MOULIN

substantif masculin

[T-L : molin ; GDC : molin ; AND : molin ; DECT : molin ; FEW (VI-3, 37b,38a) : molinum ; TLF (XI, 1149b) : moulin]

A. -Appareil destiné à moudre, à broyer le grain, moulin ; p. méton. bâtiment où est installé cet appareil.

Et le dit cours ainssi donné, le dit Guillaume nous ait requis que nous vousissiens souffrir lui edifier ou dit cours et sur le dit cours un ou pluseurs molins à blé ou à tan, en son dit domaine. (Doc. Poitou G., t.3, 1354, 144)

Helas ! or est a euls grans blames, Que justice est vague et en fuite Et l'eglise est toute destruite ; Les vesves et les orfelins N'ont maisons ne fours ne molins, Helas ! car il ont tout perdu, Et si ne l'ont pas despendu. (Mach., F. am., c.1361, 185)

Si s'en vint à Guise, si entra en le ville, et le fist toute ardoir, et abatre les moulins. (Froiss., Chron. L., I, c.1375-1400, 172)

D'autre partie posé que mouvement circulaire requerist autre corps reposant, il ne convient pas que ce corps soit ou milieu du corps ainsi meu, car ou melieu de la mole d'un molin ou d'une tele chose meue, rien ne repose fors un seul point mathematique qui n'est pas corps, ne aussi ou milieu du mouvement de l'estoille que est pres du pole artique. (Oresme, C.M., c.1377, 528)

Et se aucun de ses vaasseurs faisoit moulin, combien que il n'en eust onques point eu en la chastellerie, touz ses hommes mouldroient à son moulin. (Cout. instit. Anjou Maine B.-B., t.1, 1385, 321)

Item, oudit temps de nuit, lui, sondit serourge, furent, sur chascun son cheval, à un molin qui est à demie lieue de Corbeil, ouquel molin sondit serourge entra par un trou qu'il fist, et puis ouvry l'uis ; et prindrent cinq minoz de blé et farine, qu'ilz mistrent en deux sacs sur leurs chevaulx audit molin, que ledit serourge vendi depuis ne scet combien. (Reg. crim. Chât., I, 1389-1392, 512)

...chacune masure par an doit mouter la somme, XIII mines d'avoine, quatre mines de mouture prinses au moulin, V mines de fourment au terme saint Michiel (Hector De Chartres, Cout. R., 1398-1408, 179)

Oultre ce que dit est, ont esté rompus et destruiz les molins de l'evesque de Paris qui sont dessus le Grant Pont (Baye, I, 1400-1410, 217)

La Court a ordonné que la somme de Vc XIIIJ escus que coustera à faire ou edifier certain molin, ou edifice de certain molin, dont contens estoit entre l'evesque de Therouenne, d'une part, et les executeurs du feu derrain evesque, sera baillée et delivrée à IJ bonnes personnes de Therouenne, gens d'eglise ou autres, pour convertir et distribuer à l'edifice dudit molin, pourveu que lesdiz molin et edifice demourront perpetuelment à heritage à l'eveschié (Baye, I, 1400-1410, 228)

...cieulx qui gardent fours et moullins sont de benne et pour le commun prouffit (Cout. instit. Anjou Maine B.-B., t.2, 1437, 561)

Et, ce mesme jour, environ entre IX et X heures de nuit, se bouta le feu en l'un des moulins aux Musniers, de Paris, qui appartenoit au prieur de Saint-Ladre, et fut tout le comble d'icellui bruslé par ung paillart varlet musnier, qui avoit ataché une chandelle contre le mur de son lit, qui cheÿ dedens icellui lit et y brusla tout, reservé ledit paillart, qui se saulva et enfouy comme ung renart. (Roye, Chron. scand., I, 1460-1483, 201)

IIIe [conseiller, au roi] . Il me semble que povez bien Parler a elle [Jeanne d'Arc] , tres chier sire, Et sans faire doubte de rien(s) ; Que ne vous peut sourdre ne nuyre. Vous oyriés bien ung molin bruyre Ou ung bateleux par les champs ; Vous ne la devez escondire, Quant pour une fille n'est riens. (Myst. siège Orléans H., c.1480-1500, 375)

[Mu par l'eau]

Les troix retournerent à Montferant (...) et abuvrerent leurs chevaulx au rieu du molin qui cuert moult prez des murs (Froiss., Chron. M., XIV, c.1375-1400, 202)

Pierre Gauchier, prisonnier detenu oudit Chastellet, à la denonciacion de Adin Brebiat, Jehan Beautas et Perrin Beautas, logiez près des molins du Temple (Reg. crim. Chât., I, 1389-1392, 284)

...et dit que, à environ XIJ lieues de Chartres, près d'une ville plate dont il ne scet le nom, et en laquelle ville a une fontenne près d'un moulin assis en une petite riviere, et en ycelle fontenne mist un noëau desdites poisons, lequel, tantost qu'il fu jetté, ala à fons. (Reg. crim. Chât., I, 1389-1392, 429)

Et sachiez que, selon ce que on dit ou pays et que la vraye histoire le tesmoingne, que la sourdy uns ruisseaulx, de quoy pluseurs moulins meulent et ont moulu depuis (Arras, c.1392-1393, 34)

Et au dessus de celle grant montaigne a beaux ruisseaulx d'eaue doulce qui descendent de la fonteine qui est au dessus de la .XLne., et y a molins qui en meulent. (Voy. Jérus., c.1395, 38)

...et que par icelles grans gelées eussent esté gelées les rivieres, et en especial Seinne, telement que l'en cheminoit et venoit et aloit l'en, et menoit voitures par dessus la glace, et que eussent esté si grant habundances de neges que l'en eust veu de memoire d'omme, et tant que à Paris avoit grant necessité tant de boiz que de pain pour les molins gelez (Baye, I, 1400-1410, 215)

...la riviere sur laquelle estoient assis lesdictz hostel et molin du dit musnier... (C.n.n., c.1456-1467, 38)

...car ilz ne nous pourront veoir pour la grosseur de la tour et ne pourront rien ouyr pour le bruit et impetuosité de l'eaue d'un mollin qui est de l'autre costé (Bueil, I, 1461-1466, 79)

L'eau qui passe soubz les moulins, Premier qu'i soit quatre matins, Se convertira toute en cendres. (Rapp., c.1480, 66)

Ha, vieille [loudiere] au cul rond, Sorciere, de vin humeresse, Chassieuse, estrangleresse De petis enfans escrie, Je te diray villennie Plus ne qui court d'eau au molin. (Sav. serg. D.L., c.1480-1490, 32)

Moulin à eau. Moulin mû par l'eau.

...deniers paiez à Jehan Roose, charpentier, pour ouvraiges fais au molin à eaue (Comptes Etat bourg. M.F., t.3, 1418-1420, 450)

Moulin sur eau

...vendicion de moulin sur eaue. (Cout. instit. Anjou Maine B.-B., t.4, 1464, 239)

Locution figurée. Attraire l'eau à son moulin/tirer l'eau à son moulin. Voir eau

Conclusion : chascun procure De tirer l'eau a son moulin (Baude, Dictz moraulx S., p.1450, 104)

Faire venir l'eau au moulin. Se procurer des ressources.

...monseigneur l'evesque, la Dieu mercy, est le plus convoiteux prelat de ce royaume, et si a gens entour de luy qui scevent faire venir l'eaue au molin, Dieu scet comment. (C.n.n., c.1456-1467, 540)

Moulin à bras. Moulin à chevaux. Moulin mû par les bras, par les chevaux.

...fait faire par le maistre du cloz de noz galees a Rouen et par le maistre des garnisons de nostre dicte armee et par leurs commis certaine quantité de blefz, bescuiz, vins, lars, moulins a braz et a chevaulx, paliz, guerites, pavaiz, lances, viretons, poudres a canon, cloux, manteaulx, clayes, tonneaulx, queues et rondeles wides et pour autres choses neccessaires et convenables au fait de nostre dicte armee (Clos galées Rouen M.-C., t.2, 1385, 174)

Item, quatre moulins à chevaulx fais en manière qu'il n'y ait que deux roues (Bueil, II, 1461-1466, 49)

Moulin à (la) main. Moulin mû par les mains.

...plus de six mil chars, tous atelés (...) menoient toutes pourveances pour l'ost (...) si comme moulins à le main, fours pour cuire et aultres coses pluiseurs neccessaires. (Froiss., Chron. L., V, c.1375-1400, 200)

...pour avoir livré le merien que l'on a mis sur la carpenterie de 13 molins a main ordonnez pour mectre es vaisseaux de ladicte armee, pour 12 mausielles de fer a tourner desdiz molins, 13 petits fers, 12 aneaux et 12 crampons de fer, pour cleu, marteaux, racherer et referer (Clos galées Rouen M.-C., t.1, 1385, 294)

Moulin à vent. Moulin actionné par le vent.

...le moulin a vent qui est aus diz religieus (Chartes Abb. St-Magl. T.F., t.3, 1355, 200)

...au retour qu'il faisoit et a fait dudit Lendit, entre la Chappelle Saint-Denis et le molin à vent qui est venant à Paris, encontra d'aventure, sur la chaucée, un compaignon qu'il ne cognoist (Reg. crim. Chât., II, 1389-1392, 111)

...le roi d'Engleterre et sa bataille (...) avoient pris la mote d'un moulin a vent. (Froiss., Chron. D., p.1400, 727)

...qui alerent les aucuns à Estampes, les autres à Longjumel, les autres, comme Berry et conseillers du Roy, jusques au molin à vant vers le Bourg la Royne. (Baye, II, 1411-1417, 241)

De Gherard Claus et ses compaignons, fermiers du tonlieu de Tenremonde, les deux molins à vent estans en ladicte ville, que l'en souloit baillier à ferme avec ledit tonlieu, reservez à monseigneur, lesquelx sont bailliés en la partie ensuivant cy apres avec les autres molins de monseigneur audit lieu, lequel tonlieu lesdiz fermiers ont prins à ferme trois ans commençans à la Saint Jehan CCCC et quatorze, le premier an par dessus 225 livres parisiz pour les palmees pour 1425 livres (Comptes Etat bourg. M.F., t.3, 1416-1418, 27)

Et ycellui encontrerent entre la Chappelle Saint-Denys et le Molin à Vent, acompagnié de ducs, contes, barons et grans segneurs d'Angleterre. (Fauq., III, 1431-1435, 25)

Moulin au vent

...ung moulin au vant (Chartes Abb. St-Magl. T.F., t.3, 1400, 766)

[Compar.]

Tant me font d'empecement Que mon bon temps en arriere, Car leur langhe malparliere Tourne que moulins au vent. (Froiss., Par. am., c.1361-1362, 73)

Moulin bastard. Moulin construit sur batardeau.

..tous les moulins séans sur la rivière d'Essone lez Corbueil, qui sort appellez moulins bastars, ont esté tous destruiz (Ch. VI, D., t.2, 1418, 123)

Moulin de fer. Moulin dont le mécanisme est de fer.

...fist brusler toutes les maisons et rompre tous les moullins à fer lesquelz estoient au pays, qui est la plus grant façon de vivre qu'ilz ayent (Comm., I, 1489-1491, 166)

Arbre du moulin. Voir arbre

Bief du moulin. Voir bief

Saut du moulin. Voir saut

Par métaphore.

L'eaue de Pleur, de Joye ou de Douleur, Qui fait mouldre le molin de Pensee... (CH. D'ORLÉANS, Rond. C., 1443-1460, 454)

HÉRALDIQUE [Représentation]

Et porte d'argent à un fier de molin de gheules à une bordure endentée de gheules et crie : 'Mesonde !' (Froiss., Chron. R., IX, c.1375-1400, 43)

Le conte de Pierregort, qui portoit d'argent au fer de molin de sinople, a une bande de gueules, et crioit 'Pierregort !' (La Sale, J.S., 1456, 192)

B. -Par analogie.

1.Appareil servant à piler, à pulvériser certaines substances.

Item , et se vous la voulez faire bonne et a loisir, mectez le senevé tremper par une nuyt en bon vinaigre, puis la faictes bien broyer ou moulin et bien petit a petit destremper de vinaigre (Ménagier Paris B.F., c.1392-1394, 258)

...molins à bras en leurs maisons, esquelz molins lesdis brasseurs moloient ou faisoient mieure journelment à leur plaisir et voulenté leurs grains braisiés ou non braisiés (Hist. Lille T., t.2, 1443, 527)

Force tonneaulx, pipes, caques, rondelles De souffre plains, fin salpestre et pouldre, Escuz, pavoys, partizaynes, rodelles ; Et avec ce, moulins a bras pour mouldre. (La Vigne, V.N., p.1495, 178)

Moulin à moudre les couleurs

...un moulin pour mouldre les coulleurs (Comptes roi René A., t.1, 1451, 4)

Moulin à moutarde

Et puis faictes toutes ces choses brayer en ung moulin a moustarde et le destrempez bien espoiz et de tresbon vinaigre et mectez en ung pot de terre (Ménagier Paris B.F., c.1392-1394, 269)

...pour avoir assiz en la cuisine ung moulin a moustarde et rehauché les cheminées de la chambre de mond. seigneur, icelles avoir couvertes a tableaux. (Comptes Archev. Rouen J., 1438-1439, 179)

Moulin à/de papier

Lorens de Toussy (...) tenoit d'aucunes eglises molins de papier (Hist. industr. commerce F., 1423, 215)

...Poncet Remon, fermier du molin à papier de Rochetaillée, baillera et délivrera, sur ce qu'il peut devoir à Jehan de Waleran, la somme de 4 l. 10 s. t., laquelle somme luy est deue pour les arrérages de 12 livres de poivre et 10 s. picte de rente, que le seigneur de Rochetaillée a droit de prandre par chacun an sur ledit molin (Aff. Jacques Coeur M., 1453-1457, 652)

Moulin à mine. Moulin servant à broyer le minerai.

...ont veu et visité les regrez estans audit martinet de Brucieu en deux monceaux, c'est assavoir ung grant estant devant ledit martinet duquel la moitié a esté lavé une foiz au rouable et au plat et l'autre moitié une foiz au rouable seulement, et le petit monceau qui est devant le moulin à mine oultre les lavouers (Aff. Jacques Coeur M., 1453-1457, 261)

Moulin à tan. Machine à triturer les écorces contenant le tan.

Item, peult prendre tout boiz es dictes forestz par la livree du verdier pour repparoir et refecionner le manoir de la dicte priouré et le moulin de la dicte priouré à draps et à tan. (Hector De Chartres, Cout. R.B., 1398-1402, 42)

Item, peult prendre tout boiz es dictes forestz par la livree du verdier pour repparoir et refecionner le manoir de la dicte priouré et le moulin de la dicte priouré à draps et à tan. (Hector De Chartres, Cout. R.B., 1398-1402, 42)

...et en la riviere de Saint Germain, a le saut de ses moulins à ten, ses portes hault et bas, auxquelz moulins, portes et bieu dessus et dessoubz il puet fere ouvrer touteffois qui lui plest (Hector De Chartres, Cout. R., 1398-1408, 243)

Moulin tanneur

Item, ilz ont pasturage pour leurs chevaulx et pour leurs pors en reffou au pré du moullin taneeur soubz le chastel de Gavray. (Hector De Chartres, Cout. R.B., 1398-1402, 108)

2.Machine fonctionnant selon le principe du moulin à eau et à vent et servant à divers usages.

a)DRAPERIE Machine à fouler les draps.

Moulin batteur et fouleur

Les molins bateurs et fouleurs, la VIIe partie de ce qu'ilz auront valu es sept derraines années, la sustantacion rabatue. (Cout. bourg. glosé P.M., c.1380-1400, 288)

...molins batours, boys, garennes, prés, terres, vervoiz, desers (Trés. Reth. L., t.4, 1480, 376)

Moulin à draps

... et refecionner le manoir de la dicte priouré et le moulin de la dicte priouré à draps et à tan. (Hector De Chartres, Cout. R.B., 1398-1402, 42)

...a esté fait ung molin a draps en ceste ville Franchise ou tous petits draps se fouleront (Pol. Louis XI, G., Pièces justif., 1482, 449)

Moulin fouleret. Moulin à fouler les draps.

...soixante livres de rente, que les prédécesseurs de nous ladicte Louyse souloint prendre et avoir sur et des revenus des moulins foulerets de Laval (Cartul. Laval B., t.2, 1382, 302)

Item, ilz ont boiz par livrée du verdier pour eulx herbergier, et aussi pour le moulin foulleres, ovec les baies et escluses (Hector De Chartres, Cout. R., 1398-1408, 323)

...et aussi mort boiz par livrée pour chauffer leur moulin fouleres, et le amener à un cheval ou deux asnes par jour. (Hector De Chartres, Cout. R., 1398-1408, 324)

Et s'il a moulin à draps foulleretz, ses subgects au dedans de troys lieux y sont tenuz d'aller foullez leurs draps (Cout. instit. Anjou Maine B.-B., t.1, 1411, 398)

Remarque : Actes Ch. Blois J. Penth. J., 1342, 8/21.

b)Moulin à harnais. Moulin destiné à la fabrication des armes et armures (installé sur un cours d'eau dont la force hydraulique sert à l'aiguisage des armes et au polissage des pièces des armures).

...visitasmes les asteliers, forges, hostilz et le moulin à harnoiz de Balsarin estant en ceste ville de Bourges (Aff. Jacques Coeur M., 1453-1457, 143)