MALICIEUX

adjectif

[T-L : malicïos ; GDC : malicios ; AND : malicious ; FEW (VI-1, 113a) : malitiosus ; TLF (XI, 260a) : malicieux]

A. -[D'une pers. (ou d'un animal), d'une manifestation de la pers.]

1.Qui a de mauvaises intentions, qui est porté à faire le mal, malfaisant, mauvais, perfide.

...elle s'acointa d'une vielle qui moult estoit malicieuse sorciere (Bérinus, II, c.1350-1370, 147)

La primere pur ceo qe homme dist qe de tant come la vie d'un home est plus longe, de tant sa enfance plus deure - et ceo piert q'ensi fui par noz avant piers qi vivoient si treslongement, qi si tost n'estoient mye malicious come nous ore sumes. (Henri Lanc., Seyntz medicines A., 1354, 36-37)

Voie dont qu'elle ne soit malicieuse mais simple et bonne, ne soit aussi hardie ne importune mais humble et vergongneuse, ne soit pas luxurieuse mais chaste, ne ireuse mais debonnaire, ne trop buvant mais sobre. (Daudin, De la erudition H., c.1360-1380, 424)

Item, le prodige est moins malicieus. (Oresme, E.A.C., c.1370, 237)

'En nom Dieu, sire, ce respondi messires Pepins de Were, Lombart sont malicieuses gens : il regarde vos florins se il en y a nul faulz, et espoir ossi il y sont tout.' (Froiss., Chron. L., IV, c.1375-1400, 77)

Elle est fraile et malicieuse Et a mal faire estudieuse (Desch., M.M., c.1385-1403, 64)

Uns enfes devient tantost sage, Croist ou devient malicieus (Desch., M.M., c.1385-1403, 209)

L'autre cause [du fait que Dieu révéla sa gloire aux pasteurs] fut pour leur bonne simplesce et occupacion honneste, car aux autres qui estoyent malicieux ou qui se donnoyent a orde charnalité, Dieu ne se monstra pas sinon a leur horrible mort (Gers., Noël, p.1404, 297)

...et commencèrent à parler à La Hire et aux aultres, en eulx faisant courtoisie et récepcion, pensant qu'ilz ne lui voulsissent que bien. Mais ils estoient de ce vastement abusés. Car leur malicieuse voulenté estoit bien aultre, comme ilz le monstrèrent prestement (Monstrelet, Chron. D.-A., t.5, c.1444-1453, 103)

Interrogué qui conseilla la dicte feue de demander la dicte cédulle faisant mencion de l'angaigement desdiz hanaps au dit Laloe, dit qu'il ne scet et croit qu'elle dist d'elle-mesmes, et qu'elle estoit assez malicieuse pour avertir teles choses. (Aff. Jacques Coeur M., 1453-1457, 154)

Encores dist il : Virum sanguinium et dolosum abhominabitur dominus. C'est a dire, mon ami, que l'omme a sang et malicieux est abhominables a Nostre Seigneur. (La Sale, J.S., 1456, 43)

Ce saint hermite (...) n'estoit pas mains luxurieux que ung vieil singe est malicieux (C.n.n., c.1456-1467, 97)

...lequel Rousseau (...) estoit homme malicieux, qui avoit acoustumé de user de rebellions et desobeissances à nous et à noz officiers (Doc. Poitou G., t.10, 1459, 138)

A ce prophete, qui penitance Preschoit en vie virtüeuse, Elle [Hérodiade] prist si grant desplaisance, Pour ce qu'est putain luxurieuse, Aultaine et malicïeuse, Que luy a fait coupper la teste. (Pass. Auv., 1477, 110)

L'ESPERIT EVE [à Dieu] . (...) Le faulx serpent malicïeux, Trop infelice et anormal, Et moy, par faict trop vicïeux, Vous avons causéz tout ce mal. (Myst. Pass. Troyes B., a.1482, 142)

Vicieux, pervers.

Mais aulcuns sont tant malicieux que plus est la chose ou le lieu ort et lait, tant se delitent ilz plus (Gordon, Prat., c.1450-1500, VII, 1)

[D'un sentiment]

Helas, desleaux Juïfz infeaulx, - remplis d'envie malicieuse, Vous n'estes leaulx, Ne bons ne feaulx, - d'avoir fait chose si onteuse ! (Pass. Auv., 1477, 210)

Emploi substantival. Personne mauvaise, méchante.

Malicieux font pis que les dyables ; De malicieux vienent tous maulx. (Pass. Auv., 1477, 111)

2.Rusé (en bonne ou en mauvaise part).

Il estoit ja sur l'avesprer quant cilz derrains jeu fu encommenciez, et le bourgois, qui moult estoit malicieux et du jeu bien apris et endoctrinez, mena si le jeu que Berinus en fu au pïeur. (Bérinus, I, c.1350-1370, 44)

Or te vueil je dire et compter les gardes qui sont establies a cellui gaitier et garder, qui y sont de jour et de nuit sanz remouvoir: ce sont .VIII. folet de Surie, que Tholomeus li sages astronomiens ramena, si en sont li .IIII. establi pour gaitier par jour, et li autre par nuit, et veillent li deux quant li autre dorment, et sont si soubstil et malicieux que jamais ne vous aroye compté des merveilles qu'il scevent faire ne la grant joye ne le deduit en quoy ilz se maintiennent, par quoy je croy qu'il ne soit homs ou monde, tant soit sages et engigneux, et il les veïst, qu'il n'en fust tous esbaÿs du regarder (Bérinus, I, c.1350-1370, 67)

La cotte Gaston, où la bourse et la pouldre estoit, ala sur la place du lit Jeulbain. Son frere, qui estoit malicieux assez, senty la bourse et la pouldre dedens, et demanda à Gaston, son frere : 'Gaston, quelle chose est cy que vous portez tous les jours à vostre poitrine ?' (Froiss., Chron. M., XII, c.1375-1400, 83)

Et, quant il s'i puet tenir monde Et que plus lui fault resgarder En temptacion de garder Son corps et son ame en peril, Tant fault il qu'il soit plus subtil, Plus caut et plus malicieus De soy garder que ne sont ceuls Qui n'ont fors que penser a Dieu Et qui ne se muevent d'un lieu (Desch., M.M., c.1385-1403, 323)

Des cerfs, les uns sont plus tost alanz et miex fuyanz que les autres, einsi que sont les autres bestes, et plus sachanz et malicieus les uns que les autres, einsi comme des hommes, que li uns est plus sages que l'autre (Gast. Phébus, Livre chasse T., 1387-1389, 62)

...quar c'est merveilleusement malicieuse beste (Gast. Phébus, Livre chasse T., 1387-1389, 237)

'Les Englois sont malescieus . Il ont tout volentiers laissiet ces pourveances en cel estat, a la fin que nous nos i ataqons...' (Froiss., Chron. D., p.1400, 709)

...omme malicieux Et caut, qui proprement scet faindre, Beau parler, coulourer et paindre ! (Chr. Piz., M.F., II, 1400-1403, 45)

...je te dis qu'il est aucune maniere de guerre que les assaillans ont l'avantaige. Et sces tu quant c'est ? Quant le capitainne ou le conduiseur est plus malicieux et duit de guerre, et il a afaire a foible partie et simple, non usagiee de guerre (Chr. Piz., Déb. R. Rose H., 1401-1402, 137)

Dont par ainssy la mensonge du malicieux duc, enveloppé de dissimulacion de begninolleucence, deceupt deux peupples (La Sale, Salade, c.1442-1444, 36)

...ceulz qui avoient esté deceupz par la fraude et malicieuse faulseté dudit duc. (La Sale, Salade, c.1442-1444, 36)

Par le saint sang bieu precïeux, Tu es assés malicïeux Pour entendre bien la cautelle... (Path. D., c.1456-1469, 148)

Escoutez que je determine. Vous qui estes en lieu de rime Fourrez de malice en tous lieux, Vueil qu'on vous nomme par ce signe Tous troys les sotz malicieux, Et pourtant donc qu'estes tous tieulx Je vous fais sans plus de replicque Reviseteurs pour faire mieulx Tous troys de la chose publique. (Sots mal., c.1480, 89)

Guillaume Rin, saige homme et malicieux... (Comm., II, 1489-1491, 288)

[Du regard] Qui dénote la ruse, la subtilité.

Turpin, saint homme, arcevesque de Rains, qui regnoit par lors et fut par pluseurs fois en la compaignie de Charles, il dist qu'il estoit homme bien pris de corps et grant de personne et avoit le regart fiers et malicieux. (Bagnyon, Hist. Charlem. K., c.1465-1470, 15)

[De l'apparence] Dissimulateur.

Contrefaisant la coquelourde, Soubz ung malicieux abit... (CH. D'ORLÉANS, Rond. C., 1443-1460, 374)

B. -[D'une chose]

1.Susceptible de nuire, nuisible, nocif.

Car il [l'aigre grenadier] donne moult d'asséurance Contre fièvres de pestillence, Et est à ce plus précieux En temps chault et malicieux, Et sur toute sollicitude Doit-on mettre très grant estude À conforter, comme qu'il soit, Le cuer et le foie orendroit (La Haye, P. peste, 1426, 137)

Et affin que trop mieulx se face Vostre saulvement pur et munde, Vostre cueur fault qu'il se defface De cest ort, miserable munde. Chose n'est qui ne soit immunde, Decevable et malicïeuse ; Pour ce, il vous fault, parolle ronde, Pour estre plus devocïeuse, Que vous soyez religïeuse Playne de toute chasteté (La Vigne, S.M., 1496, 470)

MÉDECINE Nocif.

La cause si est que en ictericie la matiere n'est pas tant malicieuse ne tant corrumpue et pour ce elles occupent la partie du cuir egalement (Gordon, Prat., c.1450-1500, I, 22)

...et est douleur aucune fois tant forte et malicieuse que le patient ne peut souffrir grant clarté ne hault parler, et l'appellon galiate (Gordon, Prat., c.1450-1500, II, 10)

En tout flux quant est de sa nature, s'il n'est malicieux, on ne le doit point restancher ; s'il est alleviatif avec bonne souffrance et se il est sinthomac on ne le doit point soudainement restancher, mais petit a petit se la vertu le peut souffrir (Gordon, Prat., c.1450-1500, VI, 4)

2.Mauvais.

Toute la masse corporèle Des Elémens et autres choses, Qui soubz la Lune sont encloses ; Car prent chascune impression Comme quiert sa complexion, Malicieuse ou débonnaire. (La Haye, P. peste, 1426, 3)