MEUBLE

adjectif et substantif masculin

[T-L : mueble ; GD : meuble ; GDC : meuble ; AND : moeble ; DECT : mueble ; FEW (VI-3, 1) : mobilis ; TLF (XI, 768a) : meuble3]

I. -Adjectif. Bien/chatel/chose meuble. Bien, possession qu'on peut déplacer, changer de place.

Quant ly bourgois oy parler le demoysiel, (...) ; à lui méismez dit : 'Oyez con fet hardiel ! S'il demeure céens jusquez au quaremiel Il me vora honnir (...), Et me despendera tout men meuble catel.' (Hugues Capet L., c.1358, 6)

'Item, que des biens meubles qui ont été pris d'une part et d'autre, ne sera faite aucune restitucion, mais en demorront quite tous ceuls qui les ont pris.' (Froiss., Chron. R., XI, c.1375-1400, 302)

L'emperiére (...) A mandé que (...) Ou ilz saront nulz crestiens, Il prengnent leurs corps et leurs biens, De les mettre a fin point ne tardent, Les biens meubles devers eulx gardent (Mir. st Lor., 1380, 155)

Car, ja soit ce que ceulx qui font une guerre si soient seigneurs dez choses muebles ou immuebles, lezquellez ilz puent en la guerre conquester, toutevoies ce n'est pas tousjours ne simplement vray, mez y a plusieurs excepcions. (Songe verg. S., t.1, 1378, 149)

...ledit jour de dymenche elle c'estoit partie de ladite ville de Pontoise avec les dessus nommez et un autre compaignon qu'il ne cognoist, et fist admener avec elle par ledit charrestier, en sa charrete, plusieurs biens meubles appartenans à Martine, sa fille, et les fist mettre et descharger à Paris, en la chambre de sadite fille (Reg. crim. Chât., I, 1389-1392, 346)

...Raoulin Le Vasseur (...) s'estoit partis de la ville de Paris en la compaignie et service dudit mons. le duc, et avoit leissiée sa chambre, assise en ladite Truanderie, bien et competenment ordonnée et amesnagée de biens meubles, utenciles d'ostel, armeures et autres biens (Reg. crim. Chât., II, 1389-1392, 260)

Derechief, nos chevaliers et combatans, combien qu'il soient astrains par habit et par promesse a estre chevaliers du doulz Jhesu crucifie, toutefois pourtant il ne seront pas prives de la succession des biens, muebles, et non meubles, de leurs parens et leurs freres ou cousins (Mézières, Sustance H., 1396, 92)

Mais a chacun donnoit sa part Des biens meubles, qu'elle acquestoit (Chr. Piz., M.F., II, 1400-1403, 187)

Il sera dit que la Court delivre audit evesque ses biens meubles et lieve la main de son temporel. (Baye, I, 1400-1410, 253)

...la Court (...) avoit desjà donné et deputé certains commissaires pour faire inventaire desdiz biens meubles (Fauq., I, 1417-1420, 176)

...sans jamais faire ne venir au contraire en quelque maniere que ce soit, soubz l'obligacion de tous nos biens meubles et non meubles, presens et à venir. (Fauq., II, 1421-1430, 96)

Si aucun a fait meurtre, ou omicide, ou autre meffait pour quoy il doye perdre le corps, et avoit heritaige en aucune justice, et le sire ait justice en sa terre, haulte, moyenne et basse, et le meurtrier ait aucuns biens meubles en aucune justice ou chastellenie, le sires aura les meubles qui sont sur luy (Cout. instit. Anjou Maine B.-B., t.2, 1437, 516)

ALANSON [aux Anglais vaincus] . (...) Oultre, ne pourrez en porter De voz biens meubles seullement Qui vaille oultre nombre et compter Que la valleur d'un marc d'argent. (Myst. siège Orléans H., c.1480-1500, 630)

En laquelle place ledit conte entra, et n'y avoit aucuns biens meubles, synon ung pou de vins venuz du cru de Perreuse, dont ledit conte avoit fait planter la vigne. (Le Clerc, Interp. Roye, c.1502, 180)

Et oultre, pour punition desditz cas, ladite court l'a condempné et condempne à souffrir mort et estre decapité en la place de Greve à Paris, et a declairé et declaire tous et chascuns ses biens meubles et immeubles estre confisquez et appartenir au roy. (Le Clerc, Interp. Roye, c.1502, 352)

II. -Substantif masculin.

A. -Bien, possession qui peut se déplacer aisément, fortune mobilière.

1.Collectif.

Amis doulx, pour l'amour de lui Vous ottroy cuer, corps et hostel: Autre meuble n'autre chatel N'ay fors que ce que vous ottroy. (Mir. enf. diable, c.1339, 39)

...Jakemes de Wissant (...) estoit riches homs de meuble et d'iretage (Froiss., Chron. L., IV, c.1375-1400, 59)

Et fist une prière et requeste à ceulx de Gand que (...) il li fesissent celle grace que sen corps et sa femme et ses enfans et sen meuble paisiblement il laissassent partir de la ville de Gand. (Froiss., Chron. R., XI, c.1375-1400, 312)

D'aler m'en me vueil appartir, Et tout mon meuble departir Et donner, sanz rien possesser ; D'estre riche me vueil cescer. (Mir. Pierre Changeur, c.1378, 264)

...Fabricïus moult grant terre Ne tenoit, ne yert riche de meuble (Chr. Piz., M.F., III, 1400-1403, 205)

J'ay tant grant paour que par oultraige Les gens d'armes vous [Bon Renon] viennent prandre. Je seroye de tous le maindre, Ou seroit perdu tout mon meuble. (Pouvre peuple H., c.1450-1492, 158)

FLATERIE. Nous empourtons le meilleur meuble Qui soit en toute sa maison. ENVIE. Je escoutoye se Bon Renon Prandroit point la brigue pour luy. PLUSEURS. A ! par le sanc bieu, sy hardy ? Encore n'est il pas sy beste. (Pouvre peuple H., c.1450-1492, 194)

Helas ! chascun fole le Povre Peuple. Je ne possede plus (nulle) terre ne meuble, Certes, je suis par Pluseurs deserté. (Pouvre peuple H., c.1450-1492, 197)

Celuy qui brise la saisine de son seigneur s'il est coustumier et homme de foy, il fait six livres d'amende ou Maine et en Anjou soixante sols. Et s'il est noble, il fait son meuble d'amende. (Cout. instit. Anjou Maine B.-B., t.3, 1463, 285)

-- Or, le duc de Bourgongne ayant conquis toute Lorraine et receü du roy Sainct-Quentin, Han et Bohan et le meuble dudict connestable, estoit en parolle avecques le roy de se appointer à Auxerre, et le roy et luy se devoyent entreveoir sur une rivière et semblable pont de celuy qui fut faict à Pecquigny à la veüe du roy et du roy Edouard d'Angleterre. (Comm., II, 1489-1491, 98)

Justicier par meuble. Exercer la justice manuelle consistant à saisir les biens meubles d'un vassal puis à les mettre en vente.

Item il est a entendre que, par coustume, se un seigneur justice son homme par l'une des deux premières voix, c'est assavoir par meuble ou par fief, le seigneur, ou cil qui fait la prinse du fief ou la justice manuelle, n'est tenu a dire a son homme la cause pourquoy, jusques ad ce que delivrance coustumière en soit faicte (Instruct. ensaign. B.G., c.1386-1390, 48)

Perdre corps et meuble

ADRIANUS. Herault, rava t'an, tu as tort De moy dire ceste novelle, Car, puisque ton mastre est rebelle Au tresnoble et grant empereur, Son droit et souverain seigneur, Perdre luy convient corps et meuble, Et aussi tout son menu peuple. (Myst. st Adr. P., c.1450-1485, 62)

2.[Emploi comptable]

Les poissons qui sont es fosses ou en estangs, se ilz cheent en partages, sont reputéz heritages ; et doit estre entendue ceste coustume en ceste maniere : ou cas que la succession ou division escherroit en l'an ou quel lesdites fosses ou estangs ne sont pas en pesche, selon la coustume du lieu, et en ceste maniere sont reputés heritages et immeubles ; mais s'ilz sont en celle année en pesche, c'est assavoir selon l'ordonnance tenue au lieu où ilz doivent estre peschiéz, les diz poissons doivent estre reputéz pour meubles ; autrement non. (Cout. bourg. glosé P.M., c.1380-1400, 284)

Yconomique (...) Qui apprent par belle faconde A noz mesgnees gouverner (...), Accroistre noz biens et noz moibles (Chr. Piz., M.F., II, 1400-1403, 124)

...l'alienation des immuebles à eulx interdicte, et sans ce que des meubles ilx puissent aucune chose ailleurs mettre ne emploier que en ladicte provision de ladicte femme et de ses enfans (Baye, II, 1411-1417, 247)

...et leur a convenu vivre en grant chierté, et soustenir leur estat à l'onneur du Roy et de la Court, aux ungs par emprumpt et engaigemens, aux autres par vendre rente sur eulz, aux autres par distraction de leurs meubles, et tellement que plus n'ont de quoy aler avant. (Fauq., II, 1421-1430, 365)

Et davantaige promectoit le roy bailler audict duc la ville de Sainct Quentin, dont assez a esté parlé, et luy donnoit tout l'argent et autres meubles dudict connestable qui se pourroient trouver dedans le royaume avecques toutes seigneuries tenues dudict duc. (Comm., I, 1489-1491, 246)

Meubles de telles choses. Biens mobiliers consistant en telles choses.

Le quart a esté ce duc Charles, qui, après le trespas de son père, fut l'ung des plus riches princes de la crestienté, les plus grands meubles de bagues et de vaisselle, de tapisserie, livres et linges que l'on eust sceü trouver ès troys plus grandes maisons. (Comm., II, 1489-1491, 93)

[Un prisonnier est considéré comme un meuble]

...en payz de paix, ung homme qui perdroit son prisonnier, il le peult poursuir par toute l'obéissance de son party et quelque temps qu'il y ait qu'il l'a perdu ; car c'est son meuble. (Bueil, II, 1461-1466, 94)

[Loc. juridique] Les meubles suivent le corps

...mais pour le cas privilegié on le condempnoit en une grosse amende peccuniere que on prenoit sur le plus apparent, c'est assavoir sur les meubles, et toutevoie les 'meubles' suyvent le corps, et de ce ont esté plusieurs arrestz donnez. (Juv. Urs., Nescio, 1445, 485)

Et se ilz les prennent pour baillier a la jurisdiction ecclesiastique, ilz retendront l'or et l'argent que ilz auront sur eulx et leurs aultres meubles, se ilz les treuvent, sans en vouloir faire restitucion, qui est chose tres desraisonnable, car il n'est doubte que les meubles suivent le corps. (Juv. Urs., Verba, 1452, 379)

3.Au singulier ou au pluriel. [P. oppos. à heritage qui désigne un immeuble ou une terre]

Et sachez puis un petitet Sa mére, qui preude femme est, Est vers Dieu de si bon courage Qu'elle a laissié son heritage, Ses meubles et touz ses amis, Et s'en va aval le pais Pour Dieu povre estre. (Mir. st J. Cris., c.1344, 266)

Lors me prinst et enmena avecques lui et vendi chievres et pors, dont il fist moult grant argent, et puis venismes en ceste cité ou il avoit riche mansion, grant meuble et bon heritage, et de tout ce il me fist seigneur et maistre pour faire du tout a ma voulenté. (Bérinus, II, c.1350-1370, 16)

Or veez Le mal, decepcion et fraude Qui se fait par femme trop baude Et aussi par l'omme trop baut, Qui vault pis assez que ribaut, Car d'autrui biens est deffrauderres, Traicteusement faulx et lerres, Quant en tel pechié vient et tume, Dont il couvient par la coustume Dont le mort son hoir plus prochain Saisit, que le filz ait le sien, Possessions, meuble, heritaige De celli en qui mariaige Il fut nez, et riens ne lui est. (Desch., M.M., c.1385-1403, 348)

Ogier luy lait tous ses biens meublez et heritaigez (JEAN D'OUTREM., Myr. histors G., a.1400, 102)

Apriés se leva li tiers bourgois de Calais qui se nonmoit sires Jaquemés de Wisant, qui moult estoit rices homs de meubles et d'iretages dedens Calais et au dehors de Calais, et se ofri aler en lor compagnie (Froiss., Chron. D., p.1400, 844)

Si tu es tesmoing presenté D'heritaige, meuble ou injures, De verité soys prés anté, Puis que par serment divin jures : Damné es si tu te parjures En endommageant ton prouchain. (Meschin., Lun. princes M.-G., c.1461-1465, 65)

...et le conte Charles disoit que son pere luy avoit donné la succession de madicte dame de Bethune en heritaiges et en meubles (La Marche, Mém., II, c.1470, 414)

Le conte estoit très pouvre, comme j'ay dit ailleurs, et de meuble et d'heritaige. (Comm., II, 1489-1491, 136)

B. -Ensemble d'objets, d'ustensiles aisément déplaçables.

1.Tout ce qui est utile à l'exercice d'une fonction ; équipement.

... [ils] rompirent les cordes des sains de ladite eglise, et les custodes de l'autel, et les boucles d'icelles custodes, la salliere au prestre, ses pos, ses poëlles, tout le meuble entierement dudit curé (Reg. crim. Chât., II, 1389-1392, 224)

...voyant la voulenté des bourgoys et puissance des adversaires, requisdrent eulx en aler avec leurs harnoys, chevaulx et autres meubles (Chart. J., Chron. Ch. VII, V., t.3, Fragm. hist., p.1436, 244)

...ilz bailleront franchement ladicte place avec l'artillerie qui y est et tout leur meuble. (Lettres Ch. VIII, P., t.4, 1495, 181)

2.En particulier. Mobilier, tout ce qui est utile à la marche d'une maison.

Collectif.

Vous savez bien, m'amie, que nous avons assés affaire et savez, m'amie, que, quant nous entrames en nostre menage, nous n'avions gueres de meuble et nous a convenu achapter liz, couchez, chambres et moult d'autres choses et n'avons pas grant argent a present. (Quinze joies mar. R., c.1390-1410, 8)

Se ne fissent li plus de ces Englois que porter, mener et chariier toutes bonnes coses, draps, toilles, pennes, lis, cambres ordonnees, et tous bons meubles. De menues coses et petites, il ne faisoient compte (Froiss., Chron. D., p.1400, 695)

...[ils] furent bien esbahiz de veoir l'ostel d'un tel jeune gentil homme si bien fourny de vaisselle, de tapisserie et de tout aultre meuble (C.n.n., c.1456-1467, 335)

Leur nombre n'estoit point suffisant à une telle puissance que celle du roy et ne se accordoyent pas fort leurs condicions avec celles des subgectz de ceste maison de Bourgongne, lesquelz avoyent vescu soubz princes riches, qui donnoyent bons estatz et tenoyent honorable maison et pompeuse, tant en meuble que en service de table et habillemens pour leurs personnes et serviteurs. (Comm., II, 1489-1491, 256)

Élément de mobilier, tout élément utile à la marche, à la décoration d'une maison.

Aler m'en vueil sanz attendue : Hostel et meubles, je vous lais (Mir. Theod., 1357, 86)

Se ne fissent li plus de ces Englois que porter, mener et chariier toutes bonnes coses, draps, toilles, pennes, lis, cambres ordonnees, et tous bons meubles. De menues coses et petites, il ne faisoient compte (Froiss., Chron. D., p.1400, 695)

Quand le mary eut choisy le casier, la dame choisit la chaudiere, puis le mary ung aultre meuble, puis elle ung aultre [Un couple se partage le mobilier de la maison] (C.n.n., c.1456-1467, 445)

...[elle] avoit acquis vaisselle et tapisserie, linge et aultres meubles en bonne quantité. (C.n.n., c.1456-1467, 462)

3.Au pluriel. Objets de valeur.

...et laissa audit seigneur et a la deffencion dudit royaume III^c et XXII^m ducas contens et entour IIII^xxm ducas de joyaulx, sans ses aultres moeubles (La Sale, Salade, c.1442-1444, 198)

...ledit Tarquin (...) envoya au poeuple que ses bagues et moeubles au mains lui fussent rendues qui en son palais estoient. (La Sale, Sale D., 1451, 115)

Sur la fin de ses jours, se trouvant sans craincte d'ennemys, est devenu fort pompeux et triumphant roy en sa maison, et faict grant amas de beaulx meubles, bagues, vaisselles pour parer sa maison. (Comm., II, 1489-1491, 337)

...et en outre lever une si grande taille sur le commun, que à plusieurs fut forcé de vendre leurs litz sur quoy ilz gisoient et leurs meubles pour la payer, qui fut très mal fait. (Simon De Phares, Astrol., c.1494-1498, f° 143 r°)

4.EAUX ET FORÊTS Taillis qui a atteint l'âge de la coupe ordinaire (?).

Et de ce seront tenus lesdits habitans cueillir et recevoir les tailles de meuble en la sergenterie de Merreval (Hector De Chartres, Cout. R., 1398-1408, 211)

Remarque : Cf. M. Devèze, La Vie de la forêt fr. au XVI^e s., t.1, 1961, 120 : «Étaient réputés meubles les jeunes arbres provenant de plants ou de semence (...) Étaient aussi réputés meubles, les taillis qui avaient atteint le temps de la coupe ordinaire - c'est-à-dire la maturité - ce qu'on appelle en langue technique 'l'âge d'exploitabilité'. Cet âge était très variable suivant les régions».

C. -Changement de propriété.

...plusieurs sergens extraordinaires, eulx disant ou appelans sergens generaulx, s'entremettent de faire exploiz et adjournemens ordinaires, comme de faire adjournemens en cas d'eritage et en cas de meuble et aussi de executer doleances, faire delivrance de fiefz et de namps, lesquelles choses sont contre raison et le bien de justice (Echiq. Normandie S., 1423, 102)