LUTH

substantif masculin

[T-L : lëut ; GD : leut ; GDC : luth ; FEW (XIX, 195) : 'ud ; TLF (XI, 70b) : luth]

A. -MUSIQUE Instrument de musique à plusieurs rangs de cordes montées sur une caisse arrondie en dessous, luth.

La firent mains divers acors. Car je vi la tout en un cerne Viële, rubebe, guiterne, Leü, morache, michanon, Citole et le psalterion, Harpe, tabour, trompes, naquaires, Orgues, cornes, plus de dis paires, Cornemuses, flajos, chevrettes, Douceinnes, simbales, clochettes (Mach., R. Fort., c.1341, 145)

Et de tous instrumens le roy Diray premiers, si com je croy. Orgues, vielles, micanons, Rubebes et psalterions, Leüs, moraches et guiternes Dont on joue par ces tavernes, Cymbales, citoles, naquaires, Et de flaios plus de X. paire, C'est à dire de XX. manieres (Mach., P. Alex., p.1369, 35)

...samblablement, nous le veons dez meloudies, car lez unes si enclinent a lyesse, conme est le salterion, le lut et la guitterne et samblables ; lez aultres si enclinent a hardiesse et donnent courage, conme sont trompes et naqueres et samblables (Songe verg. S., t.1, 1378, 390)

Sans faille, il y a bien d'autres instrumens aucuns esquelz les cordes sont de premiere venue toutes d'une longueur, pour ce qu'ilz sont aussy d'autre figure, si comme sont vielles et rebebes et lus et guiternes. (Evr. Conty, Harm. sphères H.P.-H., c.1400, 62)

Et se instrumens avez propices Comme sont simballes et cors, Tamburs, orghenes ou aultre acors, Timbres, tinpanes et vielles, Herpes, leuz, choses nouvelles, Buisines, clarons, instrumens Et semblables abillemens, Pour nostre sabbat decorer, Je le vous enjoing aporter (Marcadé, Myst. Pass. Arras R., a.1440, 124)

Tabourins, aussi menestriés, Joueurs de lucz et d'eschiquiers Vindrent la pour me faire feste. (Gaud. sot, c.1450, 13)

Item, a maistre Ythier Merchant, (...) Donne, mais qu'il le mecte en chant, Ce lay contenant des vers dix, Et au luz ung De profundiz Pour ses ancïennes amours (Villon, Test. R.H., 1461-1462, 85)

...et apprez le chant de l'eglise cessé, fut joué, ou pasté, d'un leu, d'un douchainne, aveuc ung autre instrument concordant, laquelle chose il faisoit bon à oyr. (Escouchy, Chron. B., t.2, a.1465, 144)

...et apprez, ou pasté, juèrrent les aveugles, de vielles, et aveuc eulx ung leu bien acordé (Escouchy, Chron. B., t.2, a.1465, 149)

Ouquel disner ot pluseurs chantres, trompettes et clarons, lucz, harpes et autres instrumens de l'hostel dudit duc, qui y juèrent durant ledit disner. (Escouchy, Chron. B., t.2, a.1465, 380)

Et apprez soupper, alèrent les dames en la chambre dudit duc de Clèves, en cotelles justes de drap d'or, d'orfaverie et de soye ; entre lesquelles y avoit deux qui moult bien juoient de lucz, et, en ce point, remenèrent ledit duc de Clèves à la danse. (Escouchy, Chron. B., t.2, a.1465, 383)

...Henry Bucquelin, joueur de leu (Comptes Lille L., t.1, 1466-1467, 496)

Lucz, tabourins... (Saint-gelais, Séj. honn. D., c.1490-1495, 316)

[Instrument des anges]

Femme je [la mère de Villon] suis povrecte et ancïenne, Qui riens ne sçay, oncques lettres ne leuz. Au moustier voy, dont suis parroissïenne, Paradiz paint, ou sont harpes et leuz, Et ung enffer, ou dampnez sont bouluz ; L'un me fait paour, l'autre joye et lïesse. (Villon, Test. R.H., 1461-1462, 80)

B. -[P. anal. de forme] Petite embarcation de forme arrondie, barque.

Et lui meismes [le capitaine] fist armer ung lehut et vault venir veoir son bon ami que tant amoit ; mais avant fist venir tous les plus grans hommes de la cité a l'escripvain de la nave (La Sale, Salade, c.1442-1444, 157)

...et les avoir [les navires] estoffé et garny de voilles et tentes de kannevais, de rymes, mast, sprietz, scalmes, relinghos, tailles, bleus, rec, poulyes, plançons, daucies de pavais, lautes, hune, cordial et pour les matieres et estoffes de bois, claux, ferraille, peghe, tere, estoupas, roet et autres menues choses servans a faire lesdis recalfatement et ouvraiges dessus dis (...) la somme de... (Comptes argentier Ch. le Téméraire H.B., t.4, 1471-1475, 105)

...à Jehan Yvain, contremaistre de la nef de monseigneur, baillé III f. I g. VI p. par le commandement de monseigneur, tant pour cordes, fil, aguilles, que cire, qu'il achapta en Arles, ou moys de janvier derrenier passé, pour la voille du lutz de monseigneur (Comptes roi René A., t.3, 1479, 50)

À Jehan Sallon, baillé VII f., par le commandement de monseigneur, pour les despens de lui et des gens de marine, qui amenèrent de l'Isle à Tharascon, le leut de mondit seigneur (Comptes roi René A., t.3, 1479, 54)