MAÇON

substantif masculin

[T-L : maçon ; GDC : maçon ; AND : mason ; DECT : maçon ; FEW (XVI, 506a) : *makjo ; TLF (XI, 118a) : maçon]

Celui qui construit avec des briques ou des pierres liées avec du mortier, maçon.

S'en y avoit d'autre façon Telle que paintre ne maçon, Ouvrier de pincel, entailleur, Escrivein ne enlumineur, Ouvrier de fourme ne d'empreinte, De mole, de ouevre desteinte, Nes Pimalion li soutis, S'il y fust a tous ses outis, Ne sceüssent il les figures Ne les estranges pourtraitures, Les trés estranges contenences, Ne les desguisées sanlances Paindre, pourtraire, n'entaillier, Qui leur deüst les poins taillier. (Mach., D. Lyon, 1342, 212)

Avis m'estoit que je vëoie En mon dormant ou je songoie Deus dames de tele fasson Qu'il n'est ne peintre ne masson Qui leur biauté peüst descrire, Ne bouche qui le sceüst dire, Ne cuer qui penser le peüst, N'onques ne fu riens qui sceüst Dire en la millieme partie (Mach., F. am., c.1361, 199)

...il (...) ordonna (...) et furent mis ouvriers en eouvre : maçons, carpentiers et fosseurs, pour reparer les lieux et les ouvraiges. (Froiss., Chron. M., XIV, c.1375-1400, 172)

Adont furent ouvrier, carpentier et machon, mis en oevre pour apparillier et mettre à point les hostels en la chité de Cambrai (Froiss., Chron. R., XI, c.1375-1400, 191)

Angle drect est si comme l'angle d'un instrument a mazon appellé esquarretel (Oresme, C.M., c.1377, 382)

...il trouva un marteau de fer à deux pointes, lequel est un marteau à maçon (Reg. crim. Chât., I, 1389-1392, 37)

...il aprint au mestier de maçon, et dudit mestier s'est continuelment, puis le temps, vesqu bien et honnestement jusques ad present ès pays de Berry et de Bourgoigne (Reg. crim. Chât., II, 1389-1392, 102)

Lequel, pour avoir et gaignier sa vie, s'estoit alouez à servir les maçons, avec lesquieulx il avoit ouvré par l'espace de VIIJ jours ou environ en l'ostel dudit Jaquemin. (Reg. crim. Chât., II, 1389-1392, 156)

Et puis [Mélusine] fist venir grant foison macons et tailleurs de pierre, et fist commencier sur la ounye roche et bastir les fondemens telz et si fors que c'estoit merveilles a veoir. Et fesoient les ouvriers dessuz diz tant d'ouvrage et si soubdainement que tous ceulx qui par la passoient en estoient esbahiz. (Arras, c.1392-1393, 46)

...quant demander chaulx vouloient Li maçon, on leur portoit pierre (Chr. Piz., M.F., II, 1400-1403, 153)

...et lequel aide à maçon rapporta response desdictes lettres à ladicte femme dudit maistre Odo, qui avoit gaigné par chacun jour qu'il avoit vacqué à aler audit lieu d'Estampes et retourner à Paris II sous parisis par chacun jour. Pour lequel cas, ledit aide à maçon fut aussi condempné à mourir, et fut noyé au devantdit lieu après les autres dessus nommez. (Roye, Chron. scand., I, 1460-1483, 75)

Oudit temps, furent pris à Paris et contrains tous manouvriers de bras, comme maçons, charpentiers de la grant coignée, et autres plusieurs, de aler esdictes villes ainsi nouvellement reduictes au roy, dont on bailla la charge au regard desdiz pionniers à maistre Henry de la Cloche, procureur du roy au Chastellet de Paris (Roye, Chron. scand., I, 1460-1483, 255)

PLAISANT FOLLIE. Mais advisez quel gentillomme, Regardés bien, qui considére. JAUNE BEC. C'est du cousté de ma mere, Car mon pere fut bon masson. CUIDER (...). Y pert bien a vostre fasson ! A vous faire si belle ydole Vostre pere fist ung droit molle Pour soudre une euvre de villain ! PLAISANT FOLLIE. Ung si beau compain et si plain Tant gaillart et tant mignot n'est Sans avoir son cuer en lieu net Mis pour amoureulx entretien. CUIDER (...). Tiel gerbe n'est pas sans lyen, Ny tel coquart sans sa coquarde ! (Pipée R., c.1470-1480, 191)

Dient plus les Ebreux que par sept ans durant eut chacun jour XXXm maçons et qu'il [le temple] fut fait hors Jherusalem et puis par pieus assemblés au lieu où il devoit estre et que onques coup de martel ne de lime n'y fut oy, qui est chose moult merveilleuse. (Simon De Phares, Astrol., c.1494-1498, f° 34 r°)

...gens a pied suivans la dicte artillerie, pyonniers, maçons, mareschaulx, serruriers et autres gens de toutes pratiques duysans au fait de la dicte artillerie (La Vigne, V.N., p.1495, 278)

En apposition.

...il estant en esbatement en l'ostel mons. de Bourbon trouva d'aventure un joine compaignon maçon né du païs d'Alemaigne (Reg. crim. Chât., II, 1389-1392, 478)

...et à ce faire commis de par la Court, appellez avec eulz deux maistres maçons et deux maistres charpentiers jurez, se transporteront en ledicte Hale (Fauq., III, 1431-1435, 31)

[Dans un cont. métaph.]

Et a l'edification de cestui precieux fondement de Saint Pol, c'estassavoir a l'incarnation du benoit fil de Dieu ou ventre de ceste benoite vierge, le Saint Esperit maistre masson, ceste benoite et souveraine vierge aminstra la prumiere pierre, qui est dite pierre angulaire, qui conjont lez deux paroirs en un (Mézières, Sustance H., 1396, 72)

Remarque : MARTIN LE FRANC, Estrif D., 1447-1448, 91/15.