MEUTE

substantif féminin

[T-L : muete ; GD : muete ; GDC : muete ; FEW (VI-3, 169a-b) : *movita ; TLF (XI, 774a) : meute]

A. -Mouvement.

1.Meute de terre. Tremblement de terre.

L'an VII^cXCVII, en mois de novembre, fut si grand meute de terre en Hongrie et Dannemarche, en Saxongne et par toutte Allemangne, si chairent plusseurs citeis et chasteals (JEAN D'OUTREM., Myr. histors B.B., t.3, a.1400, 3)

Remarque : L'éd. de A. Goosse, p.7, porte muet de terre. V. meut

2.Mouvement vers qqc., expédition guerrière.

Et se le dit seigneur ou ses officiers veulent faire aucune meute ou host general par un moys ou oultre contre ses anemis et rebelles, il m'est avis que la terre en quoy mil hommes habitent doit souffire a donner en .C., ou au plus .C. et .L., quant il sont toutefoys hommes nobles et bien garnis (Vignay, Théod. Paléol. K., c.1333-1350, 58)

Et l'ordenance de vostre meute soit tele : c'est assavoir que vostre charroi meuve premierement, et aprés vostre peuple, et vous aprés, qui estes seigneur de l'ost (Vignay, Théod. Paléol. K., c.1333-1350, 103)

Trop a cousté Tele muete desordonnée A maint qui en fut rebouté Et qui puis en fut deserté Et moult destruite sa contree. (Desch., Oeuvres Q., t.2, c.1370-1407, 231)

L'espace de deux ans prindrent a eulx appareillier, et donnerent loy que leur meuvete [l. meuuette] seroit au tiers an. Orgetorix fu esleu a pourveoir cest affaire. (Faits Romains M., c.1400-1500, 168)

...le roi de France (...) avoit jà fait son mandement (...) et notiffié sa meute pour passer en Angleterre. (CABARET D'ORV., Chron. Loys de Bourb. C., 1429, 184)

...par quoy oncques depuis ne fut qu'il [le duc Charles] n'eust son regard et son singuler fondement sur ledit lieu du Quesnoy, avecques ce que la place siet toute propre pour là faire sa meute envers France. (Chastell., Chron. K., t.5, c.1456-1471, 421)

Monstrer meute. Donner l'exemple pour l'expédition, pour le départ' (éd.).

Li rois d'Engleterre qui chiés estoit de la besongne, volt monstrer meute pour esmouvoir tous les aultres, et avoit requelliet tous les Englois qui espars estoient en Flandres, en Hainnau et en Braibant, et se departi de Gant en grant arroi de charroi et d'ordenance. (Froiss., Chron. D., p.1400, 416)

Troupe qui mène une expédition guerrière.

Remarque : Forme mute : COMM., Mém. B., 1489-1491, 408 (...les roys et princes sont trop plus fors quant ilz entreprennent [l'entreprise guerrière] du conseil de leurs subjectz, et plus crains de leurs ennemys. Et quant ce vient a se deffendre, on voit venir ceste mute de loing).

3.Mouvement contre, soulèvement, émeute.

Toutjours le dit Jehan avoit bien et loyaument es tamps des meutes servi Monseigneur le Conte de Flandres, cuy Dieux pardoinst. (Arch. Nord, 1399, B 6041, f° 5, IGLF)

...une conjuroison s'estoit meue en Flandres, des communes contre leur seigneur le conte, et la meute fut telle. (CABARET D'ORV., Chron. Loys de Bourb. C., 1429, 165)

Est il sours dedens la cité Turbation ou meulte aucune Qui leur ait mis ceste rancune Et douleur qui en leur cueur art...? (Myst. Incarn. Nat. L., t.2, c.1454-1474, 95)

Remarque : Aussi Ordonn. Ph. le Hardi, Marg. de Male B.-B., t.2, 1394, 38 (...toutes les foiz que aucunes meutes ou rebellion ont esté depuis en nostredit pays).

Faire meute contre qqn. Organiser un soulèvement contre qqn.

Hanin le Meulnare, kuitssaert, Hanin Screyel, foullon, cil sont bani 7 ans hors le pays de Flandres, sour le hart, pour ce qu'il furent requis de aidier et faire meute et conspiration contre le seigneur et le loy (Hist. industr. drapière Flandre E.P., t.3, 1370, 789)

4.Ce qui met en mouvement.

[Nom donné au bourdon municipal de la ville de Metz]

...le lundi, l'emperour fuit à la grant messe, à la grant esglise (...), et aprez dinés, il fuit au clochiés de Meute, et sus les volte de la grant esglise, tout au long. Et volt faire soner Meute, maix lés s^rs ly dirent que on ne la sonnoit point que III foix l'an : pour lire les droits de l'emperour, et au faire faire le maistre eschevin et les trèses, ou pour mettre gens d'armes ensemble. (Aubrion, Journal L., 1473, 60)

Au figuré. Ce qui excite à.

Tout chil nouviel habit sont moette de luxure (Gilles Le Muisit, Poésies K., t.2, c.1347-1353, 153)

Vous parlés des maintiens, des habis, des viestures ; Se dites que che sont grans moettes de luxure (Gilles Le Muisit, Poésies K., t.2, c.1347-1353, 172)

B. -CHASSE

1.Troupe de chiens.

...lequel disner ou soupper est appellé ledit pastz, et doit estre fait par chascun an entre la Toussains et Caresme prenant, et doit estre fait a sept personnes dont les noms s'ensuivent, c'est assavoir a mondit maistre le gruyer, son clerc, le maistre vanneur, les deux sergens de la garde d'icelles Coustumes en la verge de Montfort, le varlet des chiens, et aussi aux deux varletz qui gouvernent les chiens de la meulte de monseigneur, avec la despence de foing et d'avoyne pour trois chevaulx durant ledit disner ou soupper d'icelluy pastz, et du pain pour les chiens de la meute de mondit seigneur sans autre redevance quelconque (Chartes Abb. St-Magl. T.F., t.3, 1330, 714)

Modus respont : 'Muete de chiens est quant il y douze chiens courans et un limier ; et se mains en y a, elle n'est pas dite muete...' (Henri Ferr., Modus et Ratio, Livre deduis T., c.1354-1377, 14)

Adonc se va mettre en la sieute Avec .L. chiens de muete. (La Buigne, Rom. deduis B., 1359-1377, 374)

Et, s'il n'i venoit nul veneur ne aide et il voit que le cerf soit grant cerf et vieill et les sis chienz qui le chaceront soient des bons chienz de la muete, il doit releissier, sanz ce qu'il n'i ait ne veneur ne ayde, quar moult de foiz, comme j'ay dit, et les veneurs et toute la meute acuillent bien le change la ou quatre chienz, ou plus ou moins, en meneront le droit. (Gast. Phébus, Livre chasse T., 1387-1389, 197)

Et de cognoistre le quel de ces deux est, puet il bien savoir, quar, si c'est le change, touz les chienz de sa muete ne sont pas saiges, quar aucuns chasceront le change mes les saiges chienz non. Donc, quant il orra aucuns chascier et les saiges chienz demourer, il puet bien savoir que c'est le change, mes, quant nul ne crie plus avant, c'est une reüse ou esteurse. (Gast. Phébus, Livre chasse T., 1387-1389, 198)

Par métonymie. Logis pour les chiens, les veneurs, les piqueurs.

...Item, environ LVI arpens que terres labourables que friches en plusieurs pieces assises devant la muette et ou val du marchié (Doc. 1389. In : L. Mirot, Le Moy. Âge 15, 1911, 56)

Remarque : Doc. 1423 (eulx estans a la muette du chastel tirerent deux viretons) ds GD V, 442b. Ce sens est enregistré aussi ds le FEW VI-3, 287a, s.v. mutare. V. aussi muette

2.Contrée que le cerf habite d'habitude, qui lui est familière et où il a été lancé.

Et, s'il [le cerf] est tout seul et les chiens l'acueillent, il tourniera en sa meute saigement et querant le change des cerfs ou des bisches pour les bailler aux chiens et pour veoir s'il pourroit demourer. (Gast. Phébus, Livre chasse T., 1387-1389, 62)

Et, s'il ne peut demourer, il prent congié a sa meute et commence a faire sa fuite la ou il scet qu'il a d'autres cerfs ou bisches. (Gast. Phébus, Livre chasse T., 1387-1389, 62)

Mes leur doit bien laissier acuillir et bien emprendre a chascier, quar un cerf, quant il est laissié corre, tournie volentiers en sa meute, querant le change, pour ce qu'il se veult demourer, et li grieve de laissier son pays. (Gast. Phébus, Livre chasse T., 1387-1389, 197)

Et donc, quant levriers l'auront hasté ou chienz tant chascié qu'il verra qu'il ne pourra demourer en sa meute, lors vuide il le païs et fet sa fuite tout droit de relinq tirant et fuyant, ore les champaignes, ore les landes, ore le pueble, ore les voyes, ore les ruissiaux. (Gast. Phébus, Livre chasse T., 1387-1389, 219)

Lors quant voit [le cerf] que riens ne luy vault En sa meute le demeurer, A ceste heure le cueur lui fault, Il ne peult plus gueres durer (Brézé, Chasse T., c.1481-1490, 35)

Bonne meute. Endroit ou conditions tels que la poursuite des chiens après le cerf sera bonne.

Et pren garde quans ['combien'] cerfs il sont qui se destournent ensemble, affin que tu puisses fere raport a l'assemble[e] se il sont en bonne muete, de quoi tu aras avisement au destourner le cerf des tailles. (Henri Ferr., Modus et Ratio, Livre deduis T., c.1354-1377, 28)

Se il [le cerf] n'est seul, se il sont deus grans cerfs ensemble, c'est bonne muete (Henri Ferr., Modus et Ratio, Livre deduis T., c.1354-1377, 30)

...il te sera demandé a l'assemblée se les cerfs que tu as destornés sont en bonne meute (Henri Ferr., Modus et Ratio, Livre deduis T., c.1354-1377, 30)

Aprés, quant il vendra a l'asemblee et fera devant le seigneur et ses autres compaignons son report ou de veüe a l'ueill ou de reporter par le pié ou par les fumees, qu'il aura en son cor ou en son giron, et chascun dira : 'Veez ci grant cerf', et, si est en bonne meute : 'Alons le lessier courre', les quelles choses je declareray ci avant que c'est a dire, donc a le veneur grant joye. (Gast. Phébus, Livre chasse T., 1387-1389, 55)

Mauvaise meute. Endroit ou conditions tels que que la poursuite des chiens après le cerf sera mauvaise.

Tant plus sont de cerfs ensemble, et plus est mauvese muete. Se le cerf que tu aras destourné est demouré en fustaie cleres, c'est mauvese muete. (Henri Ferr., Modus et Ratio, Livre deduis T., c.1354-1377, 30)

Gîte du lièvre.

Autres [lièvres] fuient un pou et puis demeurent, et cela font bien souvent, et puis prenent leur fuite si longue comme ilz peuent pour mourir. Autres qui se font prendre en leur muete meïsme, espiciaument s'ilz sont jeunes lievres, qu'ilz n'aient passé demi an. (Gast. Phébus, Livre chasse T., 1387-1389, 79)

Remarque : Ce sens est enregistré aussi ds le FEW VI-3, 287a, s.v. mutare.

3.Oiseaux appeaux.

...en telle place descendent volentiers les pinchons pour pasturer, et si voient mieux la meute des pinchons qui sont en la ligne que il ne feroient se il estoient couvers en un grant chaume de ble. (Henri Ferr., Modus et Ratio, Livre deduis T., c.1354-1377, 301)

Toutevoyes, avant qu'il soit enoiselé, peut l'en appareiller une belle place devant l'aire de l'esprevier, tendre ses pans et mectre en muecte poucin ou pigon ou autre oisel a quoy il doye descendre. (Ménagier Paris B.F., c.1392-1394, 164)

Et par ce l'esprevier branchier descend plus tost a la muecte, et tantost qu'il est ou filé il couvient, comment qu'il soit, qu'il soit pris bien doulcement, et que l'un le tiengne par les esles du corps et l'autre le prent par le bec et le cillera. (Ménagier Paris B.F., c.1392-1394, 164)

Verge fourchue à laquelle on attache les oiseaux appeaux.

...et es quatre cagetes doit avoir pinchons pour apeler les passans, et en la meute, c'est la verge fourchie qui est enmi la rois, doit avoir deus pinchons, qui tendront par les piés ou par une elle. (Henri Ferr., Modus et Ratio, Livre deduis T., c.1354-1377, 285)