MARTYR

adjectif et substantif masculin

[T-L : martir ; GDC : martir ; AND : martir1 ; DECT : martir ; FEW (VI-1, 395a) : martyr ; TLF (XI, 448a) : martyr]

I. -Adjectif. Qui a été martyrisé.

Ainsi l'a elle dit a Dieu En requerant droit de cuer pieu, Et en monstrant le martir corps. (Mir. ev. arced., c.1341, 137)

'Si (...) nous boutons en eglises et en moustiers, et là morons confès et repentans, comme gens martirs de qui on ne voelt avoir nulle pitié.' (Froiss., Chron. R., X, c.1375-1400, 217)

II. -Substantif masculin.

A. -Celui qui a été martyrisé (pour avoir témoigné de sa foi), martyr.

...Ce pri saint Lorens le martir (Mir. prev., 1352, 241)

Aucuns y ot qui, sans muser Et sans conseil, li respondirent Par tel maniere et deïrent Que, par saint Pierre le martyr, Il se voloient departir, Et que tenir ne la porroient, Et pour ce plus n'i demourroient. (Mach., P. Alex., p.1369, 100)

Car, se par prudence et raison, un homme juge en aucun cas que par sa mort si grant bien ne se ensivroit pas comme par ce que il demeure en vie, lors il doit fuir la mort aussi comme les sains martirs fuyoient aucunes fois la persecucion des mescreans. (Oresme, E.A.C., c.1370, 480)

...les martirs sont hault eslevez es cieulx pour leur merite (Chr. Piz., P.V.H., 1416-1418, 29)

Pense apres la gloire des corps quilz aront apres la resurrection, pense les douaires du corps et de lame, pense apres lestat glorieux et les aureoles des sains martirs, des sains docteurs et des saintes vierges, comment ilz aront speciale ioye que les autres sains naront pas. (Cib., p.1451, 189)

...et en outre ce nous ordonnons une messe perpetuelle a tous les jours avec un obiit a tous les ans le semblable jour que vrays martirs ilz finerent leurs jours au service de Dieu. (La Sale, J.S., 1456, 224)

...[les] glorieux martirs qui pour le reboutement des infideles et l'exaltacion de [la] saincte foy catholicque se sont voluntairement offers et habandonnez a la mort temporelle. (C.n.n., c.1456-1467, 423)

Adieu, le martir fort honneste ; Adieu, adieu, doulce chevance ! (Pass. Auv., 1477, 104)

Cestui, en sa jeunesse, fut erudicq en la science des estoilles et de medicine estant payen, puis se convertit à la foy et fut martir en Jhesu Crist. (Simon De Phares, Astrol., c.1494-1498, f° 88 v°)

(Ilz [trois prestres] doivent chanter ung respond commun des martirs et puis aprés encenser l'aut[el] et le tombeau.) PREMIER [PRESTRE]. Qui le service Dieu maintient, Il en peult avoir grant merite. (La Vigne, S.M., 1496, 425)

Martyr de Jesus-Christ. Martyr au nom de Jésus-Christ.

SAINCT MARTIN. Voire, mais je m'esbaÿs comme, Veu que de luy rien n'est escript, Vous cuydez qu'il soit sainct, en somme, Et martire de Jhesucrist. (La Vigne, S.M., 1496, 427)

Couronne des martyrs. Voir couronne

B. -Par extension.

1.Celui qui a subi une mort violente, qui été torturé.

Plus de trois mil personnes, hommes, femmes et enfans, y furent deviiet et decolet celle journée. Diex en ait les ames, car il furent bien martir ! (Froiss., Chron. L., VII, c.1375-1400, 250)

2.[Domaine de l'amour]

Car, dame, se vous l'avouez, La serai ou je sui vouez ; Et ce non, il faurra partir Mon cuer et morir com martir Pour vous trés dolereusement, Qu'a moy n'apartient nullement, Dame, que je face depri A vous de joie ne d'ottri (Mach., R. Fort., c.1341, 135)

...Ceste raison bon cuer enflame D'amer mieus assez que devant. Pourquoy je di d'ore en avant Que cils ne l'amoit pas pour bien. Vraiement, il y parut bien, Quant bonne amour li volt souffrir Son corps a tel martir offrir. (Mach., J. R. Nav., 1349, 224)

Comment acoler et baisier Le vint, nom pas d'un seul baisier, Mais de plus de dis ou de vint, Voire de cent ; qu'elle devint Quant Venus la fist departir. Ce le faisoit vivre martyr, Ce si forment li desplaisoit Que toutes peinnes li faisoit, Car s'adès vëoir la peüst, Jamais riens ne li despleüst. Mais bonnement ne pooit estre. (Mach., F. am., c.1361, 236)

Dont cil glorieus martir Qu'amours fait palir Et languir Et morir Devroient avoir grant soing De les avoir et tenir Pour leurs maus garir Et tarir, Car venir Les voy toudis au besoing. (Mach., Les lays, 1377, 453)

Icy se clost le testament Et finist du povre Villon. Venez a son enterrement, Quant vous orez le carrillon, Vestuz rouge com vermeillon, Car en amours mourut martir ; Ce jura il sur son coullon, Quant de ce monde voult partir. (Villon, Test. R.H., 1461-1462, 150)

Martir d'amour

Eins amera La trés belle pour qui tant d'amer a. Et, s'il y muert, chascuns le clamera Martir d'amours, et honneur li sera, S'il muert pour li. (Mach., J. R. Beh., c.1340, 129)

Amant martyr

Pour obvier a ses dangers [aux exigences, aux hauteurs de la femme que j'aimais], Mon mieulx est, ce croy, de partir. A Dieu ! Je m'en vois a Angers, Puis qu'el ne me veult impartir Sa grace ne me departir. Par elle meurs, les menbres sains ; Au fort, je suys amant martir, Du nombre des amoureux sains. (Villon, Lais R.H., c.1456-1457, 13)

3.Par ironie.

Le pouvre martir estant soubz le lit, a peu s'il s'osoit tirer de la [Il vient d'assister au 'viol' de sa femme] (C.n.n., c.1456-1467, 52)

Ou il est ? le povre martir ! Unze sepmaines sans partir ! (Path. D., c.1456-1469, 96)