MARTINET

substantif masculin

[GD : martinet1 ; AND : martinet ; FEW (VI-1, 387a) : Martinus ; TLF (XI, 446b) : martinet1, martinet2]

I. -Martin-pêcheur.

...le rosereul, le cormoran, le heron, la poche, le gespier, le martinet, qui tous peschent et se vivent de poisson. (Henri Ferr., Modus et Ratio, Livre deduis T., c.1354-1377, 155)

Le martinet lors venoit, sur ce point , Sur la branche, près de l'eau, coy et joint, Tout verd et bleu, plus bel que s'il fust point, Lequel gaitoit Le petit poisson qui passoit. (RENÉ D'ANJOU, Regn. et Jann. R., c.1457-1461, 58)

II. -[Domaines techniques]

A. -ARMES, ARMURERIE

1.Machine de guerre à contrepoids, propre à lancer de gros projectiles.

...ceulx du chastel laisserrent descliquier IIII martinès qu'ilz avoient fait faire pour froissier et rompre lesdits chats. (Le Bel, Chron. V.D., t.2, 1358, 63)

...dix casses de viretons contenans cinq milliers, cinq cens d'estreupes, cinq cens de carreaux pour martinés empanez d'arain et un martinet... pour mettre en une bastide faite de nouvel devant le dit fort et es diz bateaux. (Clos galées Rouen M.-C., t.1, 1364, 188)

Qant chil enghien nonmés kas furent parfait, et les gens d'armes dedens entré qui a ceuls dou chastiel devoient combatre, et il orent passet la moitiet de la riviere, chil dou chastiel fissent descliqier quatre martinés que il avoient nouvellement fait faire, pour remediier contre les quatre kas desus dis. Chil quatre martinet jetterent grosses pieres et si souvent sus ces kas que il furent bien tos tous confroissiés et debrisiés (Froiss., Chron. D., p.1400, 669)

2.Dispositif à contrepoids équipant l'arbalète.

...pour l'achapt de quatre arbalestres d'if, c'est assavoir deux grosses garnies de deux gros martinez à doubles poulies et deux moyennes semblablement garnies de deux martinez [,] avec un petit canon de fer pierrier (,) et de cinquante livres de pouldre à canon (Comptes Lille L., t.3, 1438, 313)

Petite arbalète.

...dix casses de viretons contenans cinq milliers, cinq cens d'estreupes, cinq cens de carreaux pour martinés empanez d'arain (Clos galées Rouen M.-C., t.1, 1364, 188)

B. -MINES

1.Gros marteau, mû au moyen de la roue d'un moulin à eau, servant à apurer le minerai.

...ay consenti et accordé audit Guillaume que, pour parachever de recuire, fondre et affiner et autrement ouvrer la dicte moitié desdiz recuiz, il se puisse aidier des muretz, martinet, roos, souffletz et autres ostilz et habillemens qui sont audit martinet (Aff. Jacques Coeur M., 1453-1457, 325)

2.Par métonymie. Atelier où est installé ce gros marteau, avec toutes les installations nécessaires au traitement du minerai.

Et après visité les recuiz de mine qui estoient ès minez du martinet dudit lieu de Chissieu, et trouvé qu'il y avoit cinq recuiz de mine dont le premier a eu 38 feux, et me dist ledit Jacquemont, maistre fondeur, qu'il ne savoit s'il estoit en estat de fondre ou non pour ce que la mine est mauvaise et ne se puet fondre et que on l'a essayée, et qu'il luy semble qu'il ne la fault plus cuire et que le feu ne luy prouffiteroit de riens et la fauldroit lessier mistionner avec autre bonne et en ce point la fondre, et luy semble que par ce moyen elle pourroit prouffiter. (Aff. Jacques Coeur M., 1453-1457, 249)

...j'ay regardé et visité la montaigne de la mine dudit lieu de Saint-Pierres, et trouvé qu'elle estoient en chommage et que on n'y avoit aucunes chose besongné depuis la prinse dudit Cuer et n'y trouvé aucune mine tirée. Et après me transporté ou martinet et en la maison dudit lieu, et trouvé ou celier de la dicte maison 33 pièces de cuyvre qui n'estoit peloux ne du tout affiné (Aff. Jacques Coeur M., 1453-1457, 250)

Item, trouvé en la plomberie du martinet dudit lieu de Bricieu 12 pièces de plomb en table, pesant le tout 17 quintaux 80 livres. Item, y trouvé certaine quantité de laveures et coupeures yssues dudit plomb en table estimées à dix quintaux. (Aff. Jacques Coeur M., 1453-1457, 258)

Item, le Ve jour dudit mois de décembre, trouvé en la forge dudit martinet de Brucieu 195 quintaux 72 l. de lait de mine. Item, trouvé soubz la loge du molin dudit martinet 264 quintaux 52 livres d'autre lait de mine. Item, trouvé et fis peser ou solier de la maison dudit martinet, présens lesdiz Mermet et Vanerot, 65 quintaux 45 l. de cuivre coulé. (Aff. Jacques Coeur M., 1453-1457, 259)

...ont estimé les dessusdiz certaine quantité mine recuite estant tant ès recuiz que au moulin et ès lavouers dudit martinet valoir 9 basnes et demie d'ouvrage nect à raison de 7 l. tournois chacune basne (Aff. Jacques Coeur M., 1453-1457, 260)

Item, certaine quantité de loupes estans oudit martinet a esté estimée à une basne, ouvrage nect, valant 6 l. 5 s. tournois. Item, certaine quantité de mine lavée estant en trois petis monceaux oultre la rivière dudit martinet yssue des terriers de la montaigne et ung petit monceau des diz terriers non lavez ont estimés à six basnes, ouvrage nect (Aff. Jacques Coeur M., 1453-1457, 260)

...certaine quantité de mine cuyvreuse estant soubz la loge du molin à mine dudit martinet, icelle veue et regardée, ont estimée à dix basnes d'ouvrage net (Aff. Jacques Coeur M., 1453-1457, 261)