MAGIQUE

adjectif et substantif féminin

[T-L : magique ; GD : magique1 ; GDC : magique ; AND : magike ; FEW (VI-1, 26a) : magicus]

I. -Adjectif. De magie.

Art magique. Science magique. Science occulte, magie.

Et mettons Zoroastres, roy des Bretaniens, qui fu si grant astronomien et qui premiers trouva les ars magiques (Oresme, Divin. C., c.1366, 70)

...par especial plusieurs livres de divinemens, de art magique, de art notoire, et de telles choses, sont faussement intitulees de Hermes, ou de Psalmon (Oresme, Divin. C., c.1366, 106)

Et pour ce que lez Ars magiques, conme est Nigromancie, Geomancie et samblables, si se font par aucunes evocacions de l'Anemi, pour tant, ce sont sciences qui sont deffendues. (Songe verg. S., t.1, 1378, 377)

...ce sont choses supersticieuses et dampnables tous volumes et livres d'ars magiques, lezquelx enseignent lyeüres et plusieurs remedes de maladies qui sont reprouvés en medycine (Songe verg. S., t.1, 1378, 388)

Flateur, qui pis est, corrumpt la verité de vraye foy pour complaire et prouffiter a soy, et fait croire mensonges, sourceries, charmeries et ydolatries et ars magiquez et dyaboliquez, et delaisser Dieu pour recourir au deable, comme s'il fust plus puissant ou plus saige ou plus misericors que Dieu. (Gers., Annonc., a.1400, 235)

...l'art magique en general contient deux principaux parties. La premiere partie use des esperiz et par eulx est excercee et parfaicte principalment, si comme ceulx supposent qui tiennent qu'il y a en l'ordre de nature plusieurs telz esperiz qui pevent transmuer les elemens et mouvemens et moult de merveilles faire. (Evr. Conty, Eschez amour. mor. G.-T.R., c.1400, 94-95)

Et par art magique il enclouÿst par lors une legion de deables pour la garder et faire signe pour abuser le peuple. (Bagnyon, Hist. Charlem. K., c.1465-1470, 179)

Brou, brou, ha, ha, puissans deables iniques, De sortir hors maintenant qu'on s'appreste ! Et par noz ars et scïences magiques Faisons lever fouldre, gresle, tempeste ! Vecy le temps qu'il fault que l'on s'apreste De mectre sus noz puissances dampnables. (La Vigne, S.M., 1496, 222)

Viens tantost aorer noz dieux Et renonce a ta foy inicque Et aussi ton faulx art magicque, Ou certes il te mesprendra (Myst. st Laur. S.W., 1499, 221)

II. -Substantif féminin. Magie.

Et se magique m'asseüre Ou astronomie est pour moy, Et Fortune estre me vuet dure, Asseürer pas ne me doy. Dont qui vuet honneur et pris, Ait sa fiance en Dieu de paradis (Mach., L. dames, 1377, 230)

L'autre seconde partie de magique et qui plus proprement est magique appellee lesse les esperiz et ne se veult point mettre en leur dangier, ce samble. Mais en ce lieu elle use d'aucunes autres choses trouvees en nature qui ont vertus secretes et de grant efficace, en quoy elle se arreste et cuide ainsy par elles venir a son entente, si comme sont les estoilles du ciel, les pierres precieuses, les herbes et les plantes et aussy les paroles et les sons musicaulx qui sont de grant vertu, comme dit est (Evr. Conty, Eschez amour. mor. G.-T.R., c.1400, 94-95)

Estudioit plus en magique Qu'en la science de logique. (Chr. Piz., M.F., III, 1400-1403, 33)

...et comme il eust oy dire que Athlas tres grant astrologien, frere de Prometheus roy de Afrique, eust un jardin ouquel estoient pommes et rainceaux d'or qui estoient gardez par un serpant telement fait par magique que il sambloit tousjours veiller pour la garde de cest riche vergier (Premierfait, Cas nobles hommes G., 1409, 164)

De sa mort nous fault asseurer Affin qu'il ne nous puist tromper Par sa magicque ne aultrement, Car il est soubtil grandement. (Marcadé, Myst. Pass. Arras R., a.1440, 206)

Zoroastes le second, duquel parle saint Augustin, fut en ce temps moult speculatif et sceut la science des estoilles, jaçoit ce qu'il declina sur les ars supersticieux et mesmement sur magique supersticieuse. (Simon De Phares, Astrol., c.1494-1498, f° 17 r°)

Remarque : Renart contref. R.L., 1328-1342, gloss.

Art de magique

...veez cy deux anneaulx que je [Mélusine] vous donne, dont les pierres ont une mesme vertu. Sachiez que tant que vous [mes enfants] userez de loyauté, sans penser ne faire tricherie, ne mauvaitié, et que vous les ayez sur vous, vous ne serez desconfiz par armes, mais que vous ayez bonne querelle ; ne sort, ne enchantement d'art de magique, ne de poisons, de quelconque maniere, ne vous pourra nuire, que si tost que vous les regarderez, que ilz n'aient perdu toute leur force. (Arras, c.1392-1393, 84)

Et ce dy je pour excepter les ymages que on fait par incantacion et par l'art de magique, ou len use de conjuracions et de sacrefices appartenans aux esperiz malignes. (Evr. Conty, Harm. sphères H.P.-H., c.1400, 40)

Grant peur avons d'estre enchanté Et deceupt par art de magicque. Se tu es ung corps fantasticque, Ce seroit par nous grant erreur. (Marcadé, Myst. Pass. Arras R., a.1440, 270)

O vous, gent chetive, amenés d'estrange terre par piteulx eschangement de felicité en mendicité, (...) a moy, femme sarrasine, usant dez arz de magicque, avés declairié estre conjoingz en proximité de lignage, noblez, de parens chevaliers (Fille comte Pontieu B., c.1465-1468, 107)

C'est fantosme ou art de magique : Par ce point fault il qu'i se face. (Myst. Pass. Troyes B., a.1482, 453)

Par personnification.

Mais oyez la fin ! Finablement Ydolatrie s'i embat avec ses suers germaines qui sont Sortilege, Supersticion, Magique qui font la povre ame aourer et croire en leurs dieux, denier son baptesme et la foy crestienne, adourer le(s) dyable(s) et luy sacrifier. (Gers., Purif., 1396-1397, 65)