MENDIER

verbe

[T-L : mendiier ; GD : mendier ; GDC : mendier ; AND : mendier ; FEW (VI-1, 704a) : mendicare ; TLF (XI, 635b) : mendier]

Emploi transitif.

A. -Demander qqc. en aumône.

...afin qu'il ne soit mendiant et quérant son pain (Ch. VI, D., t.1, 1382, 26)

Emploi absolu. Demander l'aumône.

Jamais n'y seroit trouvé .I. du païs priant son pain, car il avroient plus chier a mourir que de mandier (Jean Le Long, Voy. Odoric A.M., 1351, 37)

Mais qui vuet vivre a seürté, Le moien est, je t'asseür, Le milleur et le plus seür, Mais qu'on y prengne souffissance. Car se li roiaumes de France Et toute l'empire de Romme Et tout le monde a un seul homme Estoient, il mendieroit En cas qu'il ne li souffiroit. (Mach., C. ami, 1357, 72)

Mais encor supplier te vueil Que seur tout te garde d'orgueil, Car de tous vices c'est li pires Et cils que plus het nostres sires, Et si fait l'omme trebuchier, Et paresse le fait mendier. (Mach., C. ami, 1357, 126)

Il manda à ceux de la garnison de Tenremonde que cils plas païs fust tous ars et exilliés. Ce fut fait à son commandement, et convint adont les povres gens, qui vivoient de leurs bestes tout parperdre et enfuir en Braibant et en Hainnau, et la grigneur partie mendiier. (Froiss., Chron. R., X, c.1375-1400, 201)

On parle de richeces et de grant signorie, D'avoir sens, los, puissance, biauté, noble lingnie, De grant prouesse acquerre, d'onneur, de courtoisie ; Mais qui n'a souffisance, je di que il mendie. Car se quanque Nature aus eüreus ottrie Et quanqu'il a en monde, et plus que je ne die, Servoit à .J. seul homme, comme amis et amie, S'il ne li souffisoient, riches ne seroit mie ; Qu'il n'est mie assevis pour estre en mendiance. (Mach., Les lays, 1377, 338)

...et Basille respondy que s'il estoit vroy, il estoit excusé ; maiz s'il mentoit, Dieu le ramenroit a telle povreté qu'il mendiroit, et on ne luy donroit riens ; et ainsi fut fait. (Gers., Annonc., a.1400, 238)

...Conseil suspect de parcialité, Peuple destruit par prodigalité, Feront encor tant de gens mendier Qu'à un chascun fauldra faire mestier. (Baye, II, 1411-1417, 220)

[Cont. métaph.]

Et la s'en puet rassadier Tout cuer humain sanz mendier, Si y sont assis de tous rens. (Chr. Piz., Chem. estude P., 1402-1403, 33)

B. -Au figuré.

1.Solliciter instamment et humblement qqc..

L'ABBESSE. (...) Quant si fort est amours que mort, Certes a mort suis je livrée, Se par vous ne suis delivrée ; (...) Ne souffrez pas que plus mendie A vo mercy. (Mir. abbeesse, 1340, 70)

Toutes trois dïent Que les fuitifz, que tant maudïent Et de qui a bon droit mesdïent, Sont causes qu'en douleurs mendïent Tousjours nouvelles (Chart., L. Dames, 1416, 299)

...combien que aulcunes foiz de telz joyeux chants et aultres choses recreatives de sainte Eglise soit le cuer promeu a devotion, toutesfois tele devotion est facilement perdue car ce qu'on n'a pas dedens et on le quiert par dehors, on le mendie par suffrages (Traité S. Sacr. B., c.1450-1500, 164)

Mendier de qqc.

Ja pour cela ne sera mis Hors de mes las, quoy qu'il aveingne ; Einsois couvient que de moy veingne Sa joie et son aligememt. Et quant il est miens ligement, Sachiez que je puis de legier Toutes ses dolours aligier ; Et si puis le povre acomplir Son desir et lui enrichir De ce dont li riches mendie. (Mach., D. verg., a.1340, 22)

Pour ce ne vuelent accorder Que la joie soit ottroiie Au fin amant qui en mendie. (Mach., D. verg., a.1340, 43)

De la mort puet garentir Et garir Cuer qui de santé mendie ; De souffissance enrichir Et franchir Fait cuer d'ami et d'amie. (Mach., R. Fort., c.1341, 106)

Mais tels est riches de biauté Qui est povres de loiauté ; Et tels est fors com Renouars Qui est recreans et couars ; Et tels est riches qui mendie Des biens de ceste mortel vie ; Et tels cuide estre souvent sages Qui ne scet de bien nes qu'uns pages. (Mach., F. am., c.1361, 184)

Helas ! et je mendie D'esperance et d'aïe ; Dont ma joie est fenie, Se pité ne vous en prent. Douce dame jolie. (Mach., Ch. bal., 1377, 584)

Il plaist à li que je languisse vis En desconfort et en langueur obscure, Sans cuers, sans joie, et que je soie fis Que ja de li n'arai aligement, Ne riens qui lié face mon cuer dolent ; Et sans espoir veut que tous jours mandie De tous les biens qu'amis reçoit d'amie. (Mach., L. dames, 1377, 62)

Las ! or sui cilz qui de confort mendie, Quant lonteins sui de ma dame jolie. (Mach., L. dames, 1377, 137)

Car mes desirs est pleins de tele ardure Qu'il art mon cuer par si noble maistrie Que nulz n'i voit plaie ne blesseüre. Mais il pert bien à moy que je mendie De toute joie et que santé n'ay mie, Eins ay doleur qui tant me fait doloir Qu'il me convient morir ou li veoir. (Mach., L. dames, 1377, 137)

Il en y a aucuns qu'on ne puet assevir, N'il ne prennent en gré gracieus recueillir, Dous ris ne biau parler que il puissent oïr, Eins mendient des biens qu'Amours a à partir, Et s'en ont à plenté pour leurs cuers soustenir ; Mais pas ne leur souffist : si ne font que languir, Quant à joie gringnour ne pueent avenir. (Mach., Les lays, 1377, 338)

La doulceur m'est chier comparee, Dont je mendie (Chart., L. Dames, 1416, 215)

...fame estoit sans de riens mendiier (Jourd. Blaye alex. M., a.1455, 539)

2.Emprunter qqc..

Mais pour quoy retourne je aus exemples mendiees des paiens, des quelles en y a pluseurs, quant chascun puet estre plus droitement contraint par lois a faire ce que il doit que par exemples (Foul., Policrat., IV, 1372, 57)

[D'une chose]

Et Aristote, ou livre des Elemens, dit que le soleil a lumiere propre de soy, maiz les estelles et la lune ont lumiere acquise et mendiee du soleil (Corbechon, Soleil Lune S., 1372, 346)

...et voions clerement que homme est une substance composee et imparfaicte, et qui mendie dehors la congnoissance dez choses par leurs especes, et Dieu si congnoist toutes creatures ains qu'ellez soient faictes, et homme ne congnoist riens s'il ne lui est representé par les sens de dehors (Chart., L. Esp., c.1429-1430, 159)

Voir aussi mendiant