MAIRE

adjectif et substantif masculin

[T-L : major ; GD : maior, maire1 ; AND : mair1 ; FEW (VI-1, 56a, 57a) : maior ; TLF (XI, 193a) : maire]

I. -Adjectif.

A. -Plus grand (en quantité ou en qualité) ; principal.

Si com rois, dux ou contes ou granz prelaz ou princes, Soit granz, moiens ou maires en trestoutes provinces, Ne se doit orguillir pour sa sublimitei, Ainsint ne se doit il pour sa crudelitei Faire ahaïr de ces qu'a en subjection (Gir. Ross. H., c.1334, 187)

...à maire fermeté des choses desurd. (Actes Jean V Bret. B., t.1, 1405, 30)

Et, à maire protection, Fault faire fumigation, Dedens la maison ou la chambre, De boiz d'aloe, musc ou ambre Pour les riches et les puissans (La Haye, P. peste, 1426, 80)

Maire, c'est à dire greigneur. (La Haye, P. peste, 1426, 211)

Et en celle joye alla le roi à la maire esglise louer Dieu (CABARET D'ORV., Chron. Loys de Bourb. C., 1429, 217)

[Plantes ; p. oppos. à une variété plus petite de la même espèce] Maire cardamome. Voir cardamome

B. -En particulier. DROIT

1.[D'une juridiction] D'un rang plus élevé, supérieur.

...chastel et chastellerie, qu'il tient de nous en foy et hommage et a tenu de nos predecesseurs, et jà soit ce qu'il y ait justice haulte, moyenne et basse, mere et miste impere, avec tout droit qui s'en despent, senz ce que aucun y puisse exiger, lever ou cueillir aucun nouvel treu, taille ou autre fouage quelxconques, senz le consentement ou voulenté du dit exposant (Doc. Poitou G., t.5, 1377, 8)

...services, reddevances, ligences, services et obéissances, justices, juridicions haultes, moyennes et basses, mixtes, meres et imperez, dominacions, seigneuries, féages, hommages, hommenages, que autres choses quelconques et comment que elles soyent dites, nommées et appellées (Cartul. Laval B., t.2, 1404, 3)

...délaissons, de grâce espécial, par ces présentes, pour luy, ses hoirs, successeurs et ayans cause, les chasteaulx, chastellenies, terres et seigneuries de Chastelnau, de Montmiral et de Villeneufve en Albigois, ainsi qu'elles se comportent et extendent avecques leurs appartenances et appendences quelxconques, tant en chasteaulx et autres édifices, droiz et devoirs de guet, justice et juridicion, haulte, moyenne et basse, mère mixte et impère, hommes, hommaiges, les ventes, quins, requins, deniers, foires, marchez, four à ban (Archives servit. Louis XI, T., 1470, 33)

2.[D'une donation] Entier, plein, sans restriction.

...a ladicte dame Marguerite donné, cédé, quicté, transporté et du tout en tout perpétuellement délaissé, purement et simplement, par donnacion mère, pure, simple et irrévocable (Roi René vie L., 1476, 357)

II. -Substantif.

A. -Celui qui occupe un rang élevé, qui dirige.

...et, comme ainssi ait esté ordené par noz maieurs que, si en comicez censoriens l'en ne puet parfaire les loyaux suffragez par la renonciacion de touz deux pour ce que l'un d'eux n'ait mie renoncié, les comicez soient differé, je, qui bien say que tu touz ceux ne pues estre creez censeur, ne souffreray pas que tu touz ceux administrez la censorie (Bers., I, 9, c.1354-1359, 34.25, 63)

Le roi de Thunes, Sarrasin, maieur en Barbarie (...) s'estoit pourveu de ses gens d'armes pour conforter sa ville, ou lever le siége (CABARET D'ORV., Chron. Loys de Bourb. C., 1429, 234)

...que les princes et les chiefz du peuple, les anciens et lez majeurs des villes seroient menés prisonniers en Babylone (Chart., L. Esp., c.1429-1430, 76)

La description sera telle Que toute personne mortelle, Voire en tant qu'il touche homme et femme De quelconque terre ou royalme Qu'ilz soyent, se yront presenter, Sans ung tout seul en excepter, Dessoubs les prevosts ou baillis De leurs provinces et pays Ou dessoubs aultres officiers, Maieurs, viscontes ou justiciers (Marcadé, Myst. Pass. Arras R., a.1440, 17)

Chier amy Pierre, je te prye que ton partement demeure. Car tu ne peux aler en lieu ou tu soyes plus aise qu'avec moy ; et ne trouveras amy ne parens qui plus te face de biens. Car je te feray le maieur de ma terre aprés moy... (Belle Maguel. C., 1453, 45)

Assarmoth, Almoda, Jarthé, Mallaos et Dignaas furent après, tous grans hommes au monde en ce temps, chacun en sa region et eurent tous iceulx à disciples les enfans des majours de leurs lieux, par especial icelui Assarmoth eut Suras et Nabin, qui furent de Syrie, qui puis furent grans au siecle (Simon De Phares, Astrol., c.1494-1498, f° 16 r°)

[Apparition d'un chevalier blanc qui dit :] 'Chan Guys, la volonté du Dieu inmortel est que tu soies doresenavant recteur, gouverneur et maistre des sept nacions de ce païs et que tu les delivres des servitudes où ilz ont si longuement esté et après domineront sur leurs voysins ; toutes icelles VII nacions te suivront' ; et ceste vision semblable se apparut aussi aux maïeurs d'icelles nacions (Simon De Phares, Astrol., c.1494-1498, f° 102 v°)

Artisan principal, maître.

De le lïer [le condamné] veulx estre maire, Endroit de moy faire le doy. (Pass. Semur D.M., c.1420 [1488], 192)

Supérieur, chef.

'Responsable d'un corps de troupe.

...celui qui se part de la bataille contre le commendement de son majour... (Bouvet, Arbre bat. R.-B., c.1386-1389, 232)

...se lez deux roys avoient triefves et un Françoiz bleçoit un Angloys durant lez triefves, il en seroit plus fort pugny que s'il avoit blecié un autre selon la volenté de son greingneur [var. majour] (Bouvet, Arbre bat. R.-B., c.1386-1389, 507)

Supérieur d'un couvent.

...il ne convient autres lettres aux freres mendians se non celles de leur majeur pour aller preschier par tout, supposee la licence du pape et la presentacion faite a prelat ordinaire (Jean Golein, Rational B.D., c.1370-1372, 409)

B. -En particulier.

1.Celui qui se trouve à la tête du corps municipal d'une commune, auquel incombe l'administration et la justice municipale.

...lidit religieux auront perpetuelment esdites villes et terroir un maieur, liquiex gardera et exercera toute basse justice fonciere seur touz les heritaiges (Trés. Reth. S.L., t.2, 1335, 20)

Le quele Wauter Hervi fu fait meire par election del comune countre le volunté des aldermans. (Chron. London A., c.1350, 11)

En cele an fut le meir presenté à la tour de Loundres à sire Auntoigne de Bek, et ressu de par le roy, et là fit il le serment. (Chron. London A., c.1350, 14)

LE CONTE. (...) Car servi m'avez loyaument Tant come avez esté mon maire ; Et pour ce vous vueil baillif faire (Mir. enf. ress., 1353, 16)

Aubin, celui qui estoit gendre Guillaume, maire de Chiefvi. (Mir. femme, 1368, 195)

...se par nostre bailli ou chastellain estoit imposé à aucun bourgeois ou autre d'avoir mis main violente à la personne de nostre dit bailli ou d'aucun sergent ou officier serementé de par nous en nostre dite ville, (...) tenu seroient nos dis bailli ou chastellain de mettre le cas a congnoissance sommierement et de plain et sans figure de jugement par devant les dis maire et eschevins (Hist. dr. munic. E., t.1, 1374, 94)

Li maires de Bourdiaus obei au commandement dou conte Derbi. (Froiss., Chron. L., III, c.1375-1400, 50)

...messire Nicolas Branbre (...) a esté maire de Londres ung grant temps (Froiss., Chron. M., XIV, c.1375-1400, 59)

Li maieur et li juret de le ville de Gand (...) respondirent que, salve leur grace, il ne pensèrent onques à brissier la paix (Froiss., Chron. R., IX, c.1375-1400, 221)

Se aucun de la commune ou la commune mesmes me forfait aucunes choses, il convendra que je praigne droit de lui ou de la commune en la court Saint Benigne pour le maieur de la commune au jugement des juréz, ne je ne les pourray contraindre ou plaidier ou monstrer chartre defors la devant dite court. (Cout. bourg. glosé P.M., c.1380-1400, 22)

Des contens faiz en la ville de Beaune, le maire et les eschevins doivent avoir la congnoissance et de ceulx de la ville et dehors. (Cout. bourg. glosé P.M., c.1380-1400, 31)

Les plus grans [justiciers] sont appelléz ceulx qui ont la plus grant puissance, si comme les auditeurs des appeaulx, qui ont povoir d'amender ce que les bailliz font ; les bailliz sont appelléz juges ordinaires et mendres des dessus nomméz, pour ce qu'il ont plus petit povoir, car il n'ont pas povoir de faire justice hors des bailliages qui leur sont commis. Les plus bas justiciers sont ceulx qui sont dessoubz les bailliz, ainsi comme le prevost, viguiers, maieurs et sergens. (Cout. bourg. glosé P.M., c.1380-1400, 104)

...que nuls marchans ne marchande de waranche ne aultres, quelz que il soit, ne venghe ne fache vendre par lui ne par autrui waranche aucune en ceste ville ne en le chastelenie, se elle n'est passée à l'eswart et ensengnie de l'ensengne de ceste ville, sour 10 lb. de fourffait et le warance fourfaite à le volenté des dis maïeurs (Hist. industr. drapière Flandre E.P., t.3, 1382, 23)

...prisonnier admené oudit Chastellet, et envoïé par ledit maistre Denis de Bausmes, maire de la juridicion de Saint-Magloire, esquelles prisons de Saint-Magloire il estoit detenu prisonnier pour cause d'unes heures de Nostre Dame par lui p[rinses] et emblées, si comme ledit maire disoit (Reg. crim. Chât., I, 1389-1392, 2)

Et, pour ce, lui qui parle leur fist deffence de par ledit maire, qui ce lui avoit dit et commandé, que ilz ne mesfeissent aucunement audit monstier. (Reg. crim. Chât., I, 1389-1392, 233)

...les diz maire et eschevins avoient le gouvernement et administracion d'icelle Loy et, pour ce faire, avoient chartres, seel de commugne et seel as causes, comme avoit et a la ville de Saint Pol, aveuc maison d'eschevinage, pillory, cloque pour eulx assambler (Hist. dr. munic. E., t.3, 1390, 245)

Li seneschaus dou lieu pour le temps, mesire Thomas Fouque, et li maires de la ville et tout li honme bourgois de la chité de Bourdiaus les requellierent doucement et liement (Froiss., Chron. D., p.1400, 602)

...quant il approcha Londres a IJ lieues pres, le mahier de Londres a tout le commun vindrent au devant du duc (Chron. Rich. II, W., c.1400-1420, 62)

Adonc le mahieu et les autres prindrent le Roy Richart et l'emenerent a Wasmonstier (Chron. Rich. II, W., c.1400-1420, 63)

...lesquelz eschevins, prevost et maieurs ont acoustumé d'estre vestuz chascun an, pour le honneur et estat de nous et de nostre dicte ville, de draps de livrée par eulx, au jour de Pasques communaus (Hist. dr. munic. E., t.2, 1409, 139)

...le procureur de maire et commune de la Rochelle a protesté que ce, quant au fait de capitainne, ne prejudicie au droiz, libertez et franchises de ladicte ville et du maire de la Rochelle (Baye, II, 1411-1417, 10)

...la Court avoit appoinctié en la cause d'entre maistre Mahiu Cauforrier, d'une part, et le bailli et maieur et eschevins d'Amiens, d'autre part (Baye, II, 1411-1417, 96)

...pour avoir advis et deliberacion sur la provision que avoient requis et requeroient en la Chancellerie les maieur et eschevins de la ville d'Amiens pour contraindre les gens d'eglise indirectement à paier et contribuer à l'ayde à eulz octroié pour la fortification de la ville et cité d'Amiens (Fauq., II, 1421-1430, 103)

...et, aveucq ce, les mayeurs et eschevins de ladite ville d'Arras, allerent au devant des dessusdis seigneurs pour les bienvegnier et leur faire reverence et honneur. (La Taverne, Journ. Paix Arr. B., 1439, 32)

...la moitié de vint deux livres par. de taille esbondée, qui se jecte et impose chascun an egalment, au jour saint Remi on chief d'octobre, par les maieur, eschevins et justice du lieu, sur pluseurs hommes et femmes de condicion servile, de fourmariage et non tonsurables (Trés. Reth. L., t.3, 1449, 297)

...pour vuyder et mectre affin le different estant entre les mayre, eschevins, jurats et consulz de nostre ville de Bayonne et aucuns marchans et habitans d'icelle (Lettres Ch. VIII, P., t.2, 1488-1489, 377)

Et devez sçavoir que ledit grant maistre, qui estoit lieutenant general du roy, fist advertir ceulx de laditte ville d'Amyens qu'il estoit d'oppinion qu'ilz envoyassent unes lettres qu'il leur avoit escriptes, après qu'il eut eu la seureté des mayeurs et eschevins de ladite ville, et mesmement de maistre Jehan du Courroy et plusieurs grans personnages qui menoient ceste espousée au moustier ; qu'ilz luy devoient aussi envoyer les lettres escriptes par monditseigneur le grant maistre audit duc de Bourgoigne. (Le Clerc, Interp. Roye, c.1502, 256)

Maire fermier/en garde. Maire qui tient son office en ferme ou en garde.

Le maire et les autres officiers, fermiers ou en garde, en leur premiere creacion, sont tenuz de jurer bien et loyaulment garder le droit du prince (Cout. bourg. glosé P.M., c.1380-1400, 65)

En apposition. Maire garde

...il fu rapporté par le maire garde de la justice de Baubigny, tesmoigné et affermé que ycellui prisonnier avoit confessé par devant lui estre traitre du roy nostre sire (Reg. crim. Chât., I, 1389-1392, 54)

Remarque : Maire et garde

A tous ceulx qui ces presentes lettres verront, Denis de Bausmes, maire et garde de la terre et jurisdicion de messeigneurs les religieux abbé et couvent de l'eglise Saint Magloire de Paris, salut. (Chartes Abb. St-Magl. T.F., t.3, 1388, 579)

Contre-maire. Maire adjoint.

...maire et contre-maire de Bourdeaulx (Doc. 1451. In : CHART. J., Chron. Ch. VII, V., t.2 c.1437-1464, 291)

Sous-maire

Lequel incontinent manda lectres aux doyen et chappitre de la grant église, et pareillement à l'université, au maire et soubz-maire et aux gens de justice de ladite ville d'Angiers (Roi René vie L., 1481, 388)

2.Responsable d'un corps de métier, d'une confrérie.

Du maieur, eschevins, bourgois, habitans, maieur de bannière, et de toute la communauté de la ville d'Amiens, par la main de Jehan du Gard, compaignon de l'esquevinage, et Jehan Piedeleu, maieur de bannière, messaigiers envoiez devers le Roy par les dessus diz, pour don qu'ils ont fait au Roy pour son vivre et estat maintenir (Comptes argent. rois Fr. D.-A., I, 1359-1360, 202)

...Perrin Nicole, maiours de la confrarie de monsour Saint-Anthoine... (Cartul. Hôtel-Dieu Cout. L., 1399, 207)

DRAPERIE

Maire de la halle

...tout drappier et drappieres, et tout autre qui vorront dras envoiier as fiestes en Flandres, ensi que dit est, se deveront faire mettre en escrit par deviers le mayeur de le halle souffissamment, pour le fieste a il deveront aler, 15 jours u plus devant le premier jour de moustre. (Drap. Valenc. E., 1344, 299)

Maire de la perche

Que nuls caucheteres, cauceteresse, uns ne autres, quelz que il soit, faisans et vendans cauches en ceste ville et taille d'icelle, ne soit si hardis, qui, depuis maintenant en avant, vende ne fache vendre par lui ne par autrui, en appert ne en couvert, nuls draps enthirs ne piece de draps quelzconques à detail, qui ne soit retrais, tondus et rapparilliés bien et souffissaument et apres che aportéz et passéz par l'eswart des maïeurs de le perche (Hist. industr. drapière Flandre E.P., t.3, 1382, 25)

En particulier. Responsable d'une foire.

Et quiconques sera mayres en quel fieste que che soit, fache descouvrir et couvrir de bielle heure, ensi qu'il appiertient, sans vendre ne moustrer a le candeille, en nul des 3 jours de moustre. (...) Et quiconques desobeiroit au mayeur dessus dit estaulit, feroit u diroit vilenie en nulle maniere en l'okison de l'offisce, il seroit a ottelle amende et a otelles loys, que dont que il le fesist au prouvost u au mayeur de le halle et as XIII Hommes qui estaulit l'aroient. (Drap. Valenc. E., 1344, 304)

3.Juge seignorial.

Encor ne le dis je pas pour me Vanter, mais n'a, au territoire Ou nous tenons nostre auditoire, Homme plus saige fors le maire. (Path. D., c.1456-1469, 48)

Messieurs les maires et sergens, Il vient a eulx ou ilz sont tous ensemble (La Vigne, S.M., 1496, 398)

LA MERE. Vecy le bon preudomme ensemble Vostre pere et d'aultres grans gens. LA SEUR. L'un a l'aultre poinct ne ressemble ; Je n'y voy maires ne sergens. (La Vigne, S.M., 1496, 454)

Remarque : V. aussi majeur : pour l'adj. issu du lat. maior, on n'a mis ici que la forme maire et non pas maieur, majeur... (où se pose la question de la chuintante). En revanche, les formes de subst. masc. maieur, maiour, majeur... sont toutes regroupées sous le présent article (parce qu'elles correspondent au fr. mod. maire et non pas à majeur).

Voir aussi majeur