MOISTE

adjectif

[T-L : moiste ; GDC : moiste ; AND : moiste ; FEW (VI-3, 183b) : mucidus ; TLF (XI, 966a) : moite]

A. -Humide.

Moites dietes sont convenables a tous febricitans, souverainement aux enffans, et ainsi a ceulx qui ont acoustumé telle diete. (Saint-gille, A.Y., 1362-1365, 56)

Les corps qui ont moistes chars, il faut que nous les facons jeuner, et ce deseche le corps. (Saint-gille, A.Y., 1362-1365, 102)

Dame plus plaisant et plus belle Que jardin moiste et arrousable, Plain de fruit doulz et delitable ! (Mach., Voir, 1364, 630)

Angloys sont nourrys de doulces viandes et de bonnes cervoises crasses qui tiennent les corps moistes ; et ilz avoient les vins si durs et si chaulx, et en buvoient largement pour oublier leur doulours. (Froiss., Chron. M., XIV, c.1375-1400, 98)

Or est chose manifeste que le cervel de l'onme si est plus moyte que nule partie du corps, conme dit Aristote, et, pour tant, il est tres parfaittement subjet a l'operacion de la lune, laquelle, selon sa nature et de sa proprieté, si a a emouver toutes choses moyetes (Songe verg. S., t.1, 1378, 381)

...et se il seurvient une nue noire et moicte qui s'assise sur vos robes, et en tel estat vous les ployez, cest air envelopé et ployé dedens vos robes couvera et engendrera pire vermine que devant. (Ménagier Paris B.F., c.1392-1394, 132)

...lors le couvient oster du feu et mectre la coupperose et gomme et remuer tant qu'il soit froit, et lors mectre en lieu froit et moicte (Ménagier Paris B.F., c.1392-1394, 279)

Leurs chemises estoint trop moetes De sueur, de menuz suffrages. (Saint-andré, Livre Jean de Bret. C., c.1400, 514)

...en païs sec ou moiste (Chr. Piz., Trois vertus W.H., c.1405, 153)

...se telz ulceres sont moistes, aquatiques, virulens ainsi que sanieux faites cest unguent (Gordon, Prat., c.1450-1500, V, 21)

...ne leur donner point [aux deux nièces de Louis XI] de salleure, ne de viande là où il y ayt espices, mais bouilly et toutes viandes moictes (Lettres Louis XI, V., t.6, 1475-1478, 212)

...mais, à la verité dire, il ne passa seullement que la rivière et logea son ost, mal fourny de tantes et de pavillons, car il en avoit peu porté, et encores ceulx-là estoient perdus, et jà estoit le lieu moiste pour l'yver qui approuchoit, et est païs bas (Comm., III, 1495-1498, 225)

En particulier. [Avec le chaud, le froid et le sec, une des quatre qualités de la physique ancienne en relation avec les quatre éléments]

La lune est une planette froide et moiste excessivement ; et est feminine et nocturnal et demeure en chascun signe .II. jours et six heures, et acomplist son cours en .XVIII. jours (Corbechon, Soleil Lune S., 1372, 351)

Es qualités simboles, car le feu et le aer sont chauz, et le aer et l'eaue sont moistes, et l'eaue et la terre sont fredes. (Oresme, C.M., c.1377, 678)

...le cueur est chault et sec, le foye est chault et moiste, l'ame de la personne gist au cueur, l'esperit de vie est au cerveil (Le Lièvre, Traité saignée W., a.1418, 18)

Chose pareille est de l'Esté, Qui change sa propriété Et trop froit et moiste devient ; Plus de raison n'y appartient. (La Haye, P. peste, 1426, 51)

Car le beau Feu, sans nul défault, Est tousdiz sec et forment chault, Et de fait l'Eaue élémentaire Si est froide et moiste au contraire. Aussi l'air pur et planteureuz Est tousjours moiste et chaleureuz, Et la terre par sa droiture Est de froide et sèche nature (La Haye, P. peste, 1426, 64)

Car la cole le Feu resemble En chaleur et sécheur ensemble, Et, comme à tous peut apparoir, Le noble sang resemble à l'Air ; Droit flegme aussi, comme qu'il soit, Est comme l'Eaue moiste et froit, Et cole noire ensuit la Terre En ses qualitez, s'elle n'erre (La Haye, P. peste, 1426, 64)

Le sanguin de sa complexion est simple, ioyeux modere, doulx et amiable et liberal, et si est chault et moite, de corps bien dispose, bien couloure, et est la meilleur complexion car le sang est humeur conuenable a nature (Cib., p.1451, 218)

Liqueur moiste. Liquide.

...et la nuyt soit mis a couvert a sec que eaue ne autre liqueur moicte ne l'actouche, et tant la mectez et remectez a la chaleur qu'elle se tiengne conglutinee et prise comme cire gommmee, et la mectez en une boiste bien close (Ménagier Paris B.F., c.1392-1394, 275)

[Du temps qu'il fait]

Se yver est froit et sec, et ver soit chaut et moiste, il est neccessité que fievres agues, obtalmies et dissinteres, advienent en esté (Saint-gille, A.Y., 1362-1365, 67)

...en temps moicte (Ménagier Paris B.F., c.1392-1394, 122)

Nota que nulle maree n'est bonne quant elle est chassee par temps pluyeulx ou moicte (Ménagier Paris B.F., c.1392-1394, 126)

Il doubte que le temps soit moyste ; Il a peur de mouiller sa patte. (Roy sotz, c.1450-1500, 221)

Ladicte année fut fort moiste, et en divers lieux en France y crut de bons blez, et en autres lieux ne valurent gueres et estoient nuylez (Roye, Chron. scand., I, 1460-1483, 163)

B. -Moisi.

Remarque : GDC X, 164a.

Couleur moiste. Couleur de moisi.

...et ceulx qui ne s'entretiennent et sont esparpilliez et de fade ou moicte couleur, sont de vielle prise (Ménagier Paris B.F., c.1392-1394, 242)

C. -[De pers. (du tempérament)] Mou, sans énergie.

...Anglois sont plus mol et plus moiste que ne soient Portingalois, car ceulx de Portingal portoient encoires assez bien celle painne, car ilz zont dur et sech et fait de l'air de Castille. (Froiss., Chron. M., XIV, c.1375-1400, 93)

Touteffois il sont aulcuns chief a qui il souffit petite refrigeracion, si comme chiefz de anciens et de femme et de eunuchum et de enfans et de autres gens moistes et blans (Gordon, Prat., c.1450-1500, II, 10)