MAÇONNERIE

substantif féminin

[T-L : maçonerie ; GDC : maçonnerie ; FEW (XVI, 507a) : *makjo ; TLF (XI, 119a) : maçonnerie]

A. -Construction ou réparation avec des briques, des pierres et du mortier ; ouvrage qui en résulte.

De l'accort et assentement de Raoul Fardel, bourgois de Paris, d'une part, et de Martin Marc, bourgois de Paris, d'autre part, sont alez Guillaume Hale, maçon, et Renier de Saint Lorens, charpentier, jurez de la terre des religieux de Saint Magloire de Paris en l'office de maçonnerie et de charpenterie, en deux maisons entretenans, seans en la grant rue Saint Denis, de coste l'eglise de Saint Leu et Saint Gille... (Chartes Abb. St-Magl. T.F., t.3, 1368, 373)

...si comme d'un temple la masonnerie est autre que n'est la charpenterie, et la charpenterie autre que n'est la façon du temple. (Oresme, E.A., c.1370, 505)

...certains ouvraiges de massonnerie, que le dit Closet avoit pris en tasche à faire ès tours du chastel de la dicte ville de Poitiers (Doc. Poitou G., t.5, 1385, 277)

...comme il qui parle regardoit ouvriers qui ouvroient de maçonnerie en ladite ville de Dun, dont il estoit nez, vit et apperçut un compaignon qui avoit mis sa tasse sur un coffre de l'ostel où ilz ouvroient (Reg. crim. Chât., I, 1389-1392, 500)

Savoir faisons que pardevant Oudart Bataille et Jehan le Pareur, clers notaires du roy nostre sire en son Chastellet de Paris, furent presens maistres Jehan Beranger, maçon, et Phelippe Millon, charpentier, tous jurez du roy nostre sire en la ville de Paris en l'ouvrage de maçonnerye et charpenterye (Chartes Abb. St-Magl. T.F., t.3, 1396, 698)

...comme le Roy dès l'an CCCC VIII ly eust donné l'office de maistre de la maçonnerie de Paris (Baye, II, 1411-1417, 252)

...du mestier de maconnerie, a esté fait devant la salle du tinel une noe de chinq toises et de deux piez de lé, une dalle devant la despence contenant deux toises en laquelle chiet une goutière qui vient de ladicte despence ou l'en giéte les eaues, et d'icelle part une noe par manière de cahos qui portent les eaues en la court et contiennent III toises et demie de long (Comptes Archev. Rouen J., 1412-1413, 84)

Item de Ger au Chastel de Pau IIII lieues, lequel chastel est pour le dit dez gens le plus bel du monde fait de main d'ome, car il est tournoié alentour desson pié d'un beau talu fait de bone massonerie de pierre carnelé tout alentour (Caumont, Voy. N., p.1420, 78)

...item, au long de la fontaine à la Royne, avoir relevé le pavement au long de la maçonnerie de taille où sont les auges de pierre, pour ce que les eaux se buvoient ès fondemens de ladicte fontaine (Comptes Paris V.L.D., t.1, 1442-1443, 331)

Et, à l'entrée que fist le roy en ladicte ville de Paris par ladicte porte sainct-Denis, il trouva une moult belle nef en figure d'argent, portée par hault contre la maconnerie de ladicte porte dessus le pont levis, en signifiance des armes de ladicte ville ; dedens laquelle nef estoient les trois estas. (Roye, Chron. scand., I, 1460-1483, 27)

Et, entre autres dommages, ladicte riviere vint si grande à ung village nommé Cloye, et en ung hostel ilec estant qui est à l'evesque de Meaulx, qu'elle en emporta toute la massonnerie du devant dudit hostel, où il y avoit deux belles tours nouvellement basties, dedens lesquelles y avoit de belles chambres bien natées, voiriées, garnies de litz, tapisserie et autres choses, que tout emporta ladicte riviere. (Roye, Chron. scand., I, 1460-1483, 12)

...voulons que tous marchiéz d'ouvrages, qui se feront d'ores en avant pour nostre dite ville, soit de machonnerie, carpenterie ou autres, se fassent à cry et à rabatz (Hist. dr. munic. E., t.1, 1466, 110)

...la tour de bricque est pilotée, preste à asseoir la machonnerie (Lettres Louis XI, V., t.6, 1475-1478, 104)

Grosse maçonnerie. Ensemble des travaux comprenant les fondations et les gros murs.

De la vielz porte Saint Denis ès dits anciens murs, laquelle tient de present, sa vie durant tant seullement, Katherine, femme de feu Jehan Quatres, en son vivant tailleur de pierre, pour le prix, chacun an, de 7 l. 4 s. p., parmi ce qu'elle sera tenue de soustenir et maintenir ladicte porte de toutes reparations quelconques, excepté de grosse maçonnerie et charpenterie, que la ville sera tenue faire, se mestier est (Comptes Paris V.L.D., t.1, 1424-1425, 14)

[À propos d'un ouvrage d'orfèvr.] De maçonnerie. De pierre.

...pour 1 fontaine de maçonnerie, en guise d'un chastel, à 3 sergens d'armes, senz le hanap, assis sur un entablement (Comptes argent. rois Fr. D.-A., I, 1353, 309)

...un autre dragouer à pié de maçonnerie et à couvercle (Comptes argent. rois Fr. D.-A., I, 1353, 321)

Une croix d'argent doré, dont le croison est tout plain sur le quarré, I crucefiz ou milieu, nostre dame et saint Jehan sur tourelles de maçonnerie et estans sur un pié de maçonerie à III ars boutans. (Comptes Lille L., t.2, 1420, 237)

Une autre croche d'argent, verrée, où il a ou crochon l'istoire de la Trinité, et est semée au long de petis angles nulz et de grans feulles moictié dorées, et est le pommeau fait de massonnerie (Comptes Lille L., t.2, a.1467, 26)

B. -Par analogie. Réalisation.

...brodure semée et massonnée d'or et d'argent, et par dessus semée de larmes d'argent de brodure ; et la brodure d'icelle estoit entassée d'or très richement ; et pour enrichir la massonnerie, y avoit grans violiers de romarins, vermeilz et blancz, à grans lettres de sa devise parmy ; et certes la couverture me sembla très riche. (La Marche, Mém., III, c.1470, 174-175)