LIQUEUR

substantif féminin

[T-L : licor ; GDC : liqueur ; AND : liquur ; FEW (V, 371b) : liquor ; TLF (X, 1256b) : liqueur]

A. -Substance liquide.

La est trouvee miex et en greigneur habondance une liqueur qui est apelee 'magne' qu'en aucune autre terre qui aujourd'ui soit el monde (Vignay, Merv. Terre Outr. T., c.1331-1333, 8)

Il ist d'iver, s'entre en esté, De povreté entre en richesse Et de flesve hostel en fortresse, De tenebres vient a clarté, Et de paour en seürté, D'amertume en douce liqueur, De fragilité en vigueur ; De la mer vient en seche terre ; Il vient en pais, s'ist hors de guerre. (Mach., D. Aler., a.1349, 298)

Ceaux diaux barelles s'estoient et sont les tresbeles et doucez mamelettes q'estoient pleyns d'un si preciouse et noble licour come d'un douz leet de virge, qe unqes ne feust veu ne jammes apres ne serra (Henri Lanc., Seyntz medicines A., 1354, 133)

De celle tailleure [d'un arbre] yst une mennere de liqueur comme cole. Celle liquer... (Jean Le Long, Voy. Odoric A.M., 1351, 30)

...likeur, comme de vin, de mize, de cervoize, de vinaigre, et de semblantez chouzes (Hemricourt, Patron Temp. B., c.1360-1399, 119)

De mon vrai cuer jamais ne partira L'impression de vo douce figure ; Quar vostre ymage emprainte si l'i ha, Qu'il n'est cysel ne liqueur ne rasture, N'au monde n'a si subtil creature Qui l'en peüst effacier në oster, Ne qu'on porroit tarir la haute mer. (Mach., Voir, 1364, 192)

Biaus doulz sire, Je vous pri que vous veuilliés dire A Toute Belle, en qui commant Sui tous, qu'a li me recommant Autant de fois com ceulz qui sont, Qui ont esté et qui seront (...) ; Et comme il est goutes de sang, D'oile, de vin et de lait blanc Et de trestoute autre liqueur (Mach., Voir, 1364, 774)

Ce l'espleure Et deveure Si fort qu'en li ne demeure Vigour, sanc n'autre liquour. (Mach., Les lays, 1377, 353)

D'une pierre sans liquour. Moyses faisoit Yaue issir qui decouroit, Dont un peuple soustenoit ; Sa verge en serpent muoit ; Ce scevent plusour. (Mach., Les lays, 1377, 401)

Item, de toute eaue ou de semblable liquer reposante, la superfice de desus est porcion de figure sperique dont le centre est le centre du monde, si comme il appert ou Traitié de l'Espere et en pluseurs lieus. Et par ce, il appert que se un vaiseau plat comme seroit un hanap estoit ou centre, il soustendroit plus d'eaue que se il estoit plus haut et seroit comblé. (Oresme, C.M., c.1377, 572)

...se aucun songe occupacions de feu, c'est signe que matiere colerique si seignourist en luy ; se de occupacions d'aër, come de voler ou de samblable, c'est signe que sanc seignourist en luy ; se d'occupacions d'yaue ou d'aultre liqueur, c'est signe de fleumatique ; si d'occupacions de terre, c'est signe de melencolique. (Songe verg. S., t.1, 1378, 382)

...ou lieu de laquelle les tables de ladicte nef estoient joinctes l'une a l'autre d'une liqueur gracieuse rendant tres bonne odeur, qui estoit faicte par la confiture des appoticayres d'une gracieuse florecte qui est appellee consoulde royalle, et par les dames est appellee marguerite, et par telle maniere que la dessusdicte liqueur de ladicte fleur retenoit sa couleur. (Mézières, Songe vieil pèl. C., t.1, c.1386-1389, 540-541)

Lesdictes cuisses ainsi lavees et essuictes soient en farine toullees ( id est enfarinees) et puis frictes en huile, sain ou autre liqueur (Ménagier Paris B.F., c.1392-1394, 253)

Liqueur peut estre nommée toute chose clère et simple. (La Haye, P. peste, 1426, 209)

Le tiers sont liqueurs serbiles faiz de broués de chairs, et par especial de brouet de poussins et de chapons, car telz broués sont a nature fort convenables (Rég. santé corps C., 1480, 30)

Remarque : FOUL., Policrat. B., III, 1372, 210...

[À propos du saint chrême pour le baptême]

Dieu (...) Vous aime (...) Quant il veult que soiez enoint De si precieuse liqueur (Mir. Clov., c.1381, 274)

[À propos des larmes]

Mais quant une dame de pris Voit l'amant qui est entrepris, Qui n'use pas de faus samblant, Eins a membres et cuer tramblant, De paour desteint et nerci, Quant il li vuet rouver merci, Et qu'elle le voit si estreint Qu'Amours de li par force espreint La liqueur qui des yeus degoute Parmi sa face goute a goute, Et qu'il li couvient recoper Ses paroles et sincoper Par souspirs puisiez en parfont Qui mut et taisant le parfont (Mach., R. Fort., c.1341, 63)

Mais en ce disant la liqueur Qui estoit par dedens mon cuer Me degouta par mi les yeus Dessus ma face en pluiseurs lieus (Mach., Voir, 1364, 212)

[À propos du sang]

Quant vrais amans aimme amoureusement, De si vray cuer qu'il ne saroit meffaire, Et sa dame a tel cuer que nullement N'en puet mercy, douceur ne grace attraire, Cuer ne porroit avoir si debonnaire Que la liqueur dou sien à l'ueil ne queure, Triste, dolent, qui larmes de sanc pleure. (Mach., Bal., 1377, 558)

Qu'est ce que j'oy ? - Ce suis je. - Qui ? - Ton cueur, Qui ne tient mais qu'a ung petit filet. Force n'ay plus, substance ne liqueur, Quant je te voy retrait ainsi seulet, Com povre chien tapi en reculet. (Villon, Poèmes variés R.H., c.1456-1463, 70)

[À propos de la salive]

...sa salive et liqueur de sa langue (Wauquelin, Belle Hélène Const. C., c.1448-1452, 132)

[Dans un cont. métaph.]

Franchise est tout entour Et autres biens plusour, Qui gardent le contour Qu'il n'i veingne laidour, Ordure ne puour, Espine ne liquour, Ne racine ne humour, Qui le mette en errour De penser villain tour Contre mon droit signour à qui toudis retour. (Mach., Vez ci, 1364, 274)

...les .ii. testamens regardans l'un l'autre (...) ce sont les .ii. liqueurs par quoy l'en est lavé de pechié (Jean Golein, Rational B.D., c.1370-1372, 261)

Qu'est ce d'amours synon toute doulceur et bonté ! Il n'est espisse, liqueur ne riens plus souefve que toy ! (Comte Artois S., c.1453-1467, 113)

B. -En particulier.

1.Liquide à usage pharmaceutique ; baume.

Et celle save si est fait des herbes, et si est tresbone chose a bien garrir et tost, et si ne prent homme qe poi a un foize a la mountance de un greyn, et le mette homme en ascun licour et le boit homme (Henri Lanc., Seyntz medicines A., 1354, 134)

Et aucuns font distiller clous de giroffle et spiquenard et autres espices bien odorans, et la liqueur qui en ist il appellent balme. (Mandeville, Voy. L., p.1360, 255)

Carpobalsamum (...) : fruit, semence ou liqueux [lecture licqueur ds GDC X, 86b] de baume (Aalma R., c.1380, 50)

...Comme foraines lotions, Nommées fomentacions, Lesqueles doivent estre faites De simples liqueurs et extraites De bourroches ou de bugloxes, Qui croissent en plains ou en fosses, Ou de roses ou de l'oseille, Ou d'autre franche herbe et pareille Et qui vouldra ce pratiquier Doit forment mettre et appliquier Icelles liqueurs ou iteles Sur le cuer et sur les mamèles (La Haye, P. peste, 1426, 120-121)

...et leurs oyngnemens estoient composez de mirre et de aloez, de barsame et plusieurs aultres souverainnes licours odoriferans (Crap., Cur Deus, De arrha B.H., c.1450-1460, 280)

Remarque : Hist. prem. destruct. Troie R., c.1470-1480, gloss.

2.Boisson (en partic. sucrée, aromatisée).

Item, qui feroit une mixcion de .ii. ou de pluseurs liqueurs, si comme de vin et de cerise et sydre, ces liqueurs seroient les premiers elemens de chose mixte par voie de resolucion, et feu et aer et eaue et terre seroient les secons, et matiere premiere et forme seroient le tiers. (Oresme, C.M., c.1377, 616)

Adonc present vint la chamberiere de la ditte dame qui buretes tenoit pleines dune liqueur doulce et tres souefve de laquelle a abruver doulcement me prist par quel vertu et continuacion mon corps de plus en plus prenoit croissence force et vigueur. (Chr. Piz., Avision T., 1405, 75)

Le don presenté afin de tirer à mal est si que le venin enveloppé en liqueur doulce. (Chr. Piz., Paix W., 1412-1413, 150)

Ha, mon enfant, Quel restaurant - me font voz joes affeblies ! Elles sont toutes reffroidies, Fort onnyes, Car remplies - on les a d'onteuse liqueur. (Pass. Auv., 1477, 255)

LUCIFFER. Si grant erreur me vient a contre cueur, Que teste et corps me creve de despit ! Pour tant, je quiers de confort la liqueur Ou aultrement je suis mort sans respit ; Car, depuis lors que moyne s'increpit Ce ribauldeau Martin, filz de putain, Je suis venu vielz, chanu, decrepit Et de tristesse j'ay tout le ventre plain. (La Vigne, S.M., 1496, 369)

Remarque : GRÉBAN, Pass. J., c.1450, gloss. ; Hist. prem. destruct. Troie R., c.1470-1480, gloss.

3.Par métonymie. Teneur en alcool, en sucre, douceur du vin.

...vin de grant liqueur (Desch., Oeuvres R., t.7, c.1370-1407, 331)

C. -Au figuré. (La) liqueur (de). La douceur, le meilleur (de).

...mais lui rent vie force et vigueur par le doulz oinguement et liqueur de ton reconfort (Chr. Piz., Avision T., 1405, 190)

MATHATIEL. Servons de cueur le createur, Aymons l'ung l'autre sans debatz Et nous aurons de la liqueur Des merites sainct Nicolas. (Mir. st Nic. juif, c.1480-1500, 159)

Pour tant, je quiers de confort la liqueur Ou aultrement je suis mort sans respit (La Vigne, S.M., 1496, 369)

Mon secours a vous seul s'amort, Dont vous en aurez la liqueur, Car vostre dueil a contre cueur Me vient, congneu vostre tristesse, Dont d'icelluy aurez quelque eur Au jour d'uy, par priere expresse (La Vigne, S.M., 1496, 411)

Remarque : Masc. : MÉZIÈRES, Epistre lamentable C.P., 1397, 158 (...abruvé d'un precieux liqueur...).