MARCHANDISE

substantif féminin

[T-L : marchëandise ; GD : marcheandise ; GDC : marcheandise ; AND : marchandise ; DECT : marchëandise ; FEW (VI-2, 9b, 10a) : mercatus ; TLF (XI, 369a) : marchandise]

A. -Exercice d'une activité commerciale et, par ext., d'une activité professionnelle quelconque.

1.Commerce.

La avoit il Venitiens Et pluseurs autres Crestiens Qui furent pris et enserré, Feru, batu et aterré Des Sarrazins villeinement, Et traitié moult honteusement, Non contrestant la marchandise Qui avoit là moult grant franchise. (Mach., P. Alex., p.1369, 116)

Et encor plus certes, je croy, Qu'en toutes les notables villes Qui sont pour marchandise abilles Li roys y heüst de ses gens, Chevaliers, bourgeois ou sergens, Pour lever et pour recevoir La rente qu'il y doit avoir (Mach., P. Alex., p.1369, 184)

...car se aucuns ont contribué pecunes pour mectre en marchandise, quant vient au distribuer l'en distribue a chascun selon la proporcion des pecunes qui furent contribuees. (Oresme, E.A., c.1370, 288)

...moult gens (...) disoient que or et argent estoit si chier à avoir et au conquerir que marchandise en estoit toutte morte et perdue (Froiss., Chron. M., XIV, c.1375-1400, 41)

...il estoient gens qui vivoient de labour et de marceandise. (Froiss., Chron. D., p.1400, 613)

Car marchandise et tous ars sont au bien et prouffit des seigneurs et au bien de la chose publicque, que chascun, commun et peuple, desire fort. (La Sale, Salade, c.1442-1444, 14)

...[il] alloit souvent es affaires de sa marchandise (C.n.n., c.1456-1467, 289)

...ce bon marchant avoit prins grand plaisir en sa marchandise, pendant le temps qu'il la menoit (C.n.n., c.1456-1467, 558)

Comment se porte marchandise ? S'en peult on ne soigner ne paistre ? (Path. D., c.1456-1469, 58)

...et de là en avant fut monseigneur d'Austriche et ses gens paisibles et bien venuz en sa ville de Brucelles ; et y fit regner justice et la marchandise, dont il fut beaucoup mieulx aymé et bien voulu. (La Marche, Mém., III, c.1470, 278)

De Rogier Bonté, mercier, pour le louaige de 3 arches dedans ladicte porte Saint Denis, pour y faire et exercer le fait de sa marchandise (Comptes Paris M., t.2, 1473-1474, 303)

LE CRESTIEN. (...) nous seroit grant reconfort Se nous trouvons personne aulcune Qui nous prestast quelque pecune Pour marchandise relever. (Mir. st Nic. juif, c.1480-1500, 83)

...en fist deux [nativités] merveilleuses à deux jeunes hommes, freres germains, l'un nommé Anileus et l'autre Asinius, Juifz et trouva que l'un et l'autre se mesleroit de naviguer, qui touttefois estoit contre l'estat et la loy des Juifz, quant pour merchandise, et que après ilz parviendroient à grande proesse et soubzmetroient plusieurs peuples à leur subjection (Simon De Phares, Astrol., c.1494-1498, f° 76 r°)

Marchandise de l'eau. Commerce qui utilise la navigation fluviale (à Paris, les 'marchands de l'eau' transportent leur marchandise sur la Seine).

...et nous a requis que de ce faire nous lui veullions donner congié et que, se mestier estoit, nous feissions veoir et visiter le lieu et la place par les maistres du pont de Paris et aussi par voituriers et mariniers et gens en ce congnoissans a ce que yceulx pieux ne peussent ne ne puissent aucunement, ores ne ou temps a venir, porter prejudice a la marchandise de l'eaue, au cours et chemin d'icelle (Chartes Abb. St-Magl. T.F., t.3, 1392, 654)

Marchandise court/a cours (qq. part). Le commerce s'exerce (qq. part).

Et je la feray publier [le projet de traité] En mon païs, sans detrier, Moult volentiers, par quoy les nostres Puissent aler avec les vostres, Et les vostres paisiblement Veingnent dessa seürement ; Par quoy marcheandise queure ; Qu'avis m'est, se Dieux me sequeure, Que c'est deffaus en toute court Quant marcheandise ne court. (Mach., P. Alex., p.1369, 175)

Sicom li Hollandois et li Zellandois disoient, la guerre de Flandres ne les regardoient en riens, ne il ne pooient ne devoient deffendre à courir marcandise. (Froiss., Chron. R., XI, c.1375-1400, 187)

'Item, sur ce qu'il nous ont supliiet dou fait de la marcandise, avons volut et consentit que le marcandise ait cours francement et licitement par nostre païs de Flandres, en païant les deniers acoustumés.' (Froiss., Chron. R., XI, c.1375-1400, 300)

Helas, toutes les portes de France sont destruites, la plus grant partie des pors tant de mer que des rivieres sont destruis car marchandise n'y court plus, les prestres et vierges sont en pleurs, lermes et desolacion, et est opprimee de toute amaritude. (Juv. Urs., Loquar, 1440, 361)

Lors il est qu'il fault veillier jour et nuit par la ville, sur les murs, marchandise ne puelt courir, nul n'ose de sa porte saillir fors a grant peril (La Sale, Salade, c.1442-1444, 10)

...par laquelle [trève marchande] toute marchandise doit avoir cours par tout le royaume de France, et, ce temps durant, chascun peut retourner en ses possessions immeubles. (Roye, Chron. scand., I, 1460-1483, 348)

[Associé à gain]

Il entent de ceulz qui de lointain paÿs vont et communiquent ou conversent ensemble pour marcheandise et pour gaaing. (Oresme, E.A.C., c.1370, 418)

Marchandise de telle chose. Commerce de telle chose.

...li Austrolin, pour le doubte de ce, pas n'osoient venir en Flandres, mais faisoient lor estaple de lors marceandises a Dourdresc. De quoi la marceandise de la draperie fu toute refroidie et perdue en Flandres un grant temps, et ne trouvoient les bonnes gens a quoi gaegnier, car nulles lainnes ne lor venoit d'Engleterre. (Froiss., Chron. D., p.1400, 271)

Ce jour, en la tournelle criminelle, fut appoinctié (...) sur le fait de la marchandise des poissons de mer qui sont venduz à Paris (Baye, II, 1411-1417, 192)

...pour avoir advis et deliberacion et pourveoir sur le fait de la marchandise de busche et autrement, pour le bien de la chose publique et de la bonne police de la ville de Paris. (Fauq., I, 1417-1420, 216)

Il sera dit que tous les peletiers qui s'entremettent de fait de marchandise de peleterie à Paris, et qui par ledit arrest sont tenus d'aler exposer en vente esdictes basses merceries leurs denrées au jour de samedi, getteront au lotz de nouvel, bien et deument et sans fraude, pour le paiement du terme de saint Jehan derrain passé et aussi pour le terme de Noël prochain venant, et de lors en avant deux fois l'an, selon la teneur dudit arrest. (Fauq., III, 1431-1435, 64)

Métier de marchand, de commerçant.

... [il] confessa que il avoit esté et fu né en la ville du Mans, où sa mere demeure, et que oncques il ne aprint mestier ne marchandise, mais a tousjours esté varlet servant et homme vacabond (Reg. crim. Chât., I, 1389-1392, 184)

Estat de marchandise

LE CRESTIEN. J'entends bien qu'il fault besongner Qui veult vivre, mais le moyen Pour parvenir d'avoir du bien ? N'est que l'estat de marchandise Et nous n'avons rien. (Mir. st Nic. juif, c.1480-1500, 83)

Au pluriel. Affaire (de commerce).

...si comme qui diroit que ilz font ensemble communicacions et marcheandises et que ilz prennent choses en depost et baillent et les rendent et quelzconques teles autres choses. (Oresme, E.A., c.1370, 526)

De ceulx vi je de maintes guises, Qui vivoient de marchandises (Chr. Piz., M.F., II, 1400-1403, 71)

Aller en (sa) marchandise. Se déplacer pour aller faire du commerce.

...tant com tu es jouvenciaux En marchandise aler deusses Par quoy monteplier peusses Et acquerre avoir et amis. (Mir. march. larr., c.1349, 95)

...le dit Martin fist pluseurs aguez sur le dit suppliant pour le tuer et mettre à mort, et finablement tant l'espia et aguetta que, un jour (...) ainsi que le dit suppliant cuidoit aler en sa marchandise, ycellui Martin, (...) comme provocant et aggresseur, envay le dit suppliant (Doc. Poitou G., t.5, 1380, 129)

Et ainsy comme il ot servy sondit maistre environ XV jours, et que icellui son maistre fu alé en sa marchandise, et qu'il qui parle, environ heure de midi, fu alez en la chambre de sondit maistre pour faire son lit (...) trouva un coffre ouvert en icelle chambre (Reg. crim. Chât., I, 1389-1392, 496)

...ung bon marchant maryé a une vaillant femme (...) tressouvent alloit en marchandise (C.n.n., c.1456-1467, 378)

LE CHRESTIEN. (...) J'ay veu qu'en marchandise alloye, Marchandoye Et estoye en bruit terrien ['j'ai connu le temps où je me livrais au commerce' (Éd., 161)] . Des biens de Fortune avoye, Gaudissoye, Et maintenant je n'ay plus rien. (Mir. st Nic. juif, c.1480-1500, 74)

Mener (à) marchandise. Faire son métier de marchand.

...chascun vous vient presser Et ne povez marchandise mener, Car vous n'avez seur passage ne voye, Et maint peril vous couvient il passer : Priez pour paix, le vray tresor de joye ! (CH. D'ORLÉANS, Ball. C., c.1415-1457, 124)

...icy m'a il laissée et abandonnée pour mener a marchandise [l. sa marchandise (?)] es parties d'Alixandrie, ainsi qu'il a de long temps accoustumé. [C'est une femme qui parle] (C.n.n., c.1456-1467, 573)

Se mettre en la marchandise. Entreprendre une activité de commerce.

Si me mis en le marcandise, Ou je sui ossi bien de taille Que d'entrer ens une bataille Ou je me trouveroie envis ! (Froiss., Joli buiss. F., 1373, 50)

Venir qq. part en marchandise. Venir commercer qq. part.

...jamais on n'eust cuidé que ce eussent esté pillars ne robeours, mais marchans qui venissent là au marchiet, pour cueillier et acchatter draps ou toilles ; et disoient qu'ilz estoient devers Montpellier et oultre, et venoient là en marchandise (Froiss., Chron. M., XIV, c.1375-1400, 207)

Vivre de marchandise. Vivre de commerce.

...ledit suppliant, qui par long temps a demouré en nostre obeissance, vivant de marchandise et de labour (Chancell. Henri VI, L., t.1, 1424, 116)

Vivre de marchandise avec qqn. Vivre du commerce qu'on fait avec qqn.

...lesquelz ayent acoustumé de vivre de marchandise avecques les estrangiés, ausquelz ilz marchissent, comme avecques ceulx des marches et pays de Liege, d'Alemangne (Trés. Reth. S.L., t.2, 1405, 515)

2.En particulier. Commerce de l'argent (pratiqué par les banquiers, à la fois changeurs et prêteurs à intérêt).

...et usera damoiselle Marie du Cavech et Girardin du Cavech, son frere, de change et marchandise en la maniere que les autres changeurs de ladicte ville en usent. (Baye, I, 1400-1410, 133)

3.Par extension. Exercice d'une activité professionnelle quelconque.

...tu ne veulz entendre Aucune marchandise apprendre. (Mir. march. larr., c.1349, 95)

...le musnier retourna de sa marchandise et fist grand chere (C.n.n., c.1456-1467, 41)

Ung orfevre de Paris, nagueres, pour despescher pluseurs besoignes de sa marchandise a l'encontre d'une feste de Lendit et d'Envers, fist large et grand provision de charbon de saulx. (C.n.n., c.1456-1467, 65)

Conduire sa marchandise. Gérer ses affaires.

...jasoit qu'il fust lourd, tres pou sachant, et encores aussi mal plaisant, si avoit il une industrie de bien garder le sien et conduire sa marchandise. (C.n.n., c.1456-1467, 131)

B. -Tractation, négociation de vente.

En celle propre sepmaine, jeta son avis li dus de Bourgongne à faire traitier devers son cousin messire Guillaume de Namur, pour avoir l'Escluse en hiretage et ajouster avoecques la conté de Flandres, et li rendre terre ailleurs en France ou en Artois, par manière d'escange (...) Quant messires Guillaumes de Namur fu premierement aparlés de ceste marcandise, si li vint à grant contraire et desplaissance. (Froiss., Chron. R., XI, c.1375-1400, 241)

Et quidoit bien li contes de Hainnau ces deus terre avoir açatees ; et estoient li denier tout prest pour le paiier. Qant li rois Phelippes fu enfourmés de ceste marceandise, Jehans ses fils, qui estoit dus de Normendie et daufins de Viane, se traist avant et referi sus ce marchié par le conmandement dou roi son pere, et açata en l'Empire ces terres desus dittes. (Froiss., Chron. D., p.1400, 255)

Affaire.

Decevez les [les femmes] en ostant leur franchise, Et quant aurez vostre volunté d'elles, Dictes partout que vostre marchandise Se porte bien, vecy bonnes nouvelles. (Michault, Doctr. temps prés. W., 1466, 57)

Car tousjours s'entretenoit la marchandise encommencée contre luy, comme vous avez ouy, laquelle tint à peu à l'assemblée qui fut faicte à Bouvynes pour ladicte matière. (Comm., II, 1489-1491, 23)

Tost se commença-l'on à doubter de ceste marchandise, et les plus gens de bien que ledict connestable eust le commencèrent à laisser, comme monsr de Genly et plusieurs autres. (Comm., II, 1489-1491, 83)

Connoistre la droite marchandise. Savoir ce qu'il en est.

Mains li Danois, quant ilh l'entendit le olifant, tantoist connoist la droite marchandise (JEAN D'OUTREM., Myr. histors B.B., t.3, a.1400, 143)

Faire sa marchandise/ses marchandises. Faire des opérations de commerce, commercer.

...et aussi qu'il est plus habille à faire et conduire les grandes marchandises (Oresme, Monnoies W., c.1365, XIV)

Pour ce temps triewes estoient. Si pooient bien cil de Saint Omer aler à Calais, et cil de Calais à Saint Omer ; et y aloient les gens de l'un à l'autre faire leurs marchandises. (Froiss., Chron. L., IV, c.1375-1400, 71)

...li Espagnol orent fait lor emploite et lor marceandise, et il orent cargiet lors vassiaus de draps et de toilles et de tout ce que bon et pourfitable lor sambloit (Froiss., Chron. D., p.1400, 882)

...par tout est si bien cheans Qu'il ne fait nulle marchandise Ou il ne gangne a sa divise (Mir. march. juif, c.1377, 200)

...mais c'est trop sote chose de n'avoir pas honte de vendre ses denrees et faire sa marchandise et avoir honte de porter l'abit (Chr. Piz., Trois vertus W.H., c.1405, 186)

Des Lombars demourans et tenans table à Courtray, qui ont privilege de monseigneur de ylec faire leur marchandise et prester argent pour argent (Comptes Etat bourg. M.F., t.3, 1418-1420, 432)

Apprez laquelle publicacion et ladicte pais ainsi pronuncée et manifestée par toutte ladicte comté et les autres pays dudit duc, chascun se esjoyssoit et faisoit grant chière, car il sambloit aux marchans, que doresenavant communicqueroient et feroient leur marchandise, les ungz aveuc les autres, ainsi qu'ilz avoient acoustumé (Escouchy, Chron. B., t.2, a.1465, 27)

...que les marchans, leurs facteurs et serviteurs, voisent faire leurs marchandises ; les enffans aux estudez, Universités et escolles, les laboureurs à leurs heritages, maisons et labourages (Hist. dr. munic. E., t.1, 1477, 423)

Faire une marchandise. Faire une bonne affaire.

JUDAS. (...) Mere, vous estes honnoree, Gardéz ne faictes plux la chiche ; Certes, je vous ay faicte riche, Et je vous diray par quel guise : J'ay faicte une marchandise, Veéz vous cy l'argent que j'aporte. (Pass. Semur D.M., c.1420 [1488], 173)

C. -Objet de commerce, denrée, tout produit susceptible d'être vendu.

1.Au pluriel.

...Bertau de Malignes (...) est au jour d'uy renommez le plus riche homme d'or et d'argent qu'on sache par les grans frais et marchandises qu'il maine par mer et par terre, car jusques en Damas, ou Kaire et en Alixandre ses galées et marchandises vont (Froiss., Chron. M., XIV, c.1375-1400, 145)

Si est le remede de querir souvant bon conseil et de le croire. Aucuns soubz esperance de faire grandes aumosnes, ou de funder chappelles, ou d'avencier leur[s] enfans, font rappines et fausses marchandises. (Gers., Pent., p.1389, 82)

... [il] a aprins et suy le mestier de chartier, et mené chars et charretes chargiez de vins et de marchandises, tant à Bourges en Berry, en Flandres, en Picardie et en Alemaigne. (Reg. crim. Chât., I, 1389-1392, 394)

...il escripsi et au roi d'Engleterre et son consel que point ne se hastassent de envoiier en Flandres ne a l'Escluse les marceandises d'Engleterre (Froiss., Chron. D., p.1400, 280)

Et de toutes coses on i pooit recouvrer (...) Et lor venoient de Flandres les marceandises toutes prestes de Hollandes, de Zellandes et d'Alemagne, et tout par mer. (Froiss., Chron. D., p.1400, 746)

...pour avoir advis et deliberacion sur ce qu'estoit à faire pour mettre à pris raisonnable les vivres et marchandises neccessaires pour la ville de Paris (Fauq., I, 1417-1420, 207)

Ensemble furent publiées les ordonnances et advis fais pour mettre pris raisonnable aux denrées et marchandises, et sur les salaires des ouvriers (Fauq., II, 1421-1430, 28)

...se partit (...) bien fourny d'argent content et de tres grande abundance de marchandises dont le païs d'Angleterre peut les autres servir, comme d'estains, de riz, et foison d'aultres choses (C.n.n., c.1456-1467, 126)

...[ils] s'arresterent longue espace de temps, tant pour delivrer leurs marchandises que pour en charger de nouvelles. (C.n.n., c.1456-1467, 567)

2.Au singulier. [Collectif]

N'en la ville n'a drap ne panne, Marchandise n'espisserie, Ne chose qu'on meinne en navie, Avoir de pois, ne saffren d'ort, Que, s'on le vuet mener au port, Qui n'isse hors par ceste porte. (Mach., P. Alex., p.1369, 85)

Seigneurs, entendez à mon dit. Li soudans tient mon heritage ; De tous Crestiens prent treuage ; N'est homs qui en son païs voise Qu'il ne vive en peinne et en noise. Toute marchandise est perdue ; A Crestien n'i ha foy tenue. Il a pris les Veniciens Et tous les autres Crestiens Qui estoient en son païs, Dont forment sommes esbahis. (Mach., P. Alex., p.1369, 124)

On m'a redit qu'une grant somme De deniers a pris de Moussé Et que par mer s'en va troussé De marchandise. (Mir. march. juif, c.1377, 198)

...une garnison de gens d'armes (...) garderoient la mer a la fin que nuls ne venist d'Engleterre en Anwiers, en Hollandes ne en Zellandes, menans marceandise (Froiss., Chron. D., p.1400, 271)

...hastivement monte a cheval chargé de sa marchandise, et picque en son village [Un curé vient d'acheter des rameaux de buis] (C.n.n., c.1456-1467, 513)

LE JUIF. D'iceulx avons beaucoup de biens, Supposé qu'ilz soyent noz contraires Et que nous soyons tributaires. A payer nostre marchandise, Or, argent, en mainte autre guise Grandement nous gaignons a eulx ['lorsqu'ils paient ce que nous leur vendons, en or, en argent, et de nombreuses autres façons, nous gagnons beaucoup sur eux' (Éd., 164). G. Roques, R. Ling. rom. 47, 1983, 358 propose une interprétation différente. Marchandise aurait le sens de 'commerce, négoce' : même si nous sommes soumis à un tribut pour payer notre négoce, nous gagnons largement avec eux de l'or et de l'argent de bien d'autres façons.] . (Mir. st Nic. juif, c.1480-1500, 81)

LA FEMME [au juif] . En vostre parler rien n'entent. Bien sçay qu'il n'a denier ne maille Ne marchandise qui le vaille [cent écus] . (Mir. st Nic. juif, c.1480-1500, 109)

Predist aussi les tribullacions qui furent en France, à l'occasion de la debillitacion desdites monnoyes, car les XXX solz n'en valoient que dix de forte monnoye, et le peuple ne povoit païer ses debtes et la merchandise ne valoit riens. (Simon De Phares, Astrol., c.1494-1498, f° 125 r°)

Et en ces jours il alla voir les douannes, tant de marchandise que es autres douannes ou l'en faisoit les galees et galiennes, nefz et navires, et ou on forgoit choses appartenantes aus dictes navires. (La Vigne, V.N., p.1495, 259)

Butin, acquis.

SATHAN. (...) Venez, dyables, m'aÿder A mon entreprinse Pour remedier. En telle maniere mise, Nostre marchandise [les âmes convoitées du juif et du chrétien] Se pourra bien perdre. Saillez, venez en ceste place, Que le feu d'Enfer vous puist ardre ! (Mir. st Nic. juif, c.1480-1500, 107)

Marchandise de regratterie. Objets d'occasion.

...ilz se acointerent li uns de l'autre en la ville de Saint-Quentin en Vermendois, fiancerent l'un l'autre, et depuis tousjours ont continuelment esté ensamble, usé de fait et marchandise de regraterie et acheté menus mesnages, robes, chapperons et autres linges (Reg. crim. Chât., I, 1389-1392, 159)

[Dans un cont. métaph.]

Au port de Bonne Destinee Descharger tost, sans demoree, La marchandise d'Esperance (CH. D'ORLÉANS, Rond. C., 1443-1460, 482)

D. -Par métonymie. Compagnie des marchands.

Donné souz le seel de la marchandise [la prévôté des marchands de Paris] (Doc.1359. In : Brunel-Tardy, Paris, l'Église et le roi, 2016, 285)

...par vertu de certain arrest et executoire d'icellui donné au prouffit de Pierre Marquier contre les prevost et procureur de la marchandise de Paris. (Baye, I, 1400-1410, 130)

...les aians cause de Robert Louvet (...) lors clerc de la marchandise de Paris (Fauq., III, 1431-1435, 61)

Sur Phelippe Bruyant, estuier, demourant à la Ville d'Avray, qui fut hancé de la marchandise le 9e jour de juillet 1467, lequel a esté envoyé gaiger et adjourner par Jehan le Maire, sergent de ceans, pour estre payé de ladicte hance, lequel vint devers Mes Seigneurs qui leur dist que oncques ne fut hancé (Comptes Paris M., t.2, 1470-1471, 276)

Marchandise (de l'eau). Corps des marchands qui utilisent la Seine (à Paris).

De Richart Harent, pour une amende tauxée à 60 s., dont Tuchon, sergent de la marchandise de l'eaue de la ville de Paris, a eu le quint (Comptes Paris V.L.D., t.1, 1424-1425, 24)

Marchandise des harengs et poissons

La Court, à la relation de certains commissaires ordenez sur le fait de la Marchandise des harens et poissons de mer à Paris, a permis et octroyé que la somme de IIIJxx X escus d'or, IIJ nobles, IJ demy nobles, IJ mantelez, V frans, un mouton, un pietre et une maille d'or, d'une part, et la somme de VIJc XLVIJ escus d'or, IIJ nobles et un blanc de VIIJ deniers parisis, d'autre part, lesquelles sommes appartenoient à ladicte Marchandise et estoient en garde en l'ostel de maistre Jehan Bailli, procureur en Parlement et d'icelle Marchandise, soient baillées par ledit Bailli aux executeurs du testament de feu messire Phelippe de Molins (Baye, II, 1411-1417, 205)