 1, 183 v°)

B. -Changement, transformation (d'une chose concr. ou abstr., d'une pers.).

Dont, puis qu'elle [Fortune] fait son deü, Je di que tu as tort eü De li laidengier, ne blasmer, Ne de ses ouevres diffamer ; Car se tu yes cheüs en peinne Par sa mutation soudeinne, Estrange, diverse et sauvage, Qui fist chanseller ton corage, Certes, amis, tu n'ies pas seuls (Mach., R. Fort., c.1341, 93)

Souvent estoit dolens et liez, Dont je fui trop esmervilliez, Comment de si trés grant tourment Il pooit si soudeinnement Avoir joie si souvereinne, Car la mutation soudeinne Si est moult malaisie a faire, Si com je l'ay oy retraire. (Mach., D. Lyon, 1342, 183)

...il [paradis] est ferme et estable, car il n'a nulle mutacion (Mir. march. larr., c.1349, 91)

Quant il vient flux de ventre, mutacion d'umeurs est bon signe, s'il ne se meut en mal. (Saint-gille, A.Y., 1362-1365, 59)

Tu seroie[s] plus esbahis Que cers ramés, et estahis, Et s'aroies paour et hide, Se tu vëoies bien d'Ovide Les diverses mutations Faites en maintes regions. (Mach., Voir, 1364, 492)

...ce sera sanz quelconques mutabilité et mutacion de sa nature (Foul., Policrat. B., V, 1372, 284)

...il disoit que mutacions en tel cas n'appartenoient point a philosophe (Foul., Policrat. B., V, 1372, 434)

...pluseurs (...) désiroient à partir pour recouvrer santé et mutacion de nouvel air. (Froiss., Chron. M., XIV, c.1375-1400, 101)

Quant il vente, grant et soudaine mutacion se fait en l'air pour l'absence du solail (Evr. Conty, Probl. Aristote, 1380, XXVI, 21, 216 v°)

Mais, je diray, par ficcion, Le fait de la mutacion Comment de femme devins homme, Et ce dictié vueil que l'en nomme (...) : 'La mutacion de Fortune.' (Chr. Piz., M.F., I, 1400-1403, 12)

Mais, quant vi le tournoyement, Et apperceü premierement Les mutacions qu'esprouvay, Si tres esbahi me trouvay (Chr. Piz., M.F., I, 1400-1403, 60)

...mais grande mutacion fait fievre et adonc les operacions naturelles sont blecees sensiblement (Gordon, Prat., c.1450-1500, I, 1)

Idropisie, c'est erreur de vertu unitive en tout le corps qui ensuyt mutacion de vertu digestive ou foye, donc ydropizie c'est erreur de vertu digestive ou foye (Gordon, Prat., c.1450-1500, VI, 5)

...ils [les oiseaux] ont voix de plaingnans ainsi que s'ilz se plaingnissent de leur mutacion ou de la mort de leur seigneur ou roy (La Sale, Sale D., 1451, 204)

Las, au change ne suis pas sage. Veez cy piteuse mutacion, Müer la joye en passïon. Mon enfant, est ce pour le mieulx ? (Pass. Auv., 1477, 221)

Pour quoy quant Dieu fait aucune chose, nulle muance ou mutation se fait en Dieu, mais seulement en la chose en laquelle il euvre. (Somme abr., c.1477-1481, 143)

Mutation de ... en/de ... à. Action de changer une substance en une autre.

Et d'Herode l'evasion, De vo chier fil l'invention, Quant par sa disputation Mist juis à confusion ; D'eaue en vin la mutation Fist à vo supplication ; Sa digne resurrection N'est pas joie petite. (Mach., Les lays, 1377, 401)

Aucune fois signifie une maniere de mutation et treschangement d'une substance en l'aultre, comme quant on dist que le corps de Jhesu Crist est fait du pain de l'ostie. (Somme abr., c.1477-1481, 110)

...car pas n'a commencement ne onques n'eut, et n'est en lui mutation de estre a non estre comme corruption, car jamais n'aura fin. (Somme abr., c.1477-1481, 143)

En particulier. [Temps, climat] Mutation de l'air/mutation du temps. Changement de temps.

Li mutacions de l'air est seute par les conjunctions et par les aspés de le Lune. (Compil. sc. étoiles C., a.1324, 91)

Les mutacions des temps engendrent tres grandement les maladies (Saint-gille, A.Y., 1362-1365, 65)

...et ne savoit autre mestier forsque tant que en gardant ses brebis diligamment selonc leur gouvernement il cognoissoit les mutations du tamps a venir et savoit quant il devoit plouvoir ou venter ou faire biau tamps ou laist. (Mézières, Vertu sacr. mar. W., c.1384-1389, 198)

Cestui Ysaac, selon Malius, fut expert en la theorique des planetes et trouva l'entrée du Soleil ou signe de Aries, car par icelle predisoit de la disposicion et mutacion de l'aer, de l'abondance ou faulte des vivres, des famines et mortallités (Simon De Phares, Astrol., c.1494-1498, f° 19 r°)

...fist, entre autres choses, ung Traictié de la mutacion de l'air. (Simon De Phares, Astrol., c.1494-1498, f° 96 r°)

Changement (dans le régime des vents).

...car ja tiroit vers le temps que la mer souvent s'engroisse pour cause de la mutacion des vens, c'est assavoir de l'iver (Bouciquaut L., 1406-1409, 254)

Mutation de termes. Changement dans les termes.

...et par icelles [lettres] ne puis aucunement congnoestre l'intencion de mond. sgr le roy à nostre assemblée, mès me semble qu'il y a mutacion de termes et autre latin (Actes Jean V Bret. B., t.5, 1442, 38)

C. -Au figuré.

1.ARITHMÉTIQUE Changement, réduction.

Et pour trouver ces quatre nombres je considere les submultiplex des proporcions dessusdites cest assavoir double triple quadruple et quintuple dont leurs submultiplex sont 1/2.1/3.1/4.1/5. lesquelz je convertiz selon les rigles devantdictes en .2/3.3/4.4/5.5/6. par mutacion des numerateurs et denominateurs (Nic. Chuquet, Triparty M., 1484, I, 648)

2.MONNAIE Mutation (de la monnoie / des monnoies). Modification des rapports du métal or/argent de la monnaie réelle à la monnaie de compte.

...si pour guerre et la rédemption de son prince prisonnier, ou autre cas de fortune, icelle communaulté nécessaire indigence auroit d'une grande somme de pecune, elle doncques le pourroit lors par la mutacion de la monnoie lever, et ne seroit point contre nature (Oresme, Monnoies W., c.1365, LXV)

...en recompensacion des petis gaiges qu'ilz ont eu, attendu la grant chierté de vivres et autres denrees qui a esté pour occasion de la foible monnoye qui a eu cours depuis la mutacion des monnoyes (Comptes Etat bourg. M.F., t.2, 1420, 802)

Item, qu'il pourvoie aux marchandises et manouvrances que l'en encherit exessivement, soubz umbre de la mutacion de la monnoie (Fauq., II, 1421-1430, 109)

Esquelz jour fut aussi ordonné à Paris par le conseil royal que les fleurettes qui avoient cours pour IIII d. p. seroient mises à deux, et l'escu d'or qui avoit couru pour dix francs fut mis à XVIII s. p. Pour lesquelles mutacions ensuivant ceulx dont dessus est faicte mencion, moult de gens furent fort troublez, voians que leurs chevances qu'ilz avoient ès monnoies dessusdictes, les huit pars estoient diminuées. (Monstrelet, Chron. D.-A., t.4, c.1425-1440, 71-72)

Pour avoir changié la somme de (...) en blancs de Savoye et grox de Bretaigne, qui se trouvent à ung paiement de 600l, avant la mutacion des monnoyes qui après furent muées. (Archives servit. Louis XI, T., 1473-1475, 51)

3.Changement politique, social.

...pour avoir advis et deliberacion ensemble se l'en encommenceroit le Parlement à ceste Saint-Martin prouchain venant, attendues les mutacions de villes et païs qui depuis nagaires se sont tournez à l'autre obeissance et delaissié ceste obeissance (Fauq., III, 1431-1435, 168)

Mutations, nouvalités, Tant (de) defectes comme regime Signifient que mortalités Viendront aux regions infimez. (Cene dieux, c.1492, 123)

Mutation des royaumes

C'est le pechié qui crie a Dieu vengence, qui put aux angels, voire a aucuns dyables, qui sur toutes choses empesche confession pour son horreur, par lequel guerre guerre(s), famine, mortalité et mutacion de royaumes viennent, selon les loys qui le commandent punir par feu. (Gers., Noël, p.1404, 297)

...et preceda icelle esclipe la quinte conjunction qui fut l'an 4160, qui signiffia premier la mutacion des royaulmes et predist sur ladicte conjunction l'infortune des scribes pour la presence de Mercure, Venus et la Lune ou signe de Gemini (Simon De Phares, Astrol., c.1494-1498, f° 31 r°)

4.Remplacement (d'un officier, d'un prévôt... par un autre).

...de excuser envers le Roy et le duc de Bourgongne lesdis commissaires de ce qui avoit esté fait sur la mutacion du prevost de Paris (Fauq., I, 1417-1420, 249)

En après, le Roy s'esmerveille de la mutacion d'aucuns officiers faicte par deça. (Fauq., I, 1417-1420, 258)

5.Mouvement de discorde, dispute.

En ce temps, l'Université de Paris faisant processions genérales en alant à Saincte-Katherine du Val des Escoliers, se mut une dissencion entre aucuns de ladicte Université et les gens de messire Charles de Savoisi, chambellan du roy de France, qui menoient leurs chevaux boire à la rivière de Seine. Et fut la cause de ladicte mutacion pour ce que les dessusdiz chevauchèrent roidement parmy ladicte procession et tant qu'ilz blecèrent aucuns desdiz escoliers là estans (Monstrelet, Chron. D.-A., t.1, c.1425-1440, 73)