MUID

substantif masculin

[T-L : mui ; GDC : muid ; AND : mui ; DECT : mui ; FEW (VI-3, 12a, 13a) : modius ; TLF (XI, 1205a) : muid]

A. -Mesure de capacité pour les liquides et, plus souvent, les matières sèches (de valeur variable selon la marchandise, selon les régions).

1.[Pour les liquides]

...Et par mi son celier va et vient et traverse, Comme tous forsenez, quant son service exerce ; Et respont à chascun toudis à la traverse, Comme homs plus eschaufés c'un verras que l'en berse. Lors s'à boire demande, j'ay vin de couleur perse Dont li muis ne vaut pas la queue d'une querse, Car mon ventre fait bruire et les bouiaus me perse. (Mach., Compl., 1340-1377, 266)

Ces .IIJ. [la Trinité] un à po de peinne, Assez prouver puis : Considere une fonteinne, Le ruissel, la duis ; Ce sont .IIJ., mais ces .IIJ. truis Tout un, soit petite ou pleine, Soit par pintes ou par muis : Par tous ces conduis Est yaue d'un goust certeinne ; Tous seürs en suis. (Mach., Les lays, 1377, 408)

...douze muis de vin pour sa boichon (Hist. dr. munic. E., t.3, 1447, 487)

Pour la despense du disner des sergens de ladicte ville, qui ont disné ensemble le 5e jour de mars 1459, après ce qu'ils ont esté et assisté à l'execution de 4 muys de vin, qui ont esté deffonsés par justice ce jour, et les vaisseaulx bruslés devant l'Ostel de ladicte ville (Comptes Paris M., t.2, 1458-1460, 204)

Et, au fait des vignes, il y eut bien peu de vin, et par especial en l'Isle de France, comme d'ung muy de vin pour chascun arpent, mais il fut bien bon ; et se vendit chier le vin creu es bons terrouers d'entour Paris, comme de dix à unze escus chascun muy. (Roye, Chron. scand., I, 1460-1483, 3)

Et, le lundi ensuivant, second jour de septembre, oudit an LXV, monseigneur du Maine, qui estoit logé à Paris devant l'ostel du roy, envoya à monseigneur le duc de Berry deux muys de vin vermeil, quatre demies queues de vin clairet de Beaune et ung cheval chargé de pommes de chou et de raves. (Roye, Chron. scand., I, 1460-1483, 99)

Le duc a deux sommelliers en l'eschansonnerie, dont l'ung est tousjours compté qui rend compte de la despence faicte par chascun jour, par nuits et par sextiers. Et se mesurent à la gauge françoise. Et touchant les provisions des vins qui sont de plusieurs prix et de plusieurs pays, tout se mect en nombre de muyz, et dont le contrerolleur a [le] nombre en son contrerolle (La Marche, Mém., IV, Pièces annexées, 1474, 40)

...Ung parc tout clos ou sont maints herbes saines (...), Plains d'oliviers, orengiers, grenadiers (...), Nobles heuilletz, plaisantes armeries, Qui en tous temps sont la dedens flories Et de rosiers, assez bien dire l'ose, Pour en tirer neuf ou ditz muytz d'eau rose. (La Vigne, V.N., p.1495, 249)

2.[Pour les matières sèches]

[Pour les grains]

Item je donne a Richoul trois meus de bleif dous de soile et un d'avoinne. (Arch. dép. Vosges T., 1327, G403.07)

...damoiselle Rose, fille de Moinne de Maire, escuier, qui fu, en tient un mouif de bleif, moitié wayn et moitié mars (Trés. Reth. S.L., t.2, 1330, 4)

...un mey d'avoine XX souls. Vingt hastes d'avaine XXXIII souls IV deniers. (Cartul. Laval B., t.2, 1335, 193)

Item ung meuf de soile pour donner aus povrez gens. (Arch. dép. Vosges T., 1380, G404.08)

Des garnisons du bois de Vincennes, pour 32 muis, 2 sextiers, 6 boisseaux de blé à la mesure de Paris, pris audit lieu, livrez par Jehan Renier, gouverneur d'icelles, despensés en l'ostel le Roy en ce terme ; comptez ès escroes de Panneterie, à divers prix (...). Des dictes garnisons, pour 10 muis, 2 sextiers, mine, d'avenne à ladicte mesure (Comptes hôtel rois Fr. D.-A., 1380-1381, 9)

...à cause de la fondation de leur église et moustier, elles sont en saisine et ont droit d'avoir, prendre et recevoir chascun an au terme de Toussaint un muy de grain, moitié blé moitié seigle, sur notre Granche Bataillère lez Paris (Cartul. Laval B., t.2, 1385, 328)

...pour ce, pour la Saint Denis quatre cens et dix sept, un muy de fourment, racheté chascune rasiere au pris de 18 gros viez (Comptes Etat bourg. M.F., t.3, 1416-1418, 176)

Et avec ce condempne lesdis de Rappan et Vavasseur à baillier, delivrer et faire mouldre, labourer et cuire deux muis de bon blé fourment (Fauq., I, 1417-1420, 377)

...c'est assavoir, à l'Ostel Dieu de Paris, le pain de demy muy, aux prisonniers de Paris, tant des prisons ecclesiastiques que seculieres, le pain d'autre demy muy (Fauq., I, 1417-1420, 378)

Item vueil encor qu-elle ait ung meud de soille et ung de froment de cil qu'est en l'ostel du curé d'Espinal. (Arch. dép. Vosges T., 1432, G405.04)

Item je veulz et leigue deux meudz de bleifz estre distribuez aux povres le jour de mon service. (Arch. dép. Vosges T., 1437, G405.06)

[Pour le sel]

...ou grenier de ceste ville de Bourges y avoit quatre-vintz ung muy dix sextiers ung minot et demy de sel, dont la moitié appartenoit audit Cuer, j'ay mandé venir vers moy les grenetier et contreroleur de cestedicte ville pour savoir d'eulx quant et en quel temps ledit sel sera à son tour pour estre vendu. (Aff. Jacques Coeur M., 1453-1457, 576)

[Pour la chaux]

...deux muys de chaulx emploiez tant oudit ouvraige de maçonnerie comme pour remettre et reparer la gottiere de pierre (Comptes Etat bourg. M.F., t.3, 1418-1420, 588)

[Pour le charbon]

...se j'en avoie Un tel [faucon] , je l'aroye plus chier Que cent muis (...) De bon charbon. (Mir. roy Thierry, c.1374, 295)

...et doivent les fevres de ladicte ville III s. t. touteffois qu'ils prennent congié de carbonnage, et VI d. t. pour chacun sergent du mestier, et doit bailler pleges au verdier de X l. quant ilz prennent congié dudit carbonnage affin qu'ilz ne le mette ou emploie ailleurs que en la coustume de la forest, et est le congié de VI muis de charbon et non plus (Hector De Chartres, Cout. R., 1398-1408, 181-182)

[Pour des objets divers]

Et si tient Que toutes vefves, de son droit, Et pucelles marier doit, Qui demeurent en son roiaume. Pour Vc mille muis de baume Ne les devroit einsi traitier, Et si se doit moult bien gaitier Qu'il met sa vie en aventure, S'ame, s'onneur ; et c'est laidure Et pechié fait et mal aussi, Tous princes qui le fait einsi. (Mach., P. Alex., p.1369, 262)

Et de cube qui est .I. corps figuré comme un dé, verité est que .VIII. telz se peuent joindre ensemble sanz viedenge et ce appert legierement et le peut l'en veoir sensiblement. Et pour ce, se l'en prenoit une grant multitude de telz, si comme pour exemple un mieu de déz, l'en les pourroit adjouster et mettre en un vaiseau sanz ce que entre telz corps eust espace ne lieu vieu de telz corps. (Oresme, C.M., c.1377, 646)

...Hanibal envoya a la cité de Cartaige deux muis de aneaulx et verges d'or des senateurs et nobles rommains (La Sale, Salade, c.1442-1444, 48)

[Cont. métaph.]

Mais tu yès trop fort arrudis De ces pointures que tu dis, Qui tant sont ameres et sures Et a ton cuer pesmes et dures, Et s'en as plus de cinc cens muis Ou qu'il n'a d'eaue en cinc cens puis. (Mach., C. ami, 1357, 79)

Vierge, vo grace ne puis Esprisier Ne trop prisier, Car en un moment .C. mil fois plus en descent, Plus de .VC. muis. S'en suis vuis, Je sui destruis, Car, à droit jugier, Vos chiers Fils ame n'a chier Sans li (Mach., Les lays, 1377, 404)

Mais trop me cuis, Car en un puis, Où j'ay d'anuis Plus de cent muis, M'estuet cheoir, quant tu t'en fuis. (Mach., Les lays, 1377, 422)

[P. réf. à l'Évangile (Matth. V, 15 ; Marc IV, 21 ; Luc XI, 33)] Ce qui contient, qui cache qqc. et, plus partic., des valeurs qui mériteraient d'être connues.

...il s'ensievra que une nouvelle lumiere se trouvera estre mise en ce monde, non pas soubz le muy mussie, mais sur un chandeler, rendant clere lumiere a tous ceulz qui en la maison de Dieu habitent. (Mézières, Sustance H., 1396, 54)

B. -Futaille de la capacité d'un muid.

...et que les ymbres seroient cy très grandes et, par ce, les terres si très molles et embeues d'eaue, qu'il fauldroit XXX chevaulx à mener un muy de vin ou ung toneau, ce qui advint (Simon De Phares, Astrol., c.1494-1498, f° 132 r°)

C. -Mesure agraire (surface de terre qu'on pourrait ensemencer avec un muid de grain).

...le bois de la Main ferme, et contenoit anciennement XII muis de bos, mais il est acreu Item, un autre bois nommé le bois de Vervin, contenant XL jalois. Item, le boschet tenant au chastel et contient environ VI muis de bois, et y a garanne a conins. (Trés. Reth. L., t.4, 1410, 337)