LIGE

adjectif

[T-L : lige ; GD : lige1 ; AND : lige1 ; DECT : lige ; FEW (XVI, 463) : *let- ; TLF (X, 1210b) : lige]

A. -DROIT FÉODAL

1.[À propos du vassal] Qui est tenu à une fidélité absolue envers son suzerain.

a)Homme lige

Et cil troy tuer le devoient [le roi Pierre] , Qui ses liges hommes estoient. Devant son lit sont arresté De mal faire tuit apresté. (Mach., P. Alex., p.1369, 268)

Einsi [le roi assassiné] fu mors comme uns pourceaus, Et com fot enterrez par ceaus Qui estoient si home lige. Je croy que de Londres en Frige, Passé à mil ans, ne fu fais Ne pensés si très mauvais fais. (Mach., P. Alex., p.1369, 273)

...il li fu dit que li rois estoit consilliés a ce que il le receveroit conme son honme liege as mains et a la bouce, et il li jurroit a estre son honme liege a tousjours mais, et a tenir la ducee de Bretagne dou roi presens et des rois d'Engleterre qui apriés li descenderoient. (Froiss., Chron. D., p.1400, 481)

Li rois d'Engleterre, dux de Giane, tenra ses mains entre les mains dou roi de France. Et chils qui adrecera les paroles au roi d'Engleterre, dira ensi : 'Vous devenés honme lige au roi de France, mon signeur qui chi est, conme dus de Giane et pers de Franche, et li pronmettés foi et loiauté porter...' (Froiss., Chron. D., p.1400, 194)

...et pluseurs autres crimes et malefices fais contre le Roy nostre Sire et sa souverainneté, dont est ledit duc vassal et homme lige (Baye, I, 1400-1410, 321)

...que tous les nobles hommes de son royaume tailléz à porter armes, et ses fealx hommes liges, fussent tousjours et en tous temps tres bien garnis de hernois (Chr. Piz., Paix W., 1412-1413, 134)

Et ce est la difference qui est entre homme lige et non lige : car l'omme lige principallement astraint sa personne ; mais l'omme non lige ne oblige ne abstraint sa personne, si non par raison de fié (Cout. instit. Anjou Maine B.-B., t.2, 1437, 525)

Après ledit serment fait, le chancelier de France luy dit qu'il devoit et estoit homme-lige du roy, à cause de sondit duchié. (Chart. J., Chron. Ch. VII, V., t.2, c.1437-1464, 248)

Les faiz secrez de lui ne revelerez sans son congié : contre touz qui povent vivre et mourir, fors contre le Roy et vostre prince naturel le servirez ; d'autre que de lui des choses declairées ne vous advouerez ; et en touz termes envers lui vous gouvernerez tout ainsi que homme de foy lige doit faire envers son seigneur, et sur les peines qui y appartiennent (Cout. instit. Anjou Maine B.-B., t.4, 1464, 178)

Remarque : Percef. I, R., c.1450 [c.1340], gloss. ; Jourd. Blaye alex. M., a.1455, gloss. (liege)...

Vassal lige

Et après, sans intervalle, ce duc fit au roy ung autre hommage pour son conté de Montfort ; pour lequel il confessa estre son homme et vassal-lige. (Chart. J., Chron. Ch. VII, V., t.2, c.1437-1464, 248-249)

Ville lige

...ilz vindrent à Utrech, laquelle ville, sans moyen, est toute liege à l'evesque d'Utrech (Froiss., Chron. M., XIV, c.1375-1400, 74)

Se rendre lige à qqn

Par enssi les tenoit li rois en ferme estat et en seure pais, mais il se rendoient purement et liegement à tousjours mais liege au roi de France et dou demaine. (Froiss., Chron. R., XI, c.1375-1400, 64)

b)Seigneur lige. Seigneur envers qui le vassal est tenu à une fidélité absolue.

'Li dis rois d'Engleterre, ses hoirs et ses successeurs, aront et tendront perpetuelment et paisieulement tous les pays avant nommés (...) en toute francise et liberté perpetuèle, comme signeur souverain et lige et voisin au roy de France.' (Froiss., Chron. L., VI, c.1375-1400, 41)

...le duc de Jullers (...) le recognissoit à souverain et liege seigneur. (Froiss., Chron. M., XIV, c.1375-1400, 169)

...il requist au roi conme a son signeur liege que, se li rois Phelippes (...) ou aultres voloient entrer a poissance en Bretagne et calengier l'iretage ou nom de mesire Carle de Blois (...) que il fust aidiés et secourus (Froiss., Chron. D., p.1400, 481)

Quant aucun est excepté à hommage lige si comme aucun dit : 'Je te foiz hommaige excepté la feaulté que je doy à mon seigneur lige...' (Cout. instit. Anjou Maine B.-B., t.2, 1437, 524)

Remarque : Percef. I, R., c.1450 [c.1340], gloss.

c)Emploi substantival. Vassal ou sujet.

...Ensement les gens dou païs Ma dame, liges et naÿs Feïrent pourtraire une ymage Grant de taillë et de corsage, De maniere et de contenance Toute pareille a sa samblance (Mach., Voir, 1364, 444)

'Vous avés juré et nous pour vous, à tenir en droit vos hommes et vos liéges, et ossi li contes de Flandres est vos cousins.' (Froiss., Chron. R., X, c.1375-1400, 254)

L'ESCUMEUR DE LATIN. Cavons de ramonner dispars Et immictés bien mes vestiges Et nous involviron noz liges Pour les dissiper subit. (Copp. lard., a.1488, 174)

2.[P. méton., des devoirs dus par le vassal] Qui est dû par l'homme lige.

Le jour precedent, l'abbé de Marseille fist hommage lige de sa temporalité. (Le Fèvre, Journ. M., c.1380-1390, 158)

Huet Louvel, escuier, signeur de Vallencey, tenant du roy notre seigneur par foy et hommage liege le dit fief de Vallencey par un fieuf entier de haubert avecquez toutes ses appartenances et appendencez, et à cause d'icelluy fief, a et doit avoir par chacun an un fou en la forest de Gavray à Noël par la livree du verdier d'icelle forest. (Hector De Chartres, Cout. R.B., 1398-1402, 103)

Savoir faisons, conme nous feissons a Amiens honmage a excellent prinche nostre chier signeur et cousin Phelippe roi de France, lors nous fu dit et requis de par lui que nous reconnissions le dit honmage estre lige, et que nous, en faisant le dit honmage, li pronmissions expresseement foi et loiauté porter, la quelle cose nous ne fesimes pas lors, pour ce que nous estions enfourmés que point ne se devoit ensi faire. (Froiss., Chron. D., p.1400, 193)

...li rois de France recevra le dit roi d'Engleterre et duc de Giane au dit honmage lige, a la foi et a la bouce (Froiss., Chron. D., p.1400, 194)

Ad ce que l'en saiche les natures des hommaiges, il est assavoir qu'il est double hommaige, c'est assavoir ung qui est lige aussi comme pour tout ; car l'omme lige encontre touz porte ou garde loyaulté à son seigneur. Et ainsi l'ommaige lige nul n'est excepté quant à la parolle (Cout. instit. Anjou Maine B.-B., t.2, 1437, 524)

...en ce que touche l'obbéissance lige du Boy Geffroy (Cartul. Laval B., t.3, 1452, 145)

Les subgez qui doivent lige estaige ou chastel leur seigneur ou ailleurs les doivent faire dedens huit jours après la semonce s'il y a besoing eminent et peril apparant de guerre (Cout. instit. Anjou Maine B.-B., t.4, 1464, 179)

[D'un héritage]

'Et si veons et oons recorder tous les jours que messires Jehans de Montfort prent et conquiert cités, villes et chastiaus, et les attribue dou tout à lui, ensi comme son lige hiretage.' (Froiss., Chron. L., VI, c.1375-1400, 178)

B. -Par analogie. [D'une pers.] Qui est inconditionnellement dévoué à qqn.

[À propos d'un moine et de l'obéissance qu'il doit à son abbé]

...dès ores mais prieray Dieu pour vous, et a ce m'oblige Con celui qui vostre sui lige (Mir. Theod., 1357, 116)

[À propos de la fidélité à la Vierge]

...Pour aler dire le service De la pure vierge sanz vice A qui liges sers suis d'onmage. (Mir. parr., 1356, 51)

[Dans le lang. de l'amour]

Et pour ce que je suis es mains De loyal Amour que j'aim si, Li fais hommage et di einsi : 'Bonne Amour, je te fais hommage De mains, de bouche, de corage, Com tes liges sers redevables, Fins, loiaus, secrez et estables...' (Mach., R. Fort., c.1341, 157)

Autrement ne vuet disposer Son cuer qu'en vie dolereuse, Tant est de son male grieteuse. Tout autel d'une dame di ge Qui est rendue a Amours lige : Quant elle a son amy perdu Par mort, le cuer si esperdu A, que jamais n'avera joie, Eins quiert lieu, temps, et gens, et voie, Ou il ait tout adès tristesse (Mach., J. R. Nav., 1349, 194)

Si me plaist moult toute ma vie user En ce tres dous penser qui nuit et jour Me fait Amours et ma dame honnourer De cuer, de corps, de desir, de vigour ; Car vrais desirs, pleins d'amoureuse ardour, Com liges sers à ma dame au corps gent, M'i fait penser adès desiramment. (Mach., L. dames, 1377, 54)

Quant ma dame ne m'a recongneü, Je doy moult bien scens perdre et congnoissance. Avoir me doit joie descongneü, Quant ma dame ne m'a recogneü. Car com son serf lige adès congneü M'a ; or me muir pour sa descongnoissance. Quant ma dame ne m'a recogneü, Je doy moult bien scens perdre et congnoissance. (Mach., L. dames, 1377, 141)

Il se dit mon vray servant lige Et je suy sienne (Chart., L. Dames, 1416, 237)

Emploi substantival.

Et mon tres doulx amy et ma seulle amour, je vous supply que le me pardonnez de bon cueur. - Ma dame, se dist Charles, plaise vous a ne me dire telles parolles, que moy qui suis voustre lige, aprés Dieu, vous me povez corroucer ou donner joye plus que creature du monde. (Charles de Hongrie C., c.1495-1498, 159)

C. -Par extension. [À partir de l'idée de ce qui est sans partage]

1.Libre, exempt de redevance, d'obligation.

Remarque : Doc.1368 ds GD IV, 780b. FROISS., Chron. L., II, c.1375-1400, 149 (FROISS., Chron. [Amiens] D., t.2, c.1375-1400, 213) ; WAUQUELIN, Faits conq. Alexandre Hé., a.1440, gloss.

2.Au figuré. Entier, libre, sans partage.

...lidis Johan Huweneauz puet et porat vendre ou enwaigier, doneir, almoneir et faire sa lige volenteit. (Hemricourt, Pièces div. B.P., 1386, 87)

Remarque : Myst. process. Lille K., t.2, a.1485, 27/218.

[D'une pers.]

Donc prist el l'evesque de Nole : Sire, dist el, vez ci un homme Que j'ay amené devers Romme, Sage et proz, je le vous oblige, Mais que mon filz me rendez lige (Tomb. Chartr. Trois contes S., c.1337-1339, 112)