MALICIEUSEMENT

adverbe

[T-L : malicïosmalicïosement ; GDC : maliciosement ; AND : maliciousement ; FEW (VI-1, 113b) : malitiosus ; TLF (XI, 260a) : malicieusement]

A. -Dans une intention mauvaise, dans l'intention de nuire, de faire le mal, de manière à nuire.

...vuiseuses paroles, Bourdes, mensonges et frivoles, Arrangies et attroppées, Malicieusement comptées, Ruses avec losangeries, Presumptions et vanteries Et toutes paroles volages. (Mach., D. Aler., a.1349, 268)

Tu congnois des cuers les pensees, Einsois qu'elles soient pensees ; Tu scez tout, einsois qu'il soit fait ; Tu scez que je n'ay riens meffait Et que malicieusement Ont tesmongnié et faussement Li faus juge qui m'ont jugie, Par qui le corps pers et la vie. (Mach., C. ami, 1357, 10)

Mais la belle Deyamire Le fist morir a grant martyre, Nom pas malicieusement, Einsois le fist ignoranment Par la chemise envenimee Qui li fu d'elle presentee. (Mach., C. ami, 1357, 96)

Et aussi pour ce que tele concupiscence quiert ses moiens par agueit et malicieusement (Oresme, E.A.C., c.1370, 385)

Mainte foys lez heritages dez clers sont mises en la main du Roy sanz aucune cause raisonnable et malicieusement, pour enpecher la juridiction de l'Eglyse et aucune foys par vyolence et de fait, laquelle chose est contre tout Droit (Songe verg. S., t.2, 1378, 196)

...ledit duc de Bourgongne, sans ceinture et sans chaperon, estant à genoulz devant madame et ses enfans, accompaignée d'autant et de telles personnes qu'il leur plaira, confesse publiquement et à haulte voix que malicieusement et par agait il a fait occire monseigneur d'Orléans (Doc. 1408. In : MONSTRELET, Chron. D.-A., t.1, c.1425-1440, 341)

Desquelles choses ledit exposant et autres de sa compaignie furent tres mal contens, pour ce qu'ilz ne savoient (...) se iceulx varlet et pages estoient là venuz malicieusement pour publier lesdictes nouvelles contre verité ou autrement. (Chancell. Henri VI, L., t.1, 1424, 115)

A nostre presbtre, On vous fait croistre - vostre mal malicieusement. (Pass. Auv., 1477, 210)

Avec perfidie, perfidement.

Vous avez oy et tenu De la pais tout le contenu Que j'ay ci devant recité ; Si que sachiez, en verité, Que fait l'avoient faussement ; Et très malicieusement Estoit ceste pais pourpensée. (Mach., P. Alex., p.1369, 183)

Sy voulut prendre et amasser a sa doctrine de toutes lez loys pour gaigner gens de toutes parties : malicieusement, il entrelassa en ces diz partie du viel Testament et partie du nouvel, en donnant appetit aux juifz et aux crestiens a sa secte, et desloyaulment corrumpit le sens de ce qu'il emprint pour effacer la substance dez autrez loys, et l'interpreta a faulse entente (Chart., L. Esp., c.1429-1430, 120)

B. -Par malice, par ruse.

Et des injures les unes sunt faites par injure, ce est assavoir en injuriant en appert, et les autres sunt faites par astuce, ce est assavoir occultement, mucieement et malicieusement (Oresme, Pol. Arist. M., c.1372-1374, 186)

Vous avés bien chi desus oi compter conment Lois, li jones contes de Flandres, fiança ensi que je disoie maintenant, la fille au roi d'Engleterre et conment malescieusement, et par grant avis, il se departi de Flandres et vint en France (Froiss., Chron. D., p.1400, 878)

SATHAN. Elle [l'âme du chrétien] est mienne. RAPHAEL. On te le nye (...). SAINCT NICOLAS. Mauldit serpent (...) laisse [ceste] ame. (...) GABRIEL. Tu l'as malicieusement. SATHAN. Il a donné consentement Et en cest estat l'ay trouvé. Ergo, donc, eternellement, Je vueil dire qu'il est damné. (Mir. st Nic. juif, c.1480-1500, 145)