MIROIR

substantif masculin

[T-L : mirëoir ; GD : miroir ; GDC : miroir ; AND : mirur ; DECT : mirëor ; FEW (VI-2, 149) : mirari ; TLF (XI, 875b) : miroir]

A. -Objet constitué d'une surface polie où l'on peut voir ce qui s'y réfléchit, miroir.

La premiere estoit Congnoissance Qui li moustroit la difference D'entre les vertus et les vices Et des biens fais aus malefices, Par Avis qui la conduisoit Jusqu'a un miroir qui luisoit, Si qu'onques plus cler mirëoir Ne pot on tenir ne vëoir. Raisons le tenoit en sa destre, Une balance en sa senestre, Si que la dame s'i miroit Plus souvent qu'on ne vous diroit. (Mach., J. R. Nav., 1349, 176)

Pour II paire de pignes dyvoire garniz de myroux et de gravoire pour Monseigneur (...) Au Bocu, pour les estuys diceulz pignes et pour les pendans (Compte Navarre I.P., 1367-1371, 196)

On doit aussi penser la couleur des ongles, car de leur nature il[z] doivent avoir couleur entre blanc et rouge, et clere comme un mireour, et quant ceste couleur se mue en morteour ou en perse couleur, c'est signe de maladie, sicomme nous avons dit cy devant ou traitié des ongles. (Corbechon, Couleurs S., 1372, 374)

À Jehan Girost, pignier (...) pour deniers à li paiez, qui deubz lui estoient, pour un petit miroir d'ivoire avec l'estuy, pendent à un laz de soye. (Comptes argent. rois Fr. D.-A., II, 1387, 213)

Flateur mensongeux est comme menestrel du dyable qui tourne tousdis sa note selon la voulenté des escoutans ou dansans, tant se deussent trebucher, et est comme le mirouer qui rit au riant et pleure au plourant. (Gers., Annonc., a.1400, 235)

Pour ce devons nous oultre encor savoir qu'il est .VIJ. diverses manieres de mireoirs, car les uns sont speriques ou porcions d'esperes, les autres sont de figure pyramidele et les autres sont de figure columpnaire ; et ces troiz manieres de mireoirs en font .VJ. paires ou .VJ. diversités pour ce que, en chascune maniere, le mireoir peut estre ou dedens ou dehors polis, c'est a dire en sa convexité ou en sa concavité, et l'autre septisme maniere est de mireoirs plains. (Evr. Conty, Eschez amour. mor. G.-T.R., c.1400, 107)

Pour ceste cause prennent aucuns magiciens assez communement un jeune enfant ou une grant personne aucunefois mesmes et le font regarder en aucun mirouer ou en une espee de nouvel fourbie ou en une fiole ou neïz en leurs ongles ou en aucune autre chose polie, resplendissant et nette, ainsy que une partie de ceste science l'enseigne, pour mieulx venir a la fin ou ilz tendent. (Evr. Conty, Harm. sphères H.P.-H., c.1400, 102)

Se une ymaige apparoit en l'air, sans ce que on veist le miroir ou la personne qui se mireroit, comme on le puet faire par l'art de perspective, n'est point doubte que par l'imaige on verroit la personne, jassoit ce que on ne la cuidast point veoir, qui ne sauroit que c'est (Gers., Trin., 1402, 169)

Ceste cy porte ung mirouoir ou continuellement se mire Orgueil, et se ce n'estoit qu'elle ne se veïst, elle vouldroit tout homme hurter de sa corne de fierté. (Déclar. Hyst. S., a.1449, 160)

Miroir plan

Verité est que les miroers plains sont les plus vrais de tous et ceulx qui mains la veue deçoivent, car ilz moustrent et rendent les choses qui s'y mirent en figure et en quantité deue et convenable, telle que la chose est, fors tant que les parties ne sont pas proprement a leur droit situees. (Evr. Conty, Eschez amour. mor. G.-T.R., c.1400, 702)

Miroir à pied

Pour ung mirouer à pied, qui a esté mis en l'estude du roy, IIII go IIII p. (Roi René vie L., 1476, 369)

Miroir de mort. Miroir sur lequel est peinte une tête de mort, symbole de la vanité des choses terrestres.

À maistre Armant, paintre d'Avignon (...), pour ung grant mirouer, deux mirouers de mort, une pomme dorée, un autre grand mirouer, deux jeux de cartes et deux mirouers ardans (Comptes roi René A., t.1, 1479, 198)

B. -En particulier. Miroir concave qui, exposé au soleil et recevant les rayons en un point, enflamme tout ce qui lui est présenté.

Miroir concave qui art

...et par especial, quant la lumiere dessusdite est assamblee et fort unie en soy, elle en est lors plus forte incomparablement que quant elle n'est pas ainsy unie, sy come les concaves miroeirs qui ardent nous moustrent clerement, et par consequant, aussi est la vertu qui avec la lumiere desusdite descend. (Evr. Conty, Eschez amour. mor. G.-T.R., c.1400, 132)

Finablement, cest miroer concave a encore une autre proprieté sur toutes merveilleuse, car il art et enflamme les choses qui sont devant ly en certaine distance. (Evr. Conty, Eschez amour. mor. G.-T.R., c.1400, 709)

Miroir ardent

À René, le mercier, pour quatre cannes de lasset et ung myrouer ardant pour Mariolle VI fo (Comptes roi René A., t.1, 1479, 355)

...deux mirouers ardens, ung grant et ung petit, l'un bordé d'argent (Invent. biens Ch. Savoie T., 1484, 427)

C. -Par analogie. Lieu d'où l'on peut voir, d'où l'on peut observer les alentours (?).

...et si fist plusseurs beaux edifices en meismes la cité de Romme et si fist faire le Chapitel [var. edifier le Capitol] autrement appellé le pygnon ['fronton' ?] . de l'eglise, ou le mireoir avoit esté par dessus le dit Chapitel (Bouvet, Arbre bat. R.-B., c.1386-1389, 111)

D. -Par métaphore. au figuré.

1.Par métaphore. [Symbole de la création reflétant le créateur]

a)[La nature, le monde est un miroir]

En l'autre annee, bien m'en souvient, je parlay de trois mirouers de nature, de l'Escripture et de humaine creature. A present je ne parleray principalment que du tiers mirouer de humaine creature, et de la belle ymaige de la benoite Trinité qui dedans y reluist quant il est purifié et nettoyé et bien poly par bonne vie et saine doctrine (Gers., Trin., 1402, 155)

Les groz effectz et les notables Qui par Nature sont faisables Et par Raison doivent reluire Et se monstrer, pour le vray dire, Par aucun signe espécial, Ou mirouer célestial ; Car le Ciel est, fut et sera, Quoyque chascun y pensera, Après Dieu, la cause seconde Des naturelz effectz du Monde (La Haye, P. peste, 1426, 29)

Selon la tierce maniere de representation, le monde est le mireoir de Dieu et par ainsi est ymage de Dieu, mais non pas a l'ymage de Dieu comme le Filz. (Somme abr., c.1477-1481, 111)

[P. oppos. à connoistre en verité] Connoistre Dieu en miroir

Li premier si sera congnoissance de la deité, dont saint Pol dit : Je congnois ore en partie et par semblance et aussi conme en mireoir, mais lors congnoistrai je aussi que je sui congneuz. Car nulz ne peut ores congnoistre Dieu ainsi qu'il est, mais lors nous le congnoistrons en verité et non mie en mireoir. (Mir. st Guill., c.1347, 4)

b)[La créature, plus partic. l'âme, est un miroir]

...mais c'est par sa vertus et par sa lumiere qui raye et resplandit aucunement sur mes yeulz espirituelz, et sur toy, mon Ame, qui es le miroir et l'image pour congnoistre la Divinité. (Gers., Trin., 1402, 158)

...tout ainsi en la voie par laquelle nous alons a nostre dit pays, les creatures sont mireoir, par lequel nous veons par contemplation nostre createur. (Somme abr., c.1477-1481, 101)

Comme dist l'Apostle : 'Nous veons maintenant come par ung mireoir', lequel sont les creatures qui sont maintenant comme mireoir du createur. Et en l'aultre siecle Dieu sera mireoir des creatures, lesquelles nous verrons et tout ce qui apartendra a l'acomplissement de nostre joye. (Somme abr., c.1477-1481, 135)

Miroir espirituel

...et tout cecy on pourroit appliquer par similitude ou miroir espirituel de l'ame au regart de la Divinité et des choses celestes. (Gers., Trin., 1402, 172)

[P. oppos. à miroir espirituel] Miroir materiel

Et povons, a ce propos, aussi amener un aultre exemple du mirouer materiel : se vous mettés aucune face devant un mirouer materiel, neccessairement elle apperra dedans le mirouer, mez ce n'est mie chose neccessaire d'y mettre celle face, mez est la volanté de celluy qui l'y met (Songe verg. S., t.1, 1378, 350)

Pour entendre mieulx ce qui est dit et autres belles speculacions, on pourroit amener l'exemple de[s] miroir[s] materiel[z]. Les aucuns sont cassez, les autres bossus, les autres tachez et ordoyez ; les aucuns representent tant seulement la couleur des choses par dehors, sans quelconque figure ; les autres monstrent les choses a rebours ; ont pluseurs telles decepcions (Gers., Trin., 1402, 172)

[En cooccurrence avec ombrage/obscur ; l'âme, miroir spirituel, selon le degré de sa pureté, semblable au miroir matériel, n'a qu'une connaissance plus ou moins parfaite de Dieu]

Et est encores tres plus grant miracle quant je en puis mesmes riens apparcevoir, nez mesmes en umbraige et en miroir, mais c'est par sa vertus et par sa lumiere qui raye et resplandit aucunement sur mes yeulz espirituelz, et sur toy, mon Ame, qui es le miroir et l'image pour congnoistre la Divinité. (Gers., Trin., 1402, 158)

...dy moy, je te pry, les condicions de nostre Dieu, selon ce que tu le puez congnoistre comme en umbraige et en miroir. (Gers., Trin., 1402, 158)

Comme dist l'apostle Saint Pol : 'Nous veons maintenant comme par ung mireoir' par nostre ame faite a l'ymage de Dieu, aiant entendement, mais obscurement tant que l'ame est en ce corps mortel. (Somme abr., c.1477-1481, 101)

2.Au figuré. Modèle, exemple.

Encores grant heur pour lui, quant il s'en pouoit issir saulve sa vie. Toutesfois ceste perilleuse et dure aventure lui devoit bien estre un grant mirouer et doit estre toute sa vie. (Froiss., Chron. R., X, c.1375-1400, 233)

Tant aimme honneur, tant het meffait Que chascuns l'aimme, à chascun plait, N'en cuer n'en corps n'en contenance N'a riens en li de contrefait ; Dont on l'apelle tout à fait Mireoir qui les bons parfait Et de ce monde l'excellance. (Mach., Les lays, 1377, 362)

Chascun scet bel recevoir Dont sa bonté apparoir Se fait et ramentevoir Tant que bien est congneüe. Dont je me doy bien doloir Et avoir cuer triste et noir, Quant de si plaisant miroer M'est couverte la veüe. (Mach., Les lays, 1377, 471)

'...lesquelx exemples [de Caton l'Ancien] devroient estre vray mireur es chevetaines et grans seigneurs de toute la Crestiente.' (Mézières, Songe vieil pèl. C., t.1, c.1386-1389, 524)

Vueille tous ceulz de mal garder Qui en paix veuldront regarder D'une dame la vraye hystoire, Qui tant est digne de memoire, Que ses euvres sont appellees 'Miroir des dames marïees', Que j'ay emprises a rigmer Affin que l'en s'i puist mirer, Et que pregnent en passïence Celles a qui vient pestillence ; Car qui bonne parole entent, S'a lui ne tient, il en attent Aucun prouffit en son affaire. Si fait bon oÿr exemplaire Et bonnes vertus raconter, Dont on puet par raison monter En l'estat de perfectïon. (Gris., 1395, 1)

En say un si vaillant Que tout n'ait il pas moult vaillant, Si n'a il ou monde pareil De ce qu'il fault a l'appareil De chevalerie, ma dame. C'en est le mirouer, par m'ame (Chr. Piz., Chem. estude P., 1402-1403, 137)

...le prince, qui est le miroir et l'exemple de tous. (La Sale, Salade, c.1442-1444, 12)

Comment ont la char sy hardie, Eulx [les Pharisiens] , qui sont miroir et exemple Et premiers gouverneurs du temple, De mectre loix si rigoureuses, Si ruddes, si mal amoureuses, Quant iceulx mesmes n'en font rien ! (Myst. Pass. Troyes B., a.1482, 589)

Remarque : Livre Regnart S.-H., c.1460, gloss (mirouer) ; Myst. process. Lille K., t.3, a.1485, 32/467...

Mireoir de

Et aussi ma trés douce dame, Que je desir et aim, par m'ame, De cuer, sans pensée vileinne, Plus que Paris ne fist Heleinne, M'estoit miroir et exemplaire De tous biens desirer et faire. (Mach., R. Fort., c.1341, 7)

Ma dame reverent et chiere, Digne de loange et d'onnour, Excellent en toute valour Que cuers porroit ymaginer (...), Soutils entendemens descrire, Goust savourer, ne tast sentir, Desirs, voloirs, cuers asentir, De Dieu amie et de Nature Et de toute autre creature, Exemples vrais, miroirs de joie, Estoile clere qui ravoie Les cuers desvoiez a droit port, Contredoleur, santé, deport, Retour de mort et medecine (Mach., R. Fort., c.1341, 83)

Amis, se bien te vues vëoir, Fai tant qu'aies le mirëoir D'onneur adès devant tes yeus En tous estas et en tous lieus, En tous fais et en toutes ouevres, Et garde qu'onques ne le cuevres, Si qu'adès voies clerement D'onneur le bon enseingnement. La te resgarde, la te mire, La estudie, la te tire (Mach., C. ami, 1357, 139)

'...Encores', dist la vieille, 'je fays plus, car les grans princes et roys, qui devroient estre miroir de toute honnestete, je les fais aler court vestuz, voire si court que de ma precieuse forge les instrumens dessoubz la robe se moustrent aux dames publiquement et a toutes manieres de gens...' (Mézières, Songe vieil pèl. C., t.1, c.1386-1389, 342)

...en la Bible tu trouveras souveraine proesse et vaillance veritable et appreuvee, c'est assavoir es livres des juges et des roys et des Machabees est le vrai miroir de bon gouvernement quant au roy, aux chevetaines et au peuple, et le contrayre aussi. (Mézières, Songe vieil pèl. C., t.2, c.1386-1389, 221)

...ceulz qui les frequentent et hantent si comme mirouer et exemple de toutes bonnes meurs (Chr. Piz., Trois vertus W.H., c.1405, 9)

Aristides qui mist a mesure de justice tout le pays de Grece et qui fu le miroir de continence et de vertu (Bouciquaut L., 1408-1409, 342)

Job, le bon patriarche et prophete, mirouer et exemple de toute patience, fut en ce temps très erudict en la science des estoilles (Simon De Phares, Astrol., c.1494-1498, f° 26 v°)

Prendre miroir dans qqc. pour + inf. Prendre une leçon, un enseignement dans qqc. en vue de.

Et par tant je me delicte a vous en conter l'advenement, non par delectation que j'aye eue ou meschief, mais par affection que chascun y preigne miroer pour fuir telle oeuvre. (Chastell., Chron. IV, D., c.1461-1472, 253)

[La perfection divine est un miroir]

SAINT PÉRE. Vray Dieu, en ta divinité Qui est de gloire mireoir Et ou toutes choses veoir L'en peut, ceste chose veoie, Sire, mais dire ne l'osoie. (Mir. pape, 1346, 365)

Voir aussi mireur